Sunday, March 27, 2011

ပန်းသတင်း (မတ် ၂ဝ၁၁)

 ကျွန်တော်ရှာဖွေ နှည်မိသော
အစာအိမ်သစ္စာ

စာရေးသူ - အောင်ထိပ်

"မင်းစန္ဒာဂုတ်တဲ့ဟေ့"
ဒီနေရာကစပြီး အသံထွက်လာတော့ ရုပ်ရှင်ရုံထဲရှိ ပရိတ်သတ်က လက်ခုပ်တွေတီး၊ လက်ခေါက် တွေ မှုတ်ကာ အော်ဟစ် အားပေးလိုက်ကြသည်၊ ကလေးတွေထဲမှာ မူလတန်း ကျောင်းသားရွယ် ကျွန်တော် ပါဝင်ခဲ့ ပါသည်။ ဒါသည် ကျွန်တော်တို့၏ ကျေးလက်လူနေမှု အစစ်အမှန်ကို ဖော်ပြလိုက်ခြင်းပင် ဖြစ် ပါသည်။

ကျွန်တော်တို့တတွေ ရိုးပြတ်ခင်းပေါ်က နွေရာသီကျေးလက် ရုပ်ရုင်ထဲမှာ "မင်းစန္ဒာဂုတ်" အသံတိတ် အဖြူအမည်း ရုပ်ရှင်ကားကြည့်နေခဲ့ကြခြင်း ဖြစ်ပါသည်။ ယခုအခါ နှစ်ပေါင်း လေးဆယ်လောက် ကြာပြီမို့လို့ ဇာတ်ဆောင်၊ ဇာတ်ကွက် တွေကိုတော့ ကျွန်တော် မမှတ်မိ တော့ပါ။ သို့သော် ကိစ္စမရှိပါ။ ကျွန်တော် မှတ်မိ သလောက် ပြချက် တစ်ကွင်း တစ်ကွက် ကလေးအကြောင်း ပြောပြလို့သာ ပြန်ပြောင်း တင်ပြခြင်း ဖြစ်ပါသည်။

ဒီဇာတ်လမ်းထဲမှာ ရသေ့ကြီးတစ်ပါးက ကလေးနှစ်ယောက်ကို မွေးစားထားသည်။ အဌာရသ ၁၈ ရပ်ကို သင်ကြား ပေးသည်။ အစာအိမ် ခံနိုင်ရည်ရှိအောင် အဆိပ်တွေ ကျင့်ကျွေးသည်။ ဒီကလေးနှစ်ယောက် မှာ တစ်ယောက်သော သူက မင်းဧကရာဇ် ဧကန်ဖြစ်မည်။ ကျန်တစ်ယောက်က သူပုန်ဧကန်ဖြစ်မည်။ ထိုအခါ တိုင်းသူပြည်သား တွေ သေကျေပျက်ပြုန်းကြမည်ကို ရသေ့ကြီးက သိနေသည်။ ရသေ့ကြီးက ကလေး နှစ်ယောက် ကို ထန်းရွက် ပုတီးလေးတွေ တစ်ယောက်တစ်ကုံး ဆွဲပေးထားသည်။

ထို့ကြောင့် .....
တစ်နေ့တွင် ကလေးနှစ်ယောက်ကစားပြီး မောမောနှင့် သစ်ငုတ်တိုတွေပေါ်မှာ မှီပြီးအိပ် နေကြသည်ကို ကြည့်ရင်း ရသေ့ကြီးဆီမှာ အကြံတစ်ခုပေါ်လာသည်။ အနီးအနားရှိ ကျောက်ခဲလေးတစ်လုံးကို ကောက်ပြီး တစ်ယောက် ကို ပေါက်လိုက်ရာ ထိုကလေး လန့်နိုးသွားသည်။ ကလေးက ဆရာရသေ့ကြီးဆီ လျှောက် လာသည်။ ရသေ့က ကလေးကို ဓားပေးပြီး အိပ်ပျော်နေသည့် ကလေးရဲ့လည်ပင်းမှာ ထန်းရွက်ပုတီး ကိုယူခိုင်းသည်။ ထိုကလေးက သူ့ကစားဖော်အိပ်ပျော်နေသည်ကို ကြည့်ပြီး လည်ပင်းဓားနှင့်ပိုင်းကာ ထန်းရွက် ပုတီးကို မယူဝံ့။ ရသေ့ကြီးဆီ ဓားပြန်အပ်ပြီး သူ့နေရာမှာပဲ သွားပြန်အိပ် နေသည်။

ထိုအခါ .....
ဆရာရသေ့သည် ဒုတိယကလေးကိုလည်း ပထမနည်းအတိုင်း ခိုင်းပြန်ပါသည်။ သို့ရာတွင် ဒုတိယကလေး ကတော့ ပထမကလေးလို မဟုတ်။ သွေးလိမ်းလိမ်းပေကျံနေသောဓားနှင့် ထန်းရွက်ပုတီးကို ဆရာရသေ့ထံ ရဲဝံ့ ရင်ကော့ ၍ ပြန်ပေးလိုက်သည်။
ထိုဒုတိယကလေး ကား အရွယ်ရောက်လာသည့်အခါ တိုင်းပြည် ကို နန်းသိမ်းလိုက်နိုင်သော "မင်းစန္ဒာဂုတ်" ဘုရင် ပေတည်း။

တိုက်တိုက်ဆိုင်ဆိုင် အသံတိတ်စာတမ်းထိုးပြီးပြလာသော တုန်တုန်မှုန်မှုန် ရုပ်ရှင်ကားက "မင်းစန္ဒာဂုတ်" ပုန်ကန်ချိန် ကျမှစပြီး အသံထွက်လာသည် ကတော့ ကျွန်တော့်တစ်သက် အသွေးအသားထိ စိမ့်ဝင်စီးဆင်း နေခဲ့တာ အမှန်ပါ ....။

သို့သော် ဒီရုပ်ရှင် က တစ်ဆင့် လုပ်သင့်သည့် အလုပ်တစ်ခုကို အချိန်ကိုက်ပြတ်ပြတ် သားသား လုပ်ဆောင် တတ်ရမည်ဆို တဲ့ အသိတစ်ခုကိုတော့ ကျွန်တော်ရခဲ့တာလည်း အမှန်ပါလေ-။

ဒီဇာတ်ကား ကို ကြည့်မိခဲ့သော ကျွန်တော်သည် အခြေခံ ပညာအတန်းကုန်လို့ ထူးချွန်လာသောအခါ မန္တလေး ဆေးတက္ကသိုလ် ရောက်ခဲ့ရသည်။ ၁၉၇၆ ဖေဖေါ်ဝါရီလ ၂ ရက်နေ့။ ဒါကလည်း ကျွန်တော့်ဘ၀မှာ မှတ်မှတ်ရရ မျက်စိလည်မိသော လမ်းမှားသုံးချက် ထဲက တစ်ခုသာ ဖြစ်သည်ဆိုရပါမည်။ ပြောလက်စနှင့် ကျွန်တော့် ဘ၀ မျက်စိလည်ပုံ တွေကို ဆက်လက်တင်ပြလိုပါသည်။ ပထမ အချက်မှာ ၁၀ တန်းမှာ ကျွန်တော် အမှန် တွေ အလွန်များသွားခြင်းဖြစ်သည်။ ကျွန်တော့် ရည်ရွက်ချက်က ဆယ်တန်းအောင်လျှင် ကျောင်းဆရာ လုပ်မည်။ တွံတေးသိန်းတန်၏ "တောကရွှေဧည့်သည်" ဓာတ်ပြားဇာတ်လမ်း ထဲကလို ကျောင်းအုပ် ဆရာကြီးဖြစ်ခြင်သည်။

ဆရာမ "မမိုးမိုး" နှင့်  လက်ထပ်ချင်သည်။ ရွာအစွန်းအဖျားလေးမှာ တဲသာသာ အိမ်ကလေးတစ်လုံး၊ ဗူးစင်ကလေး၊ ရေတွင်းလေး တစ်တွင်း နှင့် စာတွေ ဖတ်ချင်သည်။ ကံအကျိုးပေး၍ ဖြစ်များဖြစ်နိုင်ခဲ့လျှင် စန္ဒားရား တစ်လုံး နဲ့ပေါ့။ သို့သော် ကျွန်တော်ဆရာဝန်ပဲ ဖြစ်လာခဲ့သည်။

ဒုတိယအချက် မှားခဲ့သည်က တောင်ငူခရိုင်အတွက် ကျွန်တော် ဆယ်တန်း လူရည်ချွန် ရသွားခြင်းဖြစ်သည်။ လားလားမှ မအပ်စပ်။ ယောင်လည်လည်နှင့် ကျွန်တော် အင်းလေး တို့၊ ရန်ကုန်တို့ ရောက်သွားဖူးသည်။ ဒီတော့ ကျွန်တော့် မြင်ကွင်း တွေ ကျယ်လောင် ၀ိုင်းလင်းလာသည်။  အင်း ..... တတိယ အမှားကား ကျွန်တော် ဆရာဝန်စာရေးဆရာ ဖြစ်လာခြင်းပင် ...။ ထို့ကြောင့် ကျွန်တော့် ငယ်စဉ်ဘ၀ ရည်ရွယ်ချက်နှင့် ကပ်ဖိုးကပ်ဖဲ့ ဗြောင်တိဗြောင်းဆန် ဖြစ်လာနေသော ဘ၀မှာ  လောကဓံ၏ နောင်ပြောင် ရယ်မောမှုကို အာခံရင်း အသက်ရှင်လာခဲ့တာ ရာစုဝက်လောက်ရှိလာခဲ့ပြီ။
ညင်းသွဲ့သွဲ့လေပြည်ထဲမှာ ဟုတ်တာတော့ သေချာခဲ့ပါသည်။

ကျွန်တော်သည် ဖိုးသူတော် မျက်စိလည်လေ ဆန်ရလေ" ဆိုတဲ့ ဆိုရိုးစကားလိုပင် ဘ၀မှာ မျက်စိလည်လေ၊ ရွယ် တော့ ဈေးသည် ညားတော့ မဟာနွယ် ဖြစ်ခဲ့သည်လိုပဲ ဆိုမှ သင့်ပေမည်။ ထို့အတူ သွေးပျက် ချောက်ချားဖွယ် လောကဓံတွေကိုလည်း အကြေးခွံချင်းထပ်မျှ ခံစားခဲ့ရတာလည်း တွဲလျက်ရှိနေခဲ့ပေသည်။

ကမ္ဘာကျော် အပြည်ပြည်ဆိုင်ရာ ကွန်မြူနစ်ဆရာဝန် နော်မန်ဗက်သွန်းက ဆရာဝန်ဆိုတာ ခြင်္သေ့နှလုံးသား ရှိရမည်။ သိန်းငှက်မျက်လုံးရှိရမည်။ တစ်ပြိုင်နက်တည်းမှာ အပျိုလက်ချောင်း များလည်း ရှိရမည်လို့ နောင်လာ နောင်သား ဆရာဝန်တွေကို မျှဝေခံစားစေခဲ့သည်။ သူ့အာဘော် က ဆရာဝန်ဆိုတာ ဆုံးဖြတ်ချက် ရဲဝံ့ပြတ်သား ရမည်။ အမြင်စူးရဲရမည်။ တစ် ပြိုင်နက်တည်းမှာ သိမ်မွေ့နူးညံ့မှုရှိရမည်တဲ့။

ထို့ကြောင့် မန္တလေးဆေးတက္ကသိုလ်သို့ ကျွန်တော်စတင်တက်ရောက်သည့် ၁၉၇၆-ခုနှစ်မှ ဆရာဝန် လားမြောက် လူသားတစ်ယောက် ဖြစ်လာသည်အထိ ခုနှစ်နှစ်ခွဲတာကာလထဲမှာ ဆရာဝန် များပဲ ဖြစ်ကြသည့် ကျွန်တော်တို့ ဆရာ/ဆရာမကြီးငယ်အပေါင်းက အိုးကောင်းရဖို့ လှလှပပ ထုနှက် ပုံသွင်း သကဲ့ သို့ ကျွန်တော်တို့ကို ပွဲထဲက မင်းသားကြမ်း ကြိမ်းဝါးသလို ကြိမ်းဝါးသည့်အခါ ကြိမ်းဝါး မောင်းထုတ် လိုက်သော အခါ၊ ထို့တွင်မက ထုသားတေသား ကျနအောင် သင်ကြားပုံဖော်ပေးလိုက်သောအခါ အသက် ၂၄ နှစ်အရွယ် မှာ ကျွန်တော်လည်း နော်မန်ဗက်သွန်းမိန့်မှာချက် တွေနှင့် စိမ့်ဝင်ပြည့်ဝလာသော၊ ဆရာ/ဆရာမကြီးငယ် တို့၏ မွန်မြတ်သော ၀ိညာဉ်တွေ ပူးကပ်နေသော ဆရာဝန် တစ်ယောက် ဖြစ်လာခဲ့ တော့သည်။

ဒီလုိုဖြစ်လာအောင် ပုံဖော်ထုဆစ်ပေးခဲ့သူတွေထဲမှာ ပါမောက္ခဆရာကြီးများဖြစ်ကြသည့် ဦခင်မောင်စိန်၊ ဦးပေတိုး၊ မာမီကြီးခေါ် ဒေါ်မြင့်မြင့်ခင်၊ ဆရာကြီးဦးသန်းအောင်၊ အဘ ဦးထွန်းသင် တို့လို ပုဂ္ဂိုလ်ကြီးများက အစ အစ်ကိုအစ်မ တွေလို နေခဲ့ကြတဲ့ ဒေါက်တာဦးအောင်ကြီး၊ ဒေါက်တာဒေါ်ဝင်းဝင်းမြင့်၊ ဒေါက်တာ ဒေါ်ခင်မိမိလွင်၊ ဒေါက်တာ ဦးကျေုာ်လှ စသည့် စသည့် ရာချီသော ဆရာဝန်တွေလည်း ဖြစ်ကြသည့်၊ သင်ကြားရေး ကို ၀ါသနာပါသော စေတနာလည်းပါသော ဆရာ ဆရာမကြီးငယ်တွေလည်း ပါဝင်နေခဲ့ပါ သည်။

ထို့ကြောင့်ပင် ပုလဲရောင် ငွေရောင် ဘော်ရောင်တေးသွားနောက်ခံ ဆေးပညာ သင်တန်း ကာလ တစ်လျှောက် ကျွန်တော်သည် လှလှပပ လျှောက်လှမ်းနိုင်ခဲ့သည်။ ထို့ကြောင့် ဒုတိယ "ထို့ကြောင့်ပင်" ကျွန်တော် ငယ်ဘ၀တုန်း က ပုံဖော်တည်ဆောက်လိုခဲ့သော ကျောင်းအုပ် ဆရာကြီးဘ၀နှင့် ဆရာမ "မမမိုး"  တိုိ့ကိုလည်း ရင်ထဲမှာ အိပ်မှုန် ဇ၀ိုးဇ၀ါး နှင့်သာ သတိရ နိုင်တော့သည်။
သို့ဖြင့်ပင် ...

ကျွန်တော်သည်လည်း အတန်းဖော်သူငယ်ချင်းများ နည်းတူ မိမိကိုယ်ကို ပညာအရ အတိုင်း အတာ တစ်ခု ထိ စိတ်ချယုံကြည် သေးလောက်လားသော ဟန်ရပန်ရ ဆရာဝန်တစ်ယောက် ဖြစ်ခြင်းမလား ဖြစ်ခဲ့ ရတော့သည်။ ထို့ကြောင့်ပင် ကျွန်တော်သည်လည်း ဆရာ ဆရာမ ကြီးငယ်တွေရဲ့ သွန်သင် အချောကိုင် ပေးမှုကြောင့် ဖြစ်လာသော စိန်ပွင့်၊ ပတ္တမြားပွင့်၊ နီလာပွင့်လို ရတနာတွေကို မြန်မာပြည်အနှံ့ ဆုပ်ပက် လိုက် သလို ပြန့်ကျဲသွားရသည့် အထဲတွင် တစ်ခုသောကျောက် အဖြစ် လွင့်စင်လာခဲ့ရပါသည်။

ဟုတ်ပါသည်။
ကျွန်တော် လွင့်စင် အခြေကျမိသော နေရာကား တောင်ခရိုင်၊ ကျောက်ကြီးမြို့နယ်ထဲက။ "... " ရွာကြီး ဖြစ်သည့် ဆရာဝန်တစ်ခါမှ မရှိဖူးသေးသော ဒီကွက်လပ်ရွာကြီးမှာ ဂျီပီကလေး စဖွင့်ဖြစ်ခဲ့သမို့ ကျွန်တော့် အစာအိမ် ထဲမှာ မပူမပင်ရဘဲ အစာရေစာများ မှန်မှန် ဖြတ်သန်းခွင့် ရခဲ့ပါသည်။

ဆရာဝန်မရှိတဲ့ အဲဒီကွက်လပ်ကြီးမှာ ဆေးခန်းကလေး စဖွင့်တော့ ပြင်ပကမ္ဘာအကြောင်း တွေက ကျွန်တော့် ဦးနှောက်ထဲသို့ ပစ်ခက်ဝင်ရောက်လာတော့သည်။ မလွယ်ကူမှုတွေ၊ လောကဓံတွေ ... ဒီအပြင် အကြမ်းဖက် ၀ါဒီ တွေ လက်ထဲ အနုမြူ နည်းပညာ ရောက်နေ သလို ဆေးပညာဟာ မသမာတဲ့ လုပ်ငန်း တစ်ခု ဖြစ်နေပုံတွေ...။ 
ဒီတော့ လူတစ်ယောက် ဟာ မိမိဂုဏ်သိက္ခာကို ကာကွယ်နေရမယ်ဆိုတဲ့ အသိရလာခဲတယ်။ ဒီ့အပြင် ဆေးပညာ ကို လေ့လာသင်ကြားနေသူတွေ၊ သုတေသနပြု မျှဝေ သင်ကြား ပေးနေသူတွေ လုံးဝချက်ကြိုး မဆက် တဲ့ ရွာတွေ နယ်တွေမှာ လက်တွေ့ကုသနေတဲ့ ဆရာဝန်တွေရဲ့ ဘ၀ ကိုလည်း ကျွန်တော် နားလည် လာရပါသည်။

ဒီရွာကြီးရဲ့ အသာယာဆုံး လမ်းမပေါ်က နှစ်ထပ်အိမ်ငယ် တစ်လုံးမှာ ကျွန်တော်နေပါ သည်။ အပေါ်ထပ်မှာ ကျွန်တော် တစ်ယောက်တည်း။ သောက်ရေအိုး တစ်လုံး၊ အဖုံးပေါ်မှာ ဖန်ခွက် တစ်လုံး၊ ရေနံဆီ မီးအိမ် တစ်လုံး၊ စာအုပ်သေတ္တာ၊ ဘယ်တော့မှ မသိမ်းသော ခြင်ထောင် ထောင်လျက်သား ကျွန်တော့်အိပ်ရာ၊ ဘေး မှာ ဖတ်လက်စ စာအုပ်သုံးလေးအုပ်။ အောက်ထပ်ကတော့ လူနာခုတင်တစ်လုံး၊ လူနာထိုင်စရာ ခုံတန်းလျား သုံးလုံး၊ ဆေးဘီရိုတစ်လုံး။ ဒါ ဒီရွာကြီးမှာ ကျွန်တော့် ဆေးခန်းအဆောင်အယောင် ဖြစ်ပါသည်။

ဆရာဝန် တစ်ယောက် မှ မရှိဖူးသေးသော ရွာအနေဖြင့် သိပ်မ်ဆိုးလောက်ပါလို့ အားလုံး ကလည်း သဘောတူ လောက်ပါသည်။ သို့ရာတွင် ပြောစရာရှိသည်မှာ ကျွန်တော့်ဆေးခန်း သို့ လူနာကျိုးတိုး ကျဲတဲ သာ လာဖော်ရခြင်း ဖြစ်သည်။ သြော် ကျွန်တော် ကုန်းပေါ် ရောက်မှ ရေမွန်းသလို ဖြစ်နေရပြီလား။ ကျွန်တော် ကတော့ ငတ်မွတ်နေသော အာသီသ ဆိုတာမျိုးမရှိလှပါ။ ကျွန်တော် စားလောက်သည်။ စာဖတ် ရသည်။ ငြိမ်းချမ်းသည်။ ကျွန်တော့်စိတ်သည် သလင်းသားလို ပကတိအငြိမ် ...။

ဒီအခြေအနေ တွင်မှာပဲ ဒေါ်ခင်ရွှေဆိုသော လူနာ တစ်ယောက်ကြောင့် ဒီကွက်လပ်ရွာကြီး တစ်ဝိုက်မှာ ကျွန်တော် ကာလပေါ် သားကောင် တစ်ကောင် ဖြစ်ချင်းမလှ ဖြစ်ခဲ့ရပုံတွေကို လည်း ကျွန်တော် ဆက်လက် ပြောပြ ပါဦးမည်။

လူနာ နာမည်က ဒေါ်ခင်ရွှေ၊ အသက် ၇၀ ကျော်။ ပိန်ပိန်သေးသေးလေး၊ ပြားပြားချပ်ချပ် ယဲ့ယဲ့ကလေး၊ ပျော့စိပျော့ဖတ် လေး ရှိနေသည်။ ဖြူဖျော့သော မျက်နှာကလေး၌ ရှုံ့ရုန့်နေ သည့် မျက်လုံးများရှိသည်။ အသက်ရှင်ဖို့ အသက် ကို ကြိုးစားပမ်းစားရှူနေတုန်း။ အသက် ရှူနေတိုင်း အမြှောင်းမြှောင်းထနေသော နံရိုးပြိုင်းပြိုင်း သည် အသက်ရှူနေတိုင်း ဗြိုးဗြိုး ဗျစ်ဗျစ် မည်ကာ ကျိုးအက် ကုန်တော့မလို ရှိနေသည်။ ကျွန်တော့် စမ်းသပ်တွေ့ရှိချက်က အစာအိမ်ကင်ဆာ၊ ရင်ဝမှာ လက်ဖြင့် ထိစမ်းရုံနှင့်ပင် အစာအိမ်တစ်ခုလုံး အဆုပ်ဆုပ်၊ အခဲခဲအထစ်ထစ် အထပ်ထပ်ဖြစ်နေပြီ။ အော် ... ဆရာတွေ သင်ကြားချက်အတိုင်းဆိုရင် တော့ ပန်းမုန်လာပွင့် မျက်နှာပြင်မျိုး ဖြစ်နေမှာပေါ့လေ။

ဒီမှာတွင်ပဲ ကျွန်တော်လည်း ဒေါ်ခင်ရွှေ၏ သားအငယ်ကောင် မြင့်ဆွေ (ခေါ်) ဒရယ် ကို သီးခြား ခေါ်တွေ့ ရတော့သည်။ ဒရယ်က အလယ်တန်းလောက်အထိ ကျောင်းနေဖူးသူ မဟုတ်လား။ သူ့အစ်မ အပျိုကြီး သုံးယောက် နှင့် အစ်ကိုကြီးတို့ကတော့ ရန်ကုန်ဆေးရုံ တင်ချင်သတဲ့။ သူတို့က ရွာမှာ ကြေးရတတ်တွေ၊ ဆွေကြီးမျိုးကြီး တွေကိုး။ ဆေးကျောင်း မှာတုန်းကဆိုရင်တော့ Bameal X-ray ထောင်ပြီးရှင်းပြရင် နားလည် လွယ်လိမ့်မည်။ ရောဂါအနေအထား၊ ကုသမှုရဲ့အကျိုးတရား၊ ဆိုးကျိုးအလားအလာ၊ ဘေး အန္တရာယ် ဖြစ်နိုင်သော နောက်ဆုံးနိဂုံး ...။ လက်ရှိအနေအထားကိုတော့ သူမြင်လွယ်အေင် " မင်းအမေရဲ့ အစာအိမ် ဟာ ပန်းမုန်လာပွင့် ရဲရဲနီနီကြီးလို အသားတစ်ကြီးဖြစ်နေပြီး၊ ထွက်ပေါက်ပိတ်နေ ပြီပေါ့ ဒရယ် ရာ" လို့ ရှင်းပြသည်။ ဒီတော့ ဒရယ် က ကျွန်တော် ဘာသာပြန်ပေးသော သူ့မိခင်ရဲ့ အစာအိမ်ကို သူ့ဆွေမျိုး အသိုင်းအ၀ိုင်း ကို ပြန်ပြောပြသည်။

အဲဒီနောက်ပိုင်း ဒရယ်က အိမ်ပင့်လို့ သုံးခေါက်တိတိ သူ့အိမ်ကိုလိုက်ပြီး ကျွန်တော်ကြည့် ပေးသည်။ ဒရယ် ကတော့ ကျွန်တော့်ကို အလွန်ကျေးဇူးတင်ပေသည်။ သူတို့ခြေတံရှည် မဒရပ်အိမ်ကြီးလှေကားရင်းရှိ စဥ့်အိုးကြီး နားက တစ်ပေလောက် အ၀တ်လျှော်ခုံမှာ ကျွန်တော် ခြေထောက်ရေဆေးရင်တောင်မှ သူက ရေအတင်း ခပ်လောင်း ပေးသည်အထိ ကျေးဇူးတင်နေပါသည်။
"ဘာကွ ငါ့ကို အဲဒီလူတွေက အဲဒီလို ပြောနေကြသလား"

"ဟုတ်တယ်ဆရာ၊ ကျွန်တော်ကလည်း အငယ်ဆုံးဆိုတော့ သူတို့လုပ်နေကြတာတွေကိုပဲ ထိုင်ကြည့် နေရတယ်"
"မင်း မယ်တော်ကြီးရဲ့ အနေအထားကိုရော ငါမှာတဲ့အတိုင်း ပြောမပြဘူးလား"
"ပြောပြတာ ပေါ့ဆရာ၊ ရမှ မရဘဲ၊ အမေကတော့ သူတို့ပြုသမျှ လှိမ့်ခံပဲ။ အခုဆို မျော့မျော့လေးပဲ ကျန် တော့တာ"

တစ်မနက်တွင် ကျွန်တော့်ဆေးခန်းမှာ ဒရယ်က ကျွန်တော့ကို လာတင်ပြပါသည်။ လူနာ ဒေါ်ခင်ရွှေဆီ ကျွန်တော် မရောက်တော့ တဲ့ နောက်ပိုင်းကာလက အဖြစ်အပျက်တွေကို ဒီလိုနည်းဖြင့် ကျွန်တော် အားလုံး သိခွင့် ရနေပါသည်။

ကျွန်တော် သိခွင့်ရသမျှကိုလည်း ကျွန်တော် ပြန်တင်ပြပါမည်။ တကယ်တော့ ဒရယ် မှ အပ သူတို့ မိသားစု ဆွေမျိုး တွေအားလုံးကို ဆရာဝန်မဟုတ် သော ဒေသခံ ဆရာ့ ဆရာများက စည်းရုံးလို့ ရသွားခဲ့ပြီဟုပဲ ဆိုရပါမည်။ သူတို့အိမ် မျက်စောင်းထိုးမှာ ဆရာ့ဆရာ ဂုရုကြီး တစ်ပါး နေထိုင်သည်ကိုး။ ဒေါ်ခင်ရွှေ ကို ထိုဂုရုကြီး အမှုးပြုသော ဆရာကြီး လေးပါး ပေါင်း ပြီး ကုသကြသည်။ တစ်ယောက်က ဆေးထိုးပေးသည်။ တစ်ယောက် က ဘေလုံး ဟုဆို ကာ လူးဆေးလိမ်းဆေးတွေနှင့် ကုသည်။ တစ်ယောက်က နေ့နံ တွက်ချက်ပြီး ပွဲတွေပေး သည်။ အင်းကွက်ချသည်။ အဆိုးဆုံး ကျန်တဲ့ ဂုရုကတော့ အပင်း ဟုဆိုကာ အပင်းကျ  ဆေးကြောင့် ဒေါ်ခင်ရွေှ့ တအော့အော့ တအန်အန်နှင့် အန်တာ သွေးစတွေတောင်ပါနေပြီ။ သွေးဝမ်းမည်းမည်း တွေလည်း သွားနေပြီလို့ ဒရယ် က ပြောပါသည်။
"ဘယ်တတ်နိုင် မှာလဲကွာ။ ရန်ကုန်သွားကုရင်တောင် လွယ်မှ မလွယ်တော့ဘဲ ဒရယ် ရာ"

ကျွန်တော် အားပေး နှစ်သိမ့် လိုက်ပါသည်။ ဘာပဲပြောပြော ဆရာဝန်တစ်ယောက်ဆိုတာ လူနာ တစ်ယောက် ကို သူတွေ့ရှိရသည့်အတိုင်း အကောင်းဆုံး ကုသပေးကြရသည်ပဲ မဟုတ်လား။ ကျွန်တော် လည်း ကုသ ပေးခဲ့ပြီး ဖြစ်ပါသည်။ သို့ရာတွင် ဒရယ်ဆက် ပြောပြချက်ကြောင့် ကျွန်တော့်စိတ်တွေ ဂျိမ်းခနဲ ထစ်ချုန်း တုန်ဟည်း လာရတော့သည်။

"ဒါပေမဲ့ ဆရာ့ကို ဟိုဆရာတွေ ပြောနေကြတာ ကျွန်တော်မခံချင်ဘူး၊ ကျွန်တော်တို့ရွာမှာ ကျွန်တော့် တစ်သက် ဆရာဝန်ဆိုလို့ ဆရာတစ်ယောက်ပဲ ရှိဖူးတာ။ အဲဒါကိုတောင် သူတို့က ဆရာ က အခုမှ ကျောင်းက ဆင်းလာတာ။ သူတို့က လက်တွေ့ကုလာတာကြာပြီ တဲ့။ ဆရာက ၀ါနုသေးလို့ ကင်ဆာလို့ ပြောတာတဲ့။ ကျွန်တော်လည်း ဒီလောက်တော့ ဗဟုသုတရှိတာပေါ့ဗျာ။ အခု အမေက တော်တော်ပျော့ နေပြီ။ စိတ်ပျက် လို့ ကျွန်တော် ထွက်လာတာ"

"ဘာကွ"
အော် သူတို့က မိမိကို ထိပါးလာကြချေပြီကိုး။ သူတို့ကို ဘယ်သူတွေက အတိုင်းအတာ တစ်ခုအထိ ပညာ ကုံလုံသော ဆရာဝန် တစ်ယောက်ကို ထိပါးခွင့်ပေးထားရတာလဲ။ ဘာပဲပြောပြော ကျွန်တော်ဟာ ခေတ်ဟောင်း အတွေးအခေါ် တစ်ခုကို ဆန့်ကျင် သတ္ထုပြုဖို့၊ ကျွန်တော့်ဆရာ/ဆရာမတွေ ဂုဏ်သိက္ခာကို ကာကွယ် ဖို့ ကျွန်တော်ကိုယ်တိုင်နဲ့ ကျွန်တော့်အနာဂတ်ကို လောင်းကြေးထပ် ပေါင်နှံရတော့မှာပါလား။ ဒါကလည်း စိုးရိမ်စရာ မဟုတ်ပါ။

သို့နှယ်တိုင် သတိထားစရာဖြစ်မှန်းတော့ ကျွန်တော်သိသည်။ သတိထားရမည် မှာ ကျွန်တော့်အနေဖြင့် ကိုင်းကူး ကိုင်းဆက် မှန်ဖို့သာပဲ ဖြစ်သည်ဟု ကျွန်တော်ယုံကြည် သည်။ ဒီတော့ ကျွန်တော့ဘ၀ မျက်စိလည် လမ်းမှားခြင်း သုံးချက်ကြေင့် ခံပြင်းစိတ်တွေ အုံ့ မှိုင်းပြုံခဲလာခဲ့သည်။ သို့ဖြင့်ပင် ငယ်ငယ်ကကြည့်ဖူးသော သုန်သုန်မှုန်မှုန် မင်းစန္ဒဂုတ် အလောင်း အလျာလေးလို ကျွန်တော်တစ်ခုခုလုပ်ဖို့ စိတ်သန္တာန်ထဲမှာ စီးဝါးရိုက် နေမိခဲ့သည်။ သို့ဖြင့်ပင် ကျွန်တော်သည် ဒီနယ် က လူတွေလက်ခံထားသော social norm တစ်ခု ကို အရောင်ပြောင်းပစ်ဖို့ သံလိုက် ဓာတ်ဝင်သလို ခံစားနေခဲ့သည်။ ရက်တော့ သိပ်မကြာလိုက်ပါချေ။

အခုလွန်ခဲ့သော နှစ် ၃၀ လောက်က အတိတ်တစ်ခုကို ပြန်ပြောင်းရေးသားနေချိန်မှာပဲ ယခုသိလာရသော IQ နှင့် EQ အကြေင်း ကို ကျွန်တော်ပြန်လည်ချိန်ထိုးစဉ်းစားနေမိပေ သည်။ IQ-Intelligence Quotient ဥာဏ်ရည်ပြကိန်း။ လူတစ်ဦးတစ်ယောက်၏ အောင်မြင်မှုသည် IQ ဥာဏ်ရည်ဥာဏ်သွေးပေါ်တွင် တိုက်ရိုက် အချိုးကျ တည်မှီ နေသည် ဟု ကျွန်တော် တို့ ယူဆခဲ့ကြသည်။ ဒီအတိုင်းဆိုရင် ကျွန်တော် ဆရာဝန် တစ်ယောက် ဖြစ်လာခဲ့ခြင်း၊ ဖြစ်နေခဲ့ခြင်းသည် IQ မှီလို့ပဲပေါ့။ သို့သော် အောင်မြင်ခြင်း၊ မအောင်မြင်ခြင်း ကွဲပြားရသည်မှာ EQ-Emotional Quotient ကြောင့်သာ ဖြစ်သည်ဟု အခုသိလာရပေပြီ။ EQ နိမ့်လျှင် မအောင်မြင်နိုင်။ EQ မြင့်မှသာလျှင် အောင်မြင်မှုကို ရရှိနိုင်ပေသည်။ EQ ၏ အဓိပ္ပာယ် ကို ဖွင့်ဆိုရသော် ''မိမိနှင့် အခြားသူများ၏ နှလုံးသားကို ဦးနှောက်ဖြင့် နားလည်ကာ အကျိုးရှိရှိ ဆောင်ရွက် နိုင်ခြင်း ဖြစ်သည်ဟု တွေ့ရသည်။

ထုို့ကြောင့် ကျွန်တော်သည် ထိုသည့်နှစ် ၃၀ အတိတ်ကာလ အချိန်တုန်းက ဒေါ်ခင်ရွှေ၏ အစာအိမ် ကင်ဆာ ကို သစ္စာပြုပြီး အကျိုးရှိအောင် ဆောင်ရွက်နိုင်ခဲ့ကြေင်းကို ပြန်လည် ရှာဖွေနည်း တွေ့ရှိခဲ့ ပါသည် ဟု ဆိုပါမည်။ မင်းစန္ဒဂုတ်ကလည်း အဲဒီလိုမှ မလုပ်ခဲ့ဘူးဆိုရင်၊ ကျွန်တော်ကလည်း အဲဒီလိုမှ မလုပ်နိုင်ခဲ့ဘူး ဆိုရင် အသုံးမကျတဲ့ လူတွေကနေ အသုံးမ၀င်တဲ့ လူတွေ ဒီကွက်လပ်ကြီးမှာ ထပ်ပြီး မွေးဖွား သွားပေလိမ့်မည်။ ဒီလိုဆိုရင် ကျွန်တော်တို့ရဲ့ အချိန်တွေ၊ အသက်ဇီဝ တွေ၊ ဘ၀ဖြစ်တည်မှုတွေ၊ လူသား အဖြစ်တွေ အလဟဿဖြစ်ကုန် ပြီး အရာရာမှာပြုန်းတီးကုန်လိမ့်မည်။
အဲဒီအချိန်က ကျွန်တော် တစ်စုံတစ်ခုကိုတော့ ပြတ်ပြတ်သားသား လုပ်ခဲ့မိပါသည်။ ကျွန်တော် ဆက်လက် တင်ပြပါမည်။

ကျွန်တော် ဒေါသကြီးသော နတ်တစ်ပါးလို ခံစားဗလောင်ဆူနေသောကာလ၊ တစ်မနက် တွင် ဒရယ် ရောက်လာ ပါသည်။
" မနက် ၄ နာရီလောက်က အမေဆုံးသွားပြီဆရာ "
" အော် .... "
ကြိုတင် တွက်ဆထားပေမဲ့ ဒရယ်ပြောပြောချင်းမှာပင် ဒေါ်ခင်ရွှေကို ကျွန်တော့် မျက်လုံးထဲ မှာ ပြေးပြီး မြင်ယောင် မိသွားခဲ့သည်။ ပြီးတော့ ငွေရလိုမှု ရာဇ၀တ်မှုကြီးကို အသိဥာဏ် ငယ်သူ တွေအပေါ် ၀ိုင်းဝန်း ကျူးလွန် ကြရင်း ပြဿနာကြီး ကို ရှောင်လွှဲဖို့အတွက် ကျွန်တော့်ကို တံတွေးပင်လယ်ထဲ မျှောလိုက်ကြတဲ့ ပုဂ္ဂိုလ် ကြီးတွေ။ သူတို့မျှောသည်က မိမိတစ်ကိုယ်တည်းမဟုတ်။ မိမိကိုယ်စောင့်နတ် တွေလို ကျွန်တော့်ကို စိတ်ဓာတ် အင်အား ဆေးပညာလိပ်ပြာတွေ ခြံရံပေးနေသော ဆရာသမားတွေ။

ဒါတွင်မကသေး ကျွန်တော့် Alma Mater ကြီး။ ထိုအချိန်တုန်းက ကျွန်တော့် နှလုံးသားလေးခမျာ ဗောင်းခနဲ ပေါက် ထွက်မတက် နင့်နည်း ခံစားနေခဲ့ရပုံတွေကို ခုထိ ကျွန်တော်ပြန်လည်ခံစားနေရတုန်း။ ဒါဆို ရင် ဟုတ်ပါပြီ။ ကျွန်တော်ခပ်မှောင်မှောင် ချောင်ထဲတစ်နေရာက ထွက်တော့မည်။ တရား ရုံးတို့ အသုဘအိမ်တို့ အလှူအတန်း တို့တွင် သတင်းစကားတို့သည် ရွာနီးချုပ်စပ်တို့ သို့ ပျံ့နှံ့အဖတ်တင်သည်မဟုတ်လား။ ထိုအချိန် တွင် ကျွန်တော်သည် လူသားတစ်ယောက် ဖြစ်သည်။ ဆရာဝန်တစ်ယောက်ဖြစ်သည်။ ဆရာ ဆရာမ တွေ စိတ်ချရုံကြည်လိုက်သော ထာဝရတပည့်တစ်ယောက် ဖြစ်သည်။ ထို့အတူ သည်သုံးခု စလုံး လည်း စေးကပ်စွာဖြစ်နေ သည်။ ထို့ကြောင့် ကျွန်တော်သည် ဒုတိယအတွေးဆိုတာ မထားတော့ဘဲ ဆုံးဖြတ် လိုက်မိ ခဲ့သည်။
" မင်းအမေနာရေး က ဘယ်နှစ်ရက်ထားမှာလဲ"

" ၅ ရက်ထားမှ ဖြစ်မယ်ဆရာ။ ဆွေမျိုးတွေ စုံအောင်လို့ဟုတ်ပေလိမ့်မည်။ သူတို့ မိသားစုက ရွာနီးပတ်လည် ရွာ ဒီရွာ တွေ မှာလည်း ဆွေမျိုးသားချင်းတွေများသလို လယ်ပွဲတွေ ကိုင်းခင်း တွေကလည်း နည်းမှမနည်းပဲ။ ဒရယ် ပြောပြချက် အခုကတည်းကပင် ရွာက လူတွေ၊ လှည်းတွေရောက်နေကြပြီတဲ့၊ ဒီတော့ ကြုံကြိုက် ခဲသော အဆင်သင့်မှု တစ်ရပ်ပမာ သူ့ကို စကားတောက်ထည့်လိုက်သည်။
"ဒီလိုဆိုရင် စိုင်ရတို့အုပ်စုကို မခေါ်ဘူးလား"
"ခေါ်မှာပေါ့၊ ကျွန်တော်အခုပဲ သွားပြောမလို့"

"စိုင်ရ"တို့ အုပ်စုဆိုတာကား တခြားမဟုတ်။ ရွာမှာလူသေရင် အရက်ဖိုးယူပြီး ဗိုက်ခွဲသော အုပ်စု၊ သုဿန်မှာ မြေမြုပ် မီးသဂြိုလ်စသည့်အလုပ်တွေကို စေတနာ့ဝန်ထမ်းလုပ်သော အုပ်စု။ သို့ဖြစ်ပင် ကျွန်တော့် နှုတ် က နှလုံးသားတွင် ဆေးမင်နှင့်ထိုးထားသော စကားလုံး တွေ မီးပန်းမီးပွင့်တွေပမာ ပွင့်ကန်ထွက်သွားပြီးထင်ခဲ့ရလေသည်။
"အေး မင်းသွားတော့ ဒရယ်။ စိုင်ရတို့ကို ပြောလိုက်၊ ငါလာခဲ့မယ်။ ညနေကျရင် မင်းငါ့ကို လာခေါ်လှည့်"

ဒရယ် ပြန်သွားကတည်းက သုန်မှုန်တုန်ယင်နေသော အဖြူအမည်း မင်းစန္ဒဂုတ် ဇာတ်ကား လို တစ်နေ့ခင်း လုံးလုံး ဖြစ်နေခဲ့သည်။ အသံတိတ်ဇာတ်ကားလိုလည်း ကျွန်တော့်နှုတ်က တိတ်ဆိတ်နေချင်နေခဲ့သည်။ ဆေးခန်း ကိုလည်း မနက်ပိုင်းခပ်စောစောတွင်ပဲ ပိတ်လိုက်သည်။ ကျွန်တော် ဓားသွေးရပေမည်။ ကျွန်တော် သည် နာကျင်တင်းကျင်သောရင်ကို သယ်ဆောင်လျက် ရှစ်လက်မသံသား ကောင်းကောင်း ဓားမြှောင် တစ်ချောင်း ကိုသာ စိတ်ရှိ လက်ရှိ ထိုင်သွေးရင်း ဒေသထွက် ကရင်ချက်အရက်ကို လက်ဖက်ရည် ပန်းကန်လေး နှင့် တစ်ခွက်ပြီးတစ်ခွက် သောက်နေမိသည်။ စိတ်ပေါက်လာတော့ ဓားသွေးကျောက်ပေါ် အရက်လောင်းပြီး ဓားကို ဆက်သွေးသည်။ ဓားမြှောင်သွားကလည်း အရက်ဝပြီး မြည့်ရှဖွေး လက်လာ လေပြီ။

ညနေစောင်း ဒရယ်လာခေါ်တော့ ကျွန်တော်အရက်တော်တော်ကြီးမူးနေပါပြီ။ သို့သော် လည်း ကျွန်တော် ကိုယ်စွမ်းကိုယ်စ ကို၊ ကျွန်တော့်ဆရာ ဆရာမတွေရဲ့ ဂုဏ်သိက္ခာတွေကို ပြခွင့်ရတော့မယ့် သူရဲကောင်း တစ်ယောက် လိုတော့ နာကျည်းသတ္တိတွေက ခြင်္သေ့နိုးနေခဲ့ ပေါ့။
အသုဘအိမ် မှာ လူတွေ အတော်များပါပြီ။ သူတို့ဆွေမျိုးသားချင်းတွေ ဖြစ်သည်။ အိမ်ရှေ့ လမ်းပေါ်မှာ လှည်းတွေ ဖြုတ်ထားသည်။
ဒီလိုနဲ့ ဒေါ်ခင်ရွှေအလောင်းနား ကျွန်တော်ရောက်သွားသည်။ စိုင်ရတို့အုပ်စု သုံးလေး ယောက်လည်း ရောက်နေပြီ။ အခေါင်းထဲသွတ်ဖို့ လက်ဖက်ခြောက်နှင့် ဖွဲပြာအိတ်လည်း အဆင်သင့်။ ပြီးတော့ အ၀ကျဉ်း ရေအိုးတစ်လုံး။ ကျွန်တော် အားလုံးသိနေသည်။

ရိတ်များ ဆင်ယင်ထားသော ခုတင်အလယ်မှာ ဒေါ်ခင်ရွှေ အလောင်း ကို မိုးမိုးမဲမဲသဏ္ဍာန် အစန့်သား တွေ့ရသည်။ အော် သူမဆီမှာ အခုထိ လူသားဟူသော ဣထ္ထိယဟူသော အမှတ်အသားတွေရှိနေခဲ့တုန်း၊ အသက် ကို မရှုနိုင် ရှူနိုင် ရုန်းကန်ရှူဖို့ အတတ်ဆုံး ကြိုး စားသွားခဲ့သော သဏ္ဍာန်ကိုလည်း တွေ့ နေရသေးသည် ထင်ခဲ့၏။
ကျွန်တော် ဒရယ် ကို တစ်ထွာကျော်ကျော်မြင့်သော အ၀တ်လျှော်ခုံကို ယူခိုင်းကာ ဒေါ်ခင်ရွှေအလောင်းကို ပေါင်လည်လောက်ကိုတင်ခိုင်းတာ ကျွန်တော်သိသည်။ ပြီးတော့ အဲဒီခုံပေါ်မှာ ကျွန်တော်ဆောင့်ကြောင့် တက်ထိုင် လိုက်သည်။ ပြီးတော့ ဒေါ်ခင်ရွှေ ခန္ဓာ ကိုယ်ပေါ်လွှားထားသော အ၀တ်တွေကို ဖယ်လိုက်သည်။ ပြီးတော့ ရင်ညွန့်တည့်တည့် အရက်တိုက်ထားတဲ့ ဓားကို စွိခနဲထိုးထည့်လိုက်ပြီး ဆီးစပ်ဆီအထိ ခွဲချလိုက်တာ အထိ သိနေသေးသည်။

ထိုသည်မှ နောက်ဝယ်မှာတော့ ကျွန်တော့်အသိတွေက လျှပ်စီးမိုးကြိုး၊ မုန်တိုင်းလှိုင်းတွေ လှိမ့်မွေနေတဲ့ အသိ မျိုးဖြင့်သာ လှုပ်ရှားနေမိမှန်း နောက်နေ့ကျမှ ကျွန်တော် ပြန်စဉ်းစားလို့ ရခဲ့တော့တာ ခုထိ မှတ်မိေ နသည်။

နောက်တစ်နေ့ညနေခင်းတွင် ကျွန်တော် ပြန်လည်အမှတ်ရခဲ့သော် မှတ်ဥာဏ်များကို လည်း အော်ဟစ် ပြေးလွှားသံ တွေ တရုန်းရုန်းယောက်ယတ်ခတ်နေသော မြင်ကွင်းကစပြီး ပြောပြချင်ပါသေးသည်။ သို့သော် ကျွန်တော် ပြောမည့် ပြောလက်စများကို စေးကပ်ပုပ် ဟောင်နေသော အသားစ အနံ့များသာ ဖြစ်မည် ကိုတော့ ကြိုတင်ပြောထားပါရစေ။
ကျွန်တော် သည် ဒေါ်ခင်ရွှေရဲ့ကင်ဆာအစာအိမ်ကြီးကို ဖြတ်ထုတ်ပြီး ဘေးက လူတွေကို ပြခဲ့သည်။

"ငါပြောတဲ့ ကင်ဆာဆိုတာ ဒါပဲ။ ဒါဟာ ကင်ဆာ အစာအိမ်"
လူတွေ ရှဲကုန်သည်။ တချို့အိမ်အောက်သို့ ဆင်းပြေးကုန်ကြသည်။ အပုပ်ရည်တွေ တစ် စက်စက်ကျ နေသည်။ ကျွန်တော်လှေကားအတိုင်း အိမ်ပေါ်ကပြေးဆင်းလားသည်။ သူတို့ အိမ်ရှေ့ အသုဘအနားဖျင်း ထဲမှာ အဲဒီအစာအိမ်ကို အောင်ပွဲဖလားကြီးလို မြှောက်ပြီး လိုက် ပြခဲ့သည်။ လူတွေ ထွက်ပြေးကုန်သည်။ အပုပ်ရည် တွေက မြှောက်ထားတဲ့ လက်ကတစ် ဆင့် တံတောင်ဆစ်၊ တချို့ ချိုင်းမှသည် ကိုယ်ပေါ်အထိ စီးကျနေခဲ့သည်။ အဲဒီအချိန်မှာ ခြိမ့်ခြိမ့်မွှမ်းမွှမ်းအောင်ပွဲခံစည်သံတွေကို ကြားချင်နေခဲ့သည်။ တခြား လူတွေကတော့ လိပ် ပြာတွေ ဂျွမ်းထိုးမှောက်ခုံလွင့်စင်သွားကုန်ပြီလား မပြောတတ်။ အမှောင်ကလည်း ခြုံလာ ခဲ့သည်။

ကျွန်တော် အမှောင်ထဲကနေ ထွက်လာခဲ့သည်။
ဒရယ် နဲ့ မိတ်ဆွေတစ်သိုက်က ကျွန်တော့်ကို ကူတွဲချော့မော့ခေါ်ပြီး အိမ်ပေါ်ပြန်ခေါ်လာ ကြသည်။ စိုင်ရ တို့အုပ်စုက သူတို့လုပ်စရာရှိတာတွေ လုပ်လို့ပြီးခါနီးမှန်း ကျွန်တော် သိနေ တာ မှတ်မိနေခဲ့သည်။ ဘေးလူတွေ တောင်းပန်ချက်အရ အစာအိမ်ကြီးကို ကျွန်တော် စိုင်ရတို့ ရေအိုးထဲထည့်ပေးခဲ့သည်။ ကျွန်တော်ပြန်မှတ်မိပါသည်။

ကျွန်တော့်အိပ်ယာထဲအထိ ဒရယ်နဲ့ အဖော်တွေလိုက်ပို့ပေးတာ ကျွန်တော် သတိရသည်။ ညက အိပ်ပျော် သွားခဲ့တာ နောက်တစ်နေ့မှာ ကျွန်တော် သတိရသည်။ နွေရာသီ မို့လို့် ညဉ့်လယ် သန်းခေါင် ရေခပ်ပြီး သောက်သည်။ ပုပ်စော်နံသည်။ အရက်က အရှိန်တက်နေ၍ ပြန် အိပ်ပျော်သွားသည်။ အဲဒီညက သုံးလေးခါ လောက် ရင်တွေပူလောင်ပြီး ထထနိုး၍ ရေ သောက်တိုင်း ရေက ပုပ်စော်နံနေသည်။ နောက်တစ်နေ့ မွန်းလွဲပိုင်း လောက်ကျမှ နိုးသည်။ အရက်နာကျနေလို့ မထနိုင်။ ခြင်ထောင်တွေ၊ စောင်တွေ ပုပ်စော် နံနေသည်။ ဆက်မအိပ် နိုင်တော့။

ဒီတော့မှ မနေ့ညနေက အဖြစ်အပျက်တွေကို ကျွန်တော်စီကာစဉ်ကာ သတိရလာတော့ သည်။ ဒါကြောင့် ရေထချိုး၊ အ၀တ်လျှော်ပေးနေကျ ဒေါ်အေးကိုခေါ်ပြီး အ၀တ်တွေ၊ ခြင် ထောင်စောင်တွေလျှော်ခိုင်း၊ ကြမ်းတိုက်ခိုင်း၊ သောက်ရေအိုးနှင့် သောက်ရေခွက် အသစ် ၀ယ်ခိုင်းရတော့သည်။ နောက်တစ်နေ့လုံး ရီဝေေ၀ ရင်တလှပ်လှပ်နှင့်မို့ ကျွန်တော် ဆေး ခန်းမဖွင့်နိုင်တော့ပေ။
တတိယမြောက်နေ့က ကျွန်တော်ဆေးခန်းပြန်ဖွင့်သည်။ လူနာတွေ ဆေးခန်းအလာ အခါ တိုင်းထက် ကျဲသွားသည်။ ဒေါ်ခင်ရွှေအသုဘ ပို့ ကျွန်တော်မလိုက်ပါ။ ရက်လည်သို့လည်း မသွားပါ။ "သရာဖဒို" (ဆရာကြီး) ဟု ပြောင်းပြီး ခေါ်လာကြသည်။

ဒရယ်ကလည်း သတင်းပေးလာသည်။
"ဒီနယ်က လူတွေက ပြောနေကြတယ်ဗျ။ ဆရာ ကြားပြီးပလား"
"ဟေ... ဘာတွေ ပြောနေကြသတုံး"
"ဆရာ့မျက်လုံး မှာ ဓာတ်မှန်ပါတယ်တဲ့"
အဲဒီကနေ့ နောက်ပိုင်းတွင်တော့ ကျွန်တော့်ဆီ ပိုမိုရောက်လာသော လူနာတွေကို အသိမဲ့ မှုရိပ်သာ ဗလချာ ထဲကနေ ကျွန်တော် ဆွဲထုတ်ကာ အပေါင်ထားခဲ့ရသော ကျွန်တော်နှင့် ကျွန်တော်အနာဂတ်ကို ထိန်းသိမ်း နိုင်ခဲ့ပါကြောင်း။

စာရေးသူ - အောင်ထိပ်
ပိတောက်ပွင့်သစ် မဂ္ဂဇင်း
ဒီဇင်ဘာ၊ ၂ဝ၁ဝ
.

3 comments:

Angelhlaing(May everybody be happy and healthy! said...

မမရေ အားပေးဖတ်ရှု သွားလျှက်
ကောင်းသောနေ့လေးဖြစ်ပါစေ။

Anonymous said...

ဇာတ်လမ်းထဲက ဆရာဝန်ကို လေးစားပါတယ်။ သူကြုံရတဲ့ အတိုက်အခိုက်မျိုး လောကဓံမျိုး ကျွန်တော်လဲ ကြုံခဲ့ရတာ အခါခါပဲ။ နောက်ဆို သူ့လို ခပ်ကြမ်းကြမ်း သက်သေပြနည်း သုံးတန်သုံးဖို့ မှတ်သားသွားပါတယ်။

စန္ဒဂုတ်မင်းဖြစ်လာမယ့် ကလေးနဲ့ ဆရာရသေ့ကြီးအကြောင်း ဖတ်ရတာတော့ စိတ်မချမ်းသာစရာဗျာ။ ဆရာတစ်ယောက်အနေနဲ့ ဝေဖန်ရရင် ဒီဆရာရသေ့ကြီးကို ဆရာစိတ် မရှိတဲ့ မသူတော်လို့ပဲ မြင်တယ်။ ကိုယ့်ဆီ မှီခိုနေရတဲ့ လူမမယ်ကလေးတစ်ယောက်ကို အိပ်မောကျနေတုန်း သူများသတ်ခိုင်းတဲ့အထိ ယုတ်မာစရာလား။ သူ့ဗေဒင်က အနာဂတ်မကလို့ ဘာမြင်မြင်။
ဖြစ်မလာသေးတဲ့ ကိစ္စတစ်ခုအတွက် ဖြစ်ပြီးသား လူ့အသက်တစ်ချောင်းကို သတ်စရာလားဗျာ။

သူ့တပည့်ကို သတ်ခိုင်းမယ့်အစား သတ်ချင်ရင် သူကိုယ်တိုင် သတ်ပေါ့။. သူကျ သူတော်စင်နာမည်ခံပြီး သူများကို လူသတ်ခိုင်းရတယ်လို့။

မင်းစန္ဒကျောက် said...

ဆရာက အရေးအသားပြောင်မြောက်လွန်းလို့..ဖတ်ရင်းတောင် အော်ဂလီဆန်လာတယ်..