Monday, November 29, 2010

သော်တာဆွေ ၏ ဘွန္တောကြက်သူခိုး အပိုင်း (၁၈)

'င့ါလခွီးတဲ့ ရှုပ်လိုက်တာ၊ ကဲ...အော်လိုက်ကြစမ်းဗျာ'
'ရဲဘော်တက်ပု တို့ဥက္ကဌ'
'အဲ ...ဟုတ်ပြီ၊ နို့ပြီး ဒီစကားပြောပွဲအတွက် နာယက ရွေးရဦးမယ်'
'ဘာလဲကွ နာယက၊ တို့နားမလည်ဘူး'

'စကားပြောတာမှာ အငြင်းအခုံဖြစ်ရင် အုပ်ထိန်းဖို့ လူကြီးကွာ'
ဟာ..... ဒါဖြင့် ဗလကောင်းကောင်းလူ လုပ်ခိုင်းမှပဲ၊ ဟော.... ပန်းပဲဆရာ ကိုတောက်တဲ့'
'အော် ...ဟုတ်တယ်... ဟုတ်တယ်၊ တို့အထဲ သူအကြီးဆုံးပဲ အသန်ဆုံးပဲ
ဤတွင် ကျွန်တော်က...

ဘယ့်နှယ် ကိုတောက်ကြီး လုပ်မယ်မဟုတ်လား'
မျက်ခုံးမွေးထူထူ မျက်လုံးပြူးပြူးကြီးနှင့်။
လုပ်မှာပေ့ါကွ
အဲ... ဟုတ်ပြီး အတွင်းရေးမှူးတို့ ပလင်းရေးမှူးတို့တော့ နောက်မှ ရွေးကြတာပေါ့၊ ကဲ... ဒီအသင်းဖွဲ့ရတဲ့ အကြောင်းနဲ့ လုပ်ငန်းစဉ်ကို ပြောပြပါမယ်
ဟေ့ တက်ပု နေဦးကွ၊ မင့်အလှည့် လုပ်လိုက်ဦး
ကျွန်တော်တို့အသင်းမှာ စည်းဝေးရင်းလည်း အသောက်မပျက်ချေ။ အရက်နှင့် ထန်းရည် ရောထားသော ခွက်ကိုမော့ချလိုက်ပြီး...

အသင်းကို ဖွဲ့ရတဲ့ အကြောင်းကတော့ အထူးပြောစရာတောင် လိုမယ်မထင်ပါဘူး၊ လောကမှာ ယောက္ခမနဲ့သမက် ပဋိပက္ခမှုတွေကြောင့်ပါပဲ၊ ပဋိပက္ခဆိုတော့ ချိတ်ချိတ်ချင်းမို့ ချိတ်ကြတာပါပဲ၊ သို့သော်လဲ ယောက္ခမနဲ့ သမက်ဖြစ်လိုက်ရင် အများအမြင်က သားသမီးနဲ့ မိဘ လူကြီးနဲ့လူငယ် သမက်ကိုချည်း အပြစ်ချတတ်ကြတယ်၊ နို့ပြီး  ကြည့်ဦး ယောက္ခမဆိုတာက မိန်းမတွေဗျ၊ သမက်နဲ့ကျွီ ခနဲဖြစ်ပြီးလို့ ရန်ပွဲစဲသွားပေမယ့်သူတို့မှာ ကိစ္စပြီးသေးတာမဟုတ်ဘူး၊ သူတို့မိန်းမချင်း လာမေးလုိ့လည်းကောင်း၊ အိမ်တော်ကတာ လည်၍လည်းကောင်း၊ သမက်မကောင်းကြောင်း အထင်းပြောလိုက်ကြသေးတယ်၊ ကျုပ်တို့အယ်.... ဟုတ်ပါဘူး၊ ငါတို့သမက်များမှာတော့ ယောက္ခမနဲ့ ရန်ဖြစ်ရတယ်ဆိုပဲ ရှက်လှလို့ ဘယ်သူ့မှ ဘာမှမပြောဝံ့တဲ့ပြင် မေးမယ့်လူမြင်ရင် ရှောင်တောင်နေရပါသေးတယ်။

ယောက်ျားကိုးဗျ၊ မိန်းမသားဖြစ်တဲ့ ယောက္ခမနဲ့ ရန်ဖြစ်ရတာကို ရှက်တယ် အရပ်ကကြားလို့မလျော်ဘူးလို့ ယူဆတယ်၊ အဲဒါကြောင့်ပဲ ငါတုိ့သမက်ထု နှစ်နာမှုဖြစ်နေတာ ငါတုိ့မကောင်းကြောင်းပဲ အရပ်မှာ ပျံ့နှံ့တယ်၊ သင်းတို့ဆိုးတဲ့အချက်ကိုတော့ ငါတို့က နှုတ်ငြိမ်နေလေတော့ အရပ်ကမသိကြဘူး၊ ဒီတော့ ဘာပဲဖြစ်ဖြစ် သမက်ဆိုးတယ်၊ သမက်ဆိုးတယ် လူကြီးနှဲ့လူငယ် ပြန်အာခံတဲ့ကောင် အ၀ီစိတစ်သက် လွတ်ရက်မရှိလောက်အောင် အပြောခံကြရတယ်၊ နို့ပြီးကြည့်ဦး ယောက္ခမနဲ့သမက် ရန်ဖြစ်ကြပဟေ့ဆိုရင် သမီးက ဟော....ငါ့အမေဟဲ့ဆိုပြီး တကတဲ မအေဘက်ချက်ချင်း ပါသွားရော၊ ဒါဟာ လောကထုံးစံကြီးလိုပဲ ဖြစ်နေတယ်၊ တကယ်လို့ သမီးက မပါပြန်ရင်လဲ ၄င်းယောက္ခမဟာ မသီးကိုပဲ ချမ်းသာမပေးဘူး၊ ဟဲ့.... နင်ကဒီလင်ဒီလောက်မက်ရအောင် ဘာများပိုထူးလို့လဲဟဲ့၊ ဘာပဲညာပဲနဲ့ မကြားဝံ့မနာသာ အယုတ္တ အနတ္တပြောပါလေရော၊ ယောက္ခမကို ယုတ်ခမလို့ ပြောင်းပစ်ဖို့ ကောင်းတယ်။

ဟေ့...တက်ပုရော့.... မင်းအလှည့် လုပ်လိုက်ဦး
အဆင်သင့်ပင် ကျွန်တော် ကျွန်တော် အာခြောက်ပြေသွားကာ ဟေ့ခနဲ လေတစ်ချက်တက် လိုက်ပြီး တော်တော်ထွေစပြုပြီဖြစ်၍ စကားစဘယ်ရောက်သွားသည်မသိ။
အင်း..... အဲဒီတော့ရင် ဒါကြောင့် ဒီအတင်းကြီးကို ငါတို့ဖွံ့ရခြင်း ဖြစ်တယ်၊ နောက်အသင်းမှာဆိုရင် လဲအခုငါတို့လက်ရှိယောက္ခမဒဏ် ခံစားနေရသူများသာ မဟုတ်ဘဲ၊ လက်ရှိသမက်အပေါင်းတို့ ပါဝင်တဲ့ အသင်းကြီးဖြစ်ရမယ်၊ ဘာကြောင့်လဲဆိုရင် မိန်းမဆိုတာ ဆောင်းလေပမာညီဆိုတော့ ယောက္ခမဆိုတာလဲ ဆောင်းလေပမာညီပဲ၊ အခုကောင်းနေပေမဲ့ တော်တော်ကြာ ပြောင်းချင်ပြောင်းတဲ့ ဟာမျိုးတွေ၊ ဒါကြောင့် ယောက္ခမလက်ရှိ သမက်အားလုံးတှို့ဟာ ငါတို့အသင်း ကြီးကို ၀င်ထားကြရမယ်၊ ကမ္ဘာ့ကုလသမက်ကွ၊ ဆိုတဲ့ အသင်းကြီးနဲ့ ဆက်သွယ်ရမယ်၊ အဲဒီအသင်းကြီးနဲ့ ဆက်သွယ်မိလို့ အမေရိကန်ရဲ့ သြဇာခံမယ်ဆိုရင် ငွေကိုလိုချင် သလောာက်ရသတဲ့ ဆရာတို့၊ အဲဒီအခါမှာ ငါတို့သည် ခုလို ထန်းရည်မစွက်ဘဲ ချက်အရက်မီးတောက် သက်သက်ချည်း သောက်နိုင်တော့မည်။ ကဲ.... ရဲဘော်တို့ သိချင်တာရှိရင် မေးကြပါ။

ဤကား ကျွန်တော်သည် ဟိုနိုင်ငံရေး ဆရာကြီးတွေလို ကိုယ့်ကိုယ်ကို တော်လှပြီးထင်၍ မေးချင်တာ မေးခိုင်းသည် မဟုတ်ပါ၊ ကျွန်တော် ရှေ့ဆက်ပြီး ဘာဆက်ပြောရမှန်း မသိ၍ ဖြစ်ပါသည်။
ယင်း၌ တစ်ယောက်သောသူက
ကဲ... အသင်းဖွဲ့ အသင်းဝင်ကြတာတော့ ဟုတ်ပါပြီ၊ အရေးအကြောင်း တစ်စုံတစ်ခုဖြစ်လာတဲ့အခါ မှာအသင်းက ဘယ်လို ဆောင်ရွက်နိုင်မှာလဲ။

ကျွန်တော့်မှာ မိမိရထားသော ဗဟုသုတဖြင့်...
ဥပမာ.. အသင်းသား တစ်ယောက်ဟာ ယောက္ခမနဲ့ ပဋိပက္ခဖြစ်ခဲ့ပြီ ဆိုပါတော့၊ အသင်းအစည်းအဝေး ဖိတ်ခေါ်ပြီး အစီရင်ခံရမယ်၊ အားလုံးနဲ့ ညှိနှိုင်းပြီး ကိုယ်လိုချင်တဲ့ ဆန္ဒကို ၄င်းယောက္ခမဆီမှာ အသင်းအနေနဲ့ တောင်းရမယ်၊ မပေးဘူးဆိုတဲ့အခါမှာ အသင်းသားအားလုံး ဟာရွာတဲ စီတန်းလမ်းလျှောက်ပြီး အော်ဟစ်ကြွေးကြော်သမှု ပြုရမယ်။
ဘာတွေ ဟစ်အော်ရမှာလဲ။

ဖြစ်ခဲ့တဲ့ကိစ္စမှာ ယောက္ခမရဲ့ ဆိုးတဲ့အချက်တွေချည်း ရွေးထုတ်ပြီးတော့ ကိုယ်လိုချင်တဲ့ ဆန္ဒနဲ့ တွဲအော်ရမယ်ပေါ့။
ဒီတော့ ဘာဖြစ်မလဲ
အရပ်က နားငြီးပြီးတော့ ကြားဝင်ဖျန်ဖြေရမယ်၊ အဲဒီအခါမှာ ကိုလိုချင်တဲ့ဆန္ဒ ရတာပေါ့
ဤတွင် ကိုပန်းရွှေဆိုသူ လူဂျပုလေးက..
ဟင်....ဒီအတိုင်းစမှန်ရင် ဟန်ကျပြီ။ ခု...ကျုပ်ယောက္ခမဆီမှာ အမွေခွဲပေးဖို့ တောင်းထားတယ်၊ ခင်ဗျားကြီး မသေခင် ကိုယ့်သားသမီးလေးတွေ ချေင်ချောင်လည်လည် စားသုံးနေတာ မြင်သွားရအောင် ထိုက်သင့်သမျှ ပေးပါဆိုတာ အလကားသက်သက် ပေကတ်နေတယ်၊ ဒါကိုအသင်းအနေက အရေးဆိုပေးစေချင်တယ်၊ ဘယ့်နှယ့်လဲ ...ဖြစ်နိုင်ပါ့မလား ရဲဘောတက်ပု။

အသင်းသားရဲ့ ကိစ္စမှန်သမျှ ရဲဘော်ပန်းရွှေ သိထားရဖို့က အသင်းအနေမှာ မဖြစ်နိုင်တာ မရှိရဘူး၊ ဘာပဲဖြစ်ဖြစ် ဖြစ်ရမယ် ကဲ...ကိုယ့်တို့ကိစ္စတွေ ခုညပဲ စတင်ပြီး အရေးဆိုအင်အားပြကြရအောင်။
ဘယ်လိုအင်အားပြမှာလဲ
ဒီလိုလေ၊ ဥပမာ ကျုပ်ကိစ္စဆိုပါတော့ တက်ပုအရေးတို့အရေး၊ တက်ပုဆန္ဒ ယောက္ခမပေးဟ ချက်ချင်း ခုလက်ငင်း၊ အဲလိုရွာရိုး လျှောက်အော်တာပေါ့ ကိုတောက်ကြီး ကိစ္စဆိုလဲ တောက်ကြီးအရေး တို့အရေး တောက်ကြီးဆန္ဒ ယောက္ခမ ပေးဟချက်ချင်း ခုလက်ငင်း၊ ကိုပန်းရွှေကိစ္စဆိုလဲ ဒီလိုပဲ၊ ဥစ္စာရှင် နာမည်ပြောင်းရုံပေါ့၊ နောက်အရပ်ထွက်မေးမှ ကိစ္စကို  အကျယ်ရှင်းပြတာပေါ့၊ ဟုတ်ဖူးလား။
အဲ... ဟုတ်ပီ... ဟုတ်ပီ။

ကဲ...... ကျန်တဲ့အရက်ကလေးကို ကုန်အောင်သောက်လိုက်ကြဦးစို့။
ကိုယ်ကတော့ တော်တော်မူးနေပြီ
အမယ်လေး..... ကိုပန်းရွှေရာ အားလုံး အတူတူသောက်ကြတာ၊ မူးတဲ့လူချည်းပေါ့။

ကျွန်တော်တို့သည် နောက်ဆုံး  သောက်စရာကုန်သည်၌ ရွာရိုးကိုလျှောက်၍ အော်ကြလေသည်။

    ပန်းရွှေအရေး၊ တို့အရေး
    ပန်းရွှေဆန္ဒ၊ ယောက္ခမ
    ပေးဟချက်ချင်း၊ ခုလက်ငင်း...
    တောက်ကြီးအရေး၊ တုိ့အရေး
    တောက်ကြီးခယ်မ၊ ယောက္ခမ
    ပေးဟချက်ချင်း ၊ ခုလက်ငင်း...
    တက်ပုအရေး ၊ တို့အရေး
    တက်ပုမိန်းမ၊ ယောက္ခမ
    ပေးဟချက်ချင်း၊ ခုလက်ငင်း....

လူတွေ မူးမူးရူးရူးနှင့် ဘယ်နှယ်ကြိမ် ဘယ်နှစ်ခါများ ရွာရိုးလျှောက်ပြီး အသွားအပြန် အော်လိုက်ကြသည် မသိ။
နောက်ဆုံး၌ သူကြီးအိမ်ရောက်ကြကာ စစ်ဆေး မေးမြန်းခြင်းကို ခံရလေသည်။ ကျွန်တော်မှတ်မိ  သမျှမှာ...
သူကြီး မင်းတုိ့မူးပြီး  ဘာအရူးထကြတာလဲ
အရူးထတာမဟုတ်ဘူး ဆန္ဒပြကြတာ

ဘာဆန္ဒလဲ
ကျုပ်တုိ့ ယ၊တ၊သ၊အ ရဲ့ ဆန္ဒ
ယ၊တ၊သ၊အ ဆိုတာ ဘာဘဲ
ယောက္ခမတော်လှန်ရေး သမက်များ အစည်းအရုံး
မင်းတို့အစည်းအရုံးကို ငါမတရားအသင်း ကြေညာတယ်ကွာ၊ လူတွေကို ပုဒ်မ (၅) ဖမ်းတယ်။
ဘာလဲ၊ ကျုပ်တှို့ကို ၅ ယောက်စီ ၅ယောက်စီ ပုတ်ထဲမှာ သင်းထားမှာလား။

အမူးစကားတွေ ပြောမနေပါနဲ့၊ ငါအိမ်မှာ ပုတ်မရှိဘူး၊ သွား...ခုည ငါစပါးကျီထဲ အိပ်ကြ၊ မနက် အမူးပြေတော့ ငါ့ကို ကျေနပ်အောင် တောင်းပန်၊ နို့မဟုတ်ရင် မလွှတ်ဘူး၊ ထိတ်တုံးချထားမယ် မှတ်ထား။
ဤလူစုထဲတွင် ခေါင်းအမာဆုံးကား ကျွန်တော် ဖြစ်သည်။ အကြောင်းမူကား နောက်တစ်နေ့နံနက် ဘယ်သူမှမနိုးခင် အစောဆုံးထကာ စပါးကျီ အပြင်ဘက် တံခါးပိတ်ထားသည်ကို နံရံပေါ်က ကျော်၍ဆင်း၍ သူကြီးကို နှိုး၍ ရှိခိုးပြီး ဝေလီဝေလင်း မြို့သို့ သုတ်ခြေတင်ခဲ့ပါသတည်း။  

ဆက်ရန်
.

1 comment:

Anonymous said...

နောက်ဆုံးအပိုဒ်ရောက်တော့ ရယ်လိုက်ရတာ

မြစ်ကျိုးအင်း