Saturday, February 25, 2012

ဝင်းငြိမ်း နှင့် စာရေးဆရာများ ပေဖူးလွှာစာပေအင်တာဗျူး, အပိုင်း (၄၈)

 ၁၉၆၇၊ စက်တင်ဘာ ၈၊ ကသာမြို့နယ်၊ ကူးကာအုပ်စု၊ ကျားသေရွာမှာ နေ့စဉ် "တံငါရွာက ပန်းလှေ" ကဗျာကို ရေးပါတယ်။ "မိခင် မာရသွန်" ကဗျာစာအုပ်ထဲမှာ ဒီကဗျာပါလာပါလိမ့်မယ်။
ကျားသေရွာ ဆိုတာ ဧရာဝတီမြစ်နဲ့ရော ရွှေလီမြစ်နဲ့ရော နီးပါတယ်။ မြစ်၊ ချောင်း၊ အင်းအိုင် ပေါပြီး မုရင်းစပါး စိုက်တယ်။ မြေပဲ အကြီးအကျယ် လုပ်တယ်။ ရေလုပ်ငန်းနဲ့လည်း အသက်မွေးပါတယ်။ ရွာခြေ ၀န်းကျင် ဟာ သာယာတယ်။ ဆောင်းဦးပိုင်း မှာ မြူတဆို့ဆို့နဲ့ ရီရီဝေေ၀၊ ကောင်းကင်မှာ တောငန်းရိုင်း တွေ ပျံလို့ပေါ့။

အဲဒီရွာထဲမှာ တံငါလှေအို တစ်စင်းထဲ မြေသားထည့်ပြီး ပန်းပင်တွေ စိုက်ထားတာ တွေ့ရတော့ အတွေး ပေါက်ပြီး ချက်ချင်းပဲ ဒီကဗျာကို ရေးမိပါတယ်။ ဆယ်မိနစ်နဲ့ ရေးပြီးတယ်ဆိုတဲ့ ကဗျာ အနည်းအကျဉ်း ထဲမှာ "တံငါရွာက ပန်းလှေ" ဟာ တစ်ပုဒ် အပါအ၀င်ပါပဲ။ ဖတ်ကြည့်ပါဦး။ ကျွန်တော် ခံစား ရသလို ခံစားနိုင်ပါစေလို့ ဆန္ဒ ပြုပါတယ်။
" ၁၉၆၅ မှာ ဆရာ ရေးသားထုတ်ဝေခဲ့တဲ့ "ဒုဋ္ဌ၀တီ ဧရာဝတီ"သို့ စာအုပ်ထဲမှာပါတဲ့ "ဘဲရိုင်းသုံးကောင်" ကဗျာဟာ တင်မိုး၊ ကြည်အောင်၊ မောင်စွမ်းရည်တို့ သုံးဦးအကြောင်းလို့ ပြောနေကြပါတယ်။ ဟုတ်ပါသလား။
" အဲဒီ ကဗျာဟာ မိုးသက်မုန်တိုင်းကြားထဲက ဘဲရိုင်းသုံးကောင်ရဲ့ ရုန်းကန်ပျံသန်းတဲ့ အကြောင်းပါပဲ။ မိုးဘွဲ့ ရုပ်ပုံလွှာတစ်ချပ်လို့ ဆိုနိုင်ပါတယ်။

စုံဂဏန်းတွေမှာ နှစ်ခု တစ်တွဲ၊ စုံချည်းပဲ တွဲနိုင်တယ်။ မ ဂဏန်းတွေမှာ နှစ်ခုတစ်တွဲ၊ တစ်ခုကွဲ နေစမြဲပေါ့ဗျာ။
တင်မိုး၊ ကြည်အောင်၊ မောင်စွမ်းရည်သုံးယောက်။ ဒီ "ဘဲရိုင်းသုံးကောင်" ကဗျာဟာ ကျွန်တော်တို့ သုံးယောက် အကြောင်း မဟုတ်ပေမယ့် တစ်ချိန်ချိန်များ အတွေးအခေါ်မတူကြလို့ နှစ်ယောက် တစ်တွဲနဲ့ တစ်ယောက်ကွဲ ဖြစ်ရရင်တော့ ... ကဲ "ဘဲရိုင်းသုံးကောင်" ကဗျာကို ဖတ်ကြည့်ပါဗျာ။

ဘဲရိုင်းသုံးကောင်

လျှပ်စစ်လက်သည်း၊ ပြက်ကနဲနှင့်
မိုးမည်းမျက်နှာ ကုတ်ခြစ်၏။
ကိုယ်ရောင်ကိုဖျောက်၊ခြေထောက်မပါ
ဝှေ့ကာ ရိုင်းစိုင်း၊ လေမုန်တိုင်းက
သစ်ကိုင်းကျိုးအောင် ကန်ကျောက်၏။
မိုးနတ်သမီး၊ ပန်းပုတီးမှ
မိုးသီးဖြစ်ကာ၊ ကြွေကျလှာသည်
စိတ်မှာအက်ကွဲ၊ ငွေပုလဲ။
ဘဲရိုင်းသုံးကောင်
မိုးမှောင်ပြင်ကျယ်၊ တိမ်ပင်လယ်ဝယ်
လှေငယ်သုံးစင်း၊ ရွက်ကြိုးဖွင့်။
လျှပ်စက်ပြက်ရောင်၊ မိုးလုံးမှောင်စဉ်
နှစ်ကောင် တစ်တွဲ၊ တစ်ကောင် ကွဲ၏
သင်းကွဲဘဲရိုင်း၊ တိမ်လေလှိုင်းထက်
မုန်တိုင်းဆန်လတ်၊ ပျံခတ်လျက် ...။

၁၉၆၅၊ မတ် ၂၄
(ဒုဋ္ဌ၀တီမှ ဧရာဝတီသို့)


" နောက်ထပ် ထွက်မယ့်စာအုပ်က "မိခင် မာရသွန်"လို့ သိရပါတယ်။ ဆရာ့ ရည်ရွယ်ချက်ကို သိပါရစေ "
" မိခင် မာရသွန် ကဗျာစာအုပ်ဟာ ၁၉၈၅ ခု နှစ်ဦးပိုင်းမှာပဲ ထွက်ပါ့မယ်။ ဒီကဗျာစာအုပ်ရဲ့ ရည်ရွယ်ချက် လား။
ဟုတ်ကဲ့ ပြောပါမယ်။
အမေရိကန် ကဗျာဆရာကြီး ရောဘတ်ဖရော့စ် (Robert Forst) နဲ့ ပတ်သက်ပြီး ဒီလို ဝေဖန်ပြောဆိုကြပါ တယ်။
" တချို့ ကဗျာဆရာတွေက ပြည်သူတွေအကြောင်း ရေးကြတယ်။ ဒါပေမဲ့ ရောဘတ် ဖရော့စ်တ်အဖို့မှာက တော့ သူ့ကဗျာတွေကိုယ်၌က ပြည်သူတွေ ဖြစ်နေပါတော့တယ်... " တဲ့။
အခု ကျွန်တော့် "မိခင် မာရသွန်" ကဗျာစာအုပ် ထွက်ဖို့ ၀ိုင်းဝန်းကြတဲ့ ကိုငြိမ်းချမ်းနဲ့ ကိုငယ် (ကျေက်ဆည်) တို့က ဒီလို ပြောပါတယ်။

" မိခင် မာရသွန်" ကဗျာစာအုပ်ထဲက 
ပြည်သူတွေဟာ -

ဝါကောက်တယ်၊ ဗိုင်းငင်တယ်
ပိုက်တန်းတယ်၊ ဖောင်စီးတယ်
ကြိုးကျစ်တယ်၊ ကြိမ်သပ်တယ်
မြေရိုင်းထွင်တယ်၊ ထရံရက်တယ်
ရက်ကန်းခတ်တယ်၊ သံဖြူလုပ်တယ်
သက်ငယ်ပစ်တယ်၊ ကောက်စိုက်တယ်


မြန်မာ့လူအဖွဲ့အစည်းထဲက အလုပ်လုပ်ကြတဲ့ ပြည်သူတွေရဲ့ ရုပ်ပုံလွှာက ချစ်ရူးပေါ့လေ။ သူတို့ဘ၀ကို ထင်ဟပ် ဖော်ပြချင်တဲ့ စေတနာဟာ "မိခင် မာရသွန်"ရဲ့ ရည်ရွယ်ချက်ပါပဲ
- မိခင် မာရသွန်ထဲက ကလေးတွေဟာ "အဆုံးမဲ့ကမ္ဘာ"ထိ မေတ္တာကျော်သီဆိုလို့ ပြေးကြတယ်။
- မိခင် မာရသွန်ထဲက အဘိုး အဘွားတွေဟာ ဓမ္မပေါက်ပြားနဲ့ ဘ၀ မြေသားကို ထုခွဲ ဆင်ခြင်တုံတရား မျိုးစေ့သစ် ကို ကြဲချစိုက်ပျိုးတယ်။
- မိခင် မာရသွန်ထဲက သတ္တ၀ါတွေ ဖြစ်တဲ့ တောငန်းရိုင်း၊ တိုက်ကြက်ဖ၊ ရွှေဘိုနယ်က စစ်မြင်း၊ အသက် သစ်ငှက် နှစ်ကောင်၊ နွားရိုင်း၊ တောခွေးအုပ်တို့ထဲမှာ အနာဂတ်အတွက် အင်အားသစ်တွေ ရှာတွေ့ နိုင်တယ်။ ဘုရားရှင်တွေကို မိခင်က မွေးဖွားပေးလိုက်တယ်။

ဒီသဘောတွေ ပါမယ်။
ကိုဝင်းငြိမ်း မေးတဲ့ "မိခင် မာရသွန်" ကဗျာစာအုပ်ရဲ့ ရည်ရွယ်ချက် ဆိုတာထဲမှာ အခု ပြောတဲ့အချက်တွေ အားလုံး အကျုံးဝင်နေပါတယ် "
" ဆရာနဲ့ ခေတ်ပြိုင် ရေးခဲ့ကြတဲ့ ကဗျာဆရာတွေ သိပါရစေ"
ကျွန်တော်နဲ့ ခေတ်ပြိုင် ကဗျာဆရာတွေကတော့ ... တင်မိုး၊ မောင်စွမ်းရည်၊ မောင်သင်းခိုင်၊ တက္ကသိုလ်မင်းမော်၊ မောင်ဆွေတင့်၊ ကိုလေး (အင်းဝဂုဏ်ရည်)၊ မောင်မြင့်မြတ်၊ မောင်လင်းယုန် (ရှမ်းပြည်)၊ အင်းဝညွန့်အေးတို့ ဖြစ်ပါတယ်။

ဒေါင်းနွယ်ဆွေ၊ နောင်၊ နေသွေးနီ၊ မင်းလှညွန့်တို့က ကျွန်တော့်ထက် တော်တော် စောပါတယ် "
" ကဗျာ ဆရာတချို့ ဟာ နုစဉ်ဘ၀မှာ ကဗျာရေးကြပြီး အသက်အရွယ် ရလာတဲ့အချိန်မှာ ကဗျာကို ကျောခိုင်း သွားကြတာ တွေ့ရပါတယ်။ ဘာကြောင့်ပါလဲ "
" ကဗျာ ဆရာတချို့ဟာ ငယ်စဉ်တုန်းက ကဗျာရေးပြီး အသက်ကြီးတော့ ကဗျာကို စွန့်ပစ်သွားကြတယ်။ ဘာလို့ ကဗျာကို စွန့်ပစ်သွားကြသလဲဆိုတာတော့ ကျွန်တော် မသိဘူး။ ကျွန်တော်တို့ တိုင်းပြည်မှာ ကဗျာ ရေးတယ်ဆိုတာ စိတ်လှုပ်ရှားတဲ့ လူငယ်လေးတွေရဲ့ အလုပ်လို့ တချို့က ထင်နေကြတုန်းပဲ။ "ကဗျာ ဆရာ" လို့ ဆိုလိုက်ရင်ပဲ လူငယ်ရုပ်ပုံလွှာကို မြင်ယောင်နေကြတယ်။
ဘာပဲပြောပြော ကဗျာဆရာဆိုရင် နှုတ်ခမ်းမွေးဖြူ တစ်တောင်လောက် ရှိနေပါစေ။ ကဗျာကို မြတ်မြတ်နိုးနိုး နဲ့ သေတစ်ပန် သက်ဆုံးရေးမယ်။

ဆရာကြီး သခင်ကိုယ်တော်မှိုင်း ဟာ အသက် ၈၀ ကျော်အထိ ကဗျာ ရေးခဲ့တယ်။
ဆရာဇော်ဂျီ၊ ဆရာမင်းသုဝဏ်ဟာ အသက် ၇၀ ကျော်ပြီ။ ကဗျာတွေ ရေးနေကြတုန်းပါပဲ။
ဆရာဒဂုန်တာရာ ဆိုလည်း အသက် ၆၀ ကျော်ပြီ။ ကဗျာတွေ ရေးနေတုန်းပဲ။ ၈၀ ကျော် သေသွားတဲ့တိုင် ကဗျာ တွေ ရေးသွားတယ်။
၁၉၈၄ ခုနှစ် စာပေနိုဘယ်ဆုရတဲ့ ချက်ကိုစလိုဗက် ကဗျာဆရာကြီး "ယာရောဆလပ် ဆိုက်ဖဲရ်" ဟာ အသက် ၈၃ နှစ် ထိ ကဗျာရေးနေတုန်းပါပဲ "
" အနောက်နိုင်ငံ တွေမှာ ရုပ်မြင်သံကြား အစီအစဉ်မှာတစ်ဆင့် ကဗျာရွတ်ပြတဲ့ အစီအစဉ်တွေကို အထူး အစီအစဉ်အဖြစ် တင်ဆက်ကြတယ်လို့ ကြားသိရပါတယ်။ ကျွန်တော်တို့ ဆီမှာတော့ ကဗျာကို ဒီလောက် အားပေးတဲ့အဆင့် မရောက်သေးပါဘူး။ ကဗျာကို စိတ်ဝင်စားလာအောင်၊ အားပေးလာအောင် ဘယ်လို ဆောင်ရွက်သင့်တယ်လို့ ဆရာယူဆပါသလဲ "
" ကမ္ဘာ့နိုင်ငံကြီးတွေမှာတော့ ကဗျာဆရာကို ရုပ်မြင်သံကြား အစီအစဉ်မှာ တွေ့ဆုံမေးမြန်းပြီး ကိုယ်တိုင် ရွတ်စေတဲ့ ကဗျာရွတ်ပွဲကြီးတွေ TV Poetry recitals ကို မကြာခဏ ဆိုသလို ကျင်းပပေးလေ့ရှိပါတယ်။

ဆိုဗီယ်ကဗျာဆရာမ ဘယ်လာအက်ခမာဒူလီနာ *Bella Akhmaduli-na) နဲ့ တွေ့ဆုံမေးမြန်းတဲ့ အင်တာဗျူးမှာ သူမရဲ့ တီဗွီကဗျာရွတ်ပွဲကို နားသောတဆင်တဲ့ လူပရိသတ်ဟာ သန်းကျော်ပါတယ်တဲ့။
ကျွန်တော်တို့ တိုင်းပြည်မှာ ကဗျာကို ဒီထက်ပိုပြီး စိတ်ဝင်စားလာအောင် ဘယ်လိုလုပ်ရမလဲဆိုရင် -

၁။ ကဗျာဆရာတွေ နယ်လှည့်ဟောပြောပွဲ၊ စာဆိုတော်နေ့ စတဲ့ ပွဲတွေမှာ ဂန္ဓ၀င်ကဗျာရော၊ ခေတ်ပေါ် ကျောရော ရွတ်ပြဟောပြောကြဖို့။
၂။ အခု ကိုဝင်းငြိမ်းတို့လို မဂ္ဂဇင်းစာတည်း အဖွဲ့ဝင်တွေက ကဗျာဆရာနဲ့ တွေ့ဆုံခန်းဖွင့်ပြီး မဂ္ဂဇင်းမှာ တင်ပြပေးဖို့။
၃။ ရေဒီယို၊ ရုပ်မြင်သံကြား စတဲ့ နေရာတွေကနေ ကဗျာရွတ်ကြဖို့။
၎။ စာပေညီလာခံကြီးတွေမှာ ကဗျာရွတ်ပွဲ အစီအစဉ်တစ်ခု ထည့်ပေးဖို့။
၅။ ကဗျာဆရာတွေကို ကိုယ်တိုင် ရွတ်ဆိုတဲ့ ကဗျာရွတ်ပွဲ တိပ်ခွေတွေ ဖြန့်ချိဖို့ လိုပါတယ်။
၆။ ကဗျာကို ဒီထက်ပိုပြီး စိတ်ဝင်စားလာအောင် ပြည်သူကြားမှာ ကဗျာဟာ ဒီထက်ပိုပြီး စိမ့်ဝင်လာနိုင်အောင် မြန်မာစာ၊ မြန်မာကဗျာကို အဓိကဘာသာရပ် ဌာနတစ်ခုအဖြစ် ပြဋ္ဌာန်း ပို့ချနိုင်တဲ့ နေရာ (ဥပမာ-တက္ကသိုလ်၊ ကောလိပ်လို နေရာမျိုး)မှာ ကဗျာသင်ကြားတဲ့အခါ တစ်ဆက်တည်း ကျွဲကူးရေပါ နည်း သဘောမျိုး ရွတ်ပြီး သင်တာမျိုးတွေ လုပ်သင့်ပါတယ်။
" ကဗျာ ရေးချင်တဲ့ စာပေ၀ါသနာရှင်တွေကို ကဗျာစာပေဆုရ ဆရာအနေနဲ့ ဘယ်လို အကြံပေးချင် ပါသလဲ "
" ကျွန်တော် အကြံပေးချင်တာက
၁။ မြန်မာ့ကဗျာစာပေ၊ ကမ္ဘာ့ကဗျာစာပေတွေ လေ့လာရေး အားကောင်းဖို့။
၂။ လက်တွေ့ ချရေးနိုင်ဖို့၊ ကိုယ်ပိုင်ဟန်၊ ကိုယ်ပိုင်တက်ခနိက ဖန်တီးနိုင်ဖို့။
၃။ စုတုပြုလို့ ဆိုပေမယ့် တချို့က ဒုတိယဖိုးစိန်ဘ၀ကကို မတက်ဘူး။

မဟာရဋ္ဌသာရလို ရေးတယ်။
ဒဂုန်တာရာက ဒဂုန်တာရာလို ရေးတယ်။
မောင်သင်းခိုင်က မောင်သင်းခိုင်လို ရေးတယ်။
ကဗျာဆရာတိုင်း ကိုယ်ပိုင်မှု၊ ကိုယ်ပိုင်ဟန်ရှိဖို့ အရေးကြီးပါတယ်။
အရင်းရှင် ကုန်ထုတ်စနစ်မှာ အရာရာ " ရောင်းကုန်" ဖြစ်တဲ့အထဲ "ကဗျာ" လည်းပါသွားပါတယ်။
ကဗျာဆရာရယ်၊ ပြည့်တန်ဆာရယ်၊ ဆရာဝန်ရယ်၊ ရှေ့နေရယ်၊ သိပ္ပံပညာရှင်ရယ် သူတို့အားလုံး ရောင်း ကုန်ထုတ်စနစ်ထဲမှာ လုပ်ခစားသက်သက်တွေ ဖြစ်သွားတယ်။ ကဗျာရဲ့ ကြီးမားတဲ့ တန်ဖိုးတွေ အဖျက်ဆီး ခံခဲ့ရတယ်။
ကဗျာကို တန်ဖိုးသစ်လာစေဖို့၊ ကဗျာရဲ့ မူလပိုင်ရှင်ဖြစ်တဲ့ ပြည်သူ့လက်ထဲ ကဗျာကို အရောက်ပို့ဖို့ ကျွန်တော်တို့ ကဗျာဆရာတွေအားလုံးက လုံးပန်းကြိုးစားကြရမယ်။
ရာဇ၀-င်ခေတ်ကြီးတွေမှာ ဧရာမ ကဗျာဆရာကြီးတွေဖြစ်တဲ့ "ဟိုးမား၊ ရှိတ်စပီးယား၊ ဗားတော့ဗရတ်၊ သခင်ကိုယ်တော်မှိုင်း" တို့လို ပုဂ္ဂိုလ်ကြီးတွေ လိုအပ်နေလေ့ရှိပါတယ်။
ကျွန်တော်တို့ ကဗျာဆရာတွေဟာ ကိုယ်ပိုင်တာဝန်ကို သစ္စာရှိရှိ ထမ်းဆောင်နိုင်ဖို့လိုပါတယ်။
ကဗျာ ချစ်သူ စာ ချစ်သူအားလုံးကို ကျေးဇူးတင်ပါတယ်။
ပေဖူးလွှာ မဂ္ဂဇင်း၊ အမှတ်-၄၅၊ ဖေဖော်ဝါရီလ၊ ၁၉၈၅ခုနှစ်။

တက္ကသိုလ်မြစိမ်းနှင့်တွေ့ဆုံခြင်း

ဒီလ ကျွန်တော် တွေ့ဆုံပေးမယ့်သူကတော့ ၁၉၆၅ ခုနှစ်မှာ "မိုးရွာသော ညများနှင့်အခြားဝတ္ထုတိုများ"နဲ့ အမျိုး "နောက်တိုး" ၀တ္ထုနဲ့ အမျိုးသားစာပေ (၀တ္ထုရှည်)ဆု ချီးမြှင့်ခံရတဲ့ တက္ကသိုလ်မြစိမ်းပဲဖြစ်ပါတယ်။
တက္ကသိုလ်မြစိမ်းဆိုတာနဲ့ တစ်ပြိုင်နက် ဇာတ်၊ အငြိမ့်နဲ့ ဆိုင်းလောကကို နောက်ခံထားပြီး ပီပီပြင်ပြင် ခြယ် မှုန်းသွားခဲ့တဲ့ "နောက်တိုး"ကို သတိရမိကြမှာဖြစ်သလို တိုင်းမင်းကြီးသမီး၊ ညွှန်ကြားရေးမှူးချုပ် ကတော်၊ စုံကန္ထာ နေပူခရီးစတဲ့ ဆရာမ လက်ရာတွေကို စာချစ်သူများ မှတ်မိကြပါလိမ့်မယ်။

" ဆရာမ နာမည်ရင်းက ... "
" မြင့်မြင့်သန်းပါ"
" မြစိမ်းလို့ ကလောင်နာမည်ယူတဲ့နေရာမှာ သီးခြားအကြောင်းများ ရှိပါသလား ဆရာမ"
" အစိမ်းရဲ့ သဘောသဘာဝကို ကျွန်မ သဘောကျတယ်။ အစိမ်းရောင်ရဲ့ လောကကို အကျိုးပြုပုံ ကိုလည်း အားကျတယ်။ ဒါကြောင့် အစိမ်းရောင်ရှိတဲ့ မြနဲ့ တွဲပြီး မြစိမ်းဆိုတဲ့နာမည်ကို ယူခဲ့ပါတယ်"
" မြစိမ်းရဲ့ ရှေ့မှာ တက္ကသိုလ် တပ်ထားတော့ ဆရာမ တက္ကသိုလ်တက်နေစဉ်ကတည်းက စာစ ရေးခဲ့တာ ထင်ပါတယ်။ ဒါဆိုရင် ဆရာမ စာ စရေးဖြစ်ခဲ့ပုံကို သိပါရစေ"
" ကျွန်မ တက္ကသိုလ်ရောက်စနှစ်မှာပဲ ယုဝတီဂျာနယ်မှာ ၀တ္ထုတိုကလေး တစ်ပုဒ် ပါလာပါတယ်။ ကျွန်မ ပို့တုန်းက မြစိမ်း နာမည်နဲ့ ပို့တာပဲ။ စာမူယူသွားတဲ့ အစ်မကြီးတစ်ယောက်က တက္ကသိုလ်လည်း ရောက်နေပြီပဲ။ တက္ကသိုလ် ထည့်လိုက်မယ်ဆိုပြီး ရှေ့က တက္ကသိုလ် ထည့်လိုက်လို့ ကျွန်မ စာရေးတဲ့နာ မည် "တက္ကသိုလ်မြစိမ်း" ဖြစ်လာပါတယ်"

" ကျွန်တ်ေတို့ စာပေလောကမှာ တက္ကသိုလ်မြစိမ်းနဲ့ မြမြစိမ်းရယ်လို့ ကလောင်နှစ်မျိုး ရှိနေတာကို စာဖတ် ပရိသတ် တချို့ ခွဲခြားမရ ဖြစ်နေတတ်ကြပါတယ်။ ကျွန်တော် တွေ့ဆုံပေးခဲ့ဖူးတဲ့ "တက္ကသိုလ် ကြူကြူသင်း" ဆိုရင် အခု ရှေ့က တက္ကသိုလ်ဖြုတ်ပြီး "ကြူကြူသင်း"နဲ့ပဲ ရေးနေတော့ ဒီကလောင်နာမည် နှစ်ခု က တစ်ယောက်တည်း ဖြစ်နေတယ်။ ဆရာမ ကိစ္စကိုလည်း ကြုံကြိုက်တုန်းမှာ ရှင်းပြစေချင် ပါတယ်"
" ဒီမေးခွန်း ကိုတော့ ကျွန်မ မဖြေပါရစေနဲ့ "
" ဆရာမ မဖြေချင်ရင်လည်း ကျော်လိုက်ကြတာပေါ့။ ဆရာမက ၀တ္ထုတိုရော၊ ၀တ္ထုရှည်ပါ အမျိုးသား စာပေဆု ရထားတယ် ဆိုတော့ စာပေလေ့လာလိုက်စားကြတဲ့ စာဖတ်ပရိသတ်အတွက် ၀တ္ထုတိုရေးနည်းနဲ့ ၀တ္ထုရှည်ရေးနည်း ခွဲခြားပြောပြစေချင်ပါတယ်"

" ၀တ္ထုရေးနည်းက လွယ်လွယ်ပြောလို့ မဖြစ်ပါဘူး။ မရပါဘူး။ ကျွန်မ ၀တ္ထုရေးနည်း မပြောတတ်တဲ့ အတွက် ခွင့်လွှတ်ပါ။ ၀တ္ထုရေးနည်းပညာရပ် က နက်နဲ ခက်ခဲ ကျယ်ဝန်းပါတယ်။ စာပေရေးရာဆိုင်ရာ၊ စာပေအနု ပညာဆိုင်ရာ၊ အလှတရား ဆိုင်ရာ စာအုပ်တွေ အမျိုးမျိုးထွက်လာတော့ ရေးနည်းပြောဖို့လည်း ပိုခက် လာပါ တယ်။ ကျွန်မ ပြောတတ်တာတော့ ရှိတယ်။ ၀တ္ထုတိုတို့၊ ၀တ္ထုရှည်တို့ ရေးတဲ့အခါမှာ ကျွန်မ အတိုင်းအတာ အရ အကောင်းဆုံးဖြစ်အောင် အဘက်ဘက်က ပြည့်စုံအောင် ကြိုးစားပါတယ်။ နောင် ကိုလည်း အခုထက် ပိုပြီး ကြိုးစားမယ်လို့ စိတ်ပိုင်းဖြတ်ထားပါတယ်"
" ဟုတ်ကဲ့ ဆရာမ၊ "နောက်တိုး"နဲ့ ပတ်သက်ပြီး ကျွန်တော် ဆွေးနွေးချင်တာလေးတချို့ ဆွေးနွေး ခွင့်ပြုပါ"
" ဟုတ်ကဲ့ "

" နောက်တိုးကို လေ့လာကြည့်ရင် ဦးမောင်မောင် မိသားစုနဲ့ ခင်တိုးတို့ မိသားစု နှစ်ဖက် တွေ့ရပါမည်။ ဦးမောင်မောင် ဘက်မှာ ဘွားဘွားကြီး ဒေါ်စိန်းမြ၊ မေမေ ဒေါ်စိန်းအေး၊ အဒေါ် ဒေါ်စိန်းရွှေ၊ ဒေါ်စိန်းငွေ စတဲ့ "စိန်း" မိသားစုကို ဖန်တီးထားတယ်။ ခင်တိုးတို့ဘက်ကို ကြည့်ပြန်ရင် အဖေက ဆိုင်းဆရာ ဦးဘတိုး၊ သမီးက ခင်တိုး၊ လှတိုး၊ မြေးက နောက်တိုး စတဲ့ "တိုး" မိသားစု ဖန်တီးထားတယ်။
မိသားစု နာမည်တပ်တယ်ဆိုတာ ကျွန်တော်တို့နိုင်ငံမှာ ဒီဘက်ခေတ်ရောက်မှ အလေ့အထ ရှိလာတယ်လို့ ကျွန်တော် ထင်ပါတယ်။ ဥပမာ ... ကျွန်တော်တို့ ညီအစ်ကိုတွေဆိုရင် နာမည် "ညိမ်း" ကို နောက်ဆုံးမှာ ထားကြတယ်။ ညီတွေက မွေးလာတဲ့ တူတွေမှာလည်း "ညိမ်း" ပါလာတယ်။
ဟိုဘက်ခေတ်က မိသားစုတွေနဲ့ ဇာတ်အိမ် စတည်ထားတဲ့ "နောက်တိုး" ၀တ္ထုမှာ ဘာဖြစ်လို့ ဆရာမ ဒီလို ဖန်တီးခဲ့တယ်ဆိုတာ သိခွင့်ပြုပါ "
" နောက်တိုး က ဟိုဘက်ခေတ်ကို နောက်ခံထားတဲ့ ၀တ္ထုမဟုတ်ပါဘူး "

" ဆက်ဆွေးနွေးရရင် အဲဒီဝတ္ထုစာမျက်နှာ ၆၉ မှာ နယ်ပိုင် ဦးမောင်မောင်ရဲ့ အယူအဆတစ်ခု တွေ့လိုက် ရ ပါတယ်။ ယောက်ျားတစ်ဦးတည်း ကိုသာ တွေ့ဖူးသော မိန်းမ၏ အယုအယ၊ အကြင်နာ၊ အပြု အစု ထက် ယောက်ျားအမျိုးမျိုးကို တွေ့ဖူးသော မိန်းမ၏ အကြင်အနာ အပြုအစုထက် ယောက်ျား အမျိုးမျိုး ကို တွေ့ဖူးသော မိန်းမ၏ အကြင်အနာ အပြုအစု အယုအယတို့က သာမည်" လို့ ဆိုထားတယ်။
ခပ်ရိုင်းရိုင်း ပြောရရင် (ကန်တော့နော် ဆရာမ) ပြည့်တန်ဆာ က အိမ်က မိန်းမထက် သာမယ်ဆိုတဲ့ သဘော သက်ရောက်သွားတယ်လို့ ထင်ပါတယ်။ ဒါဆိုရင် ယောက်ျားတွေ တစ်အိုးတစ်အိမ် တစ်လင် တစ်မယား စနစ် ထားတာထက် အပျော်အပါး လိုက်စားတာက ပိုညပီး သာယာသွားနိုင်ပါသလား "

" ကိုဝင်းငြိမ်းရဲ့ မေးခွန်းကို ကျွန်မ အံ့သြမိပါတယ်။ အမှန်က ဒီနေရာမှာ ဇာတ်ကောင်ရဲ့ စရိုက်ကို ပေါ်အောင် ဖော်ပေးတဲ့ သဘောလောက်ပါ ကိုဝင်းငြိမ်း"
" အိမ်ထောင်ရေး အယူအဆနဲ့ ပတ်သက်လို့ မေးတာပါ ဆရာမ။ ဒီဝတ္ထုရေးဖို့အတွက် ဆိုင်း၊ ဇာတ်နဲ့ ပတ်သက်ပြီး တော်တော်လေး ဖတ်မှတ်လေ့လာခဲ့ရမယ် ထင်ပါတယ်။ ဆရာမ ကြိုးပမ်းခဲ့ပုံ တစ်စိတ်တစ် ဒေသ သိခွင့်ပြုပါခင်ဗျာ "

" ဇာတ်သမား မဟုတ်တဲ့ ကျွန်မ ဇာတ်သဘင်ကို လေ့လာရတာ တော်တော် ဒုက္ခကြီးပါတယ်။ လေ့လာတဲ့ အခါမှာ အကောင်းအဆိုး အမျိုးမျိုး ကြုံရပါတယ်။ အအိပ်ပျက် အလုပ်ပျက်နဲ့ ကျန်းမာရေးလည်း ထိခိုက်ပါ တယ်။ ဒါပေမဲ့ ကျွန်မက ဇာတ်လောကနောက်ခံ ၀တ္ထုရေးဖို့ စိတ်အားထက်သန်တဲ့အတွက် ကြုံလာ သမျှကို ရင်ဆိုင်ပြီး ဇာတ်သဘင်လောကကို ဆက်ပြီး လေ့လာတယ်။ ဇာတ်ဝတ္ထုတွေ ရေးရတာ ကျွန်မ ပျော်ပါ တယ်။ ဇာတ်သဘင် လေ့လာတဲ့အခါမှာ ကူညီတဲ့ လူပေါင်းများစွာထဲက လူတချို့ကို ပြောရရင်တော့ ဘဘစိန်အောင်မင်းနဲ့ စိန်အောင်မင်း မိသားစု၊ စိန်မဟာသဘင် ဒေါ်မြသန်းနဲ့ စိန်ညီအစ်ကို၊ ပန်တျာတင်တင်မြင့်နဲ့ မုန်တိုင်းအဖွဲ့၊ ဒေါ်ဗလပြန်၊ ယုဝတီဒေါ်ခင်ညွန့်၊ ဒေါ်အောင်သန်းကြည်၊ ဒေါ်အောင် သန်းတင် စတဲ့ မင်းသမီးကြီးတွေ၊ ရွှေလိပ်ပြာ၊ ကောလိပ်မြိုင်၊ ချစ်အာရုံ စတဲ့ အငြိမ့်မင်းသမီးကြီးတွေ ကြည်ကြည်ဝင်း၊ ထားမေ စတဲ့ ဇာတ်မင်းသမီးတွေ၊ စိန်ချစ်တီး အမှူး ထားတဲ့ ဆိုင်းဆရာတွေ၊ယဉ်ကျေးမှု ကဇာတ်က မင်းသမီးတွေနဲ့ ပညာရှင်တွေ၊ ဦးထိန်ဝင်းနဲ့ အဖွဲ့ စသည် စသည်တို့ ဖြစ်ပါတယ်။ ကျွန်မကို ကူညီခဲ့တဲ့ မင်းသား၊ မင်းသမီး၊ ဆိုင်းဆရာ၊ ပညာရှင်အားလုံးကို ကျေးဇူး တင်ပါတယ် "

" နောက်တိုး အဆက်အနွယ်အဖြစ် ဆရာမ ဖော်ပြထားတဲ့ စိန်ကတုံး နဲ့ ပတ်သက်ပြီး လူထုဒေါ်အမာရဲ့ "အောင်ဗလ၊ ဖိုးစိန်၊ စိန်ကတုံး" မှာ ဖော်ပြထားတာနဲ့ အချက်တစ်ခု ကွဲပြားနေတာ တွေ့ရပါတယ်။
ဆရာမ က စိန်ကတုံးအဖေ ဆိုင်းဆရာကြီး ဦးကျော်ဦးက စံကင်းကလို့ ဆိုတယ်။ ဒေါ်အမာက ညောင်တုန်းကလို့ ရေးထားတယ်။ ဒီကွဲလွဲချက်ကလေးကို သဘင်ချစ်သူ တွေရှင်းသွားအောင် ပြောပြ စေချင် ပါတယ် "
" ဒီမေးခွန်း ကို ကျွန်မ မဖြေပါရစေနဲ့ "
" ဆရာမ နိုင်ငံခြားဝတ္ထုတွေ ဖတ်ပါသလား။ ဘယ်စာရေးဆရာရဲ့ ၀တ္ထုတွေကို စွဲစွဲမြဲမြဲ ဖတ်လေ့ရှိပါသလဲ "
" ဖတ်ပါတယ်။ ၀တ္ထုသာမကပါဘူး။ စာအမျိုးမျိုးကို ကျွန်မ ဖတ်ပါတယ်။ နိုင်ငံတကာ စာပေသဘော တရား တွေ၊ စာပေအယူအဆတွေ၊ စာပေဖန်တီးခြင်း အကြောင်းတွေကိုလည်း ကျွန်မ စိတ်ဝင်စား ပါတယ်။ ၀တ္ထုမှာတော့ တစ်ယောက်ယောက်ကို စွဲစွဲမြဲမြဲ ထားပြီး မဖတ်ပါဘူး။ ဖတ်သင့်တာကော၊ ဖတ်ချင်တာကော၊ အပျင်းပြောတာကော သင့်သလို တစ်အုပ်ပြီး တစ်အုပ် ဖတ်သွားပါတယ် "
" တိုင်းမင်းကြီးသမီး ၀တ္ထုကို ဆက်လိုက်ကြရအောင် ဆရာမ။ ဒီဝတ္ထုမှာ တိုင်းမင်းကြီးရဲ့ သမီးအကြီးဆုံး ခင်ရွှေအေး ရဲ့ စရိုက်တွေက မြန်မာမဆန်ဘူးလို့ ထင်ပါတယ်။ ခင်ရွှေအေးဟာ အဖေရှေ့မှာ စီးကရက် ပြောင်ပြောင် တင်းတင်း သောက်ဝံ့တယ်။ လေယာဉ်ပျံပေါ်မှာ ခဏလေး တွေ့လိုက်ရတဲ့ ပန်းချီဆရာ မှိုင်းဝေ လို ဆေးတံသောက်ပြီး နှုတ်ခမ်းမွေးနဲ့ ပါးမြိုင်းမွေးနဲ့ လူမျိုးကို သဘောကျလိုက်တယ်။ စိတ်ဝင်စား လိုက်တယ်။ ဟိုက မလာတာတောင် သူက မျှော်တယ်။

တိုင်းမင်းကြီးခေတ်က မိန်းကလေးတွေ မပြောနဲ့၊ ဒီနေ့ခေတ် မိန်းကလေးတွေတောင် မိဘအုပ်ထိန်းမှု အောက်မှာ ရှိနေသေးရင် အဖေရှေ့ စီးကရက် မသောက်ဝံ့ကြပါဘူး။ မိဘအပေါ်မှာ ရိုသေလေးစားမှု ရှိနေ ကြပါ သေးတယ်။ ဒါပေမဲ့ တိုင်းမင်းကြီးသမီး ခင်ရွှေအေးကတော့ အသားမည်းမည်း၊ ရုပ်ချောချောလို့ ဆရာမ ဖန်တီးထားတဲ့ ပန်းချီဆရာ မှိုင်းဝေ ကို သဘောကျတယ်။ ဒါကြောင့် ခင်ရွှေအေးကို မြန်မာ မဆန်ဘူးလို့ ကျွန်တော် ပြောတာပါ။

ခင်ရွှေအေးရဲ့ စရိုက်နဲ့ ပတ်သက်ပြီး ဆရာမ ဘာကြောင့် ဒီလို ဖန်တီးခဲ့တယ်ဆိုတာ သိပါရစေ "
" အဲဒီဝတ္ထုကို ရေးတဲ့အချိန်က ခံစားမှုအရ ဇာတ်ကောင် ခင်ရွှေအေးကို ဖန်တီးခဲ့ပါတယ်လို့ ဖြေရင် လုံလောက်မယ် ထင်ပါတယ် "
" တချို့ ဆရာတွေက ပြောတယ်။ ဇာတ်ကို ရေးရင်းနဲ့ ဇာတ်ကောင် ခေါ်ရာနောက်လိုက်သွားပြီး ကိုယ် ဇာတ်ကွက်ချထားသလို မဟုတ်တော့ဘဲ လွဲသွားတတ်တယ်တဲ့။ ဆရာမ ဇာတ်တွေမှာကောဒီလို ဖြစ်ဖူးပါ သလား"
" ကျွန်မ ၀တ္ထုရေးရင် ဇာတ်ကွက်ချရေးလေ့ မရှိပါဘူး "

" ၀တ္ထုရှည်တစ်ပုဒ် ရေးပြီးရင် ဒီအထဲက ဇာတ်ကောင်ကို မေ့မရနိုင်ဘဲ ရင်ထဲမှာ ကျန်နေရစ်တာမျိုး ဆရာမ ခံစားရဖူးပါသလား။ ဘယ်ဇာတ်ကောင်ပါလဲ "
" ၀တ္ထုရေးပြီးစ ဆိုရင်တော့ ဖြစ်တတ်ပါတယ်။ အခု အခြေအနေအရတော့ နောက်ရေးမယ့် ၀တ္ထုထဲက ဇာတ်ကောင်တွေကို ပိုပြီး စဉ်းစားနေမိပါတယ်။ သူတို့က ပိုပြီး ကြီစိုးတယ်လို့ ပြောရမယ် ထင်ပါတယ် "
" ဒီနေ့ လုံးချင်းဝတ္ထုတွေ ဈေးကွက်ကျဆင်းနေတာနဲ့ ပတ်သက်ပြီး ဆရာမ ဘယ်လို မြင်ပါသလဲ "
" စာပေလောက ကို စီးပွားရေးသမားတွေ ၀င်လာပြီး စီးပွားဖြစ်နည်းတွေ သုံးတဲ့အတွက် လုံးချင်းဝတ္ထု အခြေအနေ တွေ ဆိုးလာပါတယ်။ အခြေအနေတွေဆိုး၊ အည်အသွေးတွေ ကျတာကနေ အရောင်းဈေးပါ ကျသွားတယ်လို့ ကျွန်မ ထင်ပါတယ်။ တခြား အကြောင်းတွေလည်း ရှိဦမှာပါပဲ"
" တိုးပွားလာတဲ့ မဂ္ဂဇင်းတွေနဲ့ ပတ်သက်လို့ကော "

" မဂ္ဂဇင်းတွေ များလာတာ စာပေလုပ်သားတွေအတွက် ရေးစရာများလာတဲ့အတွက် ကောင်းပါတယ်။ မဂ္ဂဇင်း တွေ များလာတာကို ကြိုဆိုပါတယ် "
" ဆရာမ ဖြည့်စွက်ပြောချင်တာများရှိရင် ... "
" ကျွန်မ အနေနဲ့ တွေ့ဆုံခန်းမှာ ပါခဲ့ပါတယ်။ ဖြေတဲ့အခါမှာလည်း ကျွန်မ တော်တာ၊ ကျွန်မ ညံ့တာကို အဓိက မထားပါဘူး။ တွေ့ဆုံခန်းကို ဖတ်တဲ့လူတွေ စိတ်အနှောင့်အယှက် မဖြစ်ဖို့ကိုဘဲ အဓိက ထားပါတယ်။ ကျွန်မ ဖြေဆိုမှုတွေမှာ ချို့ယွင်းချက် ရှိမယ်။ အနှောင့်အယှက် ဖြစ်ရတယ်ဆိုရင် ခွင့်လွှတ်ဖို့ တောင်းပန် ပါတယ်။ အားလုံးကို ကျေးဇူးတင်ပါတယ်။ အထူးသဖြင့် ဦးမြလှိုင် အမှူးထားတဲ့ ပေဖူးလွှာ စာတည်းအဖွဲ့ကို ကျေးဇူးအထူးတင်ကြောင်း ပြောပါရစေ"

" ကျေးဇူးတင်ပါတယ် ဆရာမ "

ပေဖူးလွှာမဂ္ဂဇင်း၊ အမှတ်-၄၆၊ ၁၉၈၅ ခုနှစ်။
.

1 comment:

မောင်သီဟ said...

မောင်ဘကြိုင်ကလည်း မောင်ဘကြိုင်လိုရေးတယ်း)
း)
ဖတ်သွားတယ်အစ်မရေး)