(ဆရာနဲ့ မြတ်မွန် မန္တလေးကို ထွက် သွားကြပြီး ပြန်လာတော့ "ဧည့်သည်"ကို စ ရိုက်တယ်။ တခြားအခန်း တွေ အရင်ရိုက်ပြီး ဘယ်နေ့ ဘယ်ရက် မှာ မင်းသားအခန်းတွေ ရိုက်မယ်ဆိုပြီး ချိန်းလိုက်တယ်။) ကို ဆက်ဖတ်ရန်..........
ကားရိုက်မယ့် နေ့မတိုင်မီ နှစ်ရက်လောက်အလို မင်းသား ကို ဖုန်းလှမ်းဆက်တော့ မရှိဘူး။ မန္တလေး ထွက် သွား တယ်တဲ့။ ဒါနဲ့ မန္တလေးကို လိုက်သွားတယ်။ ကားရိုက်မဲ့ မင်းသမီးကလည်း ကိုယ်ဝန်ပေါ်လာပြီ။ မင်းသား ကို ၁၅ ရက်လောက် ရိုက်ရက်ပေးပါ ပြောတာမရဘူး။ ဆရာ့ အိမ်ထောင်ရေး ပြဿနာတွေ ရှုပ် နေ လို့ ကြာမယ် အောက်မေ့ လို့တဲ့။ ဆရာက ခုနစ်ရက်ပဲ ပေးပါ။ နေ့ ည ရိုက်ပေးမယ် ပြောတာလည်း မရဘူး နောက်တော့ ဆရာ သိရတာက ဆရာပေးတဲ့ ဈေးထက် ငါးထောင် ပိုပေးတဲ့ ကုမ္ပဏီ နဲ့ လိုက်သွား ပြီး ရိုက်တာ။
ဒါနဲ့ ဆရာ ဒေါပွပြီး မင်း ပါမှ ရုပ်ရှင်ရိုက်လို့ရတာ မဟုတ်ဘူး။ ငါ လုပ်ပြမယ်ဆိုပြီး "ဧည့်သည် " ဇာတ်ကား မှာ ၀င်ပါခဲ့တာပဲ။ မင်းသမီးအခြေအနေကလည်း စောင့်လို့ မရတေ့ဘူးလေ။ ဒါကြောင့် ၀င်ရိုက်ခဲ့တာပဲ "
" ဆရာ ရိုက် တဲ့ ဇာတ်ကား တွေ မှာ သရုပ်ဆောင်သစ်တွေကို တင်ပြီး ရိုက်တာ များပါတယ်။ ဘယ်လို ရည် ရွယ်ချက် ကြောင့် ပါလဲ "
" ဆရာ့မှာ ဘာပြဿနာ ရှိသလဲ ဆိုတော့ ပထမဆုံး "ကကြီးရေ က" ရိုက်မယ် ဆိုတော့ မင်းသားက တက္ကသိုလ် က မြန်မာစာကထိက... အမောက်မထောင်ရဘူး၊ ဘောင်းဘီ မ၀တ်ရဘူး၊ ဂျာကင် မ၀တ်ရဘူး၊ စတစ်ကော်လာ နဲ့ ပုဆိုးဝတ်တဲ့ သူ ဖြစ်ရမယ်။ နာမည်ကြီး မင်းသားတစ်ယောက် သွား ပြောတော့ သူ့ အမောက် ကို ဖျက်မပေးပါရစေနဲ့တဲ့။ ဒါလေးက သူ့ Trade Mark ဖြစ်နေတယ်။ သူ့ အမောက် တစ်ခုကြေင့် ဆရာ့ဇာတ် အပျက်မခံနိုင်ဘူး။
တက္ကသိုလ် က ကထိကကြီးတစ်ယောက်လုံးက အမောက်ထောင်ပြနေရင် ဘုန်းကြီးကို ဘိုဆံတောက် ခွဲပြ သလို ဖြစ်နေမှာပေါ့။ အဲဒီသဘောပဲ။
မင်းသမီးကလည်း ကျောင်းနေတဲ့ ၁၅ နှစ်၊ ၁၆ နှစ်အရွယ် ဖြစ်ရမယ်။ မြတ်မွန်ကို သင်ပေးနေတုန်းမှာပဲ နာမည်ကြီး မင်းသမီးတစ်ယောက်ကို Reserve လုပ်ထားတယ်။ ငွေလည်း ပေးထားတယ်။ ဘာကား ရိုက်မယ် ဆိုတာတော့ ပြောမထားဘူး။ တကယ်တော့မြတ်မွန် နေရာမှာ သူနဲ့ရိုက်ခဲ့မယ်ဆိုရင် ဖြစ်မှာ မဟုတ်ဘူး။ ဘာဖြစ်လို့လဲဆိုတော့ သူက နာမည်ကြီး မင်းသမီးဖြစ်နေတော့ ပြောတာ ဆိုတာက အစ ခေါက်ရိုး ကျိုးနေ တယ်။ ဘယ်လိုစကားပဲ ပြောရပြောရ လေသံက တစ်မျိုးတည်း ထွက်နေတယ်။ ဒါကြောင့် ဆရာက မင်းသားသစ်၊ မင်းသမီးသစ် စိတ်တိုင်းကျ တင်တာပဲ။
ဒီနေ့ မင်းသား၊ မင်းသမီး တွေ ခေါက်ရိုးကျိုးနေကြတာ ကိုယ့်ဟာကိုယ် မသိကြဘူး။ ဥပမာ ... ဆိုရင် လူဆိုး နဲ့ စကားပြောလည်း ဒီလေသံ ပဲ။ မိဘနဲ့ စကားပြောလည်း ဒီလေသံပဲ၊ ထိပ်တန်းမင်းသား တွေ ထဲက ခေါက်ရိုးမကျိုးအောင် ထိန်းလို့ရတာ ထွန်းဝေ နဲ့ ကောလိပ်ဂျင်နေ၀င်း ပဲရှိတယ်။ နောက်တစ်ခုက ဆရာ စိတ်မညစ်ချင်ဘူး။ ဒါကြေင့် ဆရာ မင်းသမီး၊ မင်းသား အသစ်ကို တင်ခဲ့တာပါ။
ရုပ်ရှင် လောကမှာ မင်းသား၊ မင်းသမီးသစ် ကို အရှုံးခံပြီး မြေတောင်မြှောက်ပေးမယ့်သူက ခပ်ရှားရှား ရယ်။ ဥပမာအားဖြင့် သုမောင်နဲ့ရိုက်တဲ့ " ချစ်စံနမူ" ဆိုရင် ငွေတစ်သိန်းခွဲလောက် ရှုံးတယ်။ ဒါပေမဲ့ သုမောင်၊ မေခလာ ဆိုတာ နာမည်တင် ကျန်ရစ်ခဲ့တယ်။ နောက်ရှုံးတာ၊ မြတ်တာ တစ်ကဏ္ဍပေါ့။ မင်းသား၊ မင်းသမီးအသစ် ကလေး တွေ ကိုယ့်မှာ တင်ကျန်ရစ်ခဲ့တယ်။ နောက် သူတို့ လိမ္မာသလို စားကြ တော့ ပေါ့။
ဒါကြောင့် ဆရာ ကတော့ မင်းသား၊ မင်းသမီး အသစ်တွေ မွေးထုတ်တယ်။ နောက်လည်း မွေးထုတ်ဦး မှာပါ ပဲ"
" ဆရာ အခု "ကြိုး" ဇာတ်ကား ရိုက်နေတယ်နော်"
" ဟုတ်ပါတယ် "
" ဘာဖြစ်လို့ ကြာနေတာလဲ ဆရာ "
" ရယ်စရာ ပြောရဦးမယ်။ ခုနက ပြောသလို မင်းသားမင်းသမီးသစ်ကလေးတွေ တင်ပေးချင်တဲ့ ရည်ရွယ်ချက် နဲ့ "ကြိုး"မှာလည်း မင်းသမီးသစ်နဲ့ပဲ ရိုက်တယ်။ ဒါပေမဲ့ နောက်ကို မင်းသမီးသစ်နဲ့ ရိုက်မယ် ဆိုရင် " ဟဲ့ လာဦး၊ နင့်မှာ ရည်းစားရှိသလား" လို့ အရင်မေးရလိမ့်မယ်။ ဘာဖြစ်လို့လဲဆို တော့ ကောင်မလေး တစ်ယောက် ဆရာ တင်ရိုက်တယ်။ ပေတစ်ထောင်လောက် ရိုက်ပြီးတော့ မလာတော့ ဘဲ စာလှမ်းရေး လိုက်တယ်။ " ကျွန်မ ရည်းစားက သဘောမတူလို့" တဲ့။ အဲဒီလို ဖြစ်မှာစိုးလို့ နောက်ဆို ရည်းစား ရှိတယ်ဆိုရင် သဘောတူညီချက် အရင်တောင်းရလိမ့်မယ်။ နောက်ပိုင်းမှာတော့ ဆရာ အဲဒီလို မေး ခဲ့တာ ချည်းပဲ။
" ကြိုး" ရိုက်တော့ ရှုပ နဲ့ တွဲပြီး မင်းသမီးသစ်ကလေးတစ်ယောက် တင်ရိုက်တယ်။ ဆရာ သတိလစ် သွားတဲ့ အချက်တစ်ခု တွေ့လာပြန်တယ်။ မင်းသမီးက အဆုတ်ရောဂါ ရှိနေသတဲ့။ အခုတော့ မင်းသမီးက ဆေးရုံ တက်လိုက်၊ ဆင်းလာပြီး ကားရိုက်လိုက်နဲ့ဆိုတော့ ကားထဲမှာ မင်းသမီးရုပ်က ပိန်လိုက် ဖောင်းလိုက် ဖြစ်နေ တယ်။ အဲဒါကြောင့် ကြိုး က ကြာနေတာပဲ။ နောက်ပိုင်းဆို မင်းသမီး၊ မင်းသား မွေးမယ် ဆိုရင် ကျန်းမာရေး အရင်စစ်ပေးရမလို ဖြစ်နေတယ်"
" ဆရာ ဆေးရောင်စုံဇာတ်ကားရိုက်ဖို့ ရည်ရွယ်ချက် `ရှိပါသလား "
" ရှိပါတယ်။ ဆိုင်ရာကလည်း ပြောတယ်။ တိုက်တွန်းကြတယ်။ ဆရာ ရိုက်ရင် သပ်သပ်ရပ်ရပ် ထွက်လာ မယ် ဆိုတာ သိကြတယ်။ ဆေးရောင်စုံ ရုတ်တရက် မရိုက်ဖြစ်သေးတာက ဆရာ နည်းနည်းလေ့လာချင် သေးလို့ပဲ။ ဘာဖြစ်လို့လဲဆိုတော့ အခု ဆရာ ၀တ်ထားတဲ့အင်္ကျီပေနေတယ်။ ဒါကို အဖြူအမည်းနဲ့ ရိုက်ရင် မပေါ်ဘူး။ ဆေးရောင်စုံ ကျတော့ ပေါ်လာမယ်။ အဲဒီလို အသေးစိတ်တွေက ဂရုစိုက်ရမှာဆိုတော့ လေ့လာ ချင်သေးတယ်။ "ကြိုး" ပြီးသွားရင်တော့ဆေးရောင်စုံရိုက်ဖို့ စိတ်ကူးထားပါတယ် "
" ကိုဝဏ္ဏ ရိုက်တဲ့ကားတွေနဲ့ ပတ်သက်ပြီး ဆရာ ဘယ်လိုမြင်ပါသလဲ "
" ပထမဆုံး သူ "ကတ္တီပါဖိနပ်စီး ရွှေထီးဆောင်း" ရိုက်တယ်။ ပြီးသွားတဲ့ အချိန်မှာ ဆရာ့ကို ပြတယ်။ ဘာသွားတွေ့ သလဲဆိုတော့ သူ ရိုက်တာတွေက မြင်နေတယ်။ တချို့အခန်းတွေက တွေးယူရတယ်။ တိုက် ရိုက်မပြဘူး။ ဥပမာအားဖြင့် ဘူးညွန့်ကလေးတွေ ဘာတွေနဲ့ ပြတဲ့အခန်းဆိုရင် တွေးယူမှ ရတယ်။ ဒါက ပညာသည် အဖို့တော့ ကောင်းတယ်။ အမေရိကန် သွားပြ၊ အနောက်နိုင်ငံတွေ သွားပြ ကောင်းတယ်။ ဒါ တောင် အနောက်နိုင်ငံတွေမှာ ရုံအမျိုးအစားခွဲထားတာ ရှိသေးတယ်။ ကရာတေးတွေ ပြတာက တခြား၊ ဖေတော့ မောင်တော့ ပြတာက တခြား၊အဆင့်အတန်းမြင့်မြင့် ပြတဲ့ရုံတွေက တခြား ရှိတယ်။ ဒီက ပရိသတ် က မောင်ဝဏ္ဏ ပြချင်တာကို မလိုက်နိုင်ဘူး။ ပရိသတ် တွေးလို့လွယ်အောင် အဓိပ္ပါယ် ပေါ်အောင် ပြရမယ်။
ဥပမာ - လူဆိုးက မင်းသားကို သေနတ်နဲ့ ပစ်တယ် ဆိုကြပါစို့။ လူဆိုး ခါးကြားမှာ သေနတ်အိတ် လွယ် ထား ရမယ်။ မင်းသား လာတာ ပြရမယ်။ လူဆိုးက သစ်ပင်အကွယ်ကနေ ကြည့်ရမယ်။ ပြီးတော့ မင်းသား ကို ပြန်ပြ၊ ဒိုင်းနဲ အသံကြားပြီး မင်းသား လဲသွား နောက် လူဆိုးကို ပြန်ပြတော့ သေနတ်အိတ်ကို လက်နဲ့ ပုတ်နေတယ်။ အဲဒါတောင်မှ ပရိသတ်တချို့က ဘယ်သူ ပစ်လိုက်ပါလိမ့်လို့ စဉ်းစားနေကြသေးတယ်။ ဒီမှာက လူဆိုးက ခြောက်လုံးပြူးကို ကိုင်ပြီးပစ်တာပြရမယ်။ အခု ၀ဏ္ဏ ပြနေတာက ခြောက်လုံးပြူးကို ထုတ် မပြတော့ဘူး။ ပရိသတ်ကို တွေးယူခိုင်းနေတယ်။
နော်တစ်ခုက ၀ဏ္ဏမှာ ဘာအားလျော့နေသလဲဆိုတော့ ဟာသ လျော့နေတယ်။ ဟာသဆိုတာ လူရွှင်တော် တွေပါပြီး ကလိထိုးတာ ပြောတာ မဟုတ်ဘူး။ ဥပမာ - သူတို့ အချင်းချင်းပဲ ရယ်စရာလေး ဖြစ်သွားတာ မျိုး မပါဘူး။ ရုပ်ရှင်စကားကတော့ အစာသွတ် တယ် ခေါ်တာပေါ့။ ဒီလို အစာသွတ်တဲ့ နေရာ မှာ သူက မဆလာ နည်းနေတယ်။ သူက စင်းစင်းကြီး ပဲ ပြသွားတယ်။ ကြာတော့ ပရိသတ် က ပျင်း လာတယ်။
ဒါတွေက အဓိက တော့ မဟုတ်ဘူး။ နောက်ပိုင်း "ဇာခန်းဆီး နောက်ကွယ်မှာ" "ပန်းတွေနဲ့ဝေ" တို့ ဘာတို့ ရိုက်တော့ အရက်သိပ်သောက်လာတယ်။ (ထည့်ရေး) မူးရင်းလည်း ကားရိုက်တယ်။ ကားဆက် တော့လည်း မူးနေတာပဲ။ ကား ဘယ်ကောင်းတော့မလဲ။ နာမည်ပျက်လာတယ်။ နာမည်ပျက် တော့ သူ့ ဘယ်သူ က ငှားတော့မလဲ။ အခုတော့ သူ အရက်ပြတ်သွားပါပြီ။ ပညာက တော်ပါတယ်။ တစ်ခါ တလေ ကျတော့ ခုနက ပြောသလို ပရိသတ် နဲ့ လေးငါးလှမ်းလောက် ကွာတာက အရေးမကြီးဘူး။ သူက ဆယ့်လေး ငါးမိုင် လောက် အလှမ်းဝေးနေတော့ ခက်တာပေါ့။ ဆရာတို့တောင်မှ ပရိသတ်ကို ကိုယ့်အနုပညာ ပြချင်ပေမယ့် မပြရဲသေးဘူး။ အခု တီဗွီမှာ "ဦးချမ်းသာ" ဇာတ်လမ်း ဆရာ ရိုက်နေတယ်။ အဲဒီမှာ ပြမယ်။ ဘာတစ်ခွန်းမှ မပြောဘဲ လူ့သဘာဝကို ပြသွားမယ်။ တီဗွီမှာ လုပ်လို့ရတယ်။ ရုပ်ရှင်မှာ မရဘူး။ တီဗွီကြည့်တဲ့ ပရိသတ်က တစ်မျိုးကိုး။
ဝဏ္ဏက သူ ထင်တာ စွတ်လုပ်တတ်တယ်။ ၀ဏ္ဏ ရိုက်တဲ့ကားကို ၀ဏ္ဏကြည့်ရင်တော့ နားလည်တာပေါ့။ သူ့ ဟာက စိတ္တဇပန်းချီနဲ့ တူနေတယ်။ အောင်စိုးတို့ ဆွဲတာမျိုးပေါ့။ ပန်းချီပြပွဲတစ်ခုမှာ အောင်စိုးကို တစ်ခါ ပြောဖူးတယ်။ ပြပွဲ မှာ သွားတော့ ၁၇၅ ကျပ်လို့ တန်ဖိုးတပ်ထားတဲ့ သူ့ပန်းချီကားတစ်ချပ်ကို ၀ယ်ပါလို့ ပြော တယ်။ ၀ယ်တာကတော့ ဟုတ်ပါပြီ။ မင်း ပန်းချီကားက ဘာမှန်းမှ မသိတာလို့။ သူက ရှင်းပြတယ်။ ဒီဥစ္စာ ဘာပေါ့။
ပန်းချီကား နာမည်က "အနတ္တ"တဲ့။ အဲဒီတော့ ဆရာက " အေး ... ၀ယ်မယ်လို့၊ ဒါပေမဲ့ တနင်္ဂနွေ တစ်ပတ် မှာ တနင်္ဂနွေနေ့တိုင်း အိမ်မှာ လာထိုင်ပြီး လာသမျှ လူမေးတာ ဖြေပေးရမယ်။ အဲဒီလို လုပ်နိုင် မယ် ဆိုရင်တော့ မင့်ကားကို ကျပ် ၅၀၀ ပေးဝယ်မယ်။ နို့မဟုတ်ရင်တော့ မင်း ပန်းချီကားကို ငါ ရှင်းမနေ နိုင်ဘူး။ မောတယ်လို့ "
အဲဒီအတိုင်းပဲ တစ်ခါ တစ်ခါ ၀ဏ္ဏ ကားတွေက သူပဲ သိတယ်။ ပရိသတ်က မသိဘူး။ သီချင်းတစ်ပုဒ်ကို ကက်ဆက် နဲ့ နားထောင်လို့ နားမလည်ရင် ပြန်ဖွင့်လို့ရတယ်။ ၀တ္ထုက ဆယ်ခါ ဖတ်လို့ရတယ်။ ရုပ်ရှင်က မရဘူး။ ပြန်ကြည့်ချင်ရင် ပိုက်ဆံပေးရတယ်။ အဲဒီတော့ ရုပ်ရှင်ဆိုတာ အလွယ်ဆုံးနဲ့ အရှင်းဆုံး ရိုက်ပြနိုင် ရမယ်။ ညီလေး တို့လည်း ဆရာရိုက်တာ ကြည့်ဖူးတာပဲ။ လုံးဝ စဉ်းစားလို့ မရတာ မရှိခဲ့ပါဘူး"
" ဟုတ်ကဲ့ ဆရာ၊ ကိုသုမောင်ရဲ့ သရုပ်ဆောင်မှုတွေနဲ့ ပတ်သက်လို့ကော ဘယ်လိုသဘောရပါသလဲ "
" သုမောင် ရဲ့ သရုပ်ဆောင်ချက်တွေနဲ့ ပတ်သက်ပြီး ပြောရရင် ပထမဆုံး ရိုက်ခဲ့တဲ့ "ချစ်စံနမူ" ရိုက်တုန်း က သရုပ်ဆောင်မှု သဘောတရားကို ပြောပြတယ်။ ကားရိုက်မယ်ဆိုတုန်းက သူ့ကို ကြိုပြောမထားဘူး။ ကိုယ့် သားပဲ၊ သူ့အရည်အချင်း ဘယ်လောက်ရှိတယ်ဆိုတာ သိနေတာပေါ့။ မင်းသားက မုန့်ဟင်းခါးသည်။ ဗလကြီး (သုမောင်)က အရုပ်ဆိုးတယ်။ ဒီလိုဇာတ်မျိုးနဲ့ စတင်မှ ရမယ်လို့ စိတ်ကူးမိတယ်။ ကားရိုက်မယ့် နေ့မှာ ကားလွှတ်ခေါ်၊ ဆံပင်ညှပ်ခိုင်းပြီး ရောက်လာတော့မှ ကားရိုက်မယ်ဆိုတာ သူ သိတာ။
ပထမတော့ သူ့ကိုယ်သူ မယုံဘူး။ မင်း သာဓု သားပဲကွာ၊ လုပ်ရင် ဖြစ်ရမှာပေါ့ ဆိုတော့မှ သူ ရဲသွားတာ။ သုမောင် ဖြစ်လာတာ သာဓု သားမို့ ဖြစ်လာတာ မဟုတ်ဘူး။ သူ့အရည်အချင်းနဲ့ သူ ကြိုးစားလို့ ဖြစ်လာတာ။ ဆရာနဲ့ ကားရိုက်တဲ့ နေရာမှာတောင်မှ တစ်ခါတလေ ဆရာ ခိုင်းတဲ့ပုံစံနဲ့ မလုပ်ဘဲ သူ လုပ်ချင်တဲ့ ပုံစံ နဲ့ လုပ်တတ်တာတွေ ရှိတယ်။ တစ်ခါတလေ သူ လုပ်တာက ပိုကောင်းသွားတယ်။
သုမောင်မှာ လျော့နေ၊ ဟာနေတာတွေ ရှိတယ်။ ဆရာနဲ့ ရိုက်ရင်တော့ ထိန်းနိုင်တယ်။
တခြား ဒါရိုက်တာ တွေ၊ နောက်ဆုံး မောင်ဝဏ္ဏနဲ့ ရိုက်ရင်တောင်မှ ပေါ့နေတတ်တယ်။ လုပ်သင့် လုပ်ထိုက်တာကို မလုပ်ဘူး။ စိတ်ဝင်စားပါလို့ ဆရာအမြဲပြောတယ်။ ကိုယ်က စစ်ဗိုလ်ကား ရိုက်နေရင် ကိုယ့်ကိုယ်ကိုယ် စစ်ဗိုလ်ကို သဘောထား။ အိမ်ပြန်လာလို့ မိန်းမနဲ့ဆက်ဆံရင်တောင် စစ်ဗိုလ်လို ဆက်ဆံ ရမယ်။ ခပ်မာမာ ဆက်ဆံ။ လုပ်စရာရှိ စစ်ဗိုလ်အတိုင်းလုပ်။ ဆိုက်ကားသမားအဖြစ် သရုပ်ဆောင်ရရင် တောက်လျှောက် ဆိုက်ကား သမားဖြစ်နေရမယ်။ ဒီကောင်က သူ့အခန်းပြီးရင် သူများ သရုပ်ဆောင် နေတာကို မကြည့်တတ်ဘူး။ တစ်နေရာသွားပြီး ဟေးလားဝါးလား လုပ်နေတတ်တယ်။ ဒီတော့ သရုပ်ဆောင် ရတာ လျော့တာပေါ့။
ဆရာ လိုချင်တာက အဖေနဲ့မို့ မပေါ့ဘူး။ တခြားလူနဲ့တော့ ပေါ့တယ်ဆိုတာ မဖြစ်စေချင်ဘူး။ သူတို့ အတွက် ပဲ မဟုတ်လား။
" ဟုတ်ကဲ့ ဆရာ၊ ကျွန်တော် မေးချင်တာတွေတော့ ပြည့်စုံသွားပါပြီ"
" ဟေ့ ... နေဦးကွ၊ ခုနက မင်း ဓာတ်ပုံဆရာ စိုင်းဘုန်းထူး ဓာတ်ပုံရိုက်နေတာ ဆရာ့ပုံကို ဒီအတိုင်း ထည့် မှာလား "
" မဟုတ်ဘူး ဆရာ၊ မောင်မောင်သိုက်က ပုံတူပြန်ဆွဲပေးမှာပါ "
" အေ ... ပန်းချီပြန်ဆွဲရင် အောက်တိုဘာလထုတ်မှာ ထင်တယ်။ ပေဖူးလွှာမှာပါတဲ့သုမောင် သားပုံလို လှလှပပ လုပ်မနေနဲ့နော်။ လူကြီးပဲကွာ ... ဣနြေ္ဒရရလေး လုပ်ပေါ့။ ပန်းချီဆရာတွေလည်း ပြောထားဦး။ သွားကျိုး ရင် ကျိုးတဲ့အတိုင်း၊ နှုတ်ခမ်းပဲ့ရင် နှုတ်ခမ်းပဲ့တဲ့အတိုင်း၊ သူ့သဘာဝအတိုင်း၊ မင်း အခု ဆရာ့ကို မြင်တဲ့ အတိုင်းပဲ ဖြစ်ပေစေ။ တော်ကြာလှလှပပ ဆွဲထားရင် အဘိုးကြီး ဓာတ်ပုံရိုက်ခါနီး မိတ်ကပ်တွေ ဘာတွေ လိမ်းထားတယ်လို့ ပြောခံရရင် သေရောကွ ငါ့လခွီး"
" တိုက်ကို ကျွန်တော် မှာထားပါ့မယ်ဆရာ။ အရှိကို အရှိအတိုင်း ဖြစ်ရပါစေမယ်။ ကျွန်တော်နဲ့ စကားပြော ရတာ ဆရာ တော်တော်မောသွားပြီ။ ခုလို စိတ်ရှည်လက်ရှည် ဖြေပေးတဲ့အတွက် ကျေးဇူးအများကြီး တင်ပါ တယ် ဆရာ။ ကျွန်တော့်ကို ခွင့်ပြုပါဦး "
ပေဖူးလွှာမဂ္ဂဇင်း၊ အမှတ်-၄၄၊ ဇန်န၀ါရီလ၊ ၁၉၈၅ ခုနှစ်။
လမင်းတရာနှင့်တွေ့ဆုံခြင်း
ကြည်အောင်
ကြည်အောင်
" လမင်းတရာနှင့်တွေ့ဆုံခြင်း" လို့ ကျွန်တော် ခေါင်းစဉ်တပ်လိုက်ပေမယ့် စာရေးဆရာ လမင်းတရာ မဟုတ်ပါ။ ကဗျာချစ်သူများ ရင်မှာ စွဲငြိစေခဲ့တဲ့ "လမင်းတရာ" ကဗျာစာအုပ်နဲ့ အမျိုးသား စာပေဆု ရခဲ့တဲ့ မန္တလေးမြို့က(တစ်နည်း ပြောရရင်တော့ အင်းဝမြို့ဟောင်းက) ကဗျာဆရာ (ဦး)ကြည်အောင်နဲ့ တွေ့ဆုံ ပေးမှာဖြစ်ပါတယ်။
ပေဖူးလွှာ စာတည်းအဖွဲ့က ဖေဖော်ဝါရီလအတွက် ဆရာကြည်အောင်နဲ့ တွေ့ဆုံပါလို့ ဆိုလာတဲ့အခါ ဆရာ့ ကဗျာတွေကို အသေးစိတ် ပြန်ဖတ်ရ၊ မှတ်ရပါတယ်။ ဒီလို တစ်စုတစ်စည်းတည်းကို အသေးစိတ် ပြန်ဖက် တဲ့အခါမှာ ကဗျာရှင်နဲ့ ပတ်သက်တဲ့ ခံယူချက် စိတ်နေသဘောထားကို လေ့လာလို့ ရလာ ပါတယ်။
မြန်မာတို့ရဲ့ မြို့ဟောင်းတစ်ခုဖြစတဲ့ "အင်းဝ" ဖြစ်တဲ့ ဆရာကြည်အောင်ရဲ့ ရင်ထဲမှာ နယ်ချဲ့စစ်လူးကို ခါးခါးတူးတူး မုန်းတဲ့စိတ်အပြည့် ရှိတာကို တွေ့ရပါတယ်။ ဧရာဝတီမြစ်ကို ဆန်တက်လာတဲ့ အင်္ဂလိပ်စစ် သင်္ဘောကို လံးဝတိုက်ခိုက်ခြင်း မပြုရလို့ မန္တလေးရွှေနန်းတော်က ထုတ်ပြန်လိုက်တဲ့ အမိန့်ကို ဆရာ့ဇာတိ ဖြစ်တဲ့ အင်းဝမြို့နားက သပြေတန်းခံတပ်က နာခံလိုက်တဲ့အတွက် ဆရာ့ရင်ထဲမှာ ဒီနေ့ထက်ထိ မကျေနပ် သေးတာက အစ သူ့ကဗျာတွေမှာ တွေ့နေရဆဲပါ။
ဒီနေ့ ကျွန်တော်တို့ စာပေလောကမှာ ကဗျာဆရာကြီးငယ် တော်တော်များများ၊ ရှိနေကြတဲ့အထဲမှာ တချို့က ယုံကြည်ချက်အတွက် ရေးကြပြီး တချို့က ယုံကြည်ချက်အတွက် ရေးကြတယ်။ ဆရာ ကြည်အောင် ကတော့ ယုံကြည်ချက်အတွက် ကဗျာရေးနေတဲ့သူ ဖြစ်တယ်ဆိုတာ သူ့ကဗျာတွေကို လေ့လာ ကြည့်ရင် တွေ့နိုင်ပါတယ်။
သူ့ကဗျာအတိုမှာပဲဖြစ်ဖြစ်၊ အရှည်မှာပဲဖြစ်ဖြစ် ယုံကြည်ချက် တစ်ကွက်တော့ ပါတာပဲ ဖြစ်ပါတယ်။ ဒါကြောင့် ကဗျာကို စိတ်ဝင်စားသူများ လေ့လာနိုင်စေဖို့ ဆရာကြည် အောင်နဲ့ ဆွေးနွေးခဲ့တာတွေကို ဖော်ပြပေး လိုက်ပါတယ်။
" စာပေနယ်ထဲ ရောက်ရှိလာပုံနဲ့ ပထမဆုံး ရေးခဲ့တဲ့ ကဗျာအကြောင်း သိချင်ပါတယ်"
" ကလေးဘ၀ ပထမဏာကြောင်း စာလုံးပေါင်း ဖတ်တတ်စ ...
စာလုံးရဲ့ အရိပ်၊ အဓိပ္ပာယ်တူးဖော် ပျော်လိုက်ပုံ ပြောပြမရ ... ဆိုသလိုပါပဲဗျာ။ စာဖတ်တတ်ပြီ ဆို ကတည်းက တွေ့သမျှ စာတွေကို ဖတ်လာတယ်။ စာပေနဲ့ ကဗျာက ပေးတဲ့ရသကို ခံစားရတာဟာ ဘယ်က ရတဲ့ရသ နဲ့မှ မတူပါဘူး။
ကျွန်တော်တို့ ငယ်စဉ်တုန်းက အိမ်မှာကလည်း စာအုပ်နဲ့တူတာဆိုလို့ ပရိတ်စာအုပ် တောင် မရှိဘူး။ အမေ က စာမတတ်ပါ။ ဒါပေမဲ့ အတွက်အချက်မှတ်ဥာဏ် အင်မတန်ကောင်းတယ်။ စကားပြောရမှာလည်း ပုံတိုပတ်စ၊ အခိုင်းအနှိုင်းနဲ့ သရုပ်ပေါ်အောင် အင်မတန် ပြောတတ်ပါတယ်။ အမေ့စကားတွေ နားရည် ၀နေ တော့ တော်တော့ စကားပြေကို ဖတ်နေရပေမယ့် ကျွန်တော့် စိတ်နားထဲ မတိုးဘူး။
ပြီးတော့ အင်းဝက ကျွန်တော့် မွေးရပ်မြေ။ မဟာရဋ္ဌသာရ၊ ရှင်တေဇောသာရ၊ ရှင်သူရဲ၊ ၀န်ကြီး ပဒေသရာဇာ၊ အချုပ်တန်းဆရာဖေ၊ သခင်ဗဟိန်း စတဲ့ စာပေကဗျာနဲ့ နိုင်ငံရေး မဟာပုဂ္ဂိုလ်ကျော် တွေရဲ့ ဇာတိ ချက်ကြွေ။
ဒီတော့ ပုဂ္ဂိုလ်စွဲ၊ ဒေသစွဲ သဘောနဲ့ သူတို့စာတွေကို ဖတ်တယ်။ လေ့လာတယ်။ ကဗျာဖတ်တော့ ကဗျာ ရေးချင်တယ်။ စမ်းရေးကြည့်မိတာပေါ့။ မကောင်းဘူး။ ကဗျာမဖြစ်ဘူး။ ဆဋ္ဌမတန်းရောက်တော့ ဆရာ မင်းသုဝဏ်ရဲ့ "သပြေညို" ကဗျာ စာအုပ်ကို သင်ရပါတယ်။ ဆရာကြီး ဦးဘညွန့်ရဲ့ ကဗျာ အသင်အပြ ကောင်းတာကြောင့် ကဗျာကို ပိုလို့ ချစ်တတ်လာတယ်။ ပိုလို့ ရေးချင်လာတယ်။ ဒါပေမဲ့ တစ်ဖက်ကလည်း ဆန်းတွေ ဂိုဏ်းသင့်တာတွေနဲ့ ခြောက်လှန့်ခြင်းခံရတော့ ဆိုးကျိုးပေးတတ်တာကို ကြောက်ပြီး ကဗျာရေး တာကို ဖြတ်ပစ်လိုက်ပါတယ်။
ဗွေဆော်ဦး ဖတ်ရ၊ ကျက်ရ၊ သင်ရတဲ့ ကဗျာစာအုပ်ဟာ ဆရာမင်းသုဝဏ်ရဲ့ "သပြေညို"ပါ။ "ရှေ့တော်ပြေး" ဟာ ကျွန်တော်ရဲ့ အသည်းစွဲကဗျာပေါ့။
ရှေ့တော်ပြေးရဲ့ ၄၊ ၃၊ ၂ ကာရန်သွားပုံ၊ အသံလှပုံတွေ ကြိုက်လွန်းလို့ ကျွန်တော် ကဗျာ စ ရေးတယ် ဆိုရင်ပဲ အဲဒီဟန်မျိုး ပေါက်နေတတ်ပါတယ်။
ဥပမာ - ၁၉၆၀ ပြည့်နှစ် "စိတြ စာအုပ်ထဲမှာ ပါတဲ့ "လမ်းစ မမြင်" ကဗျာကို ဖတ်ကြည့်ပါဦး။ ဆရာ မင်းသုဝဏ် ရဲ့ သြဇာလွှမ်းပုံကို သိရပါလိမ့်မယ်။
ဆက်ရန်
.
No comments:
Post a Comment