Sunday, September 30, 2012

ဟိန်းလတ် ဘာသာပြန် အဖြူ ကိုချစ်သော အမည်း အမည်းကိုချစ်သော အဖြူ, အပိုင်း (၁၄)ဇာတ်သိမ်း

လူစီဘဲလ်က ရာဂျာကိုမယူလျှင် သူကတော့ ယူမှာအမှန်ပင်ဟု ပြောတတ်သည်။ သူက ရာဂျာသည် သူ့တစ်သက်တာ တွင် တွေ့ဖူးသမျှ လူတွေအားလုံးထက် အဆအရာ သန်းပေါင်း များစွာ နှိုင်း မရအောင် သာ သူဖြစ်သည် ဟု ယူဆထားသည်။
သို့သော် လူစီဘဲလ် က လူဝီတစ်ခါတုန်းက သူ ပြောခဲ့သော စကားများကိုလည်း ကြားယောင်မိသည်။
ကို ဆက်ဖတ်ရန်.....

''သူက နင့်ကို စိတ်ပျော်အောင်ထားနိုင်မယ့် သူမဟုတ်ဘူး၊ ဘာဖြစ်လို့လဲဆိုတော့ သူက သူ့ကိုယ်သူကလွဲလို့ တခြားဘယ်သူ့ကို မှ ချစ်တတ်တဲ့သူမှ မဟုတ်တာ။''
ထိုဝေဖန်စကား ကို ကြားယောင်မိတော့ လူစီဘဲလ်သည် မျက်ရည်များပင် ကျလာမိသည်။ သို့သော် လူဝီစကား ကို အတည်မယူသာပါ။ လူဝီ က ရာဂျာကို  မနာလိုသူပင်ဖြစ်နိုင်သည်။
လူစီဘဲလ်၏ မူပျက်နေပုံကို သူ့အဖေလည်း သတိထားမိသည်။ ထိုအခါ သူ့အဖေလည်း စိတ်မကောင်း ဖြစ် မိသည်။ သို့သော် သူမက အားပေးသည်။
''စိတ်မပူပါနဲ့ အဖေရယ်။ လူစီဘဲလ်က ခုမှ အချစ်နတ်အဖမ်းခံထားရတဲ့ ကောင်မလေးဖြစ်နေ တာကိုး။ နွေဦးပေါက်ရာသီလိုပေါ့လေ။ နေသာလိုက်၊ မိုးရွာလိုက်နဲ့ပေါ့ တစ်ခါတစ်လေ လည်း နေပူ မိုးရွာ ရောထွေးနေတတ်တဲ့ သဘောပါပဲ။''
''ဘာတွေ သူက ခုမှချစ်တတ်တာတဲ့လား။ သူချစ်တတ်တာ ကြာပြီမဟုတ်လား။''
''မဟုတ်ဘူးလေ၊သူက ခု ရာဂျာနဲ့ လူဝီ ဘယ်သူ့ကို ရွေးချယ်ရမှန်းမသိဘဲ ဇဝေဇဝါ ဖြစ်နေတာကိုး။ ဒါကြောင့် သူစိတ်ရှုပ်နေ တာပေါ့ အဖေကြီးရဲ့။''

''ဒါပေမဲ့ ငါ့သမီးအတွက် စိတ်ပူတယ်ကွာ''
လူစီဘဲလ်ကလည်း သူ့ဖေဖေစိတ်မကောင်း ဖြစ်နေသည်ကို မသိမဟုတ်၊ သိသည်။ သို့သော် သူကလည်း ဟန်မဆောင်နိုင်။  သူ့မျက်နှာသွင်ပြင်သည် ဖုံးကွယ်၍ မရအောင် ဖြစ်နေသည်။
ဒါကို သူ့ဖာသာ သူလည်း မကျေနပ်။
သူ့ရင်တွင်း ပဋိပက္ခများလည်း မျှော့ကြိုးတစ်ခုကို တစ်ဖက်မှ တစ်ဖက်သို့ ဆွဲလိုက်၊ လွှတ်ပစ် လိုက် ဖြစ်နေသလိုပင် တည်ငြိမ်မှု ကင်းမဲ့စွာ လှုပ်ရှားနေရသည်။
သို့ဖြင့် အစားသောက် ပျက်လာသည်။ စားမဝင် အိပ်မပျော် ရက်တွေ များလာသည်။ တစ်ခါတစ်ခါ တစ်မှေးလေး မျှပင် အိပ်မရဘဲ မိုးလင်းသွားသော ညများကို ကြုံလာရသည်။
တစ်ခါတစ်ခါလေတော့ လည်း တစ်ယောက်တည်းနေ၍ မရသဖြင့် အဖော်အတင်းခေါ်ပြီး စကားပြောနေရသည်။

တစ်ခါတစ်လေတော့လည်း ဘယ်သူမှအနားတွင် ရှိသည်ကို မကြိုက်သဖြင့် လူတွေကို နှင်ထုတ်မိသည်။
တစ်ယောက် တည်း လမ်းလျှောက်နေသော တစ်နေ့တွင် လူဝီနှင့် တွေ့သည်။
အဖော် မလိုချင်ဘူးလား ဟေ့၊ လူနှစ်ယောက်ရှိတာတောင် များနေတယ် ထင်ရင်တော့ တို့မလားပါဘူးကွယ်။
မဟုတ်ပါဘူး
လူဝီက သူ့လက်ကလေးကို ဆွဲကာ လမ်းကြားလေး အတိုင်း လျှောက်လာကြ သည်။ ကောင်းကင် တွင်တော့ ငွေလမင်းလေးသည် လှပစွာ တွယ်ချိပ်နေသည်။ လူစီဘဲလ် က လမင်းလေး ကို မော့ကြည့် လိုက် သည်။ ရာဂျာက လမင်းကို သိပ်ချစ်တတ်တာပဲ။ ရာဂျာချစ်တဲ့ လမင်းလေးပါလား။

ထိုအချိန်တွင် သူ့လက်ကို လူဝီကတွဲထားကြောင်း သူသတိပြု မိလိုက်သည်။ ဒါဟာ ရာဂျာအပေါ် သစွာဖောက် သလိုဖြစ်နေမှာပဲ၊ သူက လက်ရုတ်ပစ်လိုက်သည်။ လူဝီက အံအားသင့်နေသည်။
ဘာဖြစ်လို့ ဒီလိုချက်ချင်းလုပ်လိုက်တာလဲဟင်။
ငါက ရာဂျာ အကြောင်း စဉ်းစားနေတာပေါ့၊ အဲဒီအချိန်မှာ ငါက နင်နဲ့လက်တွဲနေတာ ကောင်းမလား
ငါကတောင် ဘာမှမဖြစ်တာ၊ နင်ကတော့ ဘာဖြစ်သွားတာလဲဟ
နင်က သူ့အကြောင်း တွေးနေတာ သိမှမသိဘဲ ငါအကြောင်း နင်တွေးမနေဘူးဆိုတော့ ငါသိပါတယ်ဟာ
လူဝီ၊ ငါ ရာဂျာ ကို ချစ်တယ်ဟယ်။
လူဝီက ဘာမှပြန်မပြော။

နင်မယုံဘူးလားဟင်
ငါ ယုံပါတယ်ကွာ
ဒါဖြင့် ဘာဖြစ်လို့ ပြုံးနေတာလဲဟ
လူစီဘဲလ်ရယ်၊ ငါ့မှာ ပြုံးပိုင်ခွင့်လေးတောင် မရှိတော့ဘူးလား ဟယ်
အဲဒါက သိပ်အရေးကြီးတဲ့အကြောင်း၊ သိပ်အရေးပါတဲ့ ကိစ္စ ပြောနေတုန်းမှာ နင်က ပြုံးနေတော့ ကောင်း မတဲ့လား အချစ်ဆိုတာ လောကမှာ အရေးကြီးဆုံး၊ အရေးအပါဆုံး က်ိစ္စ မဟုတ်ပါဘူးကွာ၊ အချစ် ဆိုတာ ပျော်စရာ၊ ကြည်နူးစရာလောက်ပါပဲ။
ငါတော့ နင့်ကို နားမလည်းဘူး လူဝီ၊ နင်က ရာဂျာကို ကပျက်ကချော်လုပ်နေတာလား လူဝီက သူ့လက်ကို ထပ်ဆွဲလိုက်ပြန် သည်။

ငါက အရာရာကို ကပျော်ကချော်လုပ်တာ မဟုတ်ပါဘူး။ နင်ပြောနေတာက ထာဝရအမှန်တရား တွေမှ မဟုတ်တာ လူစီဘဲလ်က သူ့လက်ကို ပြန်ဖြုတ်လိုက်ပြန်သည်။
ငါတော့ နင်ကို နားမလည်းနိုင်ဘူးကွာ၊ နင် ရာဂျာကို သဘော မကျဘူး မဟုတ်လား ပြောစမ်းပါဟာ
သူ့ပါးပြင်ပေါ် မျက်ရည်စီးကြောင်းကြီးက ဆင်းလာနေသည်။
ငါသူ့ကို သဘောကျပါတယ်၊ ဒီတက္ကသိုလ် ရောက်ပြီးကတည်းက အများကြီး တိုးတက်ပြောင်းလဲ လာခဲ့တာ ငါသိ ပါတယ်။ ဒါပေမဲ့ သူအိန္ဒယ ပြည်ရောက်ရင် ဒါတွေအားလုံးဟ မိုးဦးကျ မိုးစက်မိုးပေါက် တွေနဲ့အတူ အကုန်လွင့်စင် ပျောက်ကွယ် သွားမှာ သေချာတယ်။ သူက ဗြဟ္မဏလူမျိုး။ အမှိုက်သိမ်း သမားတွေ ဆိုတာ အောက်တန်းစား ဆိုတဲ့ အသိုင်းအဝိုင်းထဲ ပြန်ရောက်သွားမှာ သေချာတယ်။
နင်ပြောတာ မှားနိုင်တယ်၊ နင်ပြောတာ မှားနိုင်တယ် မဟုတ်ဘူးလား။

လူစီဘဲလ်က ဒေါသတကြီးပင် ပြန်အောက်လိုက်သည်။
ဟုတ်ပါတယ်၊ ငါမှားတတ်ပါတယ်၊ ဒါပေမဲ့ အရာရာတိုင်း မှာတော့ ငါမမှားပါဘူးဟာ၊ မှားလည်းတစ်ခါတစ်ရံသာ မှားတတ်တာပါ လူဝီရယ် နင်ကတော့ လူတစ်မျိုးပဲ၊ အိန္ဒိယပြန်တာနဲ့ ရာဂျာ အကုန် ပြောင်းလွဲသွားရော့တဲ့လား ဟင် .. ပြောင်းလွဲနိုင်တယ် ပြောတာပါ၊ အခွင့်အရေး တချို့ကြောင့် မပြောင်းလဲချင်လည်း မပြောင်း လဲနိုင်ဘူးပေါ့လေ၊ ဒါပေမဲ့ သူ့ပတ်ဝန်းကျင် အသိုင်းအဝိုင်းကို သူလွန်ဆန်နိုင်မတဲ့လား။
လူဝီ နင်ပြောတာတွေ တစ်ဖက်သတ် ကျတယ်ဟာ၊ ရာဂျာဟာ ဆန္ဒပြပွဲတုန်းက ဘယ်လောက်တက် ကြွခဲ့သလဲ။ ဘာဂတ်ဆင်း အကြောင်း မိန့်ခွန်းပြောတုန်းက ဘယ်လောက် စိတ်အားထက်သန်ခဲ့သလဲ ဟုတ်ပါတယ်၊ ဒါကို ဘယ်သူ ကမှ မငြင်းနိုင်ပါဘူး။

သိပ်ခံစားမှု ပြင်းထန်နေတဲ့ အချိန်မှာ သူ့အသည်းထဲ နှလုံးထဲက ပွင့်အန်လိုက်တဲ့ စကားတွေပဲ၊ မတရားမှုကို မျက်ဝါး ထင်ထင်မြင် လာတဲ့အခါ မခံချင်စိတ်ရဲ့ စေ့ဆော်မှုကြောင့် ပေါက်ကွဲထါက်လာတဲ့ စကားတွေပဲ။ ဒါပေမဲ့ မိန်းကလေး ရယ်။ စိတ်ခံစားမှုဆိုတာက မတည်မြဲပါဘူး။ ပြောင်းလွဲတတ်ပါတယ်။ ခုမြင်ခုပျောက်ဖြစ်တတ် ပါတယ် ကွယ်" "'ဒါတော့မှန်ပါတယ်"
" အရေးကြီးတာက ရေရှည်ခံနိုင်ဖို့ပါ။ တိုက်ပွဲဟာ ရှည်ကြာမယ်၊ ခက်ခဲမယ် အဲဒါတွေကို ရင်ဆိုင်ရဲမှ"
"နင်ကကော ဘာဆက်လုပ်မှာလဲ"
"ငါကတော့ ရင်ထဲအသည်းထဲကကို ကတိပေးရဲတယ်။ ဒီတိုက်ပွဲအတွက်ဆိုရင် ငါ့အလုပ်၊ ငါ့ပညာ၊ ငါ့ဘဝတစ်ခုလုံးကိုတောင် လိုအပ်လာရင် စွန့်လွတ်လိုက်ဖို့အသင့်ပဲ။ နင်ငါ့အကြောင်း သိပါတယ်၊ လူစီရယ် ငါက တရှုးထိုး၊ ဝုန်းဝုန်းဒိုင်းဒိုင်း မလုပ်တတ်ဘူး။ ငါကဖြည်းဖြည်းနဲ့ မှန်မှန်သမားပဲ။ ငါတို့လျှောက်ရမယ့်လမ်းကို ငါ တစ်နေ့ပြီး တစ်နေ့မရရအောင် ဖောက်သွယ်မယ်လေ။ မရမချင်းကို ဆက်လုပ်သွားမယ့်လူပါ။ ဒါပေမဲ့ ငါ့ဘေး မှာတော့ မင်းရှိနေစေချင်တယ်ကွယ်"

"ငါသိပါတယ်ဟာ၊ ငါသိပါတယ်"
လူစီဘဲလ် က ညင်ညင်သာသာပင် ပြန်ပြောလိုက်လေသည်။
"ငါက အမှည့်လွန်တဲ့အသီးလို ငြိမ်ငြိမ်လေး အသက်ထွက်မယ့်သူ မဟုတ်ပါဘူး။ ငါက ငယ်ငယ်ရွယ်ရွယ်နဲ့ အသေခံဆို ခံမယ့်လူတွေကြားက လူတစ်ယောက်ပါကွာ။ ငါက စောစောက ကြွေကျသွားတဲ့ ကြယ်လေး လိုပဲဖြစ် ချင်တယ်။ မင်းသာ ငါ့အပ်းမှာ ရှီနေရင် တော်ပါပြီကွယ်၊ ငါမင်းကို လိုလားတယ်။ ငါမင်းကိုချစ်တယ်ကွယ်"
လူစီဘဲလ်က ဘာမှမပြော၊ သို့သော် မျက်ရည်တွေကတော့ တားမရဆီမရတော့။
"ငါရော ရာဂျာရော မင်းမျက်ရည်တွေနဲ့ မတန်ပါဘူးကွယ်၊ အချိန်ကျလာရင် မင်းအသည်းနှလုံးက ဘာလုပ်ရမယ် ဆိုတာ ပြောလာမှာပါကွယ်"
လူဝီက ပြောလိုက်လေသည်။

ဆည်းဆာရည်သည် လှပလွန်းလျသည်။
"ဒီအချိန်ဆို မောင်တို့နိုင်ငံမှာတော့ နွားရိုင်းသွင်းချိန်လို့ခေါ်တယ်ကွ။ နေဝင်ဖြိုးဖျမှာ နွားတွေကို ခြံထဲပြန်သွင်းတဲ့ အချိန်ကိုးကွ" "နွား၇ိုင်းသွင်းချိန် ဟုတ်လားမောင်။ ကျွန်မလည်း အိန္ဒိယလိုက်ပြီး အဲဒီအချိန်ကို ကြည့်ချင် လိုက်တာ" "ကြည့်လို့ရတာပေါ့လေ။ မောင်နဲ့ အတူတူလိုက်ခဲ့လေ"
သူတို့နှစ်ယောက်လုံးသည် ဒေါက်တာအေမိစ်အိမ်၏ ဝရန်တာမှနေ ၍ တောင်ကုန်းလေး များ ဘက် မျှောက်ကြည့်နေကြသည်။
တောင်ကုန်းလေး များမှာ ခရမ်းရောင်ခြုံထည်ကို လွှမ်းထားကြသည်။
ပိုးစုန်းကြူးလေး များလည်း ဟိုမှ သည်မှ ထွက်ပေါ်လာခဲ့ပြီ။

"လူစီဘဲလ် မောင်လေ မင်းကို တစ်ခုခုပြောချင်တယ်ကွယ်"
ရာဂျာက လူစီကို သိုင်းဖက်ကာ ပြောသည်။
"ပြောစရာရှိတာ ပြောပေါ့မောင်ရဲ့"
ဒါပေမဲ့ မောင်မပြောခင်၊ မင်းစိတ်မဆိုးပါဘူးဆိုတဲ့ ကတိ တစ်ခုတော့ လိုချင်သေးတယ်ကွယ်
ကတိပေးပါ တယ် မောင်ရယ်
ရာဂျာက တုံးဆိုင်းနေသည်။ နောက်မှ ပြောသည်။
ဝါရှင်တန် မှာ ဒေါက်တာမေတာနဲ့ မောင်တွေ့ခဲ့တယ်။ သူက မောင့်ကို ဘန်နီကာပို့တာဟာ မှားပြီး ပို့တာလို့ ပြော သည်။

ဘာ၊ မှားပြီးပို့လိုက်တာ ဟုတ်လား
ဟုတ်တယ်၊ မောင်သွားရမှာက မက်ဆာချူးဆက်ပြည်နယ် ဘန်ကာတက္ကသိုလ် တဲ့၊ ခုတော့ မောင်စဉ်းစားချိန် ရပါသေးတယ်၊ လာမယ် ဇွန်လမှာ အဲဒီကိုပဲ ပြောင်းတက်မလား၊ ဒီမှာပဲ ဆက်နေမလားဆိုတာ
အို ဒီမှာပဲနေပေါ့။ မောင်က ဒီတက္ကသိုလ်က ခွာမသွားနိုင်ပါ ဘူးနော်။ ဒါက ပြသာနာမှမဟုတ်တာ မောင်ရယ်
လူစီဘဲလ် ၏ အသံ တွင် သံသယရိပ်များကား လွှမ်းနေသည်။
မောင် ဘာလုပ်ရမလဲ စဉ်းစားနေတယ်ကွ
လူစီဘဲလ် က ရာဂျာလက်တွင်းမှ ရုန်းထွက်လိုက်သည်။

ဘာ၊ ဘာတဲ့၊ စဉ်းစားနေတုန်း ဟုတ်လား
စိတ်မဆိုးပါနဲ့ကွယ်၊ ခုနက ကတိပေးထားတာ မေ့သွားပြီး လား။ မောင်က သွားမယ်မှ မပြောသေးတာ။ စဉ်းစားတုန်း ပဲ ရှိသေးတယ်လို့ ပြောထားပြီ မဟုတ်လားကွ
ဘာဖြစ်လို့လဲ
မောင် ဆုံးဖြတ်ချက်က မောင့်အနာဂတ်ရေးကို လွှမ်းမိုးထား တယ်ကွာ။ မင်း သိပ်နားမလည်းသေးဘူးနဲ့ တူတယ်။
နားမလည်သေး ဘူး မမေးပါနဲ့မောင်။ ကျွန်မ ကောင်းကောင်းကြီး နားလည်ပါတယ်။ နားလည်လွန်းလို့ ခုချိန်မှာ ကျွန်မ ဟာလည်း ဆွံအပြီး၊ နားထိုင်းပြီး ဘာမှမမြင်ရတဲ့ ဆွံအ နားမကြား မျက်ကန်းတစ်ယောက် ဖြစ်ချင် လှပါပြီ မောင်ရယ်
စိတ်မဆိုးပါနဲ့ကွယ်၊ မောင် တောင်းပန်ပါတယ်။
စိတ်မဆိုး ပါဘူး၊ ကျွန်မ အရှင်းဆုံး စကားလုံးတွေနဲ့ ပြန်ပြော ပြပါမယ်။ ဘန်ကာဆိုတာက လူဖြူတွေရဲ့ နာမည် အကြီးဆုံး၊ အကျော်ကြားဆုံး တက္ကသိုလ်၊ အဲဒီတက္ကသိုလ်ကျောင်းဆင်းဆိုရင်၊ အိန္ဒိယအပြန်မှာ သိပ်မျက်နှာ ပွင့်မှာ မဟုတ်လား

လူစီဘဲလ်ရယ်၊ မောင်တောင်းပန်တယ်ကွယ်၊ ဆက်မပြောပါနဲ့တော့
ဆက်မပြောရဘူးတဲ့လား၊ မောင့် အတွေးအခေါ်တွေကို ဖွင့်မပြောရဘူးတဲ့လား၊ ဒါတော့ မရဘူးမောင်၊ မောင် ဟာလေ ကျွန်မတို့ အတွက် ဘာမှဂရုစိုက်တဲ့သူ မဟုတ်ဘူး။ လုံးလုံးဂရုစိုက်တဲ့လူ မဟုတ်ဘူး၊ မောင်က ဒီ မှာလည်း မနေချင်ဘူး၊ ကျွန်မတို့လို အထိအခိုက် အနှိမ်အပြု ကိုလည်း ခံရမှာ ကြောက်တဲ့လူပဲ
ဒါတော့ မမှန်ပါဘူးကွယ်
ဒါမှန်ပါတယ်၊ မောင်လည်း သိပါတယ်၊ မောင် ဆန္ဒပြပွဲထဲ ပါခဲ့တာတို့၊ တက်ကြွချင်ယောင် ဆောင်တာတို့ဟာ အလကား ပဲ၊ အားလုံး လိမ်ညာနေတာချည်းပဲ ရာဂျာက လူစီဘဲလ်၏ ပုခုံးကို ဆုပ်ကိုင်လိုက်သည်။

မောင် မလိမ်ပါဘူးကွယ်၊ မောင် ဘန်ကာကို မသွားချင်းပါဘူး၊ မောင် ဒီမှာပဲ နေချင်ပါတယ်၊ ဒါပေမဲ့ အိန္ဒိယမှာ အလုပ် တစ်ခု ရရေးဆိုတာ ဘယ်လောက်ခက်တယ်ဆိုတာ လူစီမသိဘဲကိုး။ မောင်တို့လို ပညာ တတ်တွေအဖို့ ပိုပြီး အလုပ်ရဖို့ မရဖို့ ပူစရာမလိုပါဘူး ပူစရာလိုတာပေါ့ကွယ်၊ မောင်က အလကားမနေချင်းဘူး။ လပ်ကနောင်း တက္ကသိုလ် မှာ စာသင်ပြချင်သေးတယ်
သြော် ဒါဆိုလည်း၊ ဘန်ကာက ရတဲ့ဘွဲမှ ဟုတ်သတဲ့လား။ ဘန်နီကာက ရတဲ့ဘွဲ့ကတော့ အသုံးမချနိုင် ဘူးပေါ့လေ သိပ် ဒေါသမကြီးနဲ့လေကွယ်၊ မောင် တောင်းပန်တယ်နော်  မောင်က ကျွန်မကို ဘာလုပ်စေချင်လို့လဲ၊ ငိုရမလားဟင်၊ ငိုရတော့မလား ပြောပြောဆိုဆို လူစီဘဲလ် ငိုချင်လိုက်သည်။ ရာဂျာ က ပွေ့ဖက် လိုက်သည်။ ငိုစရာ မလိုပါဘူကွာ၊ မောင် မသွားတော့ပါဘူး။

လူစီဘဲလ်က သူ့ကို တွန်းပစ်လိုက်သည်။
သွားပါ မောင်၊ သွားသာ သွားပါ
မောင်သွားလည်း ဘာထူးမှာမို့လို့လဲကွာ၊ မောင်လည်း ဒီကိုလာလို့ ရသားပဲ။ မင်းလည်း ဟိုကိုလာပေါ့ ဟုတ်လား" "သြော် ဘယ်လိုပြောလိုက်တာလဲ ရာဂျာရယ်၊ ဘန်နီကာက တစ်ခါခွာပြီးရင်လေ ကျွန်မတို့ ဘယ်တော့ မှ ထပ်မတွေ့နိုင်ကြတော့ဘူးသိလား"
"ဒီလိုဆိုရင်တော့ မောင်မသွားတော့ဘူး။ ဒီမှာပဲ နေတော့မယ်နော်"
ရာဂျာက လူစီဘဲလ် အား နမ်းလိုက်သည်။ ထို့နောက် တင်းကျပ်စွာ ဖက်လိုက်ကာ မေးလိုက်ပြန်သည်။
"လူစီဘဲလ်ရစ် မောင် ဘာလုပ်မယ်ဆိုတာ ပြောပါလားကွယ်၊ မောင်ဘာလုပ်သင့်တယ်လို့ ထင်သလဲကွယ်"

"ကျွန်မ မသိဘူး၊ ရာဂျအချစ်ရယ်၊ ကျွန်မက အသည်းလှိုက် အူလှိုက် ဒီမှာ မောင်နေရမယ်လို့ ပြောကော ရမတဲ့လား။ ကျွန်မ ခုစိတ်မဆိုးတော့ပါဘူး မောင်။ မောင် ရင်ဆိုင်နေရတဲ့ ပြဿနာကို ကျွန်မ နားလည်ပါပြီ။ ကျွန်မ လည်း ဒါမျိုးတွေ ရင်ဆိုင်ခဲ့ဖူးပါတယ်။ ဒါပေမဲ့ မာရီယန်၊ ဂျင်မီနဲ့ ဂျိုးဇက်တို့ အရိုက်ခံရတာတွေ၊ ဘုန်းတော်ကြီး မာသီယာစ် လက်အချိုးခံရတာတွေ၊ ဆွင်ဆန်ကြီး နံပါတ်တုတ်နဲ့ အနှက်ခံရတာတွေ ကို တွေ့ကြုံပြီးနောက်တော့ ကျွန်မ ဘာလုပ်ရမယ်ဆိုတာ နားလည်ခဲ့ပါပြီ။ ဘန်နီကာ က ဘန်ကာ မဟုတ်ဘူး ကျွန်မ သိတယ်။ ကျန်ခဲ့တဲ့ နှစ်တွေကလည်း ဒီကကျောင်းသား တစ်ချို့ ဘန်ကာကို ပြောင်းသွားကြတာ သိတယ်၊ ဒါပေမဲ့ ခုတော့ တစ်မျိုးပြောင်းသွားပြီး၊ ကျွန်မတို့ရဲ့ တိုက်ပွဲက ကျွန်မတို့ကို ခွန်အားသတ္တိပေးခဲ့ပြီလေ။ ကျွန်မ တို့ဟာ ဒီမှာနေပြီး ဒီတိုက်ပွဲဝင်နေရာကနေ ဆက်ပြီး တိုက်ပွဲတွေ နွှဲသွားကြရမယ်။ အောင်ပွဲရတဲ့အထိ ဆက်တိုက်သွားရမယ်။ ကျွန်မတို့နဲ့ မောင်နဲ့ ကမတူဘူးလေ၊ မောင်က ဒီကိုရောက်စ ကတည်းက ပြေးချင်နေတဲ့သူ။ မောင်က ဒီမှာအထိုက် အလျှောက် နေနေပေမယ့်၊ မောင့်ဆန္ဒကတော့ အမြဲပဲဒီနေရာ က ပြေး ချင်နေတာ မဟုတ်လား"

"မင်းပြောတာတွေက တစ်စိတ်တစ်ပိုင်းအားဖြင့်တော့ မှန်ပါတယ်ကွာ၊ ဒါပေမဲ့ လူစီဘဲလ်ရယ်၊ တစ်စိတ် တစ် ပိုင်းလောက်သာ မှန်တာပါ။ မောင်ဒီကိုရောက်စက တုန်လှုပ်ခဲ့မိပါတယ်။ ဘာလုပ်ရမှန်းမသိ ဖြစ်ခဲ့ပါတယ်။ ဒါပေမဲ့ ဒါကခဏပါပဲ။ မင်းတို့ဖေဖေရယ်၊ လူဝီရယ်၊ ပါမောက်က္ခဒင်တန်ရယ်ကို တွေ့မိ တော့ ချီးကျူး မိတယ်။မောင် ရွှေမြင်လို့မှ ရွှေမှန်းမသိတဲ့ အရူးမဟုတ်ပါဘူးကွ်။ မောင် ဒီမှာပျော်ပါတယ်၊ မင်းကိုလည်း ချစ် ပါတယ်" "ဒါပေမယ့် ဘန်ကာက မောင့်ကိုခေါ်နေပြီမဟုတ်လား"
သူ့ဒေါသများသည် ခုမှပြိုဆင်းလာတော့သည်။
"လပ်ကနောင်းရောက် လို့မှ ဒီခေါ်သံလေးကို ငြင်းလိုက်တာ ငါသိပ်မှားပါလားလို့ ထင်နေရဦးမယ်။ ဒီတော့ ကြွပါရှင် ကြွပါတော့" "လူစီဘဲလ်ရယ် မင်းက မောင့်ကိုတရိရိညှင်းနေသလားကွယ်"
"အို.. ရာဂျာရယ်။ မောင့်ကို ကျွန်မဘယ်လောက်ချစ်တယ်ဆိုတာ မောင်သိပါတယ်။ ကျွန်မက မညှဥိးဆဲ ရက်ပါဘူးနော်၊ မောင့်ဖာသာသံသယတွေကြားမှာ လုံးပါးပါးနေတဲ့သူပါ"
ရဂျာက သူ့မျက်နှာကို သူ့လက်ဖြင့် အုပ်ပစ်လိုက်သည်။ နောက်ပြီးငိုမိသည်။

သူ့ရှိုက်သံသဲ့သဲ့ကို လူစီဘဲလ်ကြားနေရသည်။
"အချစ်ရယ်၊ ဒီလိုမလုပ်ပါနဲ့ကွယ်"
သူ့တစ်သက်တာတွင် ယောက်ျားတစ်ယောက်၏ ငိုသံကို တခါမှမကြားဖူးခဲ့။
သူက ရာဂျာ့မျက်နှာပေါ်အုပ်ထားသော လက်များကို အသာအယာဖယ်ပစ်လိုက်သည်။

"သိပ်ပြီး စိတ်မကောင်းမဖြစ်ပါနဲ့ကွယ် မောင့်မှာ ဆုံးဖြတ်ဖို့ အချိန်တွေအများကြီး ကျန်ပါသေးတယ်။ ရာဂျာ ရယ်။ မောင့်ကို ကျွန်မသိပ်ချစ်တယ်ဆိုတာတော့ မောင်သိစေချင်ပါတယ်ကွယ်"
"မောင့်ကို စတွေ့တွေ့ချင်းကတည်းက ကျွန်မ ချစ်ခဲ့ရတာပါ။မောင် ဒီမှာနေနေ၊ မနေနေ၊ ကျွန်မ ကတော့ မောင့်ကိုချစ်နေမယ်ဆိုတာတော့ မောင်သိစေချင်ပါတယ်ကွယ်"
ရာဂျာ ဘာမှ ပြန်မပြောနိုင်ခင်မှာပင် လူစီဘဲလ်က ပြုံးပြီးရာဂျာကို တစ်ချက်နမ်းလိုက်သည်။
ထို့နောက် အိမ်ထဲ သို့ဝင်ကာ တံခါးမကြီးကို ပိတ်ပစ်လိုက်တော့သည်။

ဟိန်းလတ်
၁.၉.၁၉၇၈
ညနေ ၄ နာရီတိတိ။

No comments: