Saturday, December 29, 2012

ပတ္တမြားခင် ၏ အတိတ်လမ်း ကိုပြန်လျှောက်ခြင်း, အပိုင်း (၈)

အဆုံးအဖြတ်တစ်ခုရဲ့ ရလဒ်ဟာ တစ်ခါတလေလည်း ကောင်းချင် ကောင်းသွားသလို ဆိုးချင်ပြီ ဆိုရင် လည်း ဇောက်ထိုးမိုးမျှော ကျွမ်းပျံသွားတဲ့အထိ ဖြစ်တတ်တာပါပဲ။ ဆုံးဖြတ်ခြင်းဆိုတာဟာ လမ်းချိုးတစ်ခုကို ဦးတည်လိုက်ခြင်းပါ။ အဲဒီလမ်း ဟာ တောင်ထပ်ရောက် တဲ့လမ်းဖြစ်နိုင် သလို ချောက်ထဲကျရာ လမ်းလည်း ဖြစ်နိုင် တာပါပဲ။
တစ်ခါတလေ ကျတော့လည်း ကိုယ်ဆုံးဖြတ်တာက တစ်မျိုး၊ ကံကြမ္မာက ၀င်ပါပြီး ဆုံးဖြတ်ပေး လိုက် တာက တစ်သွယ် ဖြစ် တတ်ပါသေးတယ်။ မာမီ ရဲ့ အဆုံးအဖြတ်အတိုင်းဆိုရင် ကျွန်မ တို့ နှစ်ယောက် စလုံး ဗုံးစာဖြစ်တော့မယ် ဆိုတာသေချာ ပါရဲ့။
အန်ကယ်အေး ရောက်လာခြင်း က ကံကြမ္မာက ၀င်ပြးဆုံးဖြတ်ပေးလိုက်တဲ့ အဖြစ်မို့ အသက်ဘေး ကတော့ လွတ်ကင်းသွားပါရဲ့။
ဒါပေမဲ့ ကျွန်မဘ၀ကို လုံးဝပြောင်းလဲသွားစေသော ဘ၀ခရီးနဲ့ တစ်ဆစ်ချိုး လမ်းမကြီးပေါ် ကို ရောက်သွားပြီး စောင့်နေတဲ့ လောကဓံကြီးနဲ့ အကြီးအကျယ် နပန်းလုံးရတော့မယ်ဆိုတာ ဟိုအချိန် ကတော့ မသိမြင် လိုက်ပါဘူးလေ။
ကို ဆက်ဖတ်ရန် ...

အပိုင်း (၁၀)
 
သစ်ဆိမ့်ချောင်ကို ရောက်တော့  အန်ကယ်အေးက ကျွန်မတို့ကို သူ့မိသားစုနဲ့ အပ်ပြီး မှာစရာတွေမှာပြီးတာနဲ့ အဲဒီညနေမှာ ပဲ တပ်ရင်းကို ပြန်သွားရတာမို့ အန်ကယ်အေးကို စစ်ပြီးတဲ့ထိ နောက်ထပ်မတွေ့ရတော့ပါဘူး။ အန်ကယ်အေး ရဲ့ ဇနီးအန်တီလေး မမြသန်း ကလည်း အန်ကယ်အေးအတိုင်း အေးမှအေး။ ကိုယ်ဝန် က နေ့စေ့လစေ့နီးပါး ရှိနေပါပြီ။ မကြီးသမီးလေး ဂွက်ထော်မကလေးနှစ်၊ အငယ်ကောင် ဖိုးဆူဆိုတာက သုံးနှစ် အရွယ် စကားပြော တတ်ခါစလေးပေါ့။ ဦးလေး ဦးဖိုးအောင်နဲ့ ဒေါ်ဒေါ်လုံးတို့ကလည်း သဘော ကောင်းကြ ပါတယ်။
ကျွန်မက ဘယ်သူနဲ့ မဆို ရောရောနှောနှော နေတတ်လို့ အဆင်ပြောပါရဲ့။

မာမီက အဲလို သူစိမ်းတွေနဲ့ မနေတတ်ဘူး။ မာမီမပျော်ဘူးဆိုတာ ကျွန်မ အကဲခတ်မိပါတယ်။ နောက်ပြီး မာမီပြောခဲ့ သလို ကိုယ့်အမိုးအောက် ကိုယ်နေရတာ မဟုတ်ဘူးလေ။ သူများအရိပ်ကို လာခိုရပြီ ဆိုကတည်းက သူများ ရဲ့ မျက်နှာကို ကြည့်နေရပြီပေါ့။ ဒါကိုလည်း မာမီမကြည် မလင်ဖြစ်နေပုံရပါတယ်။
ကျွန်မ လည်း မာမီမကြည်မလင်တာ သိရတော့ ကြားထဲက နေရတာ ခက်နေတာပေါ့။ တစ်ညနေ မြစ်ဆိပ်ဘက် ကို ဆင်းပြီး လမ်းလျှောက်ဖြစ်ပါတယ်။ ချောင်နဲ့ မြစ်ဆိပ်ကလည်း မလှမ်းမကမ်းမျာ ရှိနေတာဆိုတော့ စိတ်အကျဉ်းအကျပ် ကနေ အခိုက်အတန့် လွန်မြောက် ရာရှာခြင်းသဘောနဲ့ ထွက်လာလိုက်တာပါပဲ။ ဧရာဝတီရဲ့ ဆည်းဆာ ကလည်း လှမှလှ။
'ဟဲ့.... ခင်မကြီး၊ ဘယ်တုန်းက ဒီကိုရောက်နေတာလဲ' ဆိုတဲ့ အမေးကို ကြားမှ ဆည်းဆာ ရဲ့အလှမှာ နစ်မျောပြီး ငေးနေရာ က အသံလာရာကို လှမ်းကြည့်ဖြစ်ပါတယ်။
ဒေါ်လေး ရယ် ငှက်ပေါ်က ဆင်းရာက ကျွန်မကို မြင်တာနဲ့ လှမ်းအော်လေးလိုက်တာကိုး။

'ဟယ်...ဒေါ်လေးကြီး' ဆိုပြီး ကျွန်မဒေါ်လေးဆီ ပြေးသွားပြီး တအားဖက်လိုက်မိတော့ တာပဲ။ ၀မ်းသာ လိုက်တာလည်း ပြောမနေနဲ့။ ဒေါ်လေးကို ဖက်ထားရင်းက ဆွေ့ဆွေ့ခုန် နေလိုက်သေးတယ်။
ဒေါ်လေးခင်မြင့်မြင့် က ကျွန်မရဲ့ ဘွားလေးတော်တာပါ။ ကျွန်မတို့ အိမ်နဲ့ ကျီးဝင်းပဲခြားတဲ့ အိုးတော် လုပ်ငန်းမှာ နေတာ။ ဒေါ်လေးရဲ့ အမေ 'ကြီးတော်မ' တို့လည်း ဆုံးကုန်ကြပြီလေ။ ညီအစ်မအပျိုကြီး သုံးယောက် ပဲ ကျန်တော့တာ။ အစ်ကိုတွေက သူတို့အိမ်ထောင်နဲ့ သူတို့ အဝေးရောက်နေကြပြီ။ အိမ်ထောင်ကျ တဲ့ အစ်မအန်တီပန်းကလည်း ပျဉ်းမနားမှာ။
ညီအစ်မ သုံးယောက်က စစ်ပြေးလာတာ။ ခုခေမေသကချောင်မှာတဲ့။
'အပြန် ဒေါ်လေး တို့နဲ့ လိုက်လည်ပါလား၊ အရီးကြီးတို့နဲ့ တွေ့ရအောင်လေ' တဲ့။ ဒေါ်လေးက ရန်ကုန်က စစ်ပြေးလာ တဲ့ သူတို့မိတ်ဆွေတစ်ဦးကို လိုက်ပို့ရင်း သစ်ဆိမ့် ချောင်ကိုရောက်လာလို့ ကျွန်မကို တွေ့သွား တာပါ။

'မာမီ့ကို လိုက်ပြောပေးလေ၊ မာမီထည့်ရင် လိုက်ခဲ့မယ်' ဆိုတော့ ဒေါ်လေးက မာမီ့ကို လိုက်ပြောပေးပါတယ်။ မာမီက လည်း လွယ်လွယ်ကူကူပဲ ဒေါ်လေးနဲ့ ထည့်လိုက်တာနဲ့ ကျွန်မပါသွားပါရော။ အရီးကြီးနဲ့ အရီးသန်း ကလည်း ကျွန်မကိုတွေ့တော့ ၀မ်းသာလို့ပေါ့။
ညကျတော့ အရီးကြီး တို့ နေတဲ့ ဇရပ်ကို ဧည့်သည်တစ်ဦး ရောက်လာပါတယ်။ အရီးကြီးတို့ နဲ့ခင်တဲ့ မိတ်ဆွေ နာမည် က ' ဒေါ်ဒေါ်ကျင်' တဲ့။
'ဒါ ကျွန်မ တို့ မြေးကလေး' ဆိုပြီး အရီးကြီးကဒေါ်ဒေါ်ကျင်နဲ့ မိတ်ဆက်ပေးပါတယ်။ ဒေါ်ဒေါ်ကျင်က စဥ့်ကိုင်က ဒီကို ခဏ ကူးလာတာတဲ့။ သူတို့မိသားစုဆောက်ပြီး လှူထားတဲ့ ဇရပ်က ဒီခေမေသကချောင်မှာရှိလို့ အခြေအနေ ကို လာကြည့်တာ လို့ ပြောပြတာနဲ့ သိလိုက်ရတာပါ။

'မမဂျမ်း ရယ် လူတွေကလည်း ခက်တယ်နော်။ ဒုက္ခဖြစ်လို့ ပြေးလာတဲ့ သူတွေကို တချို့က တန်ရာ တန်ကြေး နဲ့ ဈေးစကားပြောကြသေးတာတဲ့။ ဇရပ်အဖြစ် လှူထားမှတော့ ဘယ်သူ နေနေပေါ့။ ဒီအချိန်မှာ ကာလဒါနမြောက် တယ် ဆိုပြီး ကိုယ်က ကုသိုလ်ယူတတ်ရမဲ့ အစား ငှားစားတယ်ဆိုတော့ အံ့သြယူတာပဲ'
'ခုလည်း ကျွန်မ တို့ဇရပ်က ဘွားသီလရှင်ကြီးကို ဒါမျိုးဖြစ်မှာစိုး လို့ လာပြီးပြောရတာ၊ ဒုက္ခရောက်လို့လာရင် ဘယ်သူဖြစ်ဖြစ် လက်ခံ လိုက်ပါလို့ ပြောထားရတယ်'
ဒေါ်ဒေါ်ကျင် ရဲ့ စကားအဆုံးမှာ ကျွန်မခေါင်းထဲ လင်းခနဲ လက်သွားတဲ့ အသိတစ်ခု ၀င်လာပါတယ်။ မာမီက လူစိမ်းဖြစ် တဲ့ ဦးဖိုးအောင် တုိ့ ဒေါ်ဒေါ်လုံးတို့နဲ့ အတူနေတာ အနေကျဉ်းနေပုံရပြီး သူတစ်ပါး အရိပ်အောက် မှာ နေရတာအတွက်လည်း စိတ်မလွတ် မလပ်ဖြစ်နေတာ သေချာပါတယ်။ ဒေါ်ဒေါ်ကျင်တို့ ဇရပ်မှာ ကျွန်မတို့ သားအမိ နေခွင့် ရမယ် ဆိုရင် မာမီ့စိတ်ကြိုက် ကိုယ်ပိုင်အမိုးအောက် ကိုယ်နေရသလို ဖြစ်မှာမို့ စိတ်လွတ်လပ်မယ် ဆိုတဲ့ အတွေးကြောင့် 'ဒါဆို ဒေါ်ဒေါ်ကျင်တို့ ဇရပ်ကို ခင်မကြီးနဲ့ မာမီ နှစ်ယောက်လာရင် ရမလား' လို့ကောက်ကာငင်ကာ မေးလိုက်မိပါတယ်။
အရီးကြီး ကလည်း 'အေးဟုတ်သား၊ ဒါဆို တို့များနဲ့လည်း နီးနီးနားနားဖြစ်သွားတာပေါ့' တဲ့။ ၀င်ပြီး ထောက်ခံ လိုက်ပါရော။

ဒေါ်ဒေါ်ကျင် က လိုက်လျောစွာနဲ့ ရတယ်၊ ရတယ်၊ င့ါတူမ နေချင်တယ်ဆိုရင် ဒေါ်ဒေါ်ကျင် တစ်ခါတည်း ဘွားသီလရှင်ကြီး ကို အပ်ပေးခဲ့မယ်တဲ့။
တစ်ချီတည်း နဲ့ ကျွန်မတို့ နေရေး ပြေလည်သွားတော့၊'ဘုရားမ' ခြင်းပါပဲဆိုပြီး စိတ်ထဲက မနောကံရှင် ရှင်တော်ဘုရား ကို လက်အုပ်ချီ ကန်တော့လိုက်မိပါတယ်။ ၀မ်းသာလိုက်တာ လည်းပြောဖွယ်ရာ မရှိ။ ဒေါ်ဒေါ်ကျင် ကိုလည်း ကျေးဇူးတင်လွန်းလို့ ပြန်တော့မယ်ဆို တော့ ဦးသုံးကြိမ်ချပြီး ကန်တော့လိုက် ပါတယ်။
ဒေါ်လေး တို့တည်း ဒေါ်လေး ခေါ်လာလို့ ခင်မကြီး တို့ နေစရာ ပြေလည် သွားရတာနဲ့ ကျေးဇူးတင် စကား ပြောရပါသေးတယ်။ နောက်တစ်နေ့ မနက်အစောကြီး ကျွန်မတို့ နေမယ့် ခေမေသကချောင်က ဘွားသီလရှင်ကြီး ကို အဖော်ခေါ်ပြီး သစ်ဆိမ့်ချောင်ကို ပြန်လာပါတယ်။ မာမီ့ကိုပြောပြတော့ မာမီလည်း ၀မ်းသာ လို့ပေါ့။

ကျွန်မတို့ သားအမိ ခေမေသကချောင်ကို ပြောင်းပြီး အန်တီလေး မမြသန်းကို ပြောပြတော့ အန်တီလေးက ငို ပါလေရော။ သူ့ယောက်ျားက ကျွန်မ တို့ သားအမိကို စစ်ပြီးတဲ့အထိ တာဝန် ယူစောင့်ရှောက်ရမယ်လို့ အထပ်ထပ် မှာပြီး အပ်သွားတာ မို့ ခုလိုခွဲသွားရင် သူ့ကို အထင်အမြင် လွဲမှာစိုးတယ်။ ဒါကြောင့် ခွဲမသွားပါနဲ့လို့ တား ပါတယ်။
မာမီက အန်တီလေးရဲ့ စေတနာကို သူနားလည်ပါတယ်။ ကျေးဇူးတင်ပါတယ်။ ဒါပေမဲ့ ဘယ်သူနဲ့မှ အမြဲအတူနေ ဖုိ့ စိတ်မကူးပါဘူး။ ခုအခိုက်အတန့် ဆုံးဖြတ်ရခက်ချိန်မှာမို့ ခဏမှီခို တာပါ။ ဘယ်သူ့ကိုမှ တာဝန်ပေးဖို့ မရည်ရွယ် ပါဘူး။ ကိုယ်ဟာကိုယ် နေနိုင်အောင် ကြိုးစားပြီး နေကြည့်ပါရစေ။ အဆင်မပြောရင်လည်း အန်တီလေး တို့ဆီမှာပဲ ပြန်လာနေပါ့မယ်လို့ စကားကို မယုတ်မလွန်နဲ့ ခွင့်တောင်းတော့မှ အန်တီလေးကလည်း သဘော တူတာနဲ့ ကျွန်မတို့သစ်ဆိမ့်ချောင်ကနေ ခေမေသကချောင်ကို အဲဒီနေ့မှာပဲ တစ်ခါ တည်း ပြောင်းလာ ဖြစ်ပါတယ်။
ခေမေသကမှာ တစ်ပတ်လောက် နေကြည့်ပြီး အဆင်ပြေတယ်ဆိုရင် မန္တလေးပြန်ပြီး ပစ္စည်းတွေ သိမ်းကြမယ်။ အဲတော့ မှ ဒီမှာအပြီးနေကြမယ်လို့ မာမီက ပြောထားတာနဲ့ ကျွန်မ လည်းဝမ်းသာလို့ပေါ့။ အဲ…သုံးလေးရက် ကြာတော့ အန်တီလေး မမြသန်း ဗိုက်ကြီးတပြဲနဲ့ တမောတကော ကျွန်မတို့ ဇရပ်ကို ရောက်လာလေပါရော။

သစ်ဆိမ့်ချောင် က ဇရပ်မှာ အဆင်မပြောလို့တဲ့။ ဇရပ်ရှင်က သူတို့နဲ့ရင်းတဲ့ မိတ်ဆွေ နောက် တစ်ဦးကိုတင်လို့ ဟိုမိသားစု က ပါလာတဲ့ ကလေးတွေနဲ့ နေရထိုင်ရ ကျဉ်းပြီး သစ်ဆိမ့်ချောင် မှာမနေချင်တော့ဘူး လို့ ပြောပါတယ်။
ကျွန်မ တို့ ရထားတာ ဒေါ်ဒေါ်ကျင်တို့ ဇရပ်ကလည်း အကျယ်ကြီး။ အစောင့်ဘွားသီလရှင် ကြီး ကလည်း အိုရှာလှပြီ။ သူ့ဟာသူ အေးအေးဆေးဆေး နေတာ ဘာပြဿနာမှမရှိတော့ မာမီက ဒါဆိုရင်လည်း ကျွန်မတို့ ဇရပ် ကို ပြောင်းလာခဲ့လို့ ပြောပါတယ်။
မာမီ့အနေ နဲ့ သူကသာ သူတစ်ပါးကို မမှီခိုချင်တာ။ သူ့ကို မှီခိုတာကျတော့လည်း ၀မ်းသာအား ရနဲ့ လက်ခံကြိုဆို ချင်သူပါ။ ဒါနဲ့ အန်တီလေးတုိ့ မိသားစု ခေမေသကကို ပြောင်းလာတာနဲ့ ကျွန်မတို့လည်း တစည်းတလုံး တည်း ပြန်ဖြစ်သွားပြန်ရောလေ။
တစ်ပတ် ရှိတော့ မာမီက မန္တလေးကိုပြန်ပြီး ပစ္စည်းတွေသိမ်းမယ်။ တစ်ခါတည်း အပြီးပြောင်း ကြမယ်ဆိုပြီး ကျွန်မတို့ သားအမိ မန္တလေးကို ကူးလာကြပါတယ်။
အဲဒီနေ့က မှတ်မှန်ရရ ၁၉၄၂ ခုဧပြီလ ၃ ရက်နေ့ပါ။

ဖေဖော်ဝါရီလ ပထမအကြိမ် ဗုံးကျရာကနေ မြို့ကလန့်သွားလိုက်တာ၊ မတ်လတစ်လလုံး ဘာမှ ဆက်မဖြစ်တော့ ဈေးတွေ လည်းပြန်ဖွင့်၊ အသွားအလာလည်းနည်းနည်းပါးပါး ပြန်ပြီးလှုပ်ရှားစပြုလို့ အခြေအနေကောင်း လာသလိုလို ရှိနေတာဆိုတော့ ကျွန်မတို့ သားအမိ လည်းပစ္စည်းတွေက ထုပ်ပိုးပြီးသား။ ကားတစ်စီး ငှား အလွယ်တကူ ကောက်တင်ပြီး ပန်လာကြရုံပဲလို့ ပေါ့ပေါ့တွက်ထားမိတာပေါ့။
ဈေးချိုထပ် ကနေ ကားတစ်စီးငှားမယ် ဆိုပြီးရှာလိုက်တာ ဘယ်လိုမှ ရာမရတာနဲ့ ရတဲ့မြင်းလှည်းနဲ့ပဲ အိမ်ဘက် ကို မောင်းလာတာ။ တစ်ဝဂူဘုရားကို ကျော်လို့ ကျွန်မတို့အိမ် ရှိရာလမ်းထိနားလည်း ရောက်ရော၊ တဝေါဝေါမြည် တဲ့ လေယာဉ်ပျံသံတွေ ကြားရ တော့တာပါပဲ။ ခွေအူသံနဲ့တူတဲ့ ဗုံးရှောင်ဖို့ အချက်ပေး ဥသြဆွဲသံကြီး ကလည်း ဆူညံသွား အောင် မြည်ပါလေရော။
မြည်းလှည်းပေါ် က ပြေးပြေးလွှားလွှား ဆင်းကြရပြီး သားအမိနှစ်ယောက် လမ်းဘေးမှာ ပြေးမှောက်ကြရတယ်။ လမ်းပေါ် က လူတွေအားလုံးလည်း ကျွန်မတို့လိုပဲ နီးရာလွတ်မယ် ထင် ရာတွေမှာ မှောက်ပြီးနေရတာ။ ဘာမှမကြာလိုက် ပါဘူး။ တအုံးအုံးနဲ့ ဗုံးတွေကျပြီး ၀ုန်းဒိုင်းနဲ့ ဗုံးကွဲသံတွေ ဆူညံသွားတော့တာပဲ။

အနီးကပ်ပြီး ကျတဲ့ ဗုံးတွေမို့ နားကွဲမတတ် ဆူညံသွားတာပါ။ သားအမိနှစ်ယောက်သား ကြောက်ကြောက်နဲ့ ဖက်ပြီး လုံး ထားရင်း မြေကြီးမှာ ပြားပြားဝပ်ရာက လေယာဉ်ပျံသံ စဲလို့ အသာမေ့ကြည့်လိုက်တော့ တစ်မိုးလုံး မီးခိုးတွေ ဖုံး သွားတဲ့အပြင် မီးတောက်မီးညွန့်တွေ မျက်စိတစ်ဆုံး မြင်လိုက်ရတော့ ပိုပြီးလန့်သွားတာပေါ့။
ကျွန်မ တို့ရဲ့ အိမ်ရှိရာ တူရှုမှာ မီးတံတိုင်းကြီးအဖြစ် ကာဆီးနေပါပြီ။ အဲဒီတော့မှ လူးလဲထပြီး အုပ်အုပ် ကျက်ကျက် ပြေးနေတဲ့ လူတွေနဲ့အတူ ကိုယ်ပါရောပြီး ပြေးရတာပေါ့။ မီးတောက်တွေ ကပတ်လည်ဝိုင်းနေတာမို့ အရှေ့အနောက် တောင်မြောက် ဆိုတာလည်း မခန့်မှန်းနိုင်တော့ပါဘူး။ မီးလွတ်ရာ ထွက်ပေါက်ကိုသာ လူအုပ်ကြီး လည်း ရှာပြီးပြေး နေကြတာမို့ ကျွန်မတို့လည်း လူအုပ်ထဲ ညပ်သပ်ပါသွားတဲ့ သဘောပါပဲ။

လူချင်းကွဲမှာ ကြောက်လို့ သားအမိ လက်ချင်း မြဲမြဲကိုင်ပြီး ဆွဲထားရပါသေးတယ်။ အချိန်က မနက် ဆယ့်တစ်နာရီလောက်ပါပဲ ရှိဦးမှာပါ။ ဘယ်ရောက်လို့ ရောက်မှန်းမသိဘူး။ ပြေးလိုက်ရ တာတစ်နေကုန်ပါပဲ။ မနက် က ကော်ဖီတစ်ခွက်၊ ကောက်ညှင်းပေါင်းနဲ့ အကြော်တစ်ခုပဲ စားလာရသေးတာ ဆိုတော့ ၀မ်းကလည်း ဟာ၊ ပူအိုက်တဲ့ ဧပြီလရာ သီလည်း ဖြစ်ပြန်၊ တစ်မြို့ လုံးရဲ့မီးဒဏ်ကြောင့် လူတစ်ကိုယ်လုံးလည်း ချွေးတွေက နစ်ပြီး ရွှဲရွှဲကို စိုလို့။ စီးထားတဲ့ ဖိနပ် လည်း ဘယ်မှာကျန်ခဲ့မှန်း မသိတော့ဘူး။
အပေါ်ပူ အောက်ပူ မီးအရှိန်ကြောင့် ပတ်ပတ်လည်မှာပါ ပူတဲ့အပြင် ဘယ်လိုအခြေအနေ ရောက်မယ်မှန်း မသိလို့င်ထဲက ပူရတဲ့အပူက ပိုလို့တောင် ပူပါသေးရဲ့။ အဲလိုနဲ့ ကျွန်မတို့ တစ်နေ့ခင်းလုံးပြေးလိုက်ကြတာ ဆည်းဆာချိန်ရောက် မှပဲ ဧရာဝတီမြစ်ရဲ့ကမ်းပါး ဂေါဝိန် ဆိပ် ကိုရောက်ပါတော့တယ်။

တစ်မြို့လုံး က ပြေးလာကြတာ ဆိုတော့ ကမ်းနားတစ်လျှောက်လုံး လူတွေကို ကြိတ်ခဲနေတာပဲ။ ကိုယ်ပြေး လာခဲ့ရာ ကျောဘက်ကို လှည့်ကြည့်လိုက်တော့ မန္တလေးတစ် မြို့လုံး မြေကြီးပေါ် မှာချထိုင်ရင်း အမောကို ဖြေလိုက်မယ်လို့ စိတ်ကူးနဲ့ မာမီ့ကို လှမ်းကြည့်မိတော့ ကျွန်မအမော တွေထိပ်ဖျား ကို ရောက် သွားလေရဲ့။
မာမီရဲ့ မျက်လုံး က ငေးကြောင်ကြောင်ကြီး ဖြစ်နေတာ။ စကားလည်း တစ်ခွန်းမှမဆို၊ မျက်ရည်လည်း တစ်စက်မှ မကျ၊ ပုံစံ က တစ်မျိုးမှ တစ်မျိုးကြီးပါပဲ။
''မာမီသိပ်မောနေလား'' လို့လက်မောင်းကို ကိုင်ပြီးလှုပ်မေးလည်း အတုံ့အပြန်မရှိ။ shock ရသွားတယ်ဆိုတာ ဒါမျိုးများလား လို့ အတွေးဝင်ပြီး ကျွန်မလန့်သွားမိပါတယ်။ လူတွေက လည်း ရုတ်ရုတ် သဲသဲနဲ့ ပြေးကြ လွှားကြဆဲ။ အဖော်ကွဲလို့ နာမည်တွေ တကြော်ကြော် အော်ခေါ် နေသံတွေလည်း ကြားရရဲ့။

ကျွန်မဘာလုပ်ရမှန်းမသိအောင် ဖြစ်နေမိပါတယ်။ အားကိုးအားထားအနေနဲ့ မာမီ့ကို တိုင်ပင် လို့ကလည်း မဖြစ်တော့တဲ့ အခြေအနေ။ လူတွေက တစ်သုတ်ပြီးတစ်သုတ် ဧရာဝတီမြစ်ထဲက ငှက်လှေတွေနဲ့ ဘေးကင်းရာ စစ်ကိုင်းတောင်ဘက် ကို ကူးသွားကြတာ လည်း တွေ့ရရဲ့။
ဒီဘက်မှာက မီးတောက်မီးလျှံတွေနဲ့ တစ်မြို့လုံး ဟုတ်းဟုန်းတောက်နေတဲ့ မြင်ကွင်း၊ မျက်နှာ ချင်းဆိုင်မှာက သာယာငြိမ့်ညောင်းစွာ နဲ့ စီးဆင်းနေတဲ့ ဧရာဝတီမြစ်ရဲ့ ရှုမော်ဖွယ်ရာ ဆည်း ဆာရဲ့အလှ။
ဧရာဝတီမြစ် ကို ကျော်ပြီး ကြည့်လိုက်တော့ ဘုရားပုထိုးတွေနဲ့ သူတော်စင်တွေ တရားရှာရာ စစ်ကိုင်းတောင်ရိုးကြီး ကို ငြိမ်းချမ်းစွာနဲ့ မားမားမတ်မတ် လှမ်းမြင်နိုင်ပါတယ်။ တကယ့်ကို ဆန့်ကျင် ဘက် မြင်ကွင်းနှစ်ခုပါပဲ။

အဲဒီမြင်ကွင်းနှစ်ခု ရဲ့ကြားမှာ ပရိဒေဝသောကကိုယ်စီနဲ့ ပြေးလွှားနေတဲ့ လူသားတွေ။ ဒီအခါမှာ ကူမယ့်သူမရှိ၊ ကယ်မယ့်သူ မရှိတဲ့အပြင် မတော်မတရား ဝိသမလောဘနဲ့ တစ်ဖက်ကမ်းကို ကူးလိုသူတွေကို ငှက်သမားတွေ က ဈေးတွေ အဆမတန်အောင် ပြောပြီး တောင်းကြ။
ငွေပေးနိုင်တဲ့ တိုင်အောင် ငှက်တစ်စီးရဖို့က အခက်အခဲဖြစ်တဲ့ အခြေအနေမို့ ငှက်တစ်စီးကူး လာတိုင်း လူတွေ တိုးကြဝှေ့ကြ လုယက်တွန်းထိုးပြီး အတင်းတက်ကြ၊ တဖြည်းဖြည်းနဲ့မှောင် စပြုလာပါပြီ။ လောင်နေတဲ့ မီးညွှန့်တွေ ရဲ့ အရောင်ကြောင့်သာ ကွဲကွဲပြားပြား မြင်နေရသေး တာမို့ ကျွန်မလည်း အားကိုးအာထားပြုစရာ အသိ မိတ် ဆွေများ တွေ့လိုတွေ့ငြား ဖြတ်သွားတဲ့ လူတွေထဲမှာ လိုက်ရှာကြည့်နေမိတယ်ပေါ့။

မာမီကတော့ တကယ့်ကို ကျောက်ရုပ်တစ်ရုပ်လို ဖြစ်သွားပါပြီ။ ကြောင်ငေးငေးနဲ့ပဲ လူတွေကို ထိုင်ကြည့်နေတာ သူ့မျက်လုံး မှာ ဘာအဓိပ္ပါယ်၊ ဘာခံစားမှုမှ ရှာကြည့်လို့ မတွေ့မိလို့ ရင်ထဲ မှာ မာမီ့အတွက် စိုးရိမ်စိတ်ကလည်း တစ်ဖက်။
ဒီအချိန် မှာ ဖြတ်သွားတဲ့ လူအုပ်ထဲမှာ ကျွန်မရဲ့သူငယ်ချင်း Kathleen Williamsရဲ့ ဒယ်ဒီကို လှမ်းမြင်လိုက် မိတာနဲ့ နောက်က အပြေးလိုက်ပြီး…..
''ဒယ်ဒီ… ဒယ်ဒီ'' နဲ့ ခေါ်တော့ ဒယ်ဒီက ခေါ်သံကိုကြားပြီး လှည့်ကြည့်မှ ကျွန်မကို တွေ့သွား တာ တအံ့တသြ ဖြစ်လို့လေ။
အကျိုးအကြောင်း ပြောပြရပါတယ်။ ဒယ်ဒီက ''ဘာမှမပူနဲ့ သူနဲ့အတူ ရှမ်းပွဲကတိုက်ကို လိုက်ခဲ့ ဘုရားကြီး ဘက်တော့ မီးလွတ်တယ်လို့ ထင်ရတာပဲ။ သွားကြည့်ကြမယ်''ဆိုတာနဲ့ မာမီ့ကို သွားခေါ်တော့ စကားတစ်ခွန်း မှမသိ ဘဲ ထလိုက်လာလို့ တော်ပါသေးရဲ့။

ဂေါ်ဝိန်ကနေ ဘုရားကြီးရှမ်းပွဲကို ရောက်တဲ့အထိ ထပ်ပြီး လမ်းလျှောက်ရသေးတာ ဆိုတော့ မိုးကြီးချုပ်မှ ရှမ်းပွဲ က တိုက်ကို ရောက်ပါတယ်။ ဘုရားကြီးဘက်က ဒယ်ဒီထင်တဲ့ အတိုင်း အဆင်တော့ ပြေသွားတာပေါ့။
သူငယ်ချင်း Kathleenကို ပြန်တွေ့ရတော့လည်း ဝမ်းတွေသာ၊ အားတွေရှိသွားပြီး ရှေ့ရေးကို တိုင်ပင်ကြတော့ ဒယ်ဒီတို့ မိသားစု အားလုံးက မြင်းမူကို စစ်ပြေးကြမှာတဲ့။ စောစောတုန်းက တော့ ဘုရားကြီးလို အထင်ကရ ဘာသာရေး အဆောက်အဦ တွေဆိုရင် ရန်သူတွေက ဗုံးချ ဖျက်ဆီးတာ မလုပ်ကြဘူး၊ ဒါကြောင့် သူတို့တိုက် ကလည်း ဘုရားကြီးရဲ့အရှေ့မုခ်နဲ့ မျက်နှာ ချင်းဆိုင်မို့ လွတ်နိုင်တယ်ဆိုပြီး ဘယ်မှမသွားဘူးလို့ ဆုံးဖြတ် ထားတာတဲ့လေ။

ခုတစ်မြို့လုံးနီးပါး မီးလောင်တာမြင်ရတော့ သူတို့လည်း မနေရဲကြတော့ဘဲ မြင်းမူမှရှိတဲ့ ဆွေမျိုးတွေဆီ သွားကြမယ် လို့ စီစဉ်ပါတယ်။ ကျွန်မတို့ကိုလည်း သူတို့နဲ့ပဲ အတူလိုက်နေဖို့ လိုက်နေဖို့ ခေါ်တော့ ကျွန်မ ကလည်း လိုက်ခဲ့မယ်ပေါ့။ Kathleenနဲ့က ကွန်ဗင့်မှာ ရောက်က တည်းက အမြဲတွဲခဲ့တဲ့ အချစ်ဆုံးသူငယ်ချင်း မဟုတ်လား။ သူ့မိသားစု၊ ကိုယ့်မိသားစုလည်း ရင်းနှီးပြီးသား။ သူကလည်း ကျွှန်မအမေကို မာမီ ခေါ်သလို သူ့ရဲ့ ဒယ်ဒီ ကိုလည်း ကျွှန်မက သူခေါ်သလို ဒယ်ဒီ၊ မာမီခေါ်နေကျ။
အဲတော့ ဆွေမျိုးတော်တဲ့ အန်တီလေးတို့နဲ့ နေရတာထက် သူတို့နဲ့ နေရတာက ပိုပြီးရင်းနှီးတာကြောင့် ကျွှန်မ လည်း အားကိုးမိတယ်ပေါ့။ အထူးသဖြင့် မာမီရဲ့ အခြေအနေ ကိုလည်း ဘယ်လို ဖြစ်မယ် ဆိုတာ စောင့်ကြည့်ရဦးမှာလေ။

Kathleenတို့ အစီအစဉ်တွေ လုပ်နေတာနဲ့ သူတို့အိမ်မှာ လေး ငါးရက်ဆက်ပြီး ကြာသွားပါ တယ်။ မာမီ ကတော့ မေးတစ်ခွန်း တိုးတက်လာပါရဲ့။ တစ်ခါတလေတည်း တစ်ယောက် တည်း ငေးနေငိုင်နေ။ တစ်ခါတလေလည်း ချုံးပွဲချပြီးငို။ လူကောင်း တစ်ယောက်လို စကားအပြန်အလှန် တိုင်ပင်ဆွေးနွေး ဆက်ဆံ လို့ရတဲ့ အခြေအနေတော့ မဟုတ်သေး တာနဲ့ ကျွန်မပဲ ကိုယ့်ဟာကို တစ်ယောက်တည်း အဆုံးအဖြတ်တွေ ပြုရတော့ တာပေါ့။
ခေမေသက မှာ ပြန်ပြီး ကျန်တဲ့ပစ္စည်းလည်း သိမ်းရမယ်။ အန်တီလေးတို့ကိုလည်း အကျိုး အကြောင်း ပြောပြရဦးမှာမို့ ခေမေသကကို အရင်ဝင်ကြဖို့ စီစဉ်ပြီး ပြန်သွားကြ ပါရော။ ဒီလောက် ကသောင်းကနင်း ဒုက္ခတွေ ကြုံနေရတဲထဲမှာ ရယ်စရာကလည်း ကြုံရ သေးတယ်။

ကျွန်မတို့သားအမိ နေ့ချင်းပြန်ဆိုပြီး မန္တလေးကို သွားလိုက်ကြတာ ပြန်ရောက်မလာတော့ ဗုံးစာဖြစ် သွားပြီး သေပြီလို့ယူဆကြတာပေါ့။ အန်တီလေးတို့မှာ ငိုလည်း ငိုကြ၊ အမျှအတန်း တွေဝေလို့တဲ့။ တစ်ပတ်ရှိ လို့မှ ပြန်မရောက်ရင် သပိတ်သွတ်ဖို့တောင် စီစဉ်ထားတာတဲ့ လေ။
မန္တလေး ကို ဗုံးတွေကြဲတဲ့ ညကြီးမိုးချုပ်မှာ ဇရပ်တံခါးကို လာခေါက်တဲ့ ဧည့်သည် တစ် ယောက်လည်း ရောက်လာတယ်တဲ့။ အဲဒီလူက သူဇရပ်ရှင်ဖြစ်တဲ့အကြောင်း အခုဒီဇရပ် မှာ နေဖို့ ရောက်လာတာလို့ ဆိုပါလေရော။

အန်တီလေးမမြသန်း လည်း ဘာလုပ်ရမှန်း မသိဘူးပေါ့။ ဇရပ်စောင့်တဲ့ ဘွားသီလရှင်ကြီး ကလည်း တခြားချောင် ကို ညအိပ်သွားနေလို့ မရှိဘူး။ ဒါနဲ့...
ကျွန်မ တို့လည်း ဇရပ်ရှင်ကို မတွေ့ဖူးလို့် မသိပါဘူး။ ကျွန်မတူမလေးက ဇရပ်ရှင်ဆီက ခွင့်ပြုလို့ ဒီမှာပြောင်း လာပြီးနေတာ။ အဲဒီတူမလေးလည်း ခုထက်ထိ ပြန်ရောက်မလာလို့ စိတ်ပူပြီး စောင့်နေတာ၊ သူလာမှပဲ ဦးနဲ့ ရှင်းကြပါတော့ လို့ပြောလိုက်ရတယ်တဲ့။
အဲတော့မှ ဇရပ်ရှင် ဦးအောင်ခန့် ဆိုသူက ခေါင်းရင်းက ဇရပ်မှာသွားပြီး နေတယ်တဲ့။
'ခင်ဗျားတူမ ပြန်မလာသေးဘူးလား' ဆိုတာလည်း နေ့စဉ် လာမေးနေတော့ သူတို့လည်း အနေရအထိုင်ရ ခက်နေ တာပေါ့။

လေးငါးရက် ကြာတဲ့အထိ ကျွန်မတို့က ပြန်မရောက်တော့ ဗုံးထဲပါသွားတာ သေချာပါပြီ ဆိုပြီး စိတ်အားလည်းငယ်၊ ဦးအောင်ခန့် ကိုလည်း အားနာတာနဲ့ ကျွန်မတို့ နေရာရှာပြီး ပြောင်းပေးပါမယ်၊ အချိန်လေး ဘာလေးတော့ ပေးပါ လို့ တောင်းပန်ပြီး အန်တီလေးတို့ နေရာထွက်ရှာကြရတယ်တဲ့လေ။
မန္တလေးတစ်မြို့လုံး ကျွတ်နီးပါး မီးလောင်တာမို့ ပြေးလာတဲ့ ဒုက္ခသည်တွေက နေရာအနှံ့မှာ ၀င်ပြီးခိုကြ ရတာ ဖြစ်တော့ အန်တီလေးတို့လည်း နေစရာ ဇရပ်ရှာလို့မရ ဖြစ်ပြီး စိတ်ညစ်နေတဲ့အချိန်မှာမှ ကျွန်မတို့က တစ်အုပ်ကြီး ပြန်ရောက်လာကြတာပါ။

ဆက်ရန်
.

No comments: