စာရေးဆရာ ကိုအောင်ဆန်း, အပိုင်း (၃၉)

ဗိုလ်ချုပ်အောင်ဆန်းရဲ့ ရခိုင်ခရီး
(၁)

ရခိုင်နဲ့ပတ်သက်ပြီး ဗိုလ်ချုပ်အောင်ဆန်း ပထမဦးဆုံး တွေ့ဆုံရင်းနှီးခွင့်ရသူဟာ ဦးဘစံဖြစ်မယ် လို့ ယူဆရပါသည်။ ဦးဘစံဟာ ဗိုလ်ချုပ်ရဲ့ စည်းရုံးမှုနဲ့ နိုင်ငံရေးလောကထဲ ရောက်လာပြီး အင်္ဂလိပ် နယ်ချဲ့ဆန့်ကျင်ရေး ဖက်ဆစ်ဂျပန်တော်လှန်ရေး တွေမှာခေါင်းဆောင် အဖြစ်နဲ့ ပါဝင်ခဲ့ ပါတယ်။ ဦးဘစံဟာ ''ရခိုင်တိုင်းရင်းသားများနှင့် မြန်မာနိုင်ငံ၏ လွတ်လပ်ရေးကြိုးပမ်းမှု'' (သဟာယစာပေ၊ ၁၉၉၆၊ မတ်) စာအုပ်ကို ရေးသားထုတ်ဝေခဲ့ပါသည်။ ဒီစာအုပ်ထဲမှာ ''ကျွန်တော် သိသော ကိုအောင်ဆန်း" ဆိုတဲ့ အခန်းတစ်ခန်း ပါရှိပါသည်။

၁၉၄၃မှာ ဦးဘစံနဲ့ ဗိုလ်ချုပ်အောင်ဆန်းတို့ ရန်ကုန်တက္ကသိုလ်မှာ စတင်တွေ့ဆုံခဲ့ကြပါတယ်။ ဦးဘစံက အိုင်အေအထက်တန်း၊ ဗိုလ်ချုပ်က ဘီအေအောက်တန်း ဖြစ်ပါတယ်။ ဦးဘစံနဲ့ ဗိုလ်ချုပ် တို့ ပဲခူး ကျောင်းဆောင် မှာ အတူနေကြတယ် ဆိုပေမယ့် ဗိုလ်ချုပ်က ကျောင်းဆောင်အပေါ်ထပ် ဦးဘစံက အောက်ထပ် နေကြတာပါ။ ဒါပေမယ့် အကြောင်းဆံချင်တော့ နှစ်ယောက်စလုံး သက်သက်လွတ် စားသူတွေ ဖြစ်နေကြလို့ ဗဟိုထမင်းစားခန်းမကြီးထဲက ထမင်းစားပွဲတစ်ခုတည်း မှာ စတင် ဆုံမိကြပါတယ်။

နောက်တော့ ပဲခူးကျောင်းဆောင်အပေါ်ထပ်မှာ အခန်းချင်းကပ်နေလာကြရလို့ နေ့တိုင်တွေ့ဆုံကြ စကားပြောကြနဲ့ ပိုပြီးရင်းနှီးခင်မင်လာခဲ့ကြပါတယ်။ ဗိုလ်ချုပ်ရဲ့ စရိုက်နဲ့ပတ်သက်ပြီး ဦးဘစံက ဒီလို ရေးထားပါတယ်။
ထိုအခါ တက္ကသိုလ်ကျောင်းသားများသည် ပြည်သူ့ မျက်ရှုသဖွယ် ဖြစ်ကြပါသည်။ သွားလေရာရာ မျက်နှာ ပွင့်ပြီး လူအများ၏ ဂရုပြုခြင်း၊ အခွင့်ထူးပေးခြင်းများကို ခံယူကြရသူများ ဖြစ်ကြသည်။ အ၀တ်အစား ဆိုလျှင် ပြောစရာမရှိ။ ခေတ်ဖက်ရှင်များ ပင်ဖြစ်သည် ဟုဆိုရပေမည်။ တက္ကသိုလ်ဆို လျှင် ကျောင်းသား တို့အဖို့ ဂုဏ်တက်စရာ၊ ကြွားဝါစရာ၊ ပျော်စရာအတိပြီးသော ဒေသတစ်ခုဟု အများက ယူဆကြသည်။

သို့သော် ကိုအောင်ဆန်းမှာ တက္ကသိုလ်ကျောင်းသားဘ၀ဖြင့် ပျော်ပိုက်ပုံမရသည်မှာ ထူးခြားချက် တစ်ခုဖြစ်နေပါသည်။ သူသည် တစ်စုံတစ်ရာကို မကျေနပ်သူဖြစ်ကြောင်း သူ၏အမူအရာက သက်သေပြလျက်ရှိသည်။ ကိုအောင်ဆန်းသည် ထိုစဉ်က တက္ကသိုလ်ကျောင်းသားများ၏ အ၀တ် အစား၊ အနေအထိုင်၊ အလေ့အထ၊ အတွေးအခေါ်၊ အပြောအဆိုတို့နှင့် တိုက်ရိုက်ဆန့်ကျင်နေသူ တစ်ဦးအဖြစ် တွေ့နေ ရသဖြင့် အချို့အချို့သော ကျောင်းသားများက ကိုအောင်ဆန်းကို ပြောင် လှောင် သရော် ချင်ကြသည်ကိုပင် တွေ့ရသည်။ သူကား အခြားကျောင်းသားများကဲ့သို့ လက်ရှိ အခြေအနေဘ၀ကို ကျေနပ် လက်ခံနေသူ မဟုတ်ကြောင်း ထင်ရှားလှပေသည်။ ...လို့ဖြစ်ပါတယ်။

ဗိုလ်ချုပ်အောင်ဆန်းဟာ အိပ်ရာက စောစောထလေ့မရှိတာ ဦးဘစံတွေ့ရတော့ အကြောင်းကို စူးစမ်း မိပါတယ်။
ညတိုင်းပင် ညဥ့်နက်လှအောင် စာဖတ်လေ့ရှိသည်ဟု သိရပါသည်။ သူ့အခန်း ကြည့်လိုက်လျှင် စာအုပ် များမှာ ခေါင်းရင်း၌ တစ်အုပ်၊ ခြေရင်၌တစ်အုပ်၊ ခုတင်အောက်၌တစ်အုပ် ဆိုသလို တစ်ခန်း လုံး ပြန့်ကြဲ ရှုပ်ပွလျက် ရှိသည်ကိုသာ တွေ့ရသည်။ သူ၏ စာအုပ်များကို ကြည့်လျှင် များသော အားဖြင့် ဗြိတိသျှ လက်ဝဲ စာအုပ်ကလပ်မှ ထုတ်ဝေသော နိုင်ငံရေးစာအုပ်များ၊ အိုင်အယ်ပီမှ ထုတ်ဝေသော စာအုပ်များနှင့် ကမ္ဘာ့ကျောင်းသားများ လှုရှားမှု စာအုပ်စာတမ်းများကို တွေ့ရှိရ သည်။ သို့ရာတွင် ကျောင်းအတန်း စာအုပ်များကိုလည်း ထူးထူးဆန်းဆန်း အော်ကျယ်အော်ကျယ် ဖတ်လေ့ရှိပြန်ပါသည်။ နိုင်ငံရေး စာအုပ်များကို ဖတ်သလောက် အတန်းစာကိုလည်း ပစ်မထားသူ ဖြစ်သည်။...... လို့ ဖော်ပြထားပါတယ်။

ဗိုလ်ချုပ်အောင်ဆန်း အယ်ဒီတာလုပ်နေတဲ့ အိုးဝေမဂ္ဂဇင်းမှာ အိုးဝေညိုမြရဲ့ အင်္ဂလိပ်ဘာသာနဲ့ ''Hell-Hound At Large'' (ငရဲခွေးကြီးလွတ်နေပြီ) ဆောင်းပါးပါလာတယ်။ ဆောင်းပါးမှာ လက်တစ်ဝါးစာ မျှပဲ ရှိပေမယ့် တက္ကသိုလ်အုပ်ချုပ်ရေး အရာရှိတွေကို ထိထိမိမိ ပယ်ပယ်နယ်နယ် ဝေဖန်ထားပါတယ်၊ ဒီတော့ တက္ကသိုလ်အုပ်ချုပ်ရေးအဖွဲ့က ဆောင်းပါးရှင်ကို ဖော်ထုတ်ပေးဖို့ အယ်ဒီတာကို တောင်းဆို ပါတယ်။ ဗိုလ်ချုပ်တို့က အယ်ဒီတာရဲ့ ကျင့်ဝတ်အတိုင်း ငြင်းဆိုခဲ့ကြပါ တယ်။ အဲဒါနဲ့ ဗိုလ်ချုပ် နဲ့ ဦးနုတို့ကို ကျောင်းထုတ်ပယ်လိုက်ပါတယ်။ တက္ကသိုလ်ကျောင်းသားတွေ မခံမရပ်နိုင်ဖြစ်ကြပြီး သပိတ်မှောက် လိုက်ကြပါတယ်။

အဲဒီ ၁၉၃၆ တက္ကသိုလ်ကျောင်းသား သပိတ်မှာ ဗိုလ်ချုပ်ရဲ့စည်းရုံးမှုနဲ့ ဦးဘစံက သပိတ်ခေါင်း ဆောင် တစ်ဦး ဖြစ်လာခဲ့ပါတယ်။ ဦးဘစံက ဗိုလ်ချုပ်ရဲ့ စရိုက်တချို့နဲ့ အနာဂတ်နိုင်ငံရေး ရည်ရွယ် ချက်ကို ဒီလိုဖော်ပြထားပါတယ်။
ကိုအောင်ဆန်း သည် အလွန်ပင် ရိုးသားဖြောင့်မတ်ပြီး စကားကို တဲ့တိုးပြောတတ်သူဖြစ်သဖြင့် သူ့ ကို ကျွန်တော် အလွန် သဘောကျမိခဲ့လေသည်။ တစ်ခါတစ်ရံ ဘုမှုတ်သဖြင့် အတော်ခံရခက်ပါ သည်။ သို့ရာတွင် သူ၏ ရိုးဖြောင့်မှုက သက်သာရာရစေပါသည်။ သူလည်း ကျွန်တော့်ကို အတော် ပင် ခင်မင် ခဲ့ပါသည်။ ကိုအောင်ဆန်းသည် ကိုလိုနီ ပညာရေးစနစ်ကို ဖြိုဖျက်ရန်မှာ နိုင်ငံလွတ်လပ် ရေးကြိုးပမ်း မှုဖြင့်သာ အောင်မြင်နိုင်မည်ဟု ယုံကြည်နေသူတစ်ဦး ဖြစ်ကြောင်းတွေ့ခဲ့ရပါသည်။

''ကျောင်းကထွက်ရင် နိုင်ငံရေးနယ်ထဲ ခြေစုံပစ်ဝင်မှဖြစ်မှာပဲ။ ဒီလိုမလုပ်ရင် ရမှာမဟုတ်ပါဘူး''ဟု ကျွန်တော့် ကို အကြိမ်ကြိမ်အခါခါ ပြောပါသည်။ ကိုအောင်ဆန်းကား မျိုးချစ်စိတ် အလွန်ထက်သန် ပြီး မဟုတ်မခံ တတ်သူတစ်ဦး ဖြစ်ကြောင်း အမြဲတမ်း တွေ့နေရပေသည်။ ... လို့ ဖြစ်ပါတယ်။

၁၉၃၉-၄၀ ပြည့်နှစ်က အိုးဝေမဂ္ဂဇင်းမှာ ဦးဘစံက အင်္ဂလိပ်စာ အယ်ဒီတာ လုပ်နေချိန်မှာ ဗိုလ်ချုပ် အောင်ဆန်း က အင်္ဂလိပ်ဘာသာနဲ့ ရေးသားတဲ့ ''The Burmese National Movement'' ဆောင်း ပါးကို ပေးပြီး ဦးဘစံရဲ့ နာမည်အတိုကောက်ဖြစ်တဲ့ (B.S)နဲ့ အိုးဝေမဂ္ဂဇင်းမှာ ထည့်ခိုင်းခဲ့ပါတယ်။ အဲဒီတော့ ဆောင်းပါး ကို ၁၉၄၁ ဖေဖော်ဝါရီ ထုတ် အိုးဝေမဂ္ဂဇင်းအတွဲ ၈၊ အမှတ်၁ မှာ အင်္ဂလိပ် စာကဏ္ဍ စာမျက်နှာ ၆ မှာ ဖော်ပြခဲ့ပါတယ်။ ထို့ပြင် ဦးဘစံက ဖြောင့်ချက်ပေးထားပါတယ်။ ဒီဆောင်းပါးဟာ သမိုင်းဝင် ဆောင်းပါးတစ်ပုဒ်ဖြစ်လို့ နောင်အငြင်းမပွားရအောင် ဦးဘစံက ဖြောင့် ချက်ပေးလိုက်တာ ဖြစ်မယ် ထင်ပါတယ်။

(၂)

ဖက်ဆစ်ဂျပန် တော်လှန်ရေးကို ရခိုင်က ၁၉၄၄ ၊ဒီဇင်ဘာ ၂၅ ခရစ်စမတ်နေ့မှာ စတင်ခဲ့ပါတယ်။ ဗိုလ်မှူးဗထူး က ၁၉၄၅ မတ်လမှာ တော်လှန်ပါတယ်။ ၁၉၄၅ မတ် ၂၇ မှာ မြန်မာတစ်ပြည်လုံး အတိုင်းအတာ နဲ့ တော်လှန်ခဲ့ကြပါတယ်။
၁၉၄၅ မေ ၁မမှာ အရှေ့တောင်အာရှတောင်ပိုင်း စစ်ဌာနချုပ်က မြန်မာပြည်ကို C.A.S (B) Cicil Affairs Service (Burma)ခေါ် မြို့ပြအုပ်ချုပ်ရေး ကြေညာပြီး အုပ်ချုပ်ခဲ့ပါတယ်။ ဒီကတ်စဘီ အုပ်ချုပ်ရေးကို ၁၉၄၅၊ အောက်တိုဘာလ ၁၅မှာ ပြန်လည်ရုပ်သိမ်းလိုက်ပါတယ်။

အိန္ဒိယပြည် ဆင်းမလားမှာ စစ်ပြေးအဖြစ် ရောက်ရှိနေတဲ့ ဘုရင်ခံ ဆာရယ်ဂျီနယ်ဒေါ်မန်စမစ် အစိုးရအဖွဲ့ဟာ အောက်တိုဘာ ၁၆မှာ ရန်ကုန်မြို့ကို ပြန်ရောက်လာပါတယ်။ ဒီအစိုးရအဖွဲ့နဲ့အတူ ''စက္ကူဖြူ စာတမ်းစီမံကိန်း'' ပါလာခဲ့ပါတယ်။
ဒီစီမံကိန်းကို ၁၉၄၅ မေ ၁၇ ကတည်းက ဘုရင်ခံဒေါ်မန်စမစ်က ထုန်ပြန်ထားပြီးဖြစ်ပါတယ်။ ဗြိတိသျှပါလီမန်က အတည်မပြုသေးလို့ ဒီစီမံကိန်းဟာ မရေမရာ ဖြစ်နေခဲ့ပါတယ်။ ဒီလိုအချိန်မှာ ဖတပလ တစ်ဖြစ်လဲ ဖဆပလ အဖွဲ့ကြီးက ၁၉၄၅ သြဂုတ် ၁၉မှာ နေသူရိန်ညီလာခံကြီး ကျင်းပပြီး ဆုံးဖြတ်ချက် တွေ ချခဲ့ပါတယ်။

ဆုံးဖြတ်ချက်ထဲမှာ မျိုးချစ်ဗမာ့တပ်မတော်နဲ့ တိုင်းရင်းသား ပြောက်ကျားတပ်ဖွဲ့တွေ ဗြိတိသျှလက် အောက်ခ့ မြန်မ်ာတိုင်းရင်းသား တပ်တွေကို သိမ်းသွင်းပြီး တပ်မတော်သစ် ဖွဲ့စည်းပေးဖို့။ မိမိတို့ ကံကြမ္မာ ကို မိမိတို့ ဘာသာစီမံပိုင်ခွင့် ရှိသည့်မူအတိုင်း မြန်မာ့လွတ်လပ်ရေးကို ရှေ့ရှုပြီး (တိုင်းပြု ပြည်ပြုလ အတ်တော်မခေါ်မီ) ယာယီအစိုးရ ဖွဲ့စည်းဖို့ ၊ လွတ်လပ်ရေးနဲ့ ပြန်ညလည်ထူထောင်ရေး အတွက် ခေါင်းဆောင်တွေရော၊ ပြည်သူတွေပါ စိတ်ဝမ်းမကွဲ တစ်ညီတစ်ညွှတ်တည်း ဆောင်ရွက် ကြဖို့ တို့ဖြစ်ပါတယ်။

အခု ဗြိတိသျှကိုလိုနီအစိုးရက မြန်မာပြည်ကို ပြန်ပြီး ကျွန်ဇာတ်သွင်းမယ့် စက္ကူဖြူစီမံကိန်းကို တရားဝင်ကြေညာလိုက်တော့ အစိုးရနဲ့ ပြည်သူတို့ ထိပ်တိုက်တိုးလာခဲ့ရပါတော့တယ်။ ဒီလိုနဲ့ ဘုရင်ခံ ဒေါ်မန်စမစ် နဲ့ ဖဆပလတို့ စေ့စပ်ညှိနှိုင်းလို့ မရအောင်ဖြစ်လာခဲ့ကြပါတယ်။

၁၉၄၅ နိုဝင်ဘာ ၁ မှာ ဘုရင်ခံက ဆာပေါ်ထွန်း၊ ၀တ်လုံဦးပုတို့ ပါဝင်တဲ့ ဘုရင်ခံအမှုဆောင်အဖွဲ့ (တစ်နည်း ၀န်ကြီးအဖွဲ့)ကို ဖွဲ့စည်းပေးလိုက်ပါတယ်။ ဒီအမှုဆောင်အဖွဲ့ထဲမှာ သဘာပတိက ဘုရင်ခံ ဖြစ်ပြီး လုပ်ပိုင်ခွင်အာဏာ အကုန်လုံးကို ချုပ်ကိုင်ထားပါတယ်။ တစ်ခါခပ်ပြီး ဘုရင်ခံက အဖွဲ့ဝင် ၃၄ ဦး ပါဝင်တဲ့ ''အတိုင်ပင်ခံ ဥပဒေပြုကောင်စီ'' ကိုလည်း ဖွဲ့စည်းပေးလိုက်ပါတယ်။ ဘုရင်ခံက ဒီအဖွဲ့ တွေအတွက် ဖဆပလကို အမြဲတံခါးဖွင့်ထားပါတယ်ဆိုပြီး အသံကောင်းဟစ်ခဲ့ ပါတယ်။

ဒီတော့ဖဆပလက ၁၉၄၅ နိုဝင်ဘာ ၁၈ မှာ ရွှေတိဂုံအလယ်မစ္စယံမှာ လူထုညီလာခံကြီး ကျင်းပပြီး ''လုံးဝလွတ်လပ်ရေးကို ဦးတည်ဖို့'' ဆုံးဖြတ်ခဲ့ကြပါတယ်။ ဗိုလ်ချုပ်အောင်ဆန်းကိုလည်း ဖဆပလ ဥက္ကဌအဖြစ် တင်မြှောက်ခဲ့ကြပါတယ်။

(၃)

အမျိုးသားခေါင်းဆောင်လည်းဖြစ်၊ ဖဆပလအဖွဲ့ချုပ်ကြီး ဥက္ကဌလည်းဖြစ်တဲ့ ဗိုလ်ချုပ်အောင်ဆန်း ဟာ မြန်မာနိုင်ငံလွတ်လပ်ရေးအတွက် နယ်လှည့်ပြီး စည်းရုံးရေးဆင်းပါတယ်။
ဗိုလ်ချုပ်နဲ့အဖွဲ့ဟာ ရခိုင်ရိုးမကို ဖြတ်ကျော်ပြီး တောင်ကုတ်မြို့ကို ၁၉၄၆ မတ် ၆ မှာ ရောက်ကြပါ တယ်။ ဗိုလ်ချုပ်နဲ့ အတူ ဟသာင်္တဦးမြ၊ သခင်မြ၊ ဗိုလ်ထွန်းလှ (တက္ကသိုလ်နေ၀င်း) နဲ့ရဲဘော်အချို့ ပါလာ ကြပါတယ်။ ဗိုလ်ချုပ်အောင်ဆန်းအဖို့ ပထမဦးဆုံး ရခိုင်ခရီးစဉ်ပါပဲ။

နောက်နေ့ မတ် ၇ မှာ နတ်မော်ကျေးရွာနဲ့ သလိန်ပြင်ကျေးရွာတွေမှာ လူထုအစည်းအဝေး ကျင်းပ ပါတယ်။
မေ ၈ မှာ တောင်ကုတ်ကနေ မီးသဘောင်္နဲ့ စစ်တွေမြို့ကို ထွက်ခွာလာခဲ့ကြပါတယ်။ အဲဒီအချိန်မှာ ဒုတိယ ကမ္ဘာစစ်အတွင်း စစ်ပြေးတိမ်းရှောင်နေခဲ့ကြတဲ့ စစ်တွေမြို့လူခုကို မဟာမိတ်တပ်တွေက မြို့လုံခြုံရေး မရှိသေးဘူးဆိုပြီး မြို့တွင်းမှာ ၀င်ရောက်နေထိုင်ခွင့်ကို တားမြတ်ထားပါတယ်။ ဒါကြောင့် လူ တွေဟာ စစ်တွေမြို့ရဲ့ အနောက်မြောက်ဘက် ၇ မိုင်အကွာမှာ ရှိတဲ့ အရိကန်နဲ့ ကြက်ကိုင်းတန်ရွာ တွေမှာ နေထိုင်ကြရလို့ ယာယီစစ်တွေမြို့ ဖြစ်နေပါတယ်။

ဒါကြောင့် ဗိုလ်ချုပ်ရဲ့ နိုင်ငံရေးတရားပွဲအတွက် ရခိုင်တိုင်း ဖဆပလအဖွဲ့က ကြက်ကိုင်းတန်ကျေး ရွာမှာ စီစဉ် ပေးပါတယ်။ သဘာပတိက ရခိုင်တိုင်း ဖဆပလအဖွဲ့ဥက္ကဌ ဦးပညာသီလဖြစ်ပြီး ဗိုလ်ချုပ်အောင်ဆန်း နဲ့ သခင်မြတို့ ဟောပြောကြပါတယ်။

ဗိုလ်ချုပ်ဟောပြောချက်တွေထဲမှာ နိုင်ငံတကာရေးရာ၊ လွတ်လပ်ရေးအတွက် ဗြိတ်ိသျှကို အနုနည်း (နိုင်ငံရေးနည်းနဲ့)နဲ့ ညှိနှိုင်းပြီးရယူဖို့၊ လိုအပ်လာရင် လက်နက်ကိုင် တော်လှန်ကြဖို့ ဘုရာင်ခံ ဒေါ်မန်စမစ် ရဲ့ အမှုဆောင် (၀န်ကြီး)အဖွဲ့ထဲမှာ ခေါင်းဆောင်တွေဖြစ်ကြတဲ့ ဆာပေါ်ထွန်နဲ့ ဆာထွန်းအောင်ကျော် တို့မှာ ရခိုင်အမျိုးသားတွေ ဖြစ်ကြကြောင်း၊ လွတ်လပ်ရေးအတွက် တိုင်းရင် သား လူမျိုးပေါင်းစုံ စည်းလုံးညီညွှတ်ရေးကို အခြေခံထားကြဖို့လိုကြောင်း၊ လွတ်လပ်ရေးရပြီးရင် လူမျိုးတစ်မျိုးက လူမျိုးတစ်မျိုးကို ချယ်လှယ်ခွင့် မရှိတော့ဘဲ ဗမာတစ်ကျပ်၊ ရခိုင်တစ်ကျပ် ဖြစ်စေ ရမယ်ဖြစ်ကြောင်းတို့ ပါဝင်ကြပါတယ်။

ဗိုလ်ချုပ်နဲ့အဖွဲ့ဟာ မတ် ၁၃ မှာ ကျောက်တော်မြို့၊ မတ် ၁၅ မှာ မနက်ပိုင်း မြောက်ဦးမြို့မှာ ဟော ပြောကြ ပါတယ်။ နေ့လယ်ပိုင်းမှာ မြောင်းဘွေမှာ အစီအစဉ်ရှိပါတယ်။ ဒီခရီးစဉ်နဲ့ ပတ်သက်ပြီး တက္ကသိုလ်နေ၀င်းက ''ရှေးဖြစ်နောက်ဟောင်းဗိုလ်ချုပ်အောင်ဆန်းအကြောင်း'' (လုံမလေးမဂ္ဂဇင်း၊ ဇူလိုင်၊ ၁၉၈၇) မှာ ရေးထားပါတယ်။

မြောက်ဦးရဲ့မြောင်းတွေ ၁၀ မိုင်ခရီးရှိပါတယ်။ ဘာကား၊ ဘာယာဉ်မှမရှိတော့ ခြေကျင်လျှောက်ရမ လိုဖြစ်နေပါတယ်။ ဒီတော့ရခိုင် ဖဆပလခေါင်းဆောင်တွေက စက်ဘီးတွေ စီစဉ်ပေးပါတယ်။ သခင်မြ၊ ဟသာင်္တဦးမြ၊ ဦးအောင်ဇံဝေနဲ့ ဗိုလ်ထွန်းလှ (တက္ကသိုလ်နေ၀င်း) တို့က စက်ဘီးစီး တတ်ကြပြီး ဗိုလ်ချုပ်အောင်ဆန်းတစ်ဦးတည်းပဲ စက်ဘီးမစီးတတ် ဖြစ်နေပါတယ်။
ဒီတော့ ဗိုလ်ချုပ်က ဗိုလ်ထွန်းလှကို လှမ်းခေါ်လိုက်ပြီး ''ဟေ့..... ငါက စက်ဘီမစီတတ်ကာ ဘယ်နယ်လုပ်မလဲ''ဆိုပြီး စိတ်ပျက်ဟန်နဲ့ ညည်းပါတယ်။ ဗိုလ်ထွန်းလှက သူ့ရဲ့စက်ဘီးနောက်ခုံ ပေါ် ထိုင်လိုက် ခဲ့ပါလို့ ပြောပါတယ်။ ဗိုလ်ချုပ်ကဗိုလ်ထွန်းလှကို ပင်ပန်းမှာစိုးလို့ အားနာနေပါတယ်။ ဒီတော့ ဗိုလ်ချုပ် က သခင်မြနားကို သွားပြီး ''သခင်မြ၊ ကျွန်တော် စက်ဘီးမစီးတတ်ဘူးဗျ။ ခွကျတာ ပဲ'' လို့ ပြောလိုက်ပါတယ်။

သခင်မြက ရယ်ကာမောကာနဲ့ ''ကိစ္စမရှိပါဘူး၊ ဗိုလ်ချုပ်တပည့် ကိုနေ၀င်းက ဗလကောင်းသာပဲ။ သူ့စက်ဘီနောက်ကသာ ထိုင်လိုက်သွားပါ။ ဆရာလုပ်တဲ့သူက ကိုယ့်တပည့် စက်ဘီးနောက်က ထိုင်လိုက်တာ ဘာဖြစ်သေး လဲ။ နောက်ပြီး စက်ဘီးမစီးတတ်တာကို လူတကာလျှောက်ပြောဖို့ မလိုပါဘူး'' လို့ ပြောတော့မှ ဗိုလ်ထွန်းလှရဲ့ စက်ဘီးနောက်က ဗိုလ်ချုပ်ထိုင်ပြီး လိုက်လာခဲ့ပါတော့ တယ်။
နေ့လယ်မှာ မြောင်းဘွေမှာ ဟောပြောကြပါတယ်။ နောက်နေ့ မတ် ၁၆ မှာ မင်းပြားမြို့ကို သွားရမှာ ဖြစ် ပါတယ်။

မင်းပြားမြို့မှာ ဗိုလ်ချုပ်တို့အတွက် အစီအစဉ်တွေ လုပ်ပေးဖို့ ရခိုင်တိုင်း ဖဆပလ ဥက္ကဌ ဦးပညာ သီလက ဦးကျော်လှဦးတို့ကိုကြိုပြီး မင်းပြားကို စေလွှတ်ထားပါတယ်။ ဦးကျော်လှဦးရဲ့ ''ဦးပညာ သီဟ ဘာတွေ လုပ်ခဲ့သလဲ''စာတမ်း (ရခိုင်ပြည်နယ်ယဉ်ကျေမှုပြတိုက်စစ်တွေ) ထဲမှာ ဗိုလ်ချုပ် အောင်ဆန်းရဲ့ မင်းပြားခရီးစဉ်နဲ့ ပတ်သက်ပြီးထူးဆန်းအံ့ဖွယ်ရာ အချက်နှစ်ချက်ကို ဖော်ပြထား ပါတယ်။
မတ်၁၆ မနက် ၈ နာရီမှာ မင်းပြားမြို့ တောင်ကျောင်းမှာ လူထုအစည်းအဝေးပွဲကြီးအတွက် စီစဉ် ထား ပါတယ်။ မင်းပြားမြိ်ု့ပေါ်နဲ့ ကျေးရွာအားလုံးကို နှိုးဆော်ထားပြီး ဖြစ်ပါတယ်။ ဒါပေမယ့် ၉ နာရီ ခွဲလောက် ထိ ဗိုလ်ချုပ်တို့လည်း ရောက်မလာ၊ လူထုအစည်းအဝေးပွဲမှာလည်း မင်းပြားမြို့ပေါ်က လူငါးဆယ်လောက်ပဲ ရောက်ရှိနေကြပြီး ကျေးရွာကလူတွေ ရောက်မလာဖြစ်နေပါတယ်။

မကြာခင်မှာပဲ ဗိုလ်ချုပ်တို့ မီးသဘောင်္နဲ့ရောက်လာကြပါတယ်၊ ဗိုလ်ချု့်တို့နဲ့အတူ လျှောက်လာတဲ့ ဦးကျော်လှဦး အနားကို သခင်ဘိုးအောင် ရောက်လာပြီး ''ဗိုလ်ချုပ်ဘယ်မှာလဲ။ ခဏပြပါ။ နယ်ကလူ တွေ မြင်ချင်နေကြလို့'' ဆိုပြီးပြောပါတယ်။ ဦးကျော်လှဦးက ဗိုလ်ချုပ်ကို လက်ညိုးညွှန်ပြရင်း  ''အဲဒါ ဗိုလ်ချုပ်ပဲ''လ်ို့ ပြောလိုက်ပါတယ်။

သခင်ဘိုးအောင်က ခမ်းခမ်းနားနား မဟုတ်ဘဲ ရိုးရိုးသာမန် ၀တ်ဆင်ထားတဲ့ ဗိုလ်ချုပ်ကိုကြည့်ပြီး လူမှားပြတယ် အထင်နဲ့ ''ခင်ဗျားတို့ ဗိုလ်ချုပ်အောင်ဆန်းကို မသိဘူးထင်တယ်'' ဆိုပြီးပြန်လှည့် ထွက် သွားပါတယ်။ ၀ိုင်းကြည့်နေကြတဲ့ လူအုပ်ကြီးဟာလည်း သခင်ဘိုးအောင်နောက်ကို လိုက် သွားကြပါတယ်။

ဒီတော့ ဗိုလ်ချုပ်က ဦးကျော်လှဦးကို ''ဘာလဲ''လို့ မေးလိုက်ပါတယ်။ ဦးကျော်လှဦးက ပြောပြလိုက် ပါတယ်။ ဒီတော့ ဗိုလ်ချုပ်က ''ဒီလိုဆိုရင် ကျုပ်တောင် ဒီမှာပဲ ချက်ချင်းတရားဟောမယ်။ တရားပွဲ စီစဉ်ပါ'' လို့ ပြောလိုက်ပါတယ်။ ဦးကျော်လှဦးက ချက်ချင်းကြေညာလိုက်ပါတယ်။ လူအုပ်ကြီး အပြေး အလွှား ရောက်လာကြပြီး ကွင်းတစ်ကွင်းလုံး ပြည့်လျှံသွားပါတယ်။
ဗိုလ်ချုပ်က လယ်ကန်ပေါင်ရိုးပေါ်တက်ပြီး တရားဟောပါတော့တယ်။ ဗိုလ်ချုပ်ရော လူထုကြီးပါ နေပူကြီးထဲမှာ နှစ်နာရီလောက်ကြာပါတယ်။ ဒါက ထူးဆန်းအံ့ဖွယ်ရာ ပထမအချက်ဖြစ်ပါတယ်။
နောက်တစ်ချက်က ဒီလိုဖြစ်ပါတယ်။ ဗိုလ်ချုပ်တို့ မင်းပြားက ပြန်မယ့်နေ့ မနက် အရုဏ်တက်လုလု လေးမှာ ဗိုလ်ထွန်းလှ(တက္ကသိုလ်နေ၀င်း) ဗိုက်အောင့်ပြီး အခြေအနေ ပိုဆိုးလာပါတယ်။ ဦးကျော် လှဦးက ဆရာဝန် ခေါ်ပေးရပါတယ်။ ဆရာဝန် ဗိုလ်ကြီးကျော်လှ လိုက်လာပါတယ်။ ဗိုလ်ထွန်းလှကို ဆေးထိုး ပေးပါတယ်။ ဗိုလ်ထွန်းလှ ဝေဒနာ သက်သာသွားပါတယ်။

ဗိုလ်ချုပ်က ဆရာဝန်ကို လက်ဖက်ရည်နဲ့ ဂုဏ်ပြုချင်တယ်။ လက်ခံမလားဆိုပြီး ဦးကျော်လှဦးကို မေးခိုင်းပါတယ်။ ဦးကျော်လှဦး သွားပြောတော့ ဆရာဝန်က လက်ခံပါတယ်။ ဒီတော့ အိမ်ဧည့်ခန်း မှာ စားပွဲဝိုင်းကလေးတစ်လုံး ချက်ချင်းချပြီး လက်ဖက်ရည်နှစ်ခွက်နဲ့ မင်းပြားမုန့်ဆီကြော် တစ်ပန်း ကန် အပြည့် အမောက် တည်ခင်းပေးလိုက်ကြပါတယ်။ ဗိုလ်ချုပ်နဲ့ ဆရာဝန်ကျော်လှတို့ စားပွဲဝိုင်း လေး တစ်ဖက်တစ်ချက် ကနေ မျက်နှာချင်းဆိုင်ထိုင်လိုက် ကြပါတယ်။

ဗိုလ်ချုပ်က ''ဟာ..... ကောင်းလိုက်တာ'' ဆိုပြီး ပန်းကန်ထဲက မုန့်ဆီကြော် တစ်ဝက်လောက်ကို စားပစ် လိုက်ပါတယ်။ ဒီလိုစားပြီး သောက်ပြီးကြတဲ့အခါ ဆရာဝန်ကထပြန်သွားပါတယ်။ ဦးကျော်လှဦးက ဆေးအိတ် ကို လက်ဆွဲပြီး ဆရာဝန်နောက်ကလိုက်သွားပါတယ်။
ဒီလိုလိုက်လာကြရင်း ဦးကျော်လှဦးက ထူးဆန်းအံ့ဖွယ်ရာ လက်ဖက်ရည်ဝိုင်းကလေး အကြောင်း ကို တွေးပြီး အဖြေရှာကြည့်နေပါတယ်။ သူတို့နှစ်ယောက်တည်း စားပွဲဝိုင်းကလေးမှာ မျက်နှာချင်း ဆိုင်ထိုင်ကြ တယ်။ အတူမုန့်စား၊ အတူလက်ဖက်ရည်သောက်ကြတယ်။ ဒါပေမယ့် ဂုဏ်ပြုသူ ဗိုလ်ချုပ်က ဂုဏ်ပြုခံ ဆရာဝန်ကို နှုတ်ဆက်စကားလည်းမဆို၊ လောက၀တ်လည်း မပြုခဲ့ဘူး။ ဆရာဝန်ကလည်း စား သောက်ပြီး ဘာစကားတစ်ခွန်းမှ မပြောမဆိုဘဲ ထပြန်လာခဲ့တယ်။

ဦးကျော်လှဦးက ဆရာဝန်ကို မမေးသင့်ထင်လို့ မမေးခဲ့တာလားမသိဘူး။ နောက် နှစ်တော်တ်ာကြာ ပြီးမှ ဆရာဝန် နဲ့ ဦးကျော်လှဦးတို့ ပြန်ဆုံမိကြတဲ့အခါ ဦးကျော်လှဦးက မေးကြည့်ပါတယ်။ ဆရာဝန် က ''စကား မပြောကြတာ အမှန်ပါပဲ'' ဆိုပြီး တစ်ခွန်းတည်းသာ စကားကိုပဲ ပြောခဲ့ပါတယ်။

မတ် ၁၇မှာ ကျောက်ဖြူမြို့၊ မတ် ၁၈ နဲ့ ၁၉ တို့မှာ ရမ်းဗြဲမြို့တွေမှာ ဟောပြောပြီး မတ် ၂၀ မှာ သံတွဲကို သွားဖို့ စီစဉ်ကြပါတယ်။ သဘောင်္၊ မော်တော်မရှိလို့ လှေနဲ့သွားဖို့ စီစဉ်ကြပါတယ်။ သံတွဲ ချောင်းကို မ၀င်မီ ဘင်္ဂလား ပင်လယ်အော် တစ်စိတ်တစ်ပိုင်းကို ဖြတ်ရမည်ဖြစ်ပါတယ်။ ဒီခရီးစဉ်နဲ့ ပတ်သက်ပြီး တက္ကသိုလ် နေ၀င်းက အထက်က ကျွန်တော်ဖော်ပြခဲ့တဲ့ ဆောင်းပါးမှ ဒီလိုဖော်ပြ ထားပါတယ်။
ယင်း အစီအစဉ် ကို သိရသောအခါ ဗိုလ်ချုပ်အောင်ဆန်းသသည် ကျွန်တော့်အားခေါ်၍ ပြောပြန် လေသည်။ ပင်လယ်ကို ဖြတ်ရမည်ကိုကား သူမသိချေ။

''ဟေ့ကောင်  လှေနဲ့သွားလို့ ဖြစ်ပါ့မလားကွ၊ ငါက ရေမကူးတတ်ဘူး''
''ရေမကူးတတ်လည်း အရေးမကြီးပါဘူး။ လှေက စိတ်ချရပါတယ်။ နောက်ပြီး ကျွန်တော်တို့လည်း ပါသားပဲ''
''ဒါဖြင့်လည်း ပြီးရောကွာ။ ငါက ရေမကူးတတ်တော့ ရေလမ်းသွားရတာ ခပ်ကြောက်ကြောက်ပဲ''
''ကိစ္စ မရှိပါဘူး လှေပေါ်မှာ ဗိုလ်ချုပ်က အိပ်လိုက်ရုံပေါ့ မနက်ကျတော့ သံတွဲရောက်သွားမှာပါ''   

ဆက်ရန်
.