စိမ်းနေဦးမည့် ကျွန်တော့်မြေ အပိုင်း (၁၇)

(၁၀)
သွေးလှူပွဲ၏နိဒါန်း

နံနက် အတန်မြင့်မှ ကျွန်တော် အိပ်ရာမှနိုးတော့သည်။ ညကတွေ့ခဲ့သော မှိုပွင့်ကြီးကို ဦးလေးပုအား သွားပြောပြ ချင်သော်လည်း ကျောင်းတက် စရာရှိသဖြင့် သွားမပြောဖြစ်ခဲ့။
ယနေ့ နံနက်စာ ထမင်းစားရသည်မှာ အလွန်အရသာရှိသည်။ အကြောင်းမှာ ကျွန်တော့ဆရာကတော် အသစ် စက်စက် မမရှင်၏ ပထမဆုံးလက်ရာ ဖြစ်သောကြောင့် တည်း....။ မမရှင် ၏ လက်ရာသည် မခင်သိန်း ထက် အစပ်တည့်ခါ ထမင်းပွဲပြင်ပုံကိုက မြိုင်မြိုင်ဆိုင်ဆိုင်ရှိသည်။

မမရှင်သည်  သူက ထမင်းစားသည် မရှိလှ။ ဆရာ့ကို အရိုးနွှင်ထည့်ပေးသည်။ ကောင်းနိုးရာရာဟင်းဖတ်ကို ဆယ် ထည့်ပေးသည်။ ယပ်တောင်တစ်ချောင်းနှင့်လည်း ယင်မနားအောင်  ခပ်ပေးသည်။ ဆရာက ရှက်သလို သဘောကျသလိုပြုံးရင်း ထမင်းကို မြိန်ရည်ရှက်ရည်စားသည်။ ထမင်းစားပြီးသော အခါများ ၌ လည်း ဆပ်ပြာခဲနှင့် လက်ဆေးရေဇလုံ အဆင်သင့်ရှိသည်။ ဆရာဆပ်ပြာတိုက်ပြီးသောအခါ မမရှင်က ရေဖလား နှင့် ဆရာ့လက်ပေါ်သို့ လောင်းချပေးသည်။ ဆရာသည် ရေသောက်ရန်ပင် နေရာမှမထရ။ မမရှင် က ငွေဖလားတစ်လုံးနှင့် ရေခပ်၍ လက်ဖက်ရည် ပန်းကန်ပြားတွင်  ဖလားကိုတင်ကာ ဆရာ့ကို ပေးသည်။

ကျွန်တော်သည် ဒုတိယအကြိမ် မှတ်ချက်ချမိသည်။ ဆရာသည် မြို့သူရသည်မှာ ကံကောင်း လေစွ တကား...။ အလွန်ကံကောင်းလေစွတကား....။
ကိုအုန်းမောင်နှင့် တခြားစီဖြစ်သည်။ ယခင်က ထမင်းစားလျှင် ကိုအုန်းမောင်ချည်းပဲ ထခူးရသည်။ စားကြ သောက်ကြပြန်တော့လည်း ကိုယ့်ထမင်း ကိုယ်ဟင်း ထည့်စား၍ ယင်ကောင် မလာရန် လက်ညောင်းခံ၍ မည်သူမျှ မမောင်း။ စားပြီးလျှင် ကိုအုန်းမောင်သည် အိမ်ရှေ့ရှိ ဘဲဥအိုးဆီထသွား၍ ကိုယ့်ဟာကိုယ် လက်ဆေး ပလုပ်ကျင်းရသည်။ တစ်ခါတရံ သောက်ရေအိုးဆီသို့ပင် မလာတော့ဘဲ ပလုပ်ကျင်းရေကိုပင် မျိုချ သောက်လိုက်သည်။ လက်သုတ်ပုဝါလည်း အထူးရှာမနေတော့ဘဲ မိမိပုဆိုးကိုဖြည်၍ လက်ကိုလည်း သုတ်၊ ပါးစပ်ကိုလည်း သုတ်သော် ကိစ္စငြိမ်း၏။
ယခုမူ လက်သုတ်ပ၀ါကအစ လက်ကိုင်ပ၀ါလိုခေါက်၍ ပန်းကန်ပြားကလေးဖြင့် စားပွဲပေါ်တွင် အဆင်သင့် ရှိသည်။

မှန်ပါသည်။ မြို့သူရသော ကျွန်တော့်ဆရာ အလွန်ကံကောင်းသည်။
နေ့ခင်းစာစားပြီး ဆရာရော ကျွန်တော်ပါ ကျောင်းပြန်တက်ကြသည်။
ကျောင်း ၌ မယဉ်နွယ်ကိုတွေ့၍ ဆရာကတော် ဟင်းချက်ကောင်းကြောင်း၊ သောက်ရေဖလားကို  ပန်ကန်ပြား တွင်ထည့်၍ သောက်ကြောင်း စသည်တို့ကို ပြောမိသေးသည်။
''နင် က အားရင် နင့်ဆရာကတော်ပဲ ကြံဖန်ချီးမွမ်းနေတာပဲ၊ အဲဒါတွေဟာ အဆန်းမှတ်လို့လား''
''ဘာ...မဆန်းဘူး''

''ဘာလို့ဆန်းရမှာလဲ...၊ တို့အိမ်လည်း ဒီလိုပဲ စားတာပဲဥစ္စာ၊ ထမင်းစားပြီးရင် ဆပ်ပြာမွှေးနဲ့ တောင် တုိ့က လက်ဆေးတာ၊ ကာလကောင်းတုန်းကဆိုရင် ထမင်းစားပြီးပြီးချင်း အမြှုပ်ထွက်တဲ့ဆေးနဲ့ သွားတိုက်ပစ် သေးတာ''
"နင် တကယ်ပြောတာလား"
"ရော…ခက်ပါပြီ၊ ထန်းပင်ပေါ်က ကျတယ်ဆိုကာမှ အပေါက်ကလေးနဲ့လား လုပ်နေပြန် ပြီ"
ကျွန်တော် က မယုံသဖြင့် "ဒါဖြင့် နင့်လက်ပေးစမ်း…ငါနမ်းကြည့်မယ်"ဟု စမ်းသည်။

မယဉ်နွယ်က သူ့လက်ကလေးကို ကမ်းပေး၍ ကျွန်တော်က နမ်းကြည့်သည်။ ဟုတ်သည်။ မယဉ်နွယ်၏ လက်သည် ကျွန်တော့်လက်ကဲ့သို့ ဟင်းစော်မနံ၊ ဆပ်ပြာမွှေးနဲ့ သင်းနေ၏။ ကျွန်တော် အလွန် ကျေနပ် သွားသည်။

ဆရာသည်သာ ကံကောင်းသည်မဟုတ်၊ ကျွန်တော်လည်း ကံကောင်းမည်ထင်သည်။ ထို ညနေ ကျွန်တော် ကျောင်းဆင်း ၍ အိမ်၌ စာအုပ် လွယ်အိတ်ကို ထားပြီးသောအခါ ဦးလေးပု ထံ သွားမည်ကြံ၏။ ဧည့်ခန်း၌ ဆရာ သည် မမရှင် အဆင်သင့်ချပေးသော အချိုပွဲကို လက်ဖက်ရည်ကြမ်းနှင့်မြည်းရင်း ကုလားထိုင် တစ်လုံးပေါ် ထိုင်လျက် သတင်းစာဟောင်း တစ်ခုကို ဖတ်နေသည်။ မမရှင်သည် ဆရာနှင့် မလှမ်းမကမ်း ကြမ်းပြင် ၌ ကြုံ့ကြုံ့ကလေး ထိုင်ရင်း သူတို့မြို့သူတွေ လုပ်လေ့လုပ်ထရှိသော သံချောင်းရှည်ရှည် တစ်ခု နှင့် ဇာပန်းထိုး နေသည်။

ကျွန်တော်က ဦးလေးပုကြီးထံ အမြန်သွားနိုင်ရန် အတွင်းဘက်ရှိ ဆရာ့စာကြည့်ခန်းကို အမြန်ဆုံးရှင်းလင်း တံမြက်စည်း လှဲနေသည်။
ထိုအခိုက်တွင်ပင် အိမ်ရှေ့၌ မှန်ကားဆိုက်လာသည်။ မှန်ကားမြင်ကတည်းက ကျွန်တော် မျက်လုံးပြူး သွားမိသည်။

ကာလပျက်ပြီးနောက် သူဌေးတို့မှန်ကားများ ရွာများတွင် လာရောက်ဝှက်ထားသည်။ ကား များကိုရှာဖွေ၍ ဂျပန်စစ်ဗိုလ် များက သိမ်းယူသည်။ ထို့နောက် လှည်းလမ်းကြောင်းပါ မရှောင် လိုက်မောင်းနေသည်။ ဤ ကားသည် ဂျပန်စစ်ဗိုလ်ကားပင် ဖြစ်ရမည်။

ကျွန်တော် မျှော်လင့်သည့်အတိုင်း ကားပေါ်မှ ဂျပန်စစ်ဗိုလ်တစ်ဦး ဆင်းလာသည်။ ကား အနောက်မှ ဂျပန်စစ်သားတစ်ဦးနှင့် မြန်မာရာဇ၀တ်အုပ်တစ်ဦးလည်း ဆင်းလာသည်။ ကားရှေ့ခန်းရှိ ဒရိုင်ဘာ ဂျပန်တစ်ဦး ကျန်ရစ်၏။ ဂျပန်စစ်ဗိုလ်နှင့် ရာဇ၀တ်အုပ်သည် အိမ် ပေါ်သို့ တက်လာခိုက် ဂျပန်စစ်သား က ခြံဝ၌စောင့်ရသည်။
ဂျပန်စစ်ဗိုလ်နှင့် ရာဇ၀တ်အုပ်ကို ဆရာသည် တည်ငြိမ်စွာပင် ဆီးကြိုနေရာပေးသည်။ ရာဇ၀တ်အုပ်သည် မိတ်ဖွဲ့ ပေးသည်။

"ကိုအုန်းဖေ…ဒီဗိုလ်ကြီးက အီမူရာခေါ်တယ်၊ ခင်ဗျားတို့ကို နည်းနည်းပါးပါး စစ်ချင်လို့ တဲ့"
"စစ်ပါလေ…ကျုပ်ဟာ နိပွန်တို့ရဲ့မိတ်ဆွေ၊ တို့ဗမာအစည်းအရုံး ဥက္ကဌတစ်ဦးပဲ"
ရာဇ၀တ်အုပ် က ဂျပန်ကို အင်္ဂလိပ်စကားဖြင့် ဘာပြောသည်မသိ။ ဂျပန်စစ်ဗိုလ်သည် ခေါင်းညိတ်သည်။ ဂျပန်ကလည်း ခေါင်းညိတ်၍ အင်္ဂလိပ်စကားနှင့် ပြန်ပြောသည်။ ရာဇ၀တ်အုပ်က ဘာသာပြန်သည်။
"မသန်းရှင် မောင် ကိုမြင့်ဦးကို ကင်ပေတိုင်ကဖမ်းထားတာ၊ ဒီက ဗိုလ်ကြီးက ကယ်ထုတ်ခဲ့ တယ်၊ အဲဒါ ဗိုလ်ကြီး လက်ထဲကနေ ထွက်ပြေးသွားတယ်၊ အခု သူဘယ်မှာလဲ"

"ကျုပ်လည်း မသန်းရှင်ရောက်မှ ဒီသတင်းကြားတာပဲ၊ သူ ဘယ်မှာရှိတယ်ဆိုတာ ကျုပ် မသိဘူး"
ရာဇ၀တ်အုပ် က ဂျပန်ကို တစ်ဆင့်ဘာသာပြန် ပြောသည်။ ဂျပန်သည် မျက်မှောင်ကုတ် သွား၍ မသန်းရှင် ကို လက်ညှိုးထိုးကာ ၀ူးဝူးဝါးဝါးနှင့် ပြောသည်။
ရာဇ၀တ်အုပ်က…"ဗိုလ်ကြီးကပြောတယ်၊ မသန်းရှင်…ဒီဘယ်လိုရောက်လာသလဲ၊ သူ့ မောင်မရှိရင် မသန်းရှင် ကိုစစ်ဖို့ ထည့်လိုက်ပါတဲ့"ဟု ဆို၏။

မသန်းရှင်သည် ထိတ်လန့်တကြား ဆရာ့ကို လှမ်းကြည့်သည်။ ဆရာ့မျက်နှာမှာလည်း သိသိသာသာကြီး ပျက် သွားသည်။ သို့ရာတွင် ဆရာသည် တည်ငြိမ်စွာပြန်ပြော၏။
"နိပွန်စစ်ဗိုလ်ကို ပြောလိုက်ပါ၊ မသန်းရှင်နဲ့ ကျုပ်နဲ့ မေတ္တာရှိတာကြာပြီ၊ မနေ့က ကျုပ် တို့ လက်ထပ်ပြီးပြီ၊ သူ့မောင် ဖြစ်ခဲ့တာ နဲ့ ကျုပ်တို့နဲ့မဆိုင်ဘူးထင်ပါတယ်"
ရာဇ၀တ်အုပ်သည် ဤစကားကို ဂျပန်အား ပြန်ပြောသောခဏ၌ ဂျပန်သည် ကျားကဲ့သို့ ဒေါသတကြီး ခုန်ထ သည်။ သူသည် ဆရာ့ရှေ့၌ရပ်ကာ ဆရာ့ပါးအား ဘယ်ပြန်ညာပြန် တီးတော့သည်။ ဆရာသည် အံကြိတ် ၍ ခေါင်းငုံ့ခံသည်။ ဂျပန်စစ်ဗိုလ်ကသာ ဒေါသမပြေ နိုင်ဘဲ ခါးမှ ခြောက်လုံးပြူးကိုထုတ်၍ မသန်းရှင် နှင့် ဆရာ့ ကို တစ်လှည့်စီချိန်ရင်း ရာဇ၀တ် အုပ်ကိုလည်း စကားပြော၏။
"ဗိုလ်ကြီးက ပြောတယ်၊ ခင်ဗျားတို့ နှစ်ယောက်စလုံးကို အခု သူဖမ်းချင်တယ်၊ ဒီတော့… လိုက်ခဲ့ကြဗျာ"

ဆရာသည် ဘာပြန်ပြောရမည် မသိ။ ရာဇ၀တ်အုပ်ကိုသာ စိုက်ကြည့်နေ၏။ ထိုစဉ် မသန်းရှင်က နေရာမှ ထသည်။
"ရှင့်စစ်ဗိုလ် ကို ပြောပါ…ကျွန်မယောက်ျားကို မဖမ်းပါနဲ့…ကျွန်မ လိုက်ခဲ့ပါ့မယ်လို့…"
မသန်းရှင်၏ စကား ကို ရာဇ၀တ်အုပ်မှတစ်ဆင့် သိရသော် ဂျပန်စစ်ဗိုလ်သည် ကျေနပ်စွာ ပြုံး၍ သူ့ခြောက်လုံးပြူး ကို အိတ်တွင်းပြန်သွင်းရန် ပြင်သည်။
ထိုအခိုက် တွင်ပင် လျင်မြန်သော ဆရာ့လက်တစ်ဖက်သည် ခြောက်လုံးပြူးကို ပုတ်ချလိုက်ရာ အခန်းထောင့် သုိ့ လွင့်သွားသည်။ မရှေးမနှောင်းပင် ဆရာ၏ လက်သီးတစ်လုံးသည် ဂျပန်၏ မျက်နှာဆီသို့ ပြင်းထန် စွာ ကျရောက်သွားသည်။

ဂျပန်သည် ကြမ်းပြင်ပေါ် လဲကျသွားရာ ဆရာသည် လျင်မြန်စွာဖြင့် ဂျပန့်ခါးမှ ဓားရှည်ကြီးကို ဆွဲထုတ် ယူလိုက် သည်။
ခြံဝမှ စစ်သားလေးသည် ၀ူးဝူးဝါးဝါးအော်၍ လှံစွပ်တပ်သေနတ်နှင့် ပြေးထွက်လာသည်။
ကျွန်တော် သည် မျက်လုံးပြာသွား၏။ အကြောင်းမှာ ဆရာသည် ဓားဖြင့် ပြန်လည်ခုခံရန် ပြင်ခိုက် ကြောင်နေရာ မှ သတိရသော ရာဇ၀တ်အုပ်သည် ဆရာ့ကို နောက်မှ ၀င်ဖမ်းချုပ် လိုက်သောကြောင့် ဖြစ်သည်။

ဂျပန်စစ်သားသည် ဆရာ့ရင်ဘတ်ကို လှံစွပ်ဖြင့် ထောက်ထားသည်။ ဆရာက လက်မှဓား ကို လွှတ်ချ လိုက်ရ၏။
"ဒိုင်း"
မမျှော်လင့်ဘဲ သေနတ်သံတစ်ချက် ပေါ်ထွက်လာသည့် တစ်ခဏ၌ ဆရာ့ရင်ဘတ်ကို လှံ စွပ်နှင့်ထောက်ထားသော ဂျပန်စစ်သားသည် ပျော့ခွေလဲကျသွား၏။ အခန်းတစ်ထောင့် တွင်မူ စောစောက ဆရာပုတ်ချလိုက်သော ခြောက်လုံးပြူးကိုကိုင်ရင်း မသန်းရှင်သည် မိမိ ကိုယ်မိမိ ဘာလုပ်မိသည် မသိသူတစ်ဦးကဲ့သို့ ရပ်နေသည်။ ခြောက်လုံးပြူးပြောင်းမှ အငွေ့တလူလူ ထွက်နေသည်။

လျင်မြန်သောဆရာသည် သူ့နောက်မှ ချုပ်ထားသော ရာဇ၀တ်အုပ်ကို ကိုင်ပေါက်ချလိုက် သည်။ ရာဇ၀တ်အုပ်၏ ခန္ဓာကိုယ်ကြီး ကြမ်းပြင်ပေါ်သို့ ကျသွားလျှင်ကျသွားရင်း အောက် ၌ကျန်ရစ်သော ဂျပန် ဒရိုင်ဘာ သည် ပြေးတက်လာ၏။ ဆရာသည် ဂျပန်ဓားရှည်ကို ကောက်ယူ၍ နောက်တပ်တက်လာသော ဂျပန်စစ်သား ဆီ လှံပစ်သကဲ့သို့ ဂျပန်ဓားရှည် ကြီးသည် စစ်သား၏ ရင်ဘတ်ဆီ တည့်တည့်ကြီးဝင်စိုက် ထုတ်ချင်းဖောက် သွားသည်။ အခြေအနေ လုံးဝပြောင်းလဲသွားသည်။ ဂျပန်စစ်သားနှစ်ဦး သေခဲ့၍ ဂျပန်စစ်ဗိုလ် မှာ သတိ လစ်မေ့နေသည်။ ကြမ်းပြင်မှကုန်းထသော ရာဇ၀တ်အုပ်ကို ဆရာသည် ဓားနှောင့် နှင့် နောက်စေ့ကို ရိုက်ချလိုက်ရာ သူပါ ငြိမ်သွားသည်။

ထိုအချိန်ထိ ကျွန်တော်သည် စာကြည့်ခန်းတွင်း၌ ရှိသည်။ ကိုအုန်းမောင်နှင့် မခင်သိန်းတို့ က ဘယ်က ပေါ်လာသည် မသိ။ မျက်လုံးအပြူးသားနှင့် အိမ်ပေါ်ရောက်လာကြသည်။ ထိုအခါမှ ကျွန်တော်လည်း အခန်းတွင်း မှ ထွက်ခဲ့မိသည်။ ဆရာသည် ရာဇ၀တ်အုပ်ခါးမှ ခြောက်လုံးပြူးကိုပါ ယူလိုက်၍ မခင်သိန်းကို လှမ်းပေးသည်။ ဂျပန်စစ်သားနှစ်ဦးဆီမှ ရိုင် ဖယ်နှစ်လက်ရသည်။ တစ်လက်ကို သူလွယ်လိုက်၍ တစ်လက် ကို ကိုအုန်းမောင်သို့ပေး သည်။ ထိုအခါကျမှ ကိုအုန်းမောင်သည် သတိဝင်လာဟန် မေးသည်။
"ငါ့ညီ… ဘာတွေဖြစ်နေတာလဲ…"

"ဘာတွေဖြစ်တာ မေးမနေနဲ့၊ ကျုပ်တို့အားလုံး ဒီနေရာက ပြေးရမယ်၊ မခင်သိန်းနဲ့ မသန်းရှင်… ရွှေတိုငွေစ တွေ အမြန်ဆုံးသိမ်း…"
အခြေအနေကိုရိပ်မိသော မခင်သိန်းနှင့် မသန်းရှင်တို့ အခန်းတွင်းသို့ ပြေးဝင်သွားကြ သည်။
ဂျပန်စစ်ဗိုလ် လှုပ်ရှားလာသဖြင့် ဆရာသည် မျက်နှာကို ဖနောင့်နှင့် သုံးချက်ဆင့် ပေါက် လိုက်သည်။ ဂျပန် ငြိမ်သွား သည်။
"ကဲ…ငယ်လေး…တို့တွေ အားလုံးသွားရမယ်၊ မင်း လူမမြင်အောင် နောက်ဖေးပေါက်က တိတ်တိတ်ပြေး ပေတော့"

"အို…ကျွန်တော်လည်း ဆရာနဲ့လိုက်မှာပေါ့"ဆရာသည် စိတ်ထိခိုက်သွားဟန် ပြသည်။ ထို့နောက် ခေါင်းကို ခါသည်။
"ငါ့တပည့် အသက်ငယ်သေးတယ်၊ ဆရာတို့နဲ့ လိုက်လို့မဖြစ်ဘူး၊ ဒီတော့ ငယ်လေးကို အမှုမပတ်အောင် လူ မမြင်ခင် မြန်မြန်ပြေးပေတော့၊ ဆရာ့စကားကို နားထောင်"
ကျွန်တော်သည် ဆရာ့စကားကို မပယ်လှန်ရဲသဖြင့် အိပ်နောက်ဖေးပေါက်မှ ကွေ့ပတ် ထွက်ပြေးပြီး ရွာထိပ် မှ ရွာတွင်းပြန်ဝင်ခဲ့သည်။
ကျွန်တော် ရွာတွင်းရောက်သောအခါ ဆရာတို့ခြံဝ၌ လူအတော်စည်နေပြီ။ လူကြားထဲ၌ နှစ်လုံးပြူး ထမ်းထား သော ဆယ်အိမ်ခေါင်းကိုလည်း တွေ့ရသည်။ ကျွန်တော်က သူတို့ အနီး တမင်တိုးဝင်သွား၍ မေးသည်။

"သူကြီး…ကျုပ်ဆရာ ဘာဖြစ်လို့လဲဗျ"
သူကြီးက မျက်စောင်းထိုး၍ ပြန်မဖြေ။ ဆယ်အိမ်ခေါင်းကသာ ရှင်းပြသည်။
"ခွေးမသားလေး၊ နင် ဘယ်လျှောက်သွားနေတာလဲ…နင့်ဆရာ လူသတ်လို့"
"ဗျာ…လူသတ်လို့၊ မဖြစ်နိုင်တာဗျာ"

ကျွန်တော်သည် ဟန်ဆောင်၍ ရှေ့သို့တိုးရန်ပြင်သည်။ သို့ရာတွင် အနီး၌ရှိသော ဘထွေးလေးက ကျွန်တော့်လက်မောင်းကို လှမ်းဆွဲသည်။
"ငါ့လူရ…ငြိမ်ငြိမ်နေစမ်းပါ၊ နင့်ပါ အမှုပတ်နေဦးမယ်၊ နင့်ဆရာ လူသတ်တာ လူမဟုတ်ဘူး၊ ဂျပန် ဘာမှတ်လို့လဲ"
ကျွန်တော် သည် အသာငြိမ်နေလိုက်သည်။

သူကြီးနှင့် ဆယ်အိမ်ခေါင်းသည် နှစ်လုံးပြူးကြီးနှင့် ရှေ့တိုးသည်။ သို့ရာတွင် အိမ်ပေါ်မှ ထွက်လာသူများ မြင်သည်တစ်ခဏ၌ တန့်သွားကြ၏။ မခင်သိန်းနှင့် မသန်းရှင်က ခြောက် လုံးပြူးကိုယ်စီနှင့် ဖြစ်သကဲ့သို့ ဆရာတို့ ညီအစ်ကိုကလည်း ရိုင်ဖယ်ကိုယ်စီနှင့် ဖြစ် သည်။ သူကြီးနှင့် ဆယ်အိမ်ခေါင်းသည် နောက်ဆုတ်၍ လူအုပ်ကြား၌ ငြိမ်ငြိမ်လေး နေ လိုက်ကြသည်။ ဆရာသည် လူအုပ်ကို တည်ငြိမ်စွာကြည့်၍ "ရွာသူရွာသား အားလုံးကို ကျွန်တော်ပြောချင်တယ်၊ ကျွန်တော်တို့ကတော့ ဒီရွာနေလို့မဖြစ်ဘူး သွားတော့မယ်၊ ဒီ တော့ မကြာခင် ရွာကို ဂျပန်တွေ လာမွှေမှာပဲ၊ အဖိုးတန်ပစ္စည်းတွေနဲ့ သမီးပျိုတွေကို တခြားရွာ ရွှေ့ထားကြ၊ ပြီးတော့ အစစ သတိဝီရိယနဲ့ နေကြ၊ တစ်ခုတော့ ကျုပ်မှာခဲ့မယ်၊ ဒီဂျပန်ကောင် တွေကို တစ်နေ့ ဗမာတစ်မျိုးလုံး ခံချလိမ့်မယ်၊ အဲဒီအချိန်မတိုင်မီ လိမ်လိမ် မာမာ စည်းစည်းရုံးရုံးနေကြ၊ ကျုပ်လည်း တစ်နေ့ပြန်လာခဲ့မယ် ဒါပဲ"

နောက်ဆုံးစကားများကိုမူ ဆရာသည် ဆို့နင့်စွာပြော၍ လူအုပ်ကြားသို့ဆင်းကာ မားမား ကြီး ထွက်ခွာသွားသည်။ သူ့နောက်မှ မခင်သိန်း၊ မသန်းရှင်၊ ကိုအုန်းမောင်တို့ လိုက်ပါ သွားကြသည်။ ဆရာတို့ တော်တော်ဝေးဝေးရောက်ကာမှ သူကြီးသည် ရွာသားများ အကူ အညီဖြင့် အလောင်းတို့ကို ကောက်ယူသည်။ နှစ်လုံးပြူးကြီး တကားကားနှင့် ဟိုအမိန့် ပေး ဒီအမိန့်ပေး ပြုလုပ်သည်။
ကျွန်တော်နှင့် ရွာသားသုံးလေးဦးသည် ရည်ရွယ်ချက်မဲ့စွာဖြင့် ဆရာတို့သွားရာဘက် ထွက်ခဲ့ကြသည်။

အကျမြန်သော ဆောင်းနေသည် ငုပ်လျှိုးစဖြစ်၏။ ကျွန်တော်တို့ ရွာပြင်တစ်ဝိုက်ရှိ လယ် ကွင်းများကိုလွန်၍ မျှော်ကြည့်သော် အရှေ့ဘက်၌ မိုးလေးသည် မှုန်မှိုင်းစွာရှိနေ၏။
ရိုးလေးတောင်ခြေရှိ မြူဆိုင်းစ အင်တိုင်းတောအတွင်း တိုးဝင်ပျောက်ကွယ်သွားသော ဆရာ တို့တစ်သိုက် ကို အဝေးမှ ကျွန်တော်တို့ လှမ်းမြင်ရသည်။
ကျွန်တော့်ဆရာကို ဘယ်သောအခါမှ ပြန်လည်တွေ့ရပါမည်နည်း။ ဤအတွေးဝင်လာမိ သည်နှင့် တစ်ပြိုင်နက် လယ်မြေပြင်တွင် ဒူးထောက်ရင်း ကျွန်တော်သည် မျက်နှာကို လက် ၀ါးနှင့်အုပ်၍ ချုံးပွဲချ ငိုကြွေး မိပါသတည်း။

ဆက်ရန်
.