Saturday, November 19, 2011

စာရေးဆရာ ကိုအောင်ဆန်း, အပိုင်း (၅၁)

ဟိုချီမင်း၊ ဗိုလ်ချုပ်အောင်ဆန်းနှင့် အမျိုးသားရေးဝါဒ

"ဟိုချီမင်း"ဟုဆိုလိုက်လျှင် သူ့ကိုကွန်မြူနစ်ပါတီစစ်စစ်၊ အမေရိကန်နယ်ချဲ့တို့ကို ခါးခါးသီးသီး တိုက်ခိုက် တွန်းလှန် ခဲ့သော ဗီယက်နမ်အမျိုးသားခေါင်းဆောင်ကြီးအဖြစ် ပြေးမြင်မိပါပေလိမ့်မည်။ ကျွန်တော်လည်း ဤသို့ပင် မှတ်ယူထားခဲ့ဖူးပါသည်။ ဆရာမောင်ထွန်းသူ ဘာသာပြန်သော "ဆိုင်ဂုံ" ဝတ္ထုကို ဖတ်ရသော အခါတွင်မူ ကျွန်တော် ယခင်ဖတ်ဖူးခဲ့ရသော သမိုင်းအချက်အလက်များ တွင် မပါဝင်သေးသည့် ဟိုချီမင်း၏ဘဝအစိတ်အပိုင်းတချို့ကို ထပ်မံမြင်တွေ့လိုက်ရပါသည်။

စာအုပ်အများစုက ရေးသလိုပင် ဤစာအုပ်ထဲတွင်လည်း ဟိုချီမင်းသည် နာမည်မျိုးစုံဖြင့် ဘဝမျိုးစုံ တွင် ကျင်လည်ရင်း ပြင်သစ်၊ အင်္ဂလန်၊ ရုရှား၊ တရုတ်စသော ကမ္ဘာ့နိုင်ငံ လွတ်မြောက်ရေးအတွက် ပြည်ပ အကူအညီ အဆက်အသွယ်များ ရှာဖွေခဲ့သည့် ပုံရိပ်များကို မြင်တွေ့ရပါသည်။ သူ လေ့လာ ခဲ့သော နိုင်ငံရေး ဒဿန များ၊ ဆည်းပူးခဲ့သော ပညာရပ်များလည်း စုံလင်လှပါဘိ။ အနောက်တိုင်း ဒဿနများ၊ အနောက်တိုင်း သမိုင်းပညာများမှအစ၊ ကွန်မြူနစ်ဝါဒများအဆုံး အားလုံးကို ကျယ် ကျယ်ပြန့်ပြန့် လေ့လာ ခဲ့ သည်ကို တွေ့ရပါသည်။

ကမ္ဘာအရပ်ရပ်သို့ လှည့်လည်ပြီးနောက် ဟိုချီမင်းသည် ဗီယက်နမ်နိုင်ငံသို့ ပြနလည်ခိုးဝင်လာကာ နယ်ချဲ့ ဆန့်ကျင်ရေးလှုပ်ရှားမှုကို ဆက်လက်ဆောင်ရွက်ခဲ့ပါသည်။ နိုင်ငံလွတ်မြောက်ရေး ကြိုးပမ်း နေကြသော မျိုးချစ်ခေါင်းဆောင်များကို စုစည်း၍ ဗီယက်နမ်လွတ်မြောက်ရေးအဖွဲ့ချုပ်ဟု အဓိပ္ပါယ် ရသော "ဗီယက်မင်း" အဖွဲ့ကို ဖွဲ့စည်းခဲ့ပါသည်။

ထိုဗီယက်နမ်အဖွဲ့သည် ကနဦးအစပိုင်းတွင် နောင်အခါ ခါးသီးသောရန်သူများဖြစ်လာကြမည့် အမေရိကန် တို့နှင့် မိတ်ဆွေပမာ ဆက်ဆံခဲ့၊ ပူးပေါင်းဆောင်ရွက်ခဲ့ဖူးသည့် သာဓကကို ဤဝတ္ထု တွင် တင်ပြ ထားပါသည်။ ဒုတိယကမ္ဘာစစ်ကြီးအတွင်းတွင် ဖက်ဆစ်ဂျပန်တို့ကို တိုက်ခိုက်ခဲ့ကြရာ၌ ဗီယက်မင်း ပြောက်ကျား များသည် အမေရိကန်တို့ဘက်မှပင် ကူညီတိုက်ခိုက်ပေးခဲ့ကြသည်ဆို၏။
နောက်ပိုင်း ဗီယက်မင်းတို့က မြောက်ဗီယက်နမ်ကို ပြင်သစ်ကိုလိုနီဘဝမှ လွတ်မြောက်ရန် တိုက်ပွဲ ဆင်နွှဲသော အခါ စစ်လက်နက်အကူအညီရရန် အမေရိကန်နိုင်ငံအား ချဉ်းကပ်ဖူးသည်ဟူသော ကျွန်တော် မဖတ်ဖူးခဲ့သည့် ထူးထူးခြားခြား ဖြစ်ရပ်ကိုလည်း သိလာရပါသည်။

ဟိုချီမင်းအနေနှင့် ပြင်သစ်ကွန်မြူနစ်ပါတီသို့ ဝင်ခဲ့ဖူးခြင်း၊ ဗီယက်မင်းအဖွဲ့တွင် ကွန်မြူနစ်များ ပါဝင်နေခြင်း တို့ကို ထောက်ရှု၍ အမေရိကန်တို့သည် ဟိုချီမင်းတို့အား ကွန်မြူနစ်များဟု မြင်နေ သည်က တကြောင်း မိမိတို့၏မဟာမိတ်ပြင်သစ်တို့နှင့် ဆက်ဆံရေးပျက်ပြားမည်ကို စိုးရမ်၍ တကြောင်း ဟိုချီမင်း တောင်းဆို ခဲ့သော အကူအညီကိုပေးရန် ငြင်းပယ်ခဲ့၏။ ထိုသမိုင်းအချိုးအကွေ့ ကပင် ဗီယက်မင်းအဖွဲ့ကို တရုတ်ကွန်မြူနစ် တို့နှင့် ပိုမိုနီးစပ်ရင်းနှီးသွားစေသည့်အပြင် နောင်အခါ တွင် လူပေါင်းသန်းနှင့်ချီ သေဆုံးခဲ့၊ အမေရိကန်တို့ အရှက်တကွဲ အရှုံးကြီးရှုံးစေခဲ့သည့် ဗီယက်နမ် စစ်ပွဲကြီးကိုပါ ပေါ်ပေါက်စေရန် လမ်းကြောင်း ပြပေးခဲ့ခြင်းဖြစ်သည်ဟု စာရေးသူက ဇာတ်ကောင် တစ်ယောက်နေရာမှဝင်၍ သုံးသပ် ထားပါသည်။

အမေရိကန်အကူအညီကို ချဉ်းကပ်စဉ်က အမေရိကန်စစ်ဗိုလ် ဂျိုးဇက်ရှားမင်းအား ဟိုချီမင်း ပြောခဲ့ သော စကား မှာ မှတ်သားဖွယ်ကောင်းလေသည်။
"ကျုပ် တစ်ခါတုန်းက ပြောခဲ့ဖူးတယ်မဟုတ်လား ဗိုလ်ကြီးရှားမင်း။ ကျုပ်ရဲ့ပါတီဟာ ကျုပ်နိုင်ငံပါ... လို့၊ ဒီစကား ဟာ လူကြားကောင်းအောင် လိမ်ညာပြောခဲ့တဲ့စကားမဟုတ်ဘူး၊ ကျုပ် ပါရီမှာသွားနေ တော့ လီနင် ကို ကြည်ညိုလေးစားစရာဖြစ်လာတယ်။ ဘာပြုလို့လဲဆိုတော့ သူက သူ့နိုင်ငံ၊ သူ့နိုင်ငံ သားတွေကို လွတ်မြောက် အောင် ကယ်တင်ခဲ့တဲ့ ခေါင်းဆောင်ကြီးတစ်ယောက်ဖြစ်တယ်ဆိုတာ ကျုပ်သိလိုက်ရလို့ပါ။

နောက်တစ်ခါ သူရေးခဲ့တဲ့ အမျိုးသားရေးနှင့် ကိုလိုနီဝါဒရေးရာ ပြဿနာများ ကျမ်းကို ဖတ်လိုက် ရပြန်တော့ မျက်ရည်ဖြိုင်ဖြိုင်ကျလောက်အောင် ဝမ်းသာလုံးဆို့ခဲ့မိပါတယ်။ အဲဒီ စာအုပ်ကို ဘိုနာပတ် လမ်းထဲက ကျုပ် ငှားနေတဲ့ ထပ်ခိုးကလေးထဲမှာ တစ်ယောက်တည်း ဖတ်နေ တာပါ။ ဒါပေမဲ့ ကျုပ် ကိုယ်ကျုပ် မထိန်းနိုင်ခဲ့ဘူး၊ သူရေးထားတာတွေကို သဘောကျလွန်းလို့ စာ ဖတ်နေရာက ထခုန်ပြီး ဗီယက်နမ် အာဇာနည်သူရဲကောင်း ရဲဘော်တို့ ငါတို့လိုနေတာ ဒါပဲ။ လွတ် လပ်ရေးအတွက် ငါတို့ လမ်းစဉ် ဟာ ဒီဟာပဲလို့ အော်လိုက်မိတယ်"

"ကျုပ်ဟာ ပြင်သစ် ကွန်မြူနစ်ပါတီကို ပထမဆုံးပါတီဝင်အဖြစ် စာရင်းသွင်းခဲ့တဲ့ ထိပ်ဆုံးကလူတွေ ထဲမှာ တစ်ဦးဖြစ်ခဲ့ပါတယ်။ နောက်နှစ်အနည်းငယ်လောက်အကြာမှာ အင်ဒိုချိုင်းနား ကွန်မြူနစ်ပါ တီကို တည်ထောင် ခဲ့ပါယ်။ ဒါပေမဲ့ ကျုပ်ရဲ့လုပ်ရပ်တွေကို အချက်တစ်ချက်က အမြဲလွှမ်းမိုးနေ တယ်။ ကျုပ်ရဲ့ နိုင်ငံ လို အားနည်းတဲ့ နိုင်ငံတစ်နိုင်ငံဟာ အလွန်အားကြီးတဲ့ ပြင်သစ်နိုင်ငံရဲ့စိုးမိုးမှု ကို တွန်းလှန်ချင်ရင် ပြင်ပ အကူအညီကို မရလို့မဖြစ်ဘူးဆိုတဲ့ ယုံကြည်ချက်ပဲ၊ ခင်ဗျားတုိ့ရဲ့ခေါင်း ဆောင်ကြီး ဂျော့ဝါရှင်တန် ဟာ ဗြိတိသျှတွေကို တွန်းလှန်နိုင်ဖို့အတွက် ပြင်သစ်ဆီက အကူအညီ ကို လက်ခံခဲ့ရတယ်မဟုတ်လား။

ခင်ဗျားတို့က ကွန်မြူနစ်လို့ခေါ်နေတဲ့ ဝါဒဟာ အဖိနှိပ်ခံ လူတန်း စားတွေကို သူတို့ဘာသာ သူတို့ စည်းကမ်းတကျ နဲ့ စည်းရုံးပြီး ဖိနှိပ်ချုပ်ခြယ်နေတဲ့ လူတန်းစားကို ဆန့်ကျင်တတ်အောင် သင်ပေးတယ်။ အဲဒါတွေဟာ တန်ဖိုးအင်မတန်ကြီးတဲ့ သင်ခန်းစာတွေပါ။ ဒါပေမဲ့ နောက်ဆုံးမှာ အမေရိကန် ပြည်ထောင်စု ရဲ့ ကူညီအားပေးမှုဟာ ကျွန်တော်တို့အတွက် အဓိကအကျဆုံးနဲ့ အရေးအကြီးဆုံး လိုအပ်ချက် တစ်ခုဖြစ်နေတာကိုပဲ တွေ့ရပါတယ်။ ကျုပ်တို့အ နေနဲ့ ဒီဝါဒကပေးတဲ့ စိတ်ဓာတ်အင်အားကို အလေးအနက် ထားပြီး အသိအမှတ်ပြုခဲ့ပါတယ်။ ဒါပေ မဲ့ ဗိုလ်ကြီးရှားမင်း၊ ကျုပ်ဟာ ကျုပ်ရဲ့ အခြေခံသဘောထားကို ဘယ်တော့မှ သစ္စာမဖောက်ပါဘူး။ ကျုပ်ရဲ့ပါတီဟာ ကွန်မြူနစ်ပါတီမဟုတ်ပါဘူး၊ ကျုပ် ပါတီ ဟာ ကျုပ်နိုင်ငံပါ"
အခြား ဇာတ်ကောင် တစ်ဦးဖြစ်သော ထရန်ဗန်ကင်ကလည်း ဂျိုးဇက်ရှားမင်းကို ယခုလို ပြောပြခဲ့ပါ တယ်။

"ပြင်သစ်တွေနဲ့ တရုတ်တွေကသာ ဗီယက်မင်းအဖွဲ့ကို ကွန်မြူနစ်လို့ ဝါဒဖြန့်နေတာပါ။ ပြင်သစ် တွေ ကတော့ အခုအချိန်အထိ နောင်တစ်နေ့မှာ ကျွန်တော်တို့နိုင်ငံကို ပြန်လည်အုပ်စိုးမယ်ဆိုတဲ့ အိပ်မက် မက် နေတုန်းပဲ မဟုတ်လား။ တရုတ်တွေကတော့ သူတို့ရဲ့ရုပ်သေးအမျိုးသားပါတီတစ်ရပ် ဒီနိုင်ငံထဲမှာ တည်ထောင် ဖို့ ကြိုးစားနေကြတာမဟုတ်လား။ အဲဒိတော့ ပြောကြမှာပေါ့၊ တော်လှန် ရေးကို သူမကြိုက် ပါဘူးလို့ ဦးလေးဟိုပြောခဲ့တဲ့ အကြိမ်ပေါင်းဟာ မနည်းတော့ပါဘူး၊ တစ်ချိန်တုန်း ကတော့ သူဟာ ကွန်မြူနစ် ဝါဒ ကို ယုံကြည်သက်ဝင်ခဲ့တဲ့ လူတစ်ယောက်ပါ၊ ဒါပေမဲ့ ဒီစိတ်ကူးယဉ် မှုဟာ တိုင်းပြည် အတွက် လက်တွေ့အကျိုးရှိနိုင်မဲ့ဟာတွေ မဟုတ်ဘူးဆိုတာ သူကောင်းကောင်း သဘောပေါက်နေတာပဲ။

ဒါကိုလည်း သူကိုယ်တိုင် ပြောပြဦးမှာပါ။ ကျွန်တော်ကတော့ ဦးလေးဟို ရဲ့ လက်ရှိအတွေးအခေါ်နဲ့ ယုံကြည်မှု သစ်တွေကို လက်ခံတယ်၊ လွတ်လပ်ရေး ရလာတဲ့အခါမှာ ဘယ်လိုအစိုးရမျိုး တည်ထောင်မယ် ဆိုတာ ပြည်သူလူထုက ဆုံးဖြတ်ရမှာပါ။ သူတို့နှစ်သက်တဲ့ အစိုးရမျိုး တည်ထောင်ခွင့်ဟာ ပြည်သူတွေ လက်ထဲ မှာပဲ ရှိပါတယ်။ တကယ်လို့ ခင်ဗျားတို့နှစ် သက်မယ်ဆိုရင်တော့ ကျွန်တော်တို့ကို သမ္မတနိုင်ငံ စနစ် လိုလားတဲ့ အမျိုးသားရေးဝါဒီသမားတွေပဲ လို့ ခေါ်ချင်ခေါ်ပါ"

ဤဆိုင်ဂုံစာအုပ်ကို ဖတ်ပြီးသွားသောအခါ ဟိုချီမင်းနှင့် ပတ်သက်၍ ကျွန်တော့်အနေဖြင့် ပိုပြီး နား လည် သဘောပေါက် လာသလို ခံစားလာရသည်။ တကယ်တော့ ကွန်မြူနစ်၊ ဆိုရှယ်လစ် စသော နိုင်ငံရေး ဝါဒ တွေ မည်သို့ပင် လွှမ်းခြုံခဲ့ပါစေ၊ ထိုဗီယက်နမ်ခေါင်းဆောင်ကြီး၏တကယ့်အစစ်အမှန် ခံယူချက်ကား နိုင်ငံ လွတ်မြောက်ရေး၊ နိုင်ငံကောင်းစားရေး၊ တစ်နည်းဆိုရသော် အမျိုးသားရေးဝါဒ ပင် ဖြစ်နေပါတကားဟု ကျွန်တော် ဆင်ခြင်နေမိပါသည်။
(၂)

ကျွန်တော်သည် "ဆိုင်ဂုံ"စာအုပ်မှာ ဟိုချီမင်းအကြောင်းကို ဖတ်ရှုနေစဉ်မှာပင် ကျွန်တော်တို့ အမျိုး သား ခေါင်းဆောင်ကြီး ဗိုလ်ချုပ်အောင်ဆန်း၏ရုပ်ပုံလွှာများကို ပြန်မြင်ယောင်နေမိကာ ထိုခေါင်း ဆောင်ကြီး နှစ်ဦး၏ ဘဝဖြစ်စဉ်အချို့ ဆင်တူနေပုံကိုလည်း ယှဉ်ထိုး စဉ်းစားနေမိပါ၏။

ပထမဆုံး မြင်တွေ့မိသည်မှာ သူတို့နှစ်ဦးစလုံး၏ မိမိတို့နိုင်ငံကို သူ့ကျွန်အဖြစ်မှ လွတ်မြောက် အောင် အားထုတ် လိုသည့် ပြင်းပြသော ဆန္ဒများပင်ဖြစ်ပါသည်။ နောက်ထပ် တူညီသည်များကိုပြရ လျှင် သူတို့ နှစ်ဦး နှင့် ကွန်မြူနစ်၊ ဆိုရှယ်လစ်ဝါဒများ ဆက်နွယ်ပုံ၊ နိုင်ငံလွတ်မြောက်ရေးအတွက် နိုင်ငံခြား အကူအညီများကို ခက်ခဲစွာ ရှာဖွေခဲ့ရပုံများပင် ဖြစ်ပါသည်။
အင်္ဂလိပ် နယ်ချဲ့ ဆန့်ကျင်ရေး သူရဲကောင်းဗိုလ်မင်းရောင်၏မြေး ပီသစွာပင် ဗိုလ်ချုပ်အောင်ဆန်း သည် လည်း နယ်ချဲ့တော်လှန်ရေး စိတ်ဓာတ်အပြည့်ရှိခဲ့လေသည်။ ကျောင်းသားဘဝကပင် နိုင်ငံ ရေးလှုပ်ရှားမှု များတွင် ပါဝင်ခဲ့ပြီး တို့ဗမာအစည်းအရုံးသို့ ဝင်ရောက်ပြီးနောက် "သခင်အောင်ဆန်း" ဖြစ်လာခဲ့သည်။ နိုင်ငံရေး စာပေများကိုလည်း အပတ်တကုတ် လေ့လာခဲ့၏။

ထိုခေတ်အခါက မြန်မာလူငယ်များကို နိုင်ငံရေးမျက်စိဖွင့်ပေးရန် တည်ထောင်ခဲ့သော "နဂါးနီ" စာအုပ် အသင်းကြီး သည် လက်ဝဲစာအုပ်များကို အဓိကတင်သွင်းခဲ့ပေရာ သခင်အောင်ဆန်းသည် အခြား ထိုခေတ် လူ ငယ်များနည်းတူ ကွန်မြူနစ်၊ ဆိုရှယ်လစ်စာပေများနှင့် ရင်းနှီးခဲ့ပြီး ထိုဝါဒများအပေါ် တိမ်းညွတ် ခဲ့ဖူး ပါသည်။ ၁၉၃၉ ခုနှစ်၊ ဩဂုတ်လ ၁၅ ရက်နေ့တွင် "ဗမာပြည်ကွန်မြူနစ်ပါတီ"ကို လျှို့ဝှက်စွာ တည်ထောင်ခဲ့ရာ၌လည်း သူသည် အထွေထွေ အတွင်းရေးမှူးတာဝန်ကို ယူခဲ့၏။ ဤအချက် ကြောင့်ပင် "ဗိုလ်ချုပ်အောင်ဆန်းသည် ကွန်မြူနစ်တစ်ယောက်များလား"ဟု နောင်အခါတွင် အခြား သူများက အထင်လွဲခဲ့မှုများ ဖြစ်ခဲ့ရသည်ဟုဆိုပါသည်။

အမှန်စင်စစ် ဗိုလ်ချုပ်အောင်ဆန်း၏မြန်မာ့လွတ်လပ်ရေးကြိုးပမ်းမှုသမိုင်းကို ပြန်ကြည့်လျှင် နယ်ချဲ့ လက်အောက်မှ လွတ်မြောက်ရေးတစ်ခုတည်းကိုသာ ဦးတည်၍ အဖွဲ့အစည်းမျိုးစုံကို ဖွဲ့စည်းခဲ့၊ ပါဝင် လှုပ်ရှားခဲ့သည်ကို တွေ့ရပါမည်။ ဗမာပြည်ကွန်မြူနစ်ပါတီသည် ထိုအဖွဲ့အစည်းပေါင်း မြောက်များစွာထဲမှ တစ်ဖွဲ့သာ ဖြစ်ပါသည်။ လွတ်လပ်ရေးပန်းတိုင်သို့ ရသမျှနည်းနှင့် လှော်ခတ်ခဲ့ ရာတွင် အသုံးပြုခဲ့သော "တက်" တစ်ချောင်းမျှသာဖြစ်ပါသည်။

နယ်ချဲ့ဆန့်ကျင်ရေးနှင့် အမျိုးသားလွတ်မြောက်ရေးအတွက် တက်ကြွလျက်ရှိနေကြသော အမျိုး သား ခေါင်းဆောင် များ၊ အဖွဲ့အစည်းများကို ပူးပေါင်း၍ "ဗမာ့ထွက်ရပ်ဂိုဏ်း"ကို ၁၉၃၉ ခုနှစ်၊ စက် တင်ဘာလ ၁ ရက် နေ့တွင် ဖွဲ့စည်းခဲ့သည်။ ထိုအဖွဲ့ဝင်များအားလုံး သဘောတူညီသည်မှာ "လွတ် လပ်ရေးတိုက်ပွဲ ဆင်နွှဲ ရာတွင် အနည်းဆုံး နိုင်ငံခြားသို့ ဝါဒဖြန့်မှုရရှိဖြစ်မြောက်ရန် လိုအပ်ပေသည်။ တစ်ဆင့်တိုးပြီး နိုင်ငံခြား အကူအညီ ရရှိမည်ဆိုပါကလည်း ပို၍ကောင်းမွန်မည်" ဟူ၍ဖြစ်ပါသည်။

ထွက်ရပ်ဂိုဏ်းခေါင်းဆောင် ဒေါက်တာဘမော်မှတစ်ဆင့် ဂျပန်တို့၏ကမ်းလှမ်းချက်အရ သခင် အောင်ဆန်း သည် နိုင်ငံခြားအကူအညီအတွက် ဂျပန်တို့နှင့် ဆက်သွယ်ရန် ကြိုးပမ်းခဲ့သည်။ ဂျပန် တို့သည် သူတို့အား ကွန်မြူနစ်များဟု အထင်မှားနေခဲ့သဖြင့် ပထမတွင် သူတို့နှင့် ပူးပေါင်းဆောင် ရွက်ရန် အကြောင်း အမျိုးမျိုးပြ၍ ငြင်းပယ်နေခဲ့သည်ဟု နောင်အခါတွင် ဗိုလ်ချုပ်က ပြန်လည်ရေး သား ခဲ့ဖူး ပါသည်။

"ခင်ဗျားဟာ ကွန်မြူနစ်တစ်ယောက်လား" ဟူသော ဂျပန်တို့၏မေးခွန်းကို ဗိုလ်ချုပ်က
"နိုင်ငံခြားမှ နည်းစနစ်ပုံစံတစ်ခုကို အခြားနိုင်ငံတစ်ခု၌ တိုက်ရိုက်ကူးယူ အသုံးချခြင်းကို ကျွန်ုပ်တို့ မယုံကြည်။ ကမ္ဘာပေါ်ရှိ နိုင်ငံအသီးသီးမှ နည်းစနစ်မျိုးစုံကို သေချာစွာ လေ့လာသုံးသပ်ပြီးမှ ကျွန်ုပ် တို့ တိုင်းပြည်အခြေအနေနှင့် ဆီလျော်အောင် ပြုပြင်သုံးသပ်ယူကြောင်း၊ ကွန်မြူနစ်ဝါဒနှင့် ပတ် သက်၍ ကျွန်ုပ်တို့မနှစ်သက်စရာ အချက်အလက်တွေရှိစေကာမူ ကွန်မြူနစ်တို့၏ စနစ်ကျသော စီးပွားရေးစီမံမှုမှာ တကယ့် ချီးကျူးစရာကောင်းကြောင်း၊ ထို့ကြောင့် (ဂျပန်အပါအဝင်) အခြားနိုင်ငံ များကပင် ထိုစနစ်ကို အတု ယူပြီး ကျင့်သုံးနေကြောင်း" ပြန်လည်ဖြေကြားခဲ့ပါသည်။
ကျွန်တော် သည် ဗိုလ်ချုပ်အောင်ဆန်းနှင့် ဗမာပြည်ကွန်မြူနစ်ပါတီ ဆက်သွယ်ပုံကို စိတ်ဝင်စားသ ဖြင့် ခြေရာ လိုက်ကောက်ကြည့်မိပါသည်။

ဖွဲ့စည်းကာစတွင် အထွေထွေအတွင်းရေးမှူး တာဝန်ယူ ခဲ့သည်ဆိုသော်လည်း မည်သို့ ဆက်လက် လှုပ်ရှားခဲ့သည်ကို ကျယ်ကျယ်ပြန့်ပြန့် ရေးသားထား ချက်များ မတွေ့ရပါ။ ဗမာပြည်ကွန်မြူနစ်ပါတီနှင့် တစ်သားတည်း မဖြစ်ခဲ့၊ နောက်ပိုင်းတွင် ကွန်မြူ နစ်ပါတီအတွင်း မရှိခဲ့တော့ဟု ခန့်မှန်းရပါသည်။ လန်ဒန် ခရီး တွင် ဗြိတိသျှကွန်မြူနစ်ပါတီနှင့် တွေ့ ဆုံခဲ့စဉ်တွင် "ဗိုလ်ချုပ်သည် ဗြိတိသျှ ကွန်မြူနစ် ပါတီ အကြောင်း လေ့လာမေးမြန်းပြီး မိမိတို့မြန်မာ နိုင်ငံ၏လွတ်လပ်ရေးကြိုးပမ်းမှုများကို အသေးစိတ် ရှင်းလင်း တင်ပြရင်း ဗမာပြည်ကွန်မြူနစ်ပါတီနှင့် ဘာကြောင့် သဘောထားကွဲလွဲရပုံကိုပါ ရှင်းလင်း ပြောပြခဲ့ပါသည်" ဟူသော တက္ကသိုလ်နေဝင်း၏ ရေးသားချက်များအရ ထိုကောက်ချက်ကို ချမိခြင်း ဖြစ်ပါသည်။

ဂျပန်တို့၏အကူအညီကို တောင်းခံသည့်အကြောင်းကို ပြန်ကောက်ရလျှင် နောက်ဆုံးတွင် ဂျပန်တို့ သည် သခင်အောင်ဆန်း အပေါ် နားလည်လာခဲ့၊ အကူအညီပေးမည်ဟု ကတိပေး၊ ထို့နောက် ရဲ ဘော်သုံးကျိပ် စစ် ပညာသင်၊ ဂျပန်တို့၏ဖက်ဆစ်သရုပ်ကို မြင်လာကြရ၊ မြန်မာပြည်ထဲ ပြန်မဝင် လာမီပင် ပြန်လည် တော်လှန်ရန် နှစ်ကြိမ်မျှကြံစည်ခဲ့၊ သို့သော် မဖြစ်မြောက်၊ မြန်မာပြည်လည်း လွတ်လပ်ရေးအတုသာရှိပြီး ဖက်ဆစ်လက်အောက်ရောက်ရှိခဲ့၊ ဖက်ဆစ်ဆန့်ကျင်ရေး ဆောင်ရွက် ရန် ဖဆပလ၊ ဖတပလ စသည့် အဖွဲ့အစည်း များ ဖွဲ့စည်းကာ မြေပေါ်မြေအောက် စည်းရုံးရေး ဆောင်ရွက်၊ ၁၉၄၅ မတ်လတွင် ဖက်ဆစ် တော်လှန်ရေးကို ဆင်နွှဲခဲ့၊ မဟာမိတ်တပ်များနှင့် ပူး ပေါင်းပြီး ဖက်ဆစ်များကို တိုက်ထုတ်နိုင်ခဲ့။

ဗိုလ်ချုပ်သည် အင်္ဂလိပ်လက်အောက်မှ လွတ်မြောက်လို၍ ဂျပန်တို့အကူအညိကို တောင်းခဲ့သည်။ ဂျပန် တို့က ပိုဆိုးနေသည်ကိုတွေ့သောအခါ မိမိတို့အမှားကို ချက်ချင်းမြင်ပြီး ဂျပန်တော်လှန်ရေးအ တွက် မဆိုင်းမတွ ပြင်ဆင်ခဲ့ပါသည်။ မိမိတို့ တိုက်ထုတ်ခဲ့သော မဟာမိတ်တပ်များနှင့် ပြန်ပူးပေါင်း ရန်လည်း ဝန် မလေးခဲ့။ သူ၏ခေါင်းထဲတွင် ထာဝရမိတ်ဆွေ၊ ထာဝရရန်သူဟူသည်မရှိ။ မိမိနိုင်ငံ လွတ်မြောက်ရေး သာရှိ၏။ မိမိနိုင်ငံကောင်းရေး၊ သာယာဝပြောရေးသာရှိ၏။

"ဖက်ဆစ်တော်လှန်ရေးသမိုင်း" ဆောင်းပါးတွင် ဗိုလ်ချုပ်က အောက်ပါအတိုင်း ရေးသားခဲ့လေ သည်။
"ကျွန်ုပ်တို့သည် ခရီးလမ်း၏အစတွင် မှားချင်မှားခဲ့ပေမည်။ အတိတ်ကာလအတွင်းက ကျွန်ုပ်တို့ သည် မှားယွင်း မှုများကို ပြုမူခဲ့ချင်လည်း ပြုမူခဲ့ကြပေလိမ့်မည်။ သို့သော်လည်း ဘယ်အချိန် ဘယ် အခါကမှ မျိုးချစ် စိတ်ဓာတ် ၏ခရီးလမ်းကြောင်းမှ ရှောင်ဖယ်သွေဖည်၍ မသွားခဲ့ကြောင်းကိုတော့ ကျွန်ုပ်က ရဲဝံ့စွာ ပြောလိုက်ပါသည်။"

ဆက်ရန်
.

2 comments:

ငြိမ်းစိုးဦး said...

နိုင်ငံနဲ့ လူမျိုးအတွက် ခေါင်းဆောင်ကောင်းဖြစ်ခဲ့သူအကြောင်းဟာ ဘယ်တော့မှ မရိုးနိုင်တာ သေချာပါတယ် ။ ဖော်ပြပေးနေတာကိုလည်း ၀မ်းသာမိပါတယ် ...

Thet Oo said...

Thanks. A good post.