အခန်း(၂)
လင်ကီ
လင်ကီ
နယူးယောက်မြို့ အရှေ့ပိုင်းစံတော်ချိန် ၁၂း၃၀နာရီ
နိုဝင်ဘာ ၂၂ရက်နေ့တွင် နေ့လယ်စာ စားချိန်ကို ပုံမှန်အတိုင်း လင်ကီဒက်စ်မွန် လှုပ်ရှားနေသည်။ ဆယ့်နှစ်နာရီခွဲ တွင် ရုံးခန်းထဲမှ ထွက်ခဲ့ပြီး အပြင်လေရှူရင်း လမ်းထွက်လျှောက်သည်။ စားနေကျ စားသောက်ဆိုင်ရှေ့ ရောက်တော့ ရပ်လိုက်သည်။ ငါးအစာသွတ်ပေါင်မုန့် လွေးရင်း ပါလာသည့် စာမူကို ဆက် ဖတ်မည်။
တိုက်ပိုင်ရှင် နှင့် တိတ်တိတ်ပုန်းတွဲနေသည့်တိုင် အလုပ်ကိုတော့ လင်ကီ လျှော့လုပ်နိုင်မည် မဟုတ်ပါ။ သည့် အတွက် ပို၍ပင် လုပ်ရမည်ဟု ယုံကြည်ထားသည်။
သူတို့ ဆက်ဆံရေးကို အခွင့်ကောင်းတစ်ရပ်အဖြစ် အသုံးချသည်ဟု ဟန့်ဂရင်နီ ထင်သွားမည်ကို လင်ကီ အရမ်း စိုးရိမ်သည်။ နောက်တစ်ချက်မှာ သူတို့ ဖာတ်လမ်းကို တိုက်သားတွေ မရိပ်မိစေလို။ လုံးဝ မသိမှ ဖြစ်မည့် အခြေအနေမျိုး။ ဟန့်ဂရင်နီသည် အမေရိကန်စာအုပ်လောက တွင် အထက်ဆုံး စာပေပွဲစားတစ်ဦး ဖြစ်သည်။
ဆိုင်ထဲ ရောက်တော့ နေ့တိုင်းနှင့်မတူ တစ်မူထူးခြားနေသည့် အခြေအနေကို လင်ကီ ချက်ချင်း သတိထားလိုက်မိသည်။ ခါတိုင်းဆိုလျှင် ကြက်ပျံမကျ စည်ကားချိန် ဖြစ်၏။ ယခုမူ စိတ်ချောက်ချား ဖွယ်ရာ တိတ်ဆိတ် နေသည်။ နေ့စဉ် မြင်နေကျ မြင်ကွင်းနှင့် အလျှင်းခြားနားနေ၏။
စားပွဲထိုး တွေက ကောင်တာဆီကို အော်ဟစ် လှမ်းမှာနေသံများ မကြားရ။ သံမဏိ ကောင်တာ စားပွဲ ပေါ်တွင် ပန်းကန်ခွက်ယောက်တွေ ပစ်ချသံ၊ ဇွန်းခက်ရင်းသံများ မကြားရ။ ဆိုင်ဝန်ထမ်းများ ရော စားသုံးသူ များပါ စက်ရုပ်တွေလို ငြိမ်သက်နေကြ၏။
မိမိကိုယ်တိုင် ရုတ်ခြည်း နားထိုင်သွားခြင်းများလားဟု လင်ကီ တွေးမိလိုက်သည်။ သို့သော် မဟုတ်နိုင်။ ရေဒီယိုသံ လည်း ကြားနေရသားပဲ။
"သမ္မတ လုပ်ကြံခံရကြောင်းနဲ့ ကွယ်လွန်သွားပြီဖြစ်တဲ့အကြောင်း သတင်းကို ထပ်မံ အတည်ပြု ကြေညာ လိုက် ပါတယ်"
သတင်း ကြေညာသူက အထပ်ထပ် ကြေညာနေသည်။
"သမ္မတ ကနေဒီ လေ၊ သူတို့ ကနေဒီ ကို ပစ်သတ်လိုက်ကြပြီ"
မကြားဝံ့ မနာသာ သတင်းဆိုးကြီးကြောင့် လင်ကီ ဘာလုပ်ရမှန်းမသိဘဲ ဆိုင်ထဲမှ ပြေးထွက်ခဲ့သည်။ ရုံးဘက် ဆီသို့ ဆက်ပြေးနေမိ၏။
တတိယရိပ်သာ မှ ၄၅လမ်းထဲသို့ ချိုးဝင်လာခဲ့၏။ ရာသီဥတုမှာ နွေကုန်တော့မည်ဖြစ်၍ သာယာနေ၏။ ဟိုလူ ပြောလိုက်သည့် ဖြစ်နေ၏။ သို့သော် ဆိုင်ထဲက ပုဂ္ဂိုလ် ပြောလိုက်သည် ကတော့ အမှန်၊ နားကြား လွဲစရာ မရှိ။
လမ်းပေါ်တွင် လူတွေရပ်ပြီး ခရီးဆောင်ရေဒီယို ပါလာသူများ အနီးတွင် စုပြုံနားထောင်နေကြသည် ကို လင်ကီ မြင်နေရ၏။ ယာဉ်အသွားအလာ အားလုံး ရပ်တန့်သွား၏။ ဘတ်စ်ကားတစ်စီးက တံခါးပွင့် လျက်သားကြီး နှင့် ရပ်နေ၏။ ကားပေါ်တွင် လူတစ်ယောက်မျှ မရှိတော့။ လမ်းဘေးတွင် ရပ်ထားသည့် ကားများ ဆီတွင်လည်း လူတွေ အလုအယက် တိုးဝှေ့ပြီး ရေဒီယို နားထောင် နေကြ၏။ လျှော့ဈေး ရောင်းချနေသော ကုန်တိုက်ကြီးတစ်တိုက်ရှေ့တွင် ဧရာမလူအုပ်ကြီး စုဝေးပြီး ရုပ်မြင်သံကြားစက်များဆီသို့ တိုးဝှေ့ နေကြသည်။ ဖန်သာြးးပင်ပေါ်မှ သတင်းကြေညာသူတို့၏ မျက်နှာများသည် ငိုတော့မယောင် ဖြစ်နေ ကြသည်။
လင်ကီ သည် ပြေးသွားလိုက်၊ လမ်းလျှောက်လိုက် လုပ်နေရာမှ နိမိတ်ဆိုးကြီး တစ်ခုခု ဖြစ်ပြီဟု နားလည် လိုက်သည်။ စိတ်တစ်ပိုင်းက ရပ်ပြီး လူအုပ်ကြီးနှင့် ၀င်ရောချင်၏။ ကျန်တစ်ပိုင်းက ရုံးကို အမြန်ဆုံး ပြန်ရောက်ချင် နေ၏။ ရုံးကို ပြန်ရောက်ချင်သည့် အပိုင်းက အားသာနေသည်။ ဟန့် ကို အမြန်ဆုံး တွေ့ရမှ ဖြစ်မည်။ သည်တဒင်္ဂကို ဟန့်နှင့် မျှဝေခံစားချင်သည်။
ဟန့်ဂရင်နီ ၏ စာပေပေါင်းကူးတိုက်မှာ လေးထပ်တွင် ရှိပြီး ထမင်းစာဆင်းချိန်ဖြစ်၍ ရုံးခန်းထဲတွင် လူတစ်ယောက် မျှ မရှိ။ ကြည်လင် သာယာသည့်နေ့များ ကုန်ဆုံးတော့မည်ဖြစ်၍ လူတိုင်း အပြင် ရောက် နေကြခြင်း ဖြစ်သည်။
ထောင့်စွန်းတစ်နေရာရှိ ဟန့်၏ ရုံးခန်းဆီသို့ လင်ကီ သုတ်ခြေတင်လာခဲ့သည်။ ဟန့်လည်း အများနည်းတူ အပြင်ထွက် နေပုံရ၏။ အခန်းထဲတွင် မရှိ။ သူ့ကို မတွေ့သည့်အခါ အကောင်းဆုံး လမ်းကို လင်ကီ ရွေး လိုက်သည်။ သူ့ကုလားထိုင်တွင် ၀င်ထိုင်လိုက်၏။ သူ သုံးနေကျ ဆပ်ပြာနံ့နှင့် သူသောက်နေကျ စီးကရက်နံ့ သည် သူ၏ သင်္ကေတအဖြစ် အခန်းထဲတွင် ကျန်ရစ်သည်။ စိတ်ထဲ ကျေနပ်သွား၏။
သတင်းဆိုးကြီး ကို ရင်ဆိုင်ဖို့ အားရှိလာသလို ဖြစ်သွား၏။ စားပွဲပေါ်က ရေဒီယိုကလေးကို လှမ်းဖွင့် လိုက်သည်။ အသံလွှင့်လေလှိုင်းထဲမှ တက်ဆက်စ်သတင်းကို တစ်ပြိုင်တည်း ကြေညာနေ ကြ၏။
"အမည်မသိ သေနတ်သမား၏ လက်ချက်ဖြင့် သမ္မတ ကနေဒီ ကွယ်လွန် အနိစ္စ ရောက်သွားပြီ ဖြစ်ပါ ကြောင်း"
သည်တော့မှ သတင်းဆိုးကြီး၏ အနိဋ္ဌာရုံ တုန်ခါမငအတိုင်းအတာကို လင်ကီ အာရုံပြုနိုင်တော့ သည်။ တစ်ပြိုင်တည်း တွင် လင်တော်မောင်ကို ခုမှ အမှတ်ရကြောင်းလည်း ကိုယ့်ကိုယ်ကိုယ် သတိထားမိလိုက်၏။
အခန်း(၃)
အယ်လီ
အယ်လီ
ဝါရှင်တန် အရှေ့ပိုင်းစံတော်ချိန် ည ၁၂း၄၀နာရီ
ဘယ်အလုပ်မျိုးတွေ ဘယ်လောက် ပျင်းစရာ ကောင်းသည်ဖြစ်စေ ဂျော့တောင်း လို မြို့ကလေးမှ ကုန်တိုက်ငယ် ကလေးတစ်တိုက်တွင် ဖိနပ်ရောင်းရသည့် အလုပ်လောက်တော့ ပျင်းစရာ ကောင်းမည် မထင် ပါ။
အလွန်ဆက်ဆံရ ခက်သည့် ဈေးဝယ်သူနှင့် ဆက်ဆံရသည်မှာ ရင်မောစရာ ကောင်းလှ၏။ ပါးညောင်း လှ၏။ အင်း သည်တစ်ယောက်တော့ အယ်လီ စိတ်အကုန်ဆုံးပါပဲ။ သူ့နာမည်ကို တိုင်းသိပြည်သိ မဟုတ် သော်လည်း ၀ါရှင်တန်တွင်တော့ လူသိများ၏။ သူယောက်ျားက နိုင်ငံတော် ရှေ့နေချုပ်ရုံးမှ ထိပ်တန်း ရှေ့နေကြီး။ ဂျော့တောင်း ညစာဝိုင်းများတွင် သူတို့လင်မယားကို နေနဲ့လ ရွှေနဲ့မြလို လိုက်ဖက်သည် ဆိုကြ၏။ ယောက်ျားလုပ်သူတွေ ဦးနှောက်ရှိပြီး မိန်းမတွင် ငွေရှိသည် တဲ့လေ။ ငွေတွေမှ သုံးမကုန် ဖြုန်းမကုန် နိုင်သည့် ငွေတွေတဲ့။
နယူးယောက် သို့ အပတ်စဉ်သွားပြီး ရွှေရောင်ဆံပင်ကို အထူးထူးအထွေထွေ ပြုပြင်လာတတ်၏။ နယူးယောက် သတင်းတွေ အတင်းတွေ သယ်ဆောင်လာတတ်၏။ ခန္ဓာကိုယ် ဖွဲ့စည်းပုံက သူ့ဘဏ်စာရင်း အခြေအနေ နှင့် ဆန့်ကျင်ဘက်။ ဘဏ်ထဲတွင် ငွေတွေ ထောင်ပုံရာပုံ။ သို့သော် လူက ၀ါးခြမ်းပြား အ၀တ် ပတ်ပြီး ဆေးခြယ်ထားသည့် ပုံမျိုး။
အယ်လီမက်ဂရက် ဆိုသည့် မိန်းကလေးသည် သူ ရပ်တည်နေသည့် နေရာမှာ ထိုမိန်းမကြီးကို စဉ်းငယ်မျှ အထင်ကြီး လို့မရပေ။
ဆိုင်ထဲမှ မီးခိုးနုရောင် ကော်ဇောပေါ်တွင် သားရေဖိနပ် ခုနှစ်ရန် ပြန့်ကျဲနေပြီး သုံးရန်က လေဒီရှူး၊ လေးရန် က ကြိုးသိုင်းတွေ၊ သုံးရန်က အနက်ရောင်၊ ကျန်အရန်တွေက နို့နှစ်ရောင်၊ အညိုနှင့် အခြား အရောင်တွေ။
အယ်လီ က ကြမ်းပြင်တွေ ဒူးထောက်ပြီး ၀ယ်သူမိန်းမကြီး၏ အရိုးပြိုင်းပြိုင်းထနေသည့် ခြေထောက်တွင် တစ်ရန်ပြီး တစ်ရန် ချွတ်လိုက် စွပ်လိုက် လုပ်ပေးနေရ၏။ ဒီမိန်းမကြီး ဖိနပ် ရွေးနေ သည်မှာ တစ်နာရီ ကျော်ပြီ။ ခုထိ ဘယ်အရောင် ဘယ်အသွေးကို ရွေးရမှန်း မသိသေး။
ချီတုံချတုံ လုပ်လို့မပြီးနိုင်ဘဲ ဗျစ်တောက်ဗျစ်တောက်နှင့် ဟိုဟာကိုင်လိုက်၊ သည်ဟာ ကိုင်လိုက် လုပ်နေဆဲ။
သည် မိန်းမကြီး ဆိုင်ထဲလာပြီး ဖိနပ်ရွေးနေသည်မှာ သည်နေ့မှမဟုတ်၊ နှစ်ရက်ရှိပြီ။ တစ်ရန်မှ မ၀ယ်ဖြစ်သေး။
"အင်း ... စဉ်းစားဦးမှ ထင်ပါရဲ့"
စိတ်ပျက်လက်ပျက် ညည်းတွားရင်း ဖိနပ်ဟောင်းကို ပြန်စွပ်ပေးဖို့ အယ်လီ ကို လက်ဟန်ခြေဟန် ဖြင့် အချက်ပြသည်။ ပြီးတော့ ပြန်ဖို့ ထရပ်သည်။ အယ်လီက ပြန့်ကျဲနေသည့် ဖိနပ်တွေကို ပြန်စုပြီး ရေပါးစက္ကူ နှင့် ပြန်ပတ်၊ ဘူးတွေထဲ ပြန်ထည့်နေစဉ် ဆိုင်က ချာတိတ်ကလေး တစ်ယောက် ဖိနပ် ကေင်တာထဲ ပြေးဝင် လာပြီး အမောတကော ပြောသည်။
"သမ္မတ ကနေဒီ သေနတ်ပစ်ခံရလို့တဲ့၊ သေပြီတဲ့"
ထိုတဒင်္ဂကို အယ်လီ တစ်သက် ဘယ်တော့မှ မေ့မည်မဟုတ်။ တစ်မျိုးသားလုံး၏ သေရေး ရှင်ရေး ဖြစ်သည့် ထိုခဏ၀ယ် တွင် သူရောက်နေသည့် ဘ၀ကို ကြည့်လေ။
မိမိက ကြမ်းပြင်ပေါ်တွင် ဒူးထောက်ပြီး နှလုံးနာချင်စရာ ကောင်းလှသည့် အထက်တန်းလွှာ မိန်းမကြီး တစ်ယောက်၏ ခြေထောက်တွင် ဖိနပ်တွေ စွပ်လိုက် ချွတ်လိုက် လုပ်ပေးနေရသည့်ဘ၀။
ပြီးတော့ ပြည်သူအားလုံး ကြိမ်မီးအုံးသလို ဖြစ်နေချိန်တွင် မိန်းမကြီး၏ တုံ့ပြန်မှုကို ကြည့်ဦး စိတ်ပျက် လက်ပျက် လေသံဖြင့် "ဟာ ဒုက္ခပါပဲ၊ မနက်ဖြန် ညစာစားပွဲတော့ ပျက်ပါပြီ၊ အီသယ်က ပြောတယ်၊ သူနဲ့ ဘော်ဘီ လာမှာ တဲ့" လက်သည်းနီတွေ ရဲနေသည့် အရိုင်းပြိုင်ပြိုင် လက်တစ်ဖက် က ဆိုင်ခန်း တံခါးကို တွန်းဖွင့် ရင်း ဆက်ပြောသေးသည်။
"ဒုက္ခပါပဲ၊ ဘာတစ်ခုမှ ငါ့မှာ ဒီနေ့ အပေါက်အလမ်း မတည့်ပါလား"တဲ့။
အယ်လီ သည် သမ္မတ လုပ်ကြံခံရမှုနှင့် ပတ်သက်ပြီး ထိုမိန်းမကြီး၏ အပြုအမူကြောင့် အရမ်း တုန်လှုပ် သွားသည်။ လက်စသတ်တော့ သည်ကုန်တိုက်ကလေးတွင် မိမိဘ၀ အလဟဿ ဖြစ်နေခြင်းပါကလား။ မိမိ၏ အချိန်တွေ၊ ခွန်အားတွေ၊ တန်ဖိုးတွေ၊ ဦးနှောက်တွေ ဘယ်ရောက်ကုန်ပြီလဲ။
ငါ့ဘ၀ မြှားဦးက ဒီလိုနေရာကို ဦးတည်ခဲ့တာမှ မဟုတ်ဘဲ။ ငါဆိုသည့် မိန်းကလေးရဲ့ဘ၀ အခြေခံက ဒီလိုနေရာ နှင့် အပ်စပ်သည်မှ မဟုတ်ဘဲ။
"ကျွန်မ အလုပ်ထွက်တော့မယ်"
နောက် တစ်နာရီအကြာတွင် အယ်လီက သူ့အလုပ်ရှင် အမျိုးသမီးကို ငိုပြီးပြောသည်။
"မင်း စိတ် သိပ်လှုပ်ရှားနေလို့ပါ။ ဒီနေ့ အိမ်ပြန်နားလိုက်ပါလား။ မနက်ဖြန်မှ ပြန်လာပေါ့"
ကုန်တိုက် ပိုင်ရှင် ဂျင်းနစ်ကယ်လင်က အယ်လီ့ကို ချော့သည်။ အယ်လီသည် သူ့ဆိုင်တွင် အတော်ဆုံး အရောင်းသမ တစ်ဦး ဖြစ်သဖြင့် ဂျင်းနစ် လက်မလွှတ်နိုင်ပါ။
"မဟုတ်ဘူးမမ၊ မမဟာ ကျွန်မအပေါ်မှာ သိပ်ကောင်းခဲ့ပါတယ်၊ ကျွန်မ ဒီမှာ လုပ်ရတာလည်း ပျော်ပါတယ်၊ ဒါပေမယ့် ဒီနေရာ ဟာ ကျွန်မ နေရာမဟုတ်ဘူး မမ"
စိတ်လိုက်မာန်ပါနှင့် ရုတ်တရက် ဆုံးဖြတ်ချက်ချလိုက်ခြင်းမျိုး၊ လက်ထဲတွင် စုမိဆောင်းမိထားခြင်း မရှိ၊ နောက် ဘာဆက်လုပ်ရမည်ကိုလည်း စဉ်းစားထားခြင်း မရှိ။ သို့သော် သည်မြို့ကလေးတွေ ဖိနပ် ရောင်းရ သည့် ဘ၀ထက်တော့ ဘယ်မှာမှ နိမ့်ကျစရာ အကြောင်းမရှိ အယ်လီ ယုံကြည်လေ သည်။
အထိတ်တလန့် ဖြစ်နေသည့် လမ်းများကို ဖြတ်ပြီး ကိုယ့်ကိုယ်ကိုယ် နှစ်သိမ့်ရင်း အယ်လီ အိမ်ပြန် လာခဲ့၏။ နောက်ဆံ တင်းစရာ တစ်ခုပဲ ရှိသည်။ သူငယ်ချင်းများနှင့်ရော မိသားစုနှင့်ပါ ခွဲရမည့် အရေး ဖြစ်၏။
အို ကံကောင်းမှာပါ။ ထင်တာထက် ပိုကံကောင်းလျှင် အိုဝင်ကာဆယ် နှင့်တောင် ဆုံချင်ဆုံဦးမှာ။ အိုဝင် က အယ်လီ့ အသည်းတွင် စွဲထင်နေသည့် ပုဂ္ဂိုလ်လေ။
ဆက်ရန်
.
No comments:
Post a Comment