Friday, February 24, 2012

ဝင်းငြိမ်း နှင့် စာရေးဆရာများ ပေဖူးလွှာစာပေအင်တာဗျူး, အပိုင်း (၄၇)

 (ဥပမာ - ၁၉၆၀ ပြည့်နှစ် "စိတြ စာအုပ်ထဲမှာ ပါတဲ့ "လမ်းစ မမြင်" ကဗျာကို ဖတ်ကြည့်ပါဦး။ ဆရာ မင်းသုဝဏ်ရဲ့ သြဇာလွှမ်းပုံကို သိရပါလိမ့်မယ်။) ကို ဆက်ဖတ်ရန်

လမ်းမမြင်

မုန်တိုင်းနှင့်မိုး၊ ရိုက်ဖျက်ချိုး၍
တောင်ကျိုးငှက်များ၊ လန့်ပျံသွား၏
မြေသားမိုးပြင်၊ မာန်ဟုန်ဆင်လျက်
တိမ်စင်ညစ်မဲ၊ လျှပ်စီးရဲ၏
ဖော်ကွဲအားပျက်၊ တစ်ကောင်ငှက်လျှင်
သွေးစက်စွန်းလူး၊ တောင်ပံဦးနှင့်
သေကြူးညဥ့်ယံ၊ မုန်တိုင်းသံဝယ်
ဝဲပျံထိုးဖောက်၊အားရည်သောက်စဉ်
ကွေးခေါက်ဦးခေါင်း
နီမောင်းမောင်းလည်း
တောင်စောင်းနှင့်တိုက်၊ သတိမိုက်၍
လှိုင်းရိုက်ခတ်ရာ၊ ပင်လယ်ပြာကို
စိတ်မှာအထင်၊ မြေမိခင်ဟု
အမြင်ယွင်းမှား၊ ပျံဆင်းသွားစဉ်
လှိုင်းများပါးစပ်၊ ရေတံလှပ်သည်
ရှစ်ရပ်ကြားအောင် အော်သတည်း။

၁၉၆၀
စိတြ

ဒီလိုနဲ့ မန္တလေးတက္ကသိုလ် ရောက်လာတော့ မောင်သာနိုး၊ တင်မိုး၊ မောင်မိုးသူ၊ မောင်စွမ်းရည်၊ ကိုလေး (အင်းဝဂုဏ်ရည်)၊ ၀င်းကြွယ်၊ အင်းဝညွန့်အေးတို့နဲ့ တွဲမိရာက ကဗျာ စရေးဖြစ်ပါတယ်။ ပြောလို့သာ ပြော ရတယ်။ တင်မိုးက ကဗျာကို ၁၉၅၂ ခုလောက်က စရေးပါတယ်။ ကျွန်တော်က ၁၉၅၉ ခုမှစရေးပါတယ်။ နှစ်တော်တော်ကွာပါတယ်။
မဂ္ဂဇင်းထဲမှာ ပထမဆုံး ဖော်ပြခံခဲ့ရတဲ့ ကဗျာက "ဖြစ်အင်" ပါ။ ၁၉၅၉ ရှုမ၀မဂ္ဂဇင်းမှာ ပါတယ်။

ဒီကဗျာလေးကို အခုထိ ရှာမတွေ့သေးတော့ ထွက်သမျှ ကျွန်တော့် ကဗျာစာအုပ်တွေထဲ သူ ပါခွင့် မရရှာဘူး။
" ကဗျာဆိုတာ ကဗျာဆရာရဲ့ စိတ်ထွက်ပေါက်လို့ တချို့က ယူဆကြပါတယ်။ ဆရာ ဘယ်လို ခံယူပါ သလဲ"
" ကဗျာနဲ့ ပတ်သက်လာရင် ဖွင့်ဆိုချက်တွေဟာ မိုးမဆုံး မြေမဆုံး အများကြီး ရှိပါတယ်။
ခေတ်တွေ ခြားနားသလို ဖွင့်ဆိုချက်တွေဟာလည်း ခြားနားပါတယ်။ ကဗျာ ဆိုတာ ကဗျာဆရာရဲ့ စိတ် ထွက်ပေါက်လို့ တချို့က ယူဆတာလည်း သူ့အယူအဆအတိုင်း ထားလိုက်ပါတော့။
ကဗျာဆရာတွေရဲ့ လူတန်းစား ရပ်တည်မှု တစ်ယောက်နဲ့ တစ်ယောက် မတူသလို ကဗျာအပေါ်ထားတဲ့ သဘောထား၊ ကဗျာဖွင့်ဆိုချက်တွေလည်း မတူကြပါဘူး။

" ကဗျာဆရာရဲ့ ကာရန် ဟာ ယုယမှုလည်းဟုတ်၊ ကြွေးကြော်သံလည်းဟုတ်၊ လှံစွပ်လည်းဟုတ်၊ ကျာပွတ် လည်းဟုတ်" လို့ တော်လှန်ရေးမုန်တိုင်းထဲ ဖြတ်သန်းခဲ့ရတဲ့ ရုရှားကဗျာဆရာကြီး မာယာကော့ဖ်စကီ က အဲဒီလို ရေးခဲ့တယ်။

" နေသောင်း ထောင် ရောင် မညှိုးသလိုပ
ရွှေဒေါင်းတောင် ကလောင်တစ်မျိုးရယ်နဲ့
ပြေကောင်းအောင် ဆောင်မကိုး ... "လို့

ကိုလိုနီဆန့်ကျင်ရေးတိုက်ပွဲဝင် ဆရာကြီး သခင်ကိုယ်တော်မှိုင်းက သူ့ကလောင်သူ့ကဗျာဟာ ပြည့်အကျိုး ဆောင်ဖြစ်ရမယ်လို့ ကြွေးကြော်ခဲ့ပါတယ်။
မာယာကော့ဖ်စကီရဲ့ ကဗျာပိုဒ်ရော၊ ဆရာကြီး သခင်ကိုယ်တော်မှိုင်းရဲ့ ကဗျာပိုဒ်ရော၊ အခြားကဗျာဆရာ တွေရဲ့ ကောင်းမွန်တဲ့ ကဗျာစာအုပ်တွေရောဟာ မေ့ပစ်ရက်စရာ မရှိပါဘူး။
ဒါတွေကြောင့်လား မပြောတတ်ပါ။ ၂၀ ရာစုရဲ့ အကြီးမားဆုံး ကဗျာဆရာ တစ်ယောက်ဖြစ်တဲ့ ဒဗလျူ၊ အိပ်ခ်ျ၊ အော်ဒင် (W.H Auden) က ကဗျာနဲ့ ပတ်သက်ပြီး ဖွင့်ဆိုချက်တွေ အများကြီးရှိတဲ့အနက်က
ကဗျာဆိုတာ "အမှတ်ရစရာ စကားစု" (Memorable Speech) ဆိုတဲ့ အနက်ဖွင့်ချက်ကို ကြိုက်တယ် လို့ ပြောဖူး ပါတယ်။

ဒီနေရာမှာ ကြုံတုန်းကြုံခိုက်မို့ ပြောရမယ်ဆိုရင် ကဗျာဆရာဟာ ဖန်ဆင်းရှင် ဖြစ်တယ်။ တီထွင် ဆန်းသစ်သူ ဖြစ်တယ်။ သင်္ချာဆရာဟာ သင်္ချာဥပဒေသကို ထုတ်လုပ်သူ ဖြစ်သလို ကဗျာဆရာဟာ ကဗျူပဒေသ (ဂန္ထ၀င်ရော၊ ခေတ်ပေါ်ရော၊ လွတ်လပ်ကဗျာရော၊ ကာရန်မဲ့ကဗျာရော) အားလုံးကို ဖန်တီး တဲ့သူ ဖြစ်တယ်။ စပ်နည်းတို့၊ ဟန်တို့၊ ဒါပ အချဲ့အဆန့်၊ အချုံ့ အကျဉ်း အားလုံးကို ကဗျာဆရာက လုပ်တာ ဖြစ်တယ်။ က၀ိပညာရှိ တွေက လုပ်ပေးတာ၊ ချပေးတာ မဟုတ်ဘူး။
ဒါဆို ကျွန်တော် တို့ ကဗျာဆရာတွေအားလုံး သတိချပ်သင့်ပါတယ်။ ကဗျာဆရာတွေဟာ ရဲရဲတီထွင်ဖို့၊ ရဲရဲ ဆန်းသစ် ဖို့ လိုပါတယ်။

ကဗျာဆရာဟာ သေခြင်းရဲ့ ဆန့်ကျင်ဘက်၊ ရှင်သန်းခြင်းကို မွေးဖြူထူထောင်သူဖြစ်ပါတယ် "
" ဆရာရဲ့ "နဂါးခေါင်း စောင်းတစ်လက်" ကဗျာထဲမှာ ရှင်မွေ့နွန်း၊ မွန်လှ၊ ဒိုင်းခင်ခင်တို့ကို သိပါတယ်။ မြနုရီ ကို မသိဘူး ... ဘယ်သူပါလဲ "
" ကျွန်တော်ဟာ တစ်နေ့မှာ ပျောက်ကွယ်သွားတဲ့ ပျူလူမျိုးများရဲ့ သီချင်း ခေါင်းစဉ် ၁၂ ပုဒ်ကို ကေ-ဦးခင်ဇော် ရဲ့ ဆောင်းပါး၊ ဦးရည်စိန် ရဲ့ ဆောင်းပါး၊ ဆရာမြသန်းတင့် ရဲ့ ဆောင်းပါးတို့ထဲမှာ တွေ့ရ ပါတယ်။
အခု ပျူလူမျိုးတွေ မရှိတော့ပါဘူး။
ပျူသီချင်း စာသား တွေ မရှိတော့ပါဘူး။ ခေါင်းစဉ်ပဲ ကျန်ခဲ့တော့တယ်။

ဒါနဲ့ အဲဒီခေါင်းစဉ် ၁၂ ခုထဲက "နဂါးခေါင်း စောင်းတစ်လက်" ဆိုတဲ့ ခေါင်းစဉ်ကိုယူပြီး ရှင်သန်ပါစေတော့၊ ကျန်ကောင်းသမျှ ကျန်ပါစေတော့ ဆိုတဲ့ ရည်ရွယ်ချက်နဲ့ အဲဒီကဗျာကို ရေးပါတယ်။
ကဗျာထဲမှာ ပျူလူမျိုးတို့ရဲ့ ၀ိညာဉ်ဖြူ၊ ပင်းယခေတ်ရဲ့ ကာချင်းသံ၊ ရှေးခေတ်စာဆိုလုလင်နဲ့ လမင်းအပျို၊ အတိတ်ပန်းဟောင်းပွင့် ရဲ့ ရနံ့၊ ဥက္ကလာအလှူရှင် ရှင်မွေ့နွန်း၊ ပုဂံရောက် မောဒေ၀ီ မွန်လှ၊ ရတနာပုံမြို့ တော်သူ ဒိုင်းခင်ခင် ... သူတို့အားလုံး ကို ကဗျာဖတ်သူတွေ သိကြတယ်။ မြနုရီကို မသိကြလို့ မြနုရီဟာ ရာဇ၀င် ရုပ်ပုံလွှာထဲက ဘယ်သူလဲလို့ မေးသံတွေ ကြားရပါတယ်။
" မြနုရီ" ဟာ ကျွန်တော့်ရင်ထဲက ခေတ်ပေါ်ရုပ်ပုံလွှာ တစ်ချပ်ပါ။ အဲဒိ ခေတ်ရဲ့ ရုပ်ပုံလွှာ တစ်ချပ်ကို ရာဇ၀င် ရုပ်ပုံလွှာတွေထဲ ပေါင်းထည့်ပေးလိုက်တာသာ ဖြစ်ပါတယ်။

နဂါးခေါင်း စောင်းတစ်လက်

နဂါးခေါင်းနဲ့
ငါ့စောင်း ...
ရှေးဟောင်းပုံပြင်၊ ၀ိညာဉ်ဖြူဖြူ
ပျူသီချင်းအို
အဆိုပိုင်ပိုင်၊ တီးခတ်နိုင်။
နဂါးခေါင်းနဲ့
ငါ့စောင်း ...
ရဲမောင်းနီစွေး၊ သွေးနဲ့လင်္ကာ
ကာနဲ့တုန်ဟည်း၊ မြင်းစီးစစ်သား ရုပ်ပုံကား
လှုပ်ရှားသက်ဝင်၊ ကြေးမုံပြင်။
နဂါးခေါင်းနဲ့ ငါ့စောင်း ...
နွေညောင်းရင့်အို၊ လအပျိုနဲ့
စာဆိုလုလင်၊ ချစ်ပုံပြင်ကို
ထင်မြင်တမ်းတ၊ ဖန်ဆင်းပြ။
နဂါးခေါင်းနဲ့ ငါ့စောင်း ...
ပန်းဟောင်းတပွင့်၊ အသစ်ပွင့်စေ
ပြာရင့်မီးခိုး၊ ၀ိုးတ၀ါးဝါး
အတိတ်ကားမှာ ဖမ်းစားပြန်မြင်
ရှင်မွေ့နွန်းလား ... မွန်လှလား ...
ဒိုင်းခင်ခင်လား ... မြနုရီလား ... ။
အား ... တစ်ညသား
ပျောက်ကွယ်သွားတဲ့
ပျူလူမျိုးများရဲ့
နဂါးခေါင်းနဲ့ စောင်း ...
လက်မောင်းရုံးကိုင်
ပိုင်ပိုင်တီးခတ်၊ တဖျပ်ဖျပ်လက်
အိပ်မက်မျိုးမျိုး၊ စောင်းတန်ခိုးနဲ့
ပန်းမိုးရောင်စုံ ရွာစေတယ်။

၁၉၈၄ ဇူလိုင် ၂၄
အင်းဝ
(မိခင် မာရသွန်)

" ကဗျာမှာ အသံဟာ အရေးကြီးတယ်လို့ တချို့က ယူဆပြီး တချို့ကျတော့ အသံဟာအရေးမကြီးဘူးလို့ ဆိုကြပါတယ်။ ဆရာ ဘယ်လို ယူဆပါသလဲ "
" ကဗျာ မှာ အသံဟာ အရေးကြီးပါတယ်။ ဒါက ကျွန်တော့် အယူအဆပါ။ ကဗျာဟာ ဖတ်ဖို့ သက်သက်၊ ရွတ်ဖို့ မလိုတော့ဘူး ဆိုတာ ကျွန်တော့်အနေနဲ့ကတော့ လက်မခံပါ။ ဆရာကြီး သခင်ကိုယ်တော်မှိုင်း ပြောသလို ပေါ့။

" သြော် ... ဇမ္ဗူတစ်ခွင်တွင်ဖြင့်
လူအသွင်အပြင်နှင့်တကွ
မူအဆင်ဆင်တွေနှင့်
အယုအငင်မှာတော့
တူချင်လဲ တူကြ
မတူချင်လဲ နေကြပေါ့နော ... "

တစ်ခါတစ်ရံ အတွင်းသရုပ် အသင့်အတင့်ကောင်းပြီး အသံနဲ့ဟန် ပုံသဏ္ဍာန် ကောင်းတာနဲ့ပဲ ကဗျာကောင်း တစ်ပုဒ် ဖြစ်လာနိုင်ပါတယ်။ ဒီနေရာမှာ အတွင်းသရုပ် (Content) နဲ့ ပုံသဏ္ဍာန် (Form) အတူတူ အရေးပါတယ် ဆိုတာတို့၊ နိုင်ငံရေးစံနဲ့ အနုပညာစံကောင်းဖို့လိုတာတို့၊ ကဗျာဆရာတိုင်းလောက် နားလည် နေကြပြီမို့ ထည့်မပြောတော့ပါ။
ကဗျာဆရာဟာ ကဗျာပရိသတ် ရှေ့မှောက် (စာပေဟောပြောပွဲမျိုးမှာ) လူကိုယ်တိုင် တက်ရောက်ပြီး မိမိရဲ့ ကဗျာ ကို ရွတ်ပြနိုင်ရမယ်။
အဲဒီအခါ ကဗျာရဲ့ (ပျောက်ကွယ်လုနီးနီး ဖြစ်နေတဲ့) အင်္ဂါရပ်ကောင်း တစ်ရပ်ဖြစ်တဲ့ ထူးခြားတဲ့ အသံလှိုင်း တွေ၊ ရစ်သမ်တွေ ပေါ်လာပြီး ကဗျာဟာ ပိုအားကောင်းလာလိမ့်မယ်လို့ ကျွန်တော် စွဲစွဲမြဲမြဲ ယုံကြည် ပါ တယ်"

" ဆရာတို့ခေတ်က မန္တလေးတက္ကသိုလ်မှာ လှုပ်ရှားခဲ့တဲ့ စာပေလှုပ်ရှားမှုအကြောင်းတွေကို သိပါရစေ"
" ကျွန်တော်တို့ ခေတ်က မန္တလေးတက္ကသိုလ် စာပေလှုပ်ရှားမှု အကြောင်းလား။
အဲဒီတုန်းက မန္တလေးတက္ကသိုလ်မှာ ကလောင်ရှင်အသင်းရှိတယ်။ နှစ်လည်မဂ္ဂဇင်းကော်မတီရှိတယ်။ မန္တလေး မှာ လူထုသတင်းစာနဲ့ မြန်မာ့လမ်းစဉ် စတဲ့ သတင်းစာတွေရှိတယ်။ မန္တလေးတက္ကသိုလ်က စာပေ ၀ါသနာ ပါတဲ့ ကျောင်းသား၊ ကျောင်းသူတွေက ကဗျာတွေ၊ ဆောင်းပါးတွေ ရေးပြီး ကလောင်သွေး ကြတယ်။
ကလောင်ရှင် အသင်းက ဦးစီးပြီး စာပေပြိုင်ပွဲတွေ၊ စာပေဟောပြောပွဲတွေ လုပ်တယ်။ ပြီးတော့ ကဗျာစာအုပ် တွေလည်း ထုတ်ဝေတယ်။
မန္တလေးတက္ကသိုလ် မှာမောင်သာနိုးကလည်း ကျောင်းသားဘ၀နဲ့ပဲ အထူးသဖြင့် အင်္ဂလိပ်နဲ့ အမေရိကန် ကဗျာ တွေ ပို့ချတယ်။ အဲဒီတုန်းက မောင်သာနိုး (ကလောင်အမည် မောင်သိင်္ဂါ) ရဲ့ လေးချိုးတွေဟာ စကား ပြောရစ်သမ် ရဲ့အလှကို မိမိရရ ဖော်ပြနိုင်စွမ်းရှိတယ်။

ဘာပဲပြောပြော မောင်သာနိုးဟာ အဲဒီတုန်းက မန္တလေးတက္ကသိုလ်ရဲ့ (ဘယ်သူကမှ မခန့်အပ်တဲ့) စာပေ သဘောတရား ဆရာပဲ "
" မောင်သာနိုးရဲ့ စာပေအယူအဆဟာ တင်မိုး၊ ကြည်အောင်၊ မောင်စွမ်းရည် စတဲ့ မန္တလေးတက္ကသိုလ်ရဲ့ အကျော်အမော် ကဗျာဆရာ သုံးယောက်အပေါ် အတိုင်းအတာ တစ်ခု လွှမ်းမိုးခဲ့ဖူးတယ်လို့ ဆိုရင်ကော ဆရာ"
"ဟုတ်ကဲ့၊ ၁၉၅၉ မှာ တင်မိုးက "ဖန်မီးအိမ်" ကို ထွန်းညှိလိုက်တယ်။
၁၉၆၃ မှာ ကြည်အောင် က "လမင်းတရာ" ကို သာစေခဲ့တယ်။
၁၉၆၄ မှာ မောင်စွမ်းရည် က "အနီနဲ့အပြာ" ကို ခြယ်ရေးလိုက်တယ်။
၁၈၆၅ မှာ ကိုလေး (အင်းဝဂုဏ်ရည်) က " လမ်းသစ်" ကို ဖောက်လိုက်တယ်"

" ဆရာ အခု ပြောတဲ့အထဲမှာ အထူးသဖြင့် "ဖန်မီးအိမ်"နဲ့ "လမင်းတရာ" ကဗျာစာအုပ် နှစ်အုပ်ဟာ မြန်မာ ပြည်စာပေလောက ကဗျာလောကကို လှုပ်လှုပ်ရှားရှားဖြစ်သွားစေတယ်လို့ ထင်ပါတယ်"
" ဒီမေးခွန်း နဲ့ ပတ်သက်လို့ လမင်းတရာအမှာစာ လူထုဒေါ်အမာ ရေးတာကို အတိုင်း ဖော်ပြရရင် "ဤ လူငယ်ကလေး များသည် ဇော်ဂျီ၊ မင်းသုဝဏ်တို့က ပေးသည့် ဖွဲ့ဟန်ကို ကိုင်စွဲလာကြသော်လည်း ဇော်ဂျီ တို့၊ မင်းသုဝဏ် တို့ထက် သူတို့က ပို၍ တွေးရဲလာကြသည်။ သူတို့ အတွေးအခေါ်နှင့် သူတို့ အဘိဓမ္မာ သည် သူတို့ ဆရာများ ထက် တိုးတက်လာကြလေသည်" လို့ ရေးခဲ့တယ်။
လွန်ခဲ့တဲ့ နှစ်ပေါင်း ၂၀ ကျော်က လူထုဒေါ်အမာရဲ့ အဲဒီ အကဲဖြတ်ချက် ဘယ်အထိ မှန်ကန်တယ်ဆိုတာ ကိုယ်တိုင်ပဲ စဉ်းစားကြည့်စေလိုပါတယ်။ လူထုဒေါ်အမာ ဒီအမျာစာကို ရေးတော့ (တင်မိုးက ဆုရပြီးပြီ) ကြည်အောင် နဲ့ မောင်စွမ်းရည် ဆိုတာ သာမန်အညတြပဲ ရှိပါသေးတယ်။

မန္တလေးတက္ကသိုလ် စာပေလှုပ်ရှားမှု (၁၉၅၉-၆၅)အကြောင်း ပြောရင် ဒီကဗျာဆရာ သုံးဦးရဲ့ ကဗျာ တွေကို အမြဲတမ်း ဖော်ပြပေးပြီး ကဗျာစာအုပ် ထုတ်ဝေရင်လည်း ကဗျာအကဲဖြတ် အမှာစာတွေ ရေးပေး တဲ့ လူထု ဒေါ်အမာရဲ့ လူထုသတင်းစာကြီး မပါလျှင် မပြီးပါ။
ဆရာကြီး ရွှေဥဒေါင်းနဲ့ လူထုဦးလှတို့ ဦးဆောင်တဲ့ အထက်ဗမာနိုင်ငံ စာရေးဆရာ အသင်းကြီး မပါရင် မပြီးပါ။
မန္တလေးတက္ကသိုလ် မြန်မာစာဌာနကြီးက ပါမောက္ခဦးချမ်းမြေ့၊ ကထိက ဦးမောင်မောင်တင်၊ ဆရာကြီး ဦးဆန်းထွန်း၊ ဦးဘိုသင်း၊ ဒေါ်မိမိလေး၊ ပါမောက္ခ ဒေါ်စီစီဝင်းနဲ့ ပါဠိပါမောက္ခ ဒေါ်အုန်းတို့ကလည်း ဒီကဗျာ ဆရာတွေ အတွက် မြန်မာ့ဂန္ထ၀င်စာပေ ရေခံမြေခံကောင်းတွေ ဖန်တီးပေးခဲ့ပါတယ်။

မန္တလေး၊ အင်းဝ၊ ရွှေဘို၊ မြင်းခြံ၊မုံရွာ စတဲ့ အညာဒေသတွေနဲ့ ရှမ်းပြည်နယ်၊ ကချင်ပြည်နယ်၊ ချင်းပြည်နယ် စတဲ့ အနယ်နယ် အရပ်ရပ်က လာကြတဲ့ မန္တလေးတက္ကသိုလ်ရောက် ကျောင်းသားများနဲ့ ပြည်သူများ ရဲ့ ဘ၀နဲ့ ခံစားမှုကို ကိုယ်စားပြုပြီးတင်မိုး၊ ကြည်အောင်၊ မောင်စွမ်းရည်တို့က သူတို့ကဗျာ တွေထဲမှာ ထင်ဟပ် ဖွဲ့သီနိုင်ကြပါတယ် "
" လမင်းတရာ ကဗျာစာအုပ်နဲ့ ဆရာ အမျိုးသားစာပေဆု ရခဲ့တယ်လို့ သိရပါတယ်။ လမင်းတရာ ကဗျာစာအုပ် အကြောင်းနဲ့ ရည်ရွယချက်ကို သိပါရစေ"
" ဟုတ်ကဲ့ ... "လမင်းတရာ " ကဗျာစာအုပ်နဲ့ ၁၉၆၃ ခုနှစ်မှာ အမျိုးသားစာပေဆုရခဲ့ပါတယ်။ အခုဆို အနှစ် နှစ်ဆယ် ကျော် ပါပြီ။
လမင်းတရာ ကဗျာစာအုပ်အကြောင်းနဲ့ သူ့ရဲ့ ရည်ရွယ်ချက် မပြောခင် ကျွန်တော့် ကဗျာလုပ်ငန်း အကြောင်း နည်းနည်းပြောပါရစေ။

ကျွန်တော် ကနေ့အထိ ကဗျာစာအုပ် လေးအုပ်ပဲ ရေးနိုင်ပါသေးတယ်။
၁၉၆၀ - စိတြ (အိန္ဒိယ စာဆိုကြီး ရာဗင်ဒြာနတ်တဂိုး ရာပြည့် ဂုဏ်ပြု ရည်ညွှန်း)
၁၉၆၃ - လမင်းတရာ (ဆရာကြီး သခင်ကိုယ်တော်မှိုင်း အသက် ၈၄ နှစ် သက်ရှိထင်ရှားစဉ် ဂုဏ်ပြု ရည်ညွှန်း)
၁၉၆၅ - ဒုဋ္ဌ၀တီမှ ဧရာဝတီသို့ (ဆရာဇန်းမော်တင်အောင် အသက် ၅၂ နှစ် သက်ရှိထင်ရှားရှိစဉ် ဂုဏ်ပြု ရည်ညွှန်း)
၁၉၇၅ - မိခင်မာရသွန် (အမေ အသက် ၇၆ နှစ် သက်ရှိထင်ရှား ဂုဏ်ပြုရည်ညွှန်း)ကဗျာစာအုပ် ထုတ်ဝေတိုင်း၊ ဂုဏ်ပြုအပ်တဲ့ ပုဂ္ဂိုလ်ကို ရည်ညွှန်းပြီး ထုတ်ဝေပါတယ်။
" လမင်းတရာ" ဟာ ကျွန်တော့်ရဲ့ ဒုတိယမြောက် ကဗျာစာအုပ်ပါ။

" လမင်းတရာ" လို့ နာမည်ပေးမိတာက "နတ်ပန်းခွံမြ၊ ပေါ်သည့်လက၊ တရာ့တသောင်း၊ ရုံးလှာပေါင်းလည်း၊ တူကြောင်းမရှိ၊ ချမ်းလှဘိ ... " ဆိုတဲ့ စာဆိုန၀ဒေးရဲ့ အသုံးအနှုန်းကို ကြိုက်လို့ မှီငြမ်းပြု ယူလိုက်တာပါ။
ကျွန်တော့် ကဗျာစာအုပ် "လမင်းတရာ" ထွက်လာပြီးတဲ့နောက် လူတွေဟာ " လမင်းတရာ" အသုံးအနှုန်း ကို အင်မတန် သဘောတွေ့ကြပါတယ်။
အခုအခါမှာဆိုရင် ... " လမင်းတရာ" ဆိုတဲ့ စကားလုံးဟာ ငြိမ်းအေးချမ်းမြခြင်း၊ လှပတင့်တယ်ခြင်း၊ အလင်းသယ်ဆောင် ပေးဝေခြင်း စတဲ့ နိမိတ်ပုံကို ကိုယ်စားပြုနေပါပြီ။
    " လမင်းတရာ" သီချင်း - မြို့မကိုဘိုခင်၊
    " လမင်းတရာ" ၀တ္ထု - မောင်သိင်္ခ
    " လမင်းတရာ" ရုပ်ရှင် - ကျော်ဟိန်း ပါတယ်။ (ဒါရိုက်တာ မမှတ်မိ)
    " လမင်းတရာ" အငြိမ့် - မန္တလေးမောင်မြတ်မှိုင်း။

" လမင်းတရာ "ကဗျာစာအုပ်ရဲ့ ရည်ရွယ်ချက်ကို သိဖို့ လူထုဒေါ်အမာရဲ့ အမှာစာထဲက စာတစ်ပိုဒ်ကို ကောက်နုတ်ဖော်ပြလိုက်ပါတယ်။

" ထို့ကြောင့် သူ့ကဗျာစုကိုလည်း လမင်းတရာ သာစေကြောင်းအတွက် နယ်ချဲ့ပဒေသရာဇ် ဆန့်ကျင်ရေး၊ အမျိုးသားလွတ်လပ်ရေးနှင့် ငြိမ်းချမ်းရေးဆီသို့ ဦးတည်ပြီး သူ ခံယူသော အဘိဓမ္မာ၊ သူ ပွေ့ပိုက်သောယုံ ကြည်ချက်များကို သူ ဖြတ်သန်းခဲ့သည့် ခရီးကြမ်းတို့မှ အတွေ့အကြုံ များနှင့် အင်းဝ အညာသား ၏ ဝေါဟာရ ဘဏ်မှ ကာရန်ရှာလျက် ဤကဗျာစုကို မွေးထုတ်ခြင်း ဖြစ်တန်ရာသည်"

(လူထုဒေါ်အမာ)
 
လမင်းတရာ၊ သည်ကမ္ဘာဝယ်
သာလျက်ထိန်ကြည်၊ ငြိမ်းအံ့ရည်၍
တိုင်းပြည်ကိုကျူး၊ နယ်ချဲ့ရူးကို
တပ်ဦးဖွင့်ကာ တော်လှန်သည်။
နယ်ချဲ့ကင်းမှ
လမင်းလည်းသာ၊ ကမ္ဘာလည်းအေး
တေးလည်းအနှံ့၊ ပန်းသင်းပျံ့လိမ့်
နိုင်ငံပြည်သူ၊ နိုးကြားသည်။
နယ်ချဲ့ကင်း၍
လမင်းတရာ၊ သာသောအခါဝယ်
ကမ္ဘာငြိမ်းချမ်းလာလိမ့်တကား။  ။

" ဆရာ့ ကဗျာတွေထဲက ထင်ရှားတဲ့ "မြင်စိုင်းစစ်မြေပြင် "ကဗျာ၊ "တံငါရွာက ပန်းလှေ" ကဗျာတွေ ဖန်တီး ရေးသားပုံကို သိပါရစေ"
" ဒီကဗျာနှစ်ပုဒ်ကို ထင်ရှားတဲ့ ကဗျာအဖြစ် ကိုဝင်းငြိမ်းက သတ်မှတ်ထားပါတယ်။
"မြင်စိုင်းစစ်မြေပြင်"နဲ့ တံငါရွာက ပန်းလှေ" ကဗျာ နှစ်ပုဒ်ဟာ တက္ကသိုလ် တတိယနှစ်နဲ့ စတုတ္ထနှစ်တွေမှာ အခုလက်ရှိ ပြဋ္ဌာန်းထားတဲ့ မြန်မာကဗျာလက်ရွေးစင် စာအုပ်မှာ ပါပါတယ်။ ဒါကြောင့် လူသိများ နေသလား မပြောတတ်ပါ။ ဒါပေမဲ့လည်း ကျွန်တော့်ရဲ့ အဖတ်တင် ကျန်ရစ်မယ့် ကဗျာစုထဲမှာ သူတို့ ပါလိမ့်မယ် လို့ နဂိုကတည်းက ယုံကြည်ရင်းစွဲရှိပါတယ်။
တိုတိုပြောပါ့မယ်။

၁၉၆၄ ဧပြီ ၂ အင်းဝမှာ နေစဉ် "မြင်စိုင်းစစ်မြေပြင်"ကို ကျွန်တော် ရေးပါတယ်။
ရည်ရွယ်ချက်က ရှေးခေတ် မြင်စိုင်း၊ ပင်းယသားတို့ရဲ့ အနိုင်မခံစိတ်ဓာတ်၊ ကျူးကျော်စစ် ဆန့်ကျင်ရေး စစ်သွေးစစ်မာန်။ ဒါကို ဖော်ပြချင်တယ်။

" ခွာသံဖြောင်းဖြောင်း၊ ဖုန်ထောင်းထောင်း
မြင်စိုင်သားတို့ မြင်းစီးကောင်း"

ဒီလို အားကောင်းတဲ့ သံစဉ်နဲ့ စာလုံးတွေ သုံးပြီး မြင်စိုင်းပြည်သူတွေရဲ့ ဇာတိမာန် ရာဇ၀င်ရုပ်ပုံလွှာကို ခြယ်ပြချင်တဲ့ သဘောပါပဲ။

မြင်စိုင်းစစ်မြေပြင်
မြင်စိုင်းရွေပြည်၊ ချောင်းပတ်လည်တည့်
ရေကြည်စီးလောင်း၊ မြေဆီကောင်း
ထွန်ကြစိုက်ကြ၊ နှံစားပြောင်း။
ဒုဋ္ဌ၀တီ၊ မြစ်ဇော်ဂျီဝယ်
ဆန် ဆီ ပဲ ပြောင်း၊ ငါးပိကောင်း
ဖောက်ကားကုန်သည် ပန်းလောင်ချောင်း။
မြင်စိုင်းရွှေပြည်၊ အားသစ်စည်သည်
ရေကြည်မြက်နု၊ လူနေစု
ညီညွတ်ကြသည့်၊ ရှမ်းမြန်မာထု။
ကောင်းကင်ထက်ယံ၊ ထွင်းဖောက်ပျံ
ခွာသံဖြောင်းဖြောင်း
ဖုန်ထောင်းထောင်း
မြင်စိုင်းသားတို့ မြင်းစီးကောင်း။
မိုးပေါ်ငှက်ပျံ၊ ပစ်ကမှန်
မြားတံဆိပ်ဖူး၊ တည့်တည့်စူး
မြင်စိုင်းသားတို့ လေးအတတ်ကျူး။
သံမဏိရောင်၊ တပြောင်ပြောင်
ရန်အောင်ထိုးသတ်၊ သွေးနီစွတ်
မြင်စိုင်းသားနှင့် သံဓားလွတ်။
ဒူဝေ ဒူဝေ၊ ဟည်းပြီလေ ...
" တို့မြေထိပါး၊ တာတာများ
လေးမြားကိုင်ပြီး၊ မြင်းတွေစီး
စစ်ကြီးချီလာပြီလေ ...။
" မြင်စိုင်းသားတို့ ...
လေးမြားကိုငင်၊ စစ်ကိုပြင်
လယ်ရှင်ကောက်သိမ်း၊ လုပ်ငန်းငြိမ်း... "
စစ်မောင်းစည်သံ တဟိန်းဟိန်း ...
မြင်စိုင်းလွင်ပြင်၊ စစ်မြှူငင်
စစ်ဆင်မြင်းက၊ စစ်ရေးပြ
ကာချင်းဆိုကြ၊ ကခုန်ကြ။
အလယ်အာရှ၊ ကန္တာရမှ
မြန်မာ့ရတနာ၊ လုယက်လာ
တာတာစစ်ရူး၊ စစ်ဘီလူး
တပါးသူ့မြေ နယ်ချဲ့ကျူး။
နယ်ချဲ့သောစစ်၊ ခုခံစစ်ဖြင့်
မျိုးချစ်စိတ်ထား၊ မြင်စိုင်းသား
လေး မြား ဓားလှံ၊ ကိုင်မြဲမြံ
တော်လှန်လေမည့် စစ်အော်သံ။
နယ်ချဲ့ဘီလူး၊ သွေးငတ်ရူးကို
စစ်ဦးနှိမ်ချိုး၊ ၀က်ခေါင်းထိုး
မြှားမိုးဖြိုင်ဖြိုင်၊ ဓားလွတ်ဆိုင်
မြင်စိုင်းသားတို့ ရဲစွမ်းပြိုင်။
မြားသံ လေးသံ.. မစဲညံ
မိုးယံဖောက်ခွင်း၊ မြေတလင်း
သွေးချင်းချင်းနီ၊ ပုပ်နံ့ညှီ
ကောင်သေလင်းတ ထိုးဆွပ်ပြီ။
နယ်ချဲ့တာတာ၊ စစ်ညောင်းညာ
ဆုတ်ခွာရှောင်ရှဲ၊ မြှားသံစဲ
မြင်စိုင်းသားတို့ စစ်အောင်ပွဲ။
ဒူဝေ ဒူဝေ၊ ဟည်းပြီလေ ..
ကောက်စိုက်ယာခင်း ဆင်းကြလေ ...။
ဒူဝေ ဒူဝေ၊ ဟည်းပြီလေ
တောထွင်ယာခုတ် လုပ်ကြလေ ...။
ဒူဝေ ဒူဝေ-၊ ဟည်းပြီလေ
မြစ်ချောင်းကုန်စည် ကူးကြလေ ...။
မိုးမြေထက်ယံ၊ စည်မောင်းညံ
စစ်သံကင်းဝေး၊ နယ်ချဲ့ပြေး
မြင်စိုင်းပြည်ကြီး ငြိမ်းချမ်းရေး။     ။

၁၉၆၄ ၊ ဧပြီ ၂
(ဒုဋ္ဌ၀တီမှ ဧရာဝတီသို့)

ဆက်ရန်
.

1 comment:

Anonymous said...

မြင်စိုင်းပြည် ကဗျာကောင်းတယ်အစ်မ
ဒီလိုကဗျာတွေကို အရမ်းကြိုက်တယ်


မောင်ဘကြိုင်