Thursday, June 20, 2013

ဆရာဝင်းဖေ ၏ ရေကြည်ရေသန့် ဝတ္ထုတိုများ အပိုင်း (၁)

တပည့်အိမ်

"ဒီမှာ သေချာမှတ်ထား၊ ဘယ်နေ့ဘယ်ရက်
စာသင်ရမယ်ဆိုတာ ကျုပ်ပြောမှာ။ ကျုပ်ဆုံးဖြတ်မယ်။
နားလည်လား" " ကျုပ်ကဆရာလုပ်ရမှာဆို" ------

" ဒါ ခြံနံပါတ်(၅) ဟုတ်ပါတယ်နော် "
" ဟုတ်ပါတယ် "
" ဒီခြံက ဟောဒီကြော်ငြာကလေး ... "
" အာ ဟုတ်ပါတယ် ... ဟုတ်ပါတယ်။ အဲဒါလာလျှောက်တာဆိုရင် အထဲလာပါ"
ပြောပြောဆိုဆိုန့ အထဲကို ပြန်ဝင်သွားလို့ သူ့နောက်ကို လိုက်ခဲ့ရတယ်။
ဝင်ဝင်ချင်းအခန်း ဧည့်ခန်းကိုဖြတ်ပြီး နောက်ထပ်အခန်းသုံးခန်းကို ဖြတ်သွားရသေးတယ်။ မှောင်လိုက် လင်းလိုက်၊ ကျဉ်းလိုက် ကျယ်လိုက်ဖြစ်ပြီးမှ အခန်းတစ်ခန်းထဲရောက်တယ်။ အခန်းဝန်းကျင်ကို ခပ်မြန်မြန်ပဲ ဝေ့ကြည့်လိုက်တယ်။

    သိပ်မကျဉ်းသိပ်မကျယ် ...
    ဧည့်ခန်းလည်းမဟုတ် ...
    ရုံးခန်းလည်းမဟုတ် ...
    စာကြည့်ခန်း၊ ထမင်းစားခန်းလည်း မဟုတ် ...။
    အိပ်ခန်း၊ ပစ္စည်းထားခန်း အဲဒါမျိုးတွေလည်းမဟုတ် ...။
    စားပွဲရှိတယ်။ ထိုင်ခုံသုံးခုံ ရှိတယ်။
    ခပ်နိမ့်နိမ့် ထွန်းထားတဲ့ မီးစလောင်းတစ်ခု စားပွဲဝန်းကျင်ကို ခပ်အုပ်အုပ်လင်းနေတယ်။
    ကျွန်တော်တို့နှစ်ယောက်စလုံး ထိုင်လိုက်ကြတယ်။
    သူက ကျုပ်ကို ထိုင်ပါလို့ မပြောပါ။ သူလည်း မထိုင်ပါ။ ကျုပ်ဟာကျုပ် ထိုင်ပစ်လိုက်တယ်။
    သူက ဘာမှ စမပြောပါ။

    ခဏပဲစောင့်ပြီး ကျုပ်ကပဲ စပြောလိုက်တယ်။
    အလုပ်ခေါ်တဲ့ကြော်ငြာကိုပြရင်း -
    "ဒီကိစ္စအတွက်ပါပဲ"
    "ဟုတ်ကဲ့"
    "ဒီထဲမှာ ဘယ်လိုအလုပ်ဆိုတာမပါဘဲ ဆရာတစ်ယောက် လိုချင်တယ်၊ လခကောင်းကောင်း ပေးမယ် ပဲပါတယ်။ အဲဒါ ... "
    " ခင်ဗျား ကောင်းကောင်းမရှင်းဘူးပေါ့ "
    "ဟုတ်ပါတယ်"
    "ဒါဖြင့် ဘာလို့လာတွေ့တာလဲ"
    "မရှင်းပေမယ့် အလုပ်တော့ လိုချင်တယ်လေ"
    "ဘာပြုလို့လဲ"

    "အလုပ်မရှိဘူးလေ။ အလုပ်မရှိလို့ပေါ့"
    "လခရော ကျေနပ်ရဲ့လား"
    "ဒီထဲမှာ စစချင်းတစ်လ ၁၂၀၀ိ/- ပေးမယ်လို့ ပါပါတယ်။ အဲဒါကိုတော့ ကျေနပ်ပါတယ်"
    "ခင်ဗျားကို အိမ်သားဆေးလိုင်းရင်လည်း အဲဒီလခနဲ့ လုပ်မှာပဲလား "
    "ဟာ ... အဲလိုတော့ ဘယ်လုပ်နိုင်မလဲ။ ဒါကြောင့် ဘာအလုပ်လဲလို့ သိချင်နေတာပေါ့"
    "ဆရာအလုပ်လေ"
    "ဟုတ်ပြီဗျာ ... ဘာဆရာလဲ။ ဘယ်သူ့ကို သင်ပြပေးရမှာလဲ။ အဲဒါလေး"
    "ခင်ဗျား သင်ပြပေးရမှာကတော့ ကျုပ်ပဲဗျ။ ကျုပ်နာမည် ရန်နိုင်ပါ"

    ကျုပ်တို့နှစ်ယောက် ခပ်တည်တည်နဲ့ လက်ဆွဲနှုတ်ဆက်လိုက်ကြတယ်။
    " ဟုတ်ပြီဗျာ၊ ခင်ဗျားက ဘာသင်ချင်တာလဲ။ ခင်ဗျားကို ဘာသင်ပေးရမှာလဲ"
    "ကျုပ်က အကုန်သင်ချင်တယ်"
    "ဗျာ"
    "ခင်ဗျား တော်တော်ကြောင်သွားမယ်ထင်တယ်။ ဘာတွေပဲဖြစ်ဖြစ် ကျုပ် သင်ချင်တယ်။ အိပ်နည်း၊ စားနည်း၊ လမ်းလျှောက်နည်း၊ စကားပြောနည်း၊ အိမ်ထောင်ပြုနည်း၊ ဘာဘာညာညာပေါ့ဗျာ။ အဲဒီထဲမှာ ဂီတတွေ၊ ပန်းချီ၊ ပန်းပု ဘာညာဆက်ဆံရေးတွေဘာတွေ အဲဒါတွေလည်း ပါမှာပေါ့"
    "ခင်ဗျား အဲဒါတွေ အရင်က မတတ်ဘူးလား"
    "အင်း ... ခု ကျုပ် အသက် (၅၀)နီးပါးဖြစ်နေပြီ။ ဒီလိုပဲ နေလာခဲ့တာ။ သေသေချာချာ စဉ်းစားကြည့်မှ ကျုပ် ဘာမှ ကောင်းကောင်းမတတ်ဘူးဖြစ်နေတယ်"
    "ခင်ဗျား ကို ဘယ်သူကပြောလို့လဲ"
    ဟင့်အင်း၊ ကျုပ်ဟာကျုပ်ကို သိလာတာပါ။ တကယ်တမ်းကျတော့ ကျုပ်က တော်တော် ချာတာပဲ"

    "ကျုပ်လည်း အဲဒါတွေကို တတ်သလား၊ မတတ်ဘူးလား ကျုပ်ကိုယ်ကျုပ် မသေချာဘူး။ ခင်ဗျား ပြောတာ ဘယ်လိုလဲ ဆိုတာကိုလည်း ကျုပ် သိပ်သဘောမပေါက်ဘူး။ ဥပမာ ခု ခင်ဗျားစကားပြောနေတာ ဟုတ်နေသားပဲ"
    "ဟုတ်ရဲ့လားဗျာ"
    "ဟုတ်ပါတယ်၊ ကျုပ် နားလည်နေသားပဲ"
    "ဒါပေမယ့် ခင်ဗျား စောစောလေးကတင်ပဲ ကသိကအောက် တော်တော် ဖြစ်နေတယ်မဟုတ်လား"
    " သြော် ... ဟုတ်ပြီ၊ ဟုတ်တယ်၊ ခင်ဗျား ကြော်ငြာကို ဖတ်ကတည်းက ကိသကိအောက်ဖြစ်နေတာပဲ။ ဟုတ်တယ်၊ ခြံဝရောက်တော့လည်းဖြစ်တာပဲ။ ခင်ဗျားနဲ့ တွေ့တော့လည်း ဖြစ်တာပဲ။ ခင်ဗျားနဲ့ စကားပြော ရတာရော အိမ်ထဲဝင်ရလာရတာရော ခုလိုထိုင်ပြီး ပြောရတာရော အကုန် ကသိကအောက်တွေချည်းပဲ။ ဟုတ်တယ် ... ဟုတ်တယ်"
    "အဲဒီလိုမဖြစ်အောင် ခင်ဗျား ကျုပ်ကို သင်မပေးနိုင်ဘးလား"
    "အင်း ... အကုန်တော့ မပြောတတ်ဘူး။ ကျုပ်ထင်တယ်။ ခင်ဗျားထက်တော့ ကျုပ်က ပိုသိလိမ့်မယ် ထင် တယ်"

    "ဖြစ်နိုင်ပါတယ်၊ ကျုပ်နဲ့ဆက်ဆံရင်း ကျုပ်ဟာ ဘယ်လိုနေရာတွေမှာ တစ်ဖက်သား ကို ကသိ ကအောက်ဖြစ်အောင် လုပ်တတ်တယ်ဆိုတာ ခင်ဗျား သိလာမှာပဲ။ သိလာရင် ခင်ဗျားကိုယ်တိုင် ကသိ ကအောက် ဖြစ်နေခံစားနေရတဲ့အတွက် ခင်ဗျား အဲလိုမဖြစ်သင့်ကြောင်း ကျုပ်ထက်ပိုပြီး သဘောပေါက် နားလည် မယ်။ အဲဒီအခါမှာ ခင်ဗျား ကျုပ်ကို သင်လို့ရမယ်။ ဟုတ်တယ် မဟုတ်လား"
    "ဒါပေမယ့် ကျုပ် အဟုတ်ဆရာလုပ်ချင်တာက ဓာတုဗေဒဗျ"
    "ဘယ်အဆင့်ထိသင်ဖူးလဲ"
    "များများစားစားတော့ မဟုတ်ပါဘူး။ သိပ္ပံဘွဲ့ရရုံလောက်ပါပဲ။ နောက်ဘာသာတွေကတော့ ပါတာပေါ့ဗျ။ ရူပဗေဒတို့၊ သင်္ချာအခြေခံတို့၊ အင်္ဂလိပ်စာ နည်းနည်းပါးပါးတို့၊ မြန်မာစာနည်းနည်းပါးပါးတို့"
    "ရတယ် ... ရတယ်။ ဒါလောက်ဆို အများကြီး အိုကေပါတယ်။ ခင်ဗျားမှာ ဆွေမျိုးသားချင်း ဘယ် လောက်လောက်ရှိလဲ။ တစ်ဝမ်းကွဲ နှစ်ဝမ်းကွဲလောက်ထိ ထည့်တွက်ပေါ့ဗျာ"
    "အင်း ... နေဦး၊ ဆိုတော့ အင်း ... လေးငါးခြောက်ဆယ်တော့ ရှိမှာပေါ့"

    "ကောင်းတယ်ဗျာ၊ ဆွေမျိုးအင်အား လည်းမသေးပါဘူး။ ဒါဆို မိတ်ဆွေအပေါင်းအသင်းရော ဘယ် လောက်လောက် ရှိမယ် ထင်သလဲ။ အကြမ်းဖျင်းပေါ့ဗျာ ... ခန့်မှန်းခြေလောက်ပေါ့"
    " အင်း ... အရင်းအနှီးဆုံး ညီလိုအစ်ကိုလိုပေါင်းတာထဲက သိပ်မရှိဘူး ဗျ။ လေးငါး ဆယ်ယောက် လောက်ပေါ့။ နောက် ၀မ်းကွဲညီအစ်ကို မောင်နှမလောက်ထိ ဆက်ဆံရေးရှိတာက သုံးလေး ဆယ်ပေါ့ဗျာ။ ကျန်တဲ့အသိတွေကတော့ တော်တော်များပါတယ်။ ဘာပြုလို့လဲဆိုတော့ ကျွန်တော် က ပျော်ပျော်နေတတ် တယ်ဗျ။ အနုပညာတွေဘာတွေလည် တ်ေတော်လိုက်စားတယ်။ အဲဒီတော့ လူသိများ တယ်"
    "ကောင်းတယ်ဗျာ၊ ကျုပ်ကလည်း အဲဒီ အနုပညာဆိုတာ တွေလည်း သင်ချင်ပါတယ်"
    "ဟုတ်ပြီ၊ ကျုပ်က ဘယ်တော့ စသင်ရမှာလဲ"
    အဲဒီအချိန်မှာ သူ တစ်စုံတစ်ခုကို နားစွင့်ပါတယ်။
    ကျုပ်လည်း နားစွင့်ပါတယ်။ ဘာမှမကြားရပါ။ ဒါပေမယ့် သူကတော့ နေရာကထပြီး ထွက်သွား ပါတယ်။

    ကျုပ် ကို ခဏစောင့်ပါ၊ ဘယ်သူလာနေလို့၊ ဘာဖြစ်နေလို့ဘာညာ စသဖြင့် ပြောမသွားပါ။ ဒီအတိုင်းပဲ ထထွက် သွားတာဖြစ်ပါတယ်။ ခဏနော်ဆိုတဲ့သဘော လက်ဟန်ခြေဟန်နဲ့တောင် ပြောမသွားပါ။ တစ်ခုတည်း ရှိတဲ့တံခါးကိုဖွင့်ပြီး ထွက်သွားတာလည်း တော်တော်ကြမ်းတယ်။ ပြန်ပိတ်တော့ လည်း အသံအတော်မြည်သွားတယ်။ တံခါးအပိတ်လိုက်မှာ ကျုပ်လန့်ပြီး တုန်သွားသေးတယ်။ ပတ်ဝန်းကျင် အခန်းတွင်း မှာ ဘာပစ္စည်းမှ သိပ်မရှိလို့ အပျင်းပြေကြည့်စရာ သိပ်မရှိဘူး။
    ကျုပ် နာရီကိုကြည့်လိုက်၊ အ၀တ်အစား မသေမသပ်ဖြစ်တာကို ပြင်လိုက်၊ မသက်မသာဖြစ်နေတဲ့ ကိုယ်နေ ကိုယ်ထားကို ပြင်လိုက်နဲ့ မိနစ်နှယ်ဆယ်လောက် ကုန်သွားတယ်။ အဲဒီ အတောအတွင်းမှာ ကျုပ် နှစ်ခါ သုံးခါလောက် ထပီး မတ်တတ်ရပ်ဖြစ်သေးတယ်လို့ ထင်တယ်။ လမ်းလည်း နည်းနည်းလျှောက်မိ တယ်။
    အဲဒီဦးရန်နိုင် လည်း ပြန်ပေါ်မလာ၊ ဘာသံမှလည်း မကြားရ။

    ကျုပ် အခန်းထောင့်က သပ်သပ်ရပ်ရပ် သေတ္တာတစ်လုံးကို မြင်မိလာတယ်။ ဘာရည်ရွယ်ချက်မှ မရှိဘဲ အဲဒီကို ရောက်သွားတယ်။ ဘာမှ ရေရေရာရာ ရည်ရွယ်ချက်မရှိဘဲ အဲဒီသေတ္တာအဖုံးကို ဖွင့်ကြည့် မိတယ်။ အဲဒီသေတ္တာအဖုံး က တစ်ဖက်မှာ လက်ယှက်ရှိတာမဟုတ်ဘူး။ အဖုံးစနစ်မှာလည်း "အံ"သဘော မပါဘူး။ သည်အတိုင်းတင်ပြီး ဖုံးထားတာပဲ။ ကျုပ် မ လိုက်တော့ ပေါ့ရွှတ်ရွှတ်နဲ့ မြောက်တတ်ပါလာလို့ ကျုပ် လန့်ပြီး လက်က လွတ်ကျသွားတယ်။ သေတ္တာအဖုံးဟာ သေတ္တာ နဲ့ နံရံအကြားက ကတ်သီးကတ် သတ် နေရာ ကျဉ်းလေးထဲကျသွားတယ်။ အသံလည်း အတော်မြည်သွားတယ်။
    ကျုပ်လည်း တုန်သွားတယ်။ သေတ္တာဖုံးကို ပြန်ကောက်ဖို့ ကြိုးစားရင်း သေတ္တာထကို ကြည့်မိ တယ်။ ပိုးစ အပြာနုရောင် ခပ်ဟောင်းဟောင်း တစ်ခုကို သပ်သပ်ရပ်ရပ် မခေါက်ဘဲ ဒီအတိုင်း လုံးထွေးပြီး ပစ်ထည့်ထား တာပဲ။ သေတ္တဖုံးကို ချောင်ကားထဲက ဆွဲထုတ်ဖို့လုပ်တော့ ထင်သလောက်မလွယ်တာကို တွေ့ရတယ်။ ဒါနဲ့ မျက်လုံးက သေတ္တာထဲပြန်ရောက်သွားတယ်။ ပိုးစအပြာက လှုပ်လာတယ်။ ကျုပ် လန့်ပြီး ခုန်ထမိတယ်။ ဟုတ်တယ်။ ပိုးစ က သူ့အလိုလို လှုပ်လာတာအမှန်ပဲ။
    ကျုပ် မျက်လုံးပြူးပြီး ကြည့်နေတုန်းမှာပဲ ပိုးစအပြာနုအောက်က မြွေတစ်ကောင်ရဲ့ခေါင်း ခပ်တုတ် တုတ်၊ ခပ်တိုတို ထွက်လာတယ်။ ကျုပ်တစ်ကိုယ်လုံး ကြက်သီးဖြန်းဖြန်းထသွားတယ်။

    ကယ်ပါ၊ ယူပါ၊ လာပါ အဲလိုမျိုးတော့ မအော်မိပါဘူး။
    နောက်ကို နှစ်လှမ်းလောက် ဆုတ်လိုက်မိတာတော့ အမှန်ပဲ။
    မြွေကလည်း သေတ္တာထဲကထွက်လာတယ်။
    မြွေဆိုတာ ကျားသစ်လို၊ ကြောင်လို၊ ကြွက်လို မြန်မြန် ထက်ထက် လှုပ်ရှားနိုင်တာမဟုတ်ပါဘူး။
    ကျုပ် နားစွင့်တယ်။ ဦးရန်နိုင် ပြန်လာတဲ့အသံလည်း မကြားရပါဘူး။ ဒုက္ခပဲ၊ မြွေကလည်း ထွက် လာပြီ။ သိပ်တော့ ပြဿနာမရှိပါဘူး။ သူ လိုက်ကိုက်နိုင်တာမှ မဟုတ်ဘဲ။
    ဒါပေမယ့် သိတယ်မဟုတ်လား။ မြွေဆိုတာကို ကျုပ်က ရွံကြောက်ကြီးဆိုတော့ ...။

    ကျုပ် တံခါးဆီကိုသွားပြီး တံခါးဘုကို လှည့်လိုက်တယ်။ ဖွင့်မရ။ သော့ခတ်ထားတာပဲ။ ဒါမှမဟုတ် သောခတ် သလိုဖြစ်သွားတာပဲ။ ကျုပ် တံခါးကို တဒုန်းဒုန်း ထုကြည့်တယ်။ ဘယ်သူမှ ကြားဟန် မတူ။ အပြင်က ဘာသံမှမကြားရဘူး။ တံခါးပွင့်လာဖို့ဆိုတော့ဝေး။ ကျုပ် တံခါးကို သုံးလေးချက်လောက် ပိတ်ကန် ပစ်လိုက်တယ်။
    လှည့်ကြည့်လိုက်တော့ မြွေက သေတ္တာအပြင်ဘက်ကို လုံးလုံးလျားလျား ရောက်နေပြီ။ ကျုပ် မြွေကို ကြည့်လိုက်၊ တံခါးကိုကြည့်လိုက် လုပ်နေသေးတယ်။
    ပြီးတော့မှ စားပွဲခုံပေါ်တက်ပြီး မတ်တတ်ရပ်နေလိုက်တယ်။ မြွေကတော့ တံခါးဆီကို ဖြည်းဖြည်းပဲ သွားနေတယ်။
    အဲဒီအချိန်မှာ တံခါးပွင့်လာပြီး ကိုရန်နိုင် ၀င်လာတယ်။ ကျုပ်ကို မော့ကြည့်တယ်။ ကျုပ်က မြွေကို ကြည့်လိုက်တယ်။ သူလည်း မြွေကို မြင်သွားတယ်။ ဘာမှမပြောဘဲ မြွေကို ကောက်ယူလိုက်တယ်။ မြွေက သူ့လက် ကို ဖျတ်ခနဲ လှည့်ကိုက်တယ်။ အဲဒီအချိန်မှာတော့ ကိုရန်နိုင်ဆိုတဲ့လူက သိပ်လျင်တယ်။ မြွေကို ဖျတ်ခနဲ လက်ပြောင်းကိုင်လိုက်တယ်။ ပြီးတော့မှ မြွေကို ဘယ်ပြန်ညာပြန် ပါးရိုက်ပစ်လိုက်တယ်။ မြွေဟာ တစ်ခါတည်း စိတ်ပျက်ပြီး ညှိုးကျသွားတယ်။ အဲဒီတော့မှ သေတ္တာထဲကို ပြန်ပြီး ပစ်သွင်းလိုက်တယ်။ မြွေ ဟာလျှောခနဲနေအောင် ပိုးစအပြာနုအောက်ကိုဝင်ပြီး ပျောက်သွားတယ်။
    "ခင်ဗျား တော်တော်လန့်သွားတယ်ထင်တယ်"

    "သိပ်မလန့်ပါဘူး။ ရွံကြောက်ကြီးမို့ ဒီပေါ်တက်ရပ်နေတာပါ"
    ကျုပ် ပြန်ဆင်းလာတော့ သူက ပြုံးနေတယ်။
    ကျုပ် ကုလားထိုင်ကို နေရာပြင်လိုက်တော့ အသံတော်တော်ပြင်းပြီး ကြမ်းသွားတယ်။
    "အဲဒီတော့ ဘယ်လို ဆက်လုပ်ကြမလဲ"
    "ဘာကိုလဲ"
    "ကျုပ် ဆရာလုပ်ဖို့ကိစ္စလေ"
    "ဘယ်လိုလဲ"
    "ကျုပ်က ဓာတုဗေဒကို အဓိကထားပြီး ကျန်တဲ့ဘာသာရပ်တွေကို အခြေအနေကြည့်ပြီး ... "
    "နေစမ်းပါဦး၊ ဘယ်တော့စသင်မှာလဲ"

    "မနက်ဖြန်လေ၊ မနက်ဖြန်ပဲ စလိုက်ရအောင်လား "
    "ဘုံး"၊ "ဒိုင်း"ဆိုတဲ့အသံကြီး ရုတ်တရက် ထွက်သွားတယ်။ ကိုရန်နိုင်က စားပွဲကို လက်ဝါးနဲ့ ရိုက်ချလိုက်တယ်။
    ကျုပ်လည်း တစ်လက်မလောက် မြောက်တက်သွားတယ်။ စိတ်ထဲမှာပေါ့လေ။
    "ဘာမနက်ဖြန်လဲ"
    "ဘာပြုလို့လဲ"
    "ဒီမှာ သေသေချာချာ မှတ်ထား၊ ဘယ်နေ့ ဘယ်ရက်စသင်ရမယ်ဆိုတာ ကျုပ် ပြောမှာ။ ကျုပ် ဆုံးဖြတ် မယ်။ နားလည်လား "
    "ကျုပ်က ဆရာလုပ်ရမှာဆို "

    "ဘာဆရာလဲ၊ နွားဂွေးသင်းတဲ့ဆရာလား။ ဒီမှာ ခင်ဗျားဟာ ဆရာတော့ဆရာပဲ။ ဒါပေမယ့် ကျုပ်က လခပေး ရမှာ။ နားလည်လား"
    "ဘာပဲပြောပြော ဓာတုဗေဒကို ခင်ဗျား သင်မယ်ဆိုရင်တော့ ကျုပ်က ... "
    "ဒီမယ်၊ ဓာတုဗေဒကို ခင်ဗျား သင်ပေးရမှာပဲ။ မှန်တယ်။ ဒါပေမယ့် ဘာကစသင်ရမယ်ဆိုတာ ကျုပ် က ပြောမှာ။ ဘယ်လိုသင်ရမယ်ဆိုတာလည်း ကျုပ်က ပြောမယ်။ ဒါပဲ"
    "ဒီပြင်ဘာသာတွေရော"
    "ဘာကိုပဲဖြစ်ဖြစ်၊ ဘယ်ဘာသာကိုပဲသင်သင် ကျုပ်ပြောမယ်။ ဘာကို သင်ရမယ်၊ ဘယ်လိုသင်ရ မယ် ဆိုတာ ကျုပ်ပဲ ပြောမယ်။ ဒါပဲ"
    "ခင်ဗျားဟာ ဘာမှမတတ်ဘူးဆိုတာ အမှန်ပဲ"

    "ဟာ ... ဒုက္ခပါပဲ၊ မတတ်ပါဘူးဆိုနေမှ"
    "ခင်ဗျား ဘယ်လောက်ညံ့သလဲဆိုတော့ သင်လို့တောင်ရတော့မယ်မထင်ဘူး။ စိတ်တော့မရှိနဲ့နော်"
    " ခင်ဗျား တော်တော်စိတ်ပျက်သွားပြီထင်တယ်။ မပျက်ပါနဲ့ဗျာ၊ ကျုပ်က စို့စို့ပို့ပို့ပေးမှာပါ"
    "ဘယ်လောက်ထိပေးမှာလဲ"
    "ဘယ်လောက်ထိ လိုချင်တာလဲ"
    "တစ်လ တစ်သောင်းလောက်တော့ အနည်းဆုံးဖြစ်ရလိမ့်မယ်"
    "နှစ်သောင်းပေးမယ်ဗျာ"

    "ဒါဖြင့် ဘယ်တော့လောက်စပြီး အလုပ်ဆင်းရမှာလဲ"
    "ပြောမယ်လေ၊ အဲဒါကိုတော့ ကျုပ် ပြောမှာပေါ့"
    "ဘယ်တော့လောက်လဲ"
    "ခင်ဗျား တော်တော်ခက်ပါလား။ ပြောပါမယ်လို့ဆိုနေမှ၊ မနက်ဖြန်လည်း တစ်ခေါက်လာခဲ့"
    "အလုပ်စမယ့်ရက်ကို ပြောမှာလား "
    "သေတော့မသေချာဘူး"
    "ဟုတ်ပြီ၊ ကျုပ် သွားတော့မယ်"
    လင်းလိုက် မှောင်လိုက်၊ လမ်းကြားကနေပတ်ပြီး ဘာခန်းတွေမှန်းမသိတဲ့ အခန်းသုံးလေးခန်းကို ဖြတ်၊ အိမ်ပြင်ထွက်ခဲ့တယ်။ ဒီအိမ်ကို နောက်ဘယ်တော့မှ ပြန်မလာဖို့ ဆုံးဖြတ်ပြီးသားပါ။

နောက်တပုဒ်ဆက်ရန်
.

1 comment:

နော်နော် said...

တမျိုးလေးပဲ။ဖတ်လို့ကောင်းတယ်။မအားတဲ့ကြားက စာကောင်းလေးတွေတင်ပေးတာ ကျေးဇူးပါ မမရေ။