Tuesday, August 31, 2010

ကြယ်နီ အပိုင်း (၅၀)

ပုထုဇ္ဖနော ဥမ္မတ္တကော
(၁)

အထက်အညာဒေသရှိ မြို့ကလေးတစ်မြို့မှ ပွဲရုံတစ်ရုံအတွင်း ဧည့်ခန်းအဖြစ် သတ်မှတ် ဖွဲ့စည်း ထားသော စားပွဲရှည်တစ်လုံး နံဘေးမှ ကုလားထိုင်တစ်ခုထက်တွင် ထိုင်ကာ ကျွန်တော်သည် လက်ဖက်ရည်ကြမ်း ကို သောက်နေသည်။ ပွဲရုံရှေ့ရှိ မြေကွက်လပ်တွင်မူ ကွမ်းရွာဆေးပို အလုံးသုံး ဆယ်ခန့် သည် စီရရီဖြင့် ညီညာစွာ ရှိနေကြသည်။ ပွဲစားကြးသည် သူ့လက်အောက် လုပ်သားများဖြင့် ထိုဆေးပို များကို ပြုပြင်နေသည်။ ပွဲကတော်ကမူ အိပ်ခန်းတွင်းမှ ထွက်မလာသေး။

ကျွန်တော် ထိုင်နေသော စားပွဲနှင့် မနီးမဝေးတွင် ပွဲစားကြီး၏ စာရေးစားပွဲရှိသည်။ ပွဲစားကြီးသည် စာရင်းကိုင် မထားဘဲ ထိုစားပွဲတွင် သူကိုယ်တိုင် စာရင်းများကို ရေးမှတ်သည်။ ထိုစားပွဲ နံဘေးရှိ နံရံတွင် အကွက် အသား ကောင်းလှသော ဆေးရွက်ကြီးတစ်ရွက်ကို မှန်ပေါင်သွင်းကာ အမြတ်တနိုး ဆွဲချိတ် ထားသည်။ ထို ဆေးရွက်ကြီး၏ နံဘေးတွင် ရေဒီယိုတစ်လုံးကို တပ်ဆင်ထားသည်။
အချိန်မှာ နံနက်ခင်းဖြစ်၍ အရောင်းအ၀ယ် မဖွင့်သေးသည့်အတွက် ပွဲရုံတွင် ခြောက်ကပ် တိတ် ဆိတ် နေသည်။ ကျွန်တော်သည် ပျင်းပျင်းရှိလှသဖြင့် ဆေးပိုများကို စဉ်းစားနေမိသည်။ ကျွန်တော် ဤမြို့ကလေး သို့ ကုန်ရောင်း ရောက်ခဲ့သည်မှာ ၁၀ ရက်ခန့် ကြာရှိပြီဖြစ်၍၊ ပွဲစားကြီး၏ အကြောင်းကို အတော် အတန် ပင် စုံစမ်းသိရှိပြီးလေပြီ။

သူကား ' ဆေးဝိဇ္ဖာ' ဟု နာမည်ကျော်ကြားနေသော ပွဲစားကြီးတစ်ဦးပင် ဖြစ်ပါသည်။ ဆေးဝိဇ္ဖာဟု ဆိုလိုက် ၍ ပြဒါးဝိဇ္ဖာ၊ သံဝိဇ္ဖာ၊ အင်းဝိဇ္ဖာ အစရှိကုန်သော ၀ိဇ္ဖာအပေါင်းနှင့် ဆက်စပ်စဉ်းစားယူ လိုက် လျှင်တော့ တက်တက်စင်အောင်ပင် လွဲမှားသွားပေမည်။ သူ့အား ဆေးဝိဇ္ဖာဟု ဘွဲ့ထူးပေး ထားကြခြင်း မှာ သူသည် ကွမ်းရာဆေး၊ သစ်ထောင့်ဆေး စသော ဆေးများနှင့် ပတ်သက်၍ တစ် ဖက်ကမ်းခပ်အောင် ကျွမ်းကျင် တတ်မြောက်ထားသောကြောင့်ဟု ဆိုကြပါသည်။

ဤအတွက်နှင့် ပတ်သက်၍လည်း သူက မကြာခဏ ဂုဏ်ယူဝင့်ဝါ တတ်ပါသည်။ အကယ်၍ ကုန်သည် တစ်ဦးသည် သူက ၀ယ်ယူရန် တိုက်တွန်းနေသော ဆေးပိုကို 'မှားများ သွားမလား'ဟူသော သံသယဖြင့် ၀ယ်ယူရန် မ၀ံ့မရဲ ဖြစ်နေလျှင် သူက ' အို ... ကျုပ် ပြောတဲ့အတိုင်း ၀ယ်သာ ၀ယ်လိုက်စမ်းပါဗျ၊ ဒီလို ဆေးအစ မျိုးနဲ့ ဒီဈေးမျိုးဆိုရင် ဘယ်တော့မှ မမှား နိုင်ပါဘူးဗျ။ ကျုပ်ပြောရင် ယုံပါ၊ ကျုပ်က ဆေးနဲ့ ပတ်သက် လာရင် အရည်ကျိုသောက်လာတဲ့ အကောင်ပါဗျ' ဟု ပြောဆို တိုက်တွန်းတတ်ပါသည်။

သို့သော် ကုန်သည်များအဖို့ ဆိုလျှင်လည်း သူ၏ ဤသို့ အရည်ကျိုသောက်လာသည်အထိ ကျွမ်းကျင် နေမှုကြောင့်ပင် ပို၍ မ၀ယ်ယူရဲဘဲ ရှိနေတတ်ပါသည်။ အကြောင်းမူကား အရောင်းအ၀ယ် ဖြစ်မှသာလျှင် ၀ယ်သူ့ဘက်ကရော ရောင်းသူထံမှပါ နှစ်ဖက် ပွဲခကို ရရှိမည် ဖြစ်၍၊ အရောင်းအ၀ယ် ဖြစ်နိုင်ရန်အတွက် သူ တတ်ကျွမ်းနားလည်ထားသော ဆေးနှင့်ပတ်သက်သမျှ အထွေထွေ ဗဟုသုတကို အသုံးပြုကာ၊ မကောင်းကို အကောင်းလုပ် ပြောရာ၌လည်း ပါရဂူမြောက်လှပေသောကြောင့်တည်း။

အကယ်၍ ၀ယ်ယူမည့်သူက မ၀ယ်ယူလိုသောကြောင့် ဖြစ်စေ၊ တတ်ယောင်ကား လုပ်လို၍ဖြစ်စေ၊ သူ ၀ယ်ယူရန် တိုက်တွန်းသောဆေးကို အပြစ်အနာကလေးများ ဖော်ပြ ပြောဆိုမိပါက သူသည် ပြင်းထန်စွာ ချေပ ပြောဆိုတတ်ပါသည်။

' အောင်မာ ... ခင်ဗျားတို့က ခုမှ ဆေးအရောင်းအ၀ယ် လုပ်မယ် ကြံတာပါဗျ၊ ကျုပ်က ငယ်စဉ်ထဲက ဆေးကြားထဲမှာ ကြီးလာတဲ့ကောင်ပါ။ ဆေး ကောင်းမကောင်း ဆေးပိုကို ဖြဲခွဲပြီး ကြည့်မနေရဘဲ ဆေးပိုနံဘေးက လက်တစ်ဝါး သာသာလောက် လှပ်ပစ်ပြီး ဆေးခေါင်းကို ကြည့် လိုက်တာနဲ့ ဒီဆေးရဲ့ အကြီးအသေး၊ အညံ့ အကောင်း အမျိုးအစားနဲ့ ဘယ်နယ်က ထွက်တဲ့ဆေး ဆိုတာ တပ်အပ်ပြောပြနိုင်တဲ့ အကောင်ဗျ' ဟု တုံ့ပြန် ပြောဆိုတတ်ပါသည်။ မှန်သည်၊ သူကား ဆေးနှင့် ပတ်သက်လာလျှင် 'နိုးတူး' ဟု စွဲမှတ် ထားသူဖြစ်ရာ၊ သူ့ထက် တတ်သိသလိုလိုနှင့် ဆင်ခြေတက်လာသော အကြောင်းပြချက်များကို သူ လုံးဝ လက်မခံနိုင်ပါ။

ဤသို့ ဆေးဝိဇ္ဖာ ဟူသော ဘွဲ့ထူးကို ခံယူထားသော်လည်း သူ့ပွဲရုံမှာ ဆေးတစ်မျိုးတည်းကိုသာ လက်ခံရောင်းဝယ်ခြင်း ပြုသည်ဟူသော အဓိပ္ပာယ်ကိုတော့ မသက်ရောက်ပါ။ ထန်းလျက်၊ မန်ကျည်း၊ ဆီ စသော အညာကုန်များနှင့် ဆန်၊ ဆား၊ ငါးပိ၊ ငါးခြေိာက် စသော အောက်ကုန်များကို လည်း လက်ခံရေင်းဝယ် ပေးပါသည်။ သို့သော် ဆေးကိုသာလျှင် အဓိကထား၍ ရောင်းဝယ်ခြင်းပြု ကာ၊ အခြားကုန်များကို အရံသဘောဖြင့် သာမညမျှသာ ရောင်းဝယ်ခြင်းမပြုပါသည်။

သူကား ဤသို့ ပွဲစားအလုပ်မျှသာမက ကုန်သည်လည်း လုပ်လိုက်ပါသေးသည်။ သူကား တောနယ်မှ ကိုင်းသမားမိတ်ဆွေ ပေါများသူဖြစ်ရာ၊ ထိုကိုင်းသမားများထံမှ ရောင်းချပေးရန် ပွဲရုံသို့ တင်ပို့ အပ်နှံထားသော ဆေးပိုများကို ငွေမချေရဘဲ အကြွေးသဘောဖြင့် ဈေးဖြတ်သိမ်းယူ၍ ရန်ကုန်သို့ တင်ပို့ ရောင်းချတတ်ပါသည်။ ရောင်း၍ရသမျှ ငွေများကို အပြန်တွင် ကုန်ဝယ်လာခဲ့ပြီး သူ့ပွဲရုံ၌ တင်ကာ ရောင်းချပြန်ပါသည်။ ဤနည်းအားဖြင့် ဤငွေများကို အသုံးပြုကာ အတန်ကြာ အောင်ပင် ရင်းနှီးရောင်းဝယ်ပြီးမှ ကိုင်းသမားများသို့ ပြန်လည် ပေးဆပ်တတ်သည်။ ဤသို့ လူရည် လည်မှု ကြောင့်လည်း တစ်နှစ်တစ်နှစ် သူ့ဝင်ငွေမှာ မနည်းလှပါ။

ဤသို့ ကိုင်းသမားများထံမှ ဆေးပိုများကို ရန်ကုန်သို့ တင်ပို့ရောင်းချရာ၌ သူ တတ်ကျွမ်းသော ၀ိဇ္ဖာ ပညာကို အသုံးပြုနိုင်သည့်အတွက် သူ့အမြတ်ငွေမှာ ပို၍ ပို၍သာ ရလာပြန်ပါသည်။ ကိုင်းသမား လက်ထွက် ဆေးများမှာ ဆေးမျိုးကောင်းဆိုလျှင် ဆေးမျိုးကောင်းသန့်သန့်၊ ဆေးလက်ဆိုလျှင် ဆေးလတ် သန့်သန့်ဖြင့် သူ့အမျိုးအစားနှင့်သူ၊ သူ့အရွယ်အစားနှင့်သူ ရိုးသားသန့်စင်စွာဖြင့် တစ်ပိုစီ ခွဲခြား ထည့်သိုထားသည်။ ဈေးမှာလည်း ဆေးကိုလိုက်၍ သူ့ဈေးနှင့်သူ ခွဲခြားရောင်းချလိုက်သည်။ ဒါကို သူက ဆေးလတ်နှင့် ဆေးမျိုးညံ့များ ပျောက်ကွက်သွား၍၊ အားလုံး ဆေးကြီးနှင့် ဆေးမျိုးကောင်း ချည်းအဖြစ် ပြောင်းလဲလာအောင် သူ၏ ၀ိဇ္ဖာပညာဖြင့် ရောစပ် မွှေနှောက်ပစ်လိုက်နိုင်သောကြောင့် အမြတ် မှာ ပိုလာရခြင်းဖြစ်သည်။

ရောစပ်ပုံမှာ ပိုလွတ်တစ်လုံးထဲတွင် ဆေးမျိုးညံ့ တစ်ကိုင် ထည့်ပြီးလျှင် အပေါ်မှ ဆေးမျိုးကောင်း တစ်ကိုင်ဖြင့် သိုသိပ်ပိပြားစွာ ဖုံးအုပ်လိုက်သည်။ ဆေးလတ်တစ်ကိုင် ထည့်လျှင်လည်း အပေါ်မှ ဆေးကြီး တစ်ကိုင် ဖြင့် သိုသိပ်ပိပြားစွာ ဖုံးအုပ်လိုက်ပြန်ပါသည်။ ပိုပြည့်သွားသောအခါတွင် ဆေးမျိုး ညံ့နှင့် ဆေးလတ် မှာ ပျောက်ကွယ်သွား၍ အားလုံး ဆေးမျိုးကောင်းနှင့် ဆေးကြီးအဖြစ်သာ အမြင်လှ နေတော့သည်။ လွန်စွာ ကျွမ်းကျင်သော ကုန်သည်မဟုတ်လျှင် ရောစပ်ထားမှန်းမသိဘဲ မျက်စိမဋ္ဌှားကာ ဆေးမျိုးကောင်း နှင့် ဆေးကြီးဈေးပေး၍ ၀ယ်သွားရတတ်သည်။

ဤနည်းအားဖြင့် သူသည် ၀ယ်ရာ၌ ဆေးမျိုးညံ့နှင့် ဆေးလက်ကို ဈေးချိုချိုဖြင့် ၀ယ်ရသော်လည်း၊ ရောင်းရာတွင် မူကား အားလုံး ဆေးမျိုးကောင်းနှင့် ဆေးကြီးအဖြစ် ဈေးကောင်း ရောင်းလိုက် ရသည်ဖြစ်ရာ၊ သူ၏ အမြတ်ငွေမှာလည်း အဆမတန် ပိုလာတော့သည်။ ဤသည်ပင်လျှင် ဆေးဝိဇ္ဖာ အဖြစ် သူဂုဏ်ယူနေသော ပဉ္စလက်အတတ်နှင့် အောက်လမ်းပညာ ဖြစ်သည်။ သို့သော် ဘယ်သူတွေ ဘာပဲဖြစ်ဖြစ် ကိုယ် အမြတ်ရဖို့သာ အဓိက မဟုတ်လား။

ကျွန်တော်တို့ ပွဲစားကြီးမှာ ဤသို့သော ပွဲစားကြီးမျိုးဖြစ်ပါသည်။ သူသည် ဤသို့သော ဥာဏ်နီ ဥာဏ်နက်၊ ဥာဏ်ကလိမ်ချုံ၊ တစ်နပ်စားဥာဏ်၊ ပေါ်ကြော့ဥာဏ်မျိုးကို နေရာတကာ၌ လွှာ၍ အသုံး ပြုတတ် သည်ဖြစ်ရာ ကျွန်တော့်မှာ သူ့အား မလစ်သော မျက်စိဖြင့် အကဲခတ် လေ့လာနေရပါသည်။ ကျွန်တော်တို့လို တစ်ရပ်တစ်နယ်မှ ကုန်ရောင်း ရောက်သူများအဖို့ မြို့ခံပွဲ စားက မကောင်း၍ ပွဲစား သတ်လျှင် သေတတ်သည်ဖြစ်ရာ၊ ကျွန်တော့်မှာ သူ့ကို မျက်ခြည်ပြတ် မခံဘဲ စောင့်ကြပ် လေ့လာ နေရ ပါသည်။

(၂)

ပွဲကတော်သည် ခရီးဝေးသွားမည့်ဟန်ဖြင့် ဖြီးလိမ်းဝတ်စားကာ ထွက်လာပေပြီ။ သူ၏ အသက်မှာ သုံးဆယ်ကျော်၍ လေးဆယ်နားသိုပပင် ချဉ်းကပ်နေပေပြီ။ နဖူးရေနှင့် ပါးရေကလေးများပင် တွန့်စ ပြုနေပါပြီ။ သူ၏ မျက်လုံးအစုံမှာလည်း တောက်ပ ပူနွေးသော ရောင်ခြည်မျှင်များ ယှက်သန်း ကွန့်မြူးခြင်း မရှိဘဲ၊ လူသေ့ မျက်လုံးလို အေးတိအေးစက်နှင့် ထိုင်းမှိုင်းငြိမ်ဝပ်သည့်အသွင်ကို ဆောင်နေသည်။ ဆွဲငင်မြူညိူ့သော မျက်လုံးမျိုး မဟုတ်၊ တွန်းကန် မောင်းနှင်သော မျက်လုံး။ သည်မျက်လုံးက သူ၏ အလှသည် ကုန်ခန်းခဲ့ပြီဖြစ်၍ သူ့၌ တောက်ပသော မျှော်လင့်ချက်များလည်း ခြေက်ခန်း ကုန်ပြီ ဖြစ်ကြောင်း ဖော်ပြနေသည်။

တစ်ခါတစ်ရံတွင် ပွဲကတော်၏ မျက်လုံးအရောင်သည် ပြောင်းလဲသွားတတ်သည်ကို ကျွန်တော် သတိပြု မိသည်။ ဆွေးရိပ်သန်းနေသည့် မှိုင်းညို့ရီဝေနေသော မျက်လုံးအရောင်မျိုးသို့ ပြောင်းလဲ သွားတတ်ခြင်း ပင်ဖြစ်ပါသည်။ ထိုအချိန်တွင် သူ၏ မျက်နှာမှာလည်း ပူပုံပန်း ဟန်မူရာမျိုးသို့ ပြောင်းလဲသွားတတ်သည်။ တစ်နေရာရာကို ငေးစိုက်ကာ တွေးကွက်တစ်ခုတွင် နစ်မျောနေသလို ငြိမ်သက်နေတတ်သည်။

ထို့ကြောင့် ကျွန်တော်သည် ပွဲစားကြီးကို စိတ်ဝင်စားစွာ လေ့လာနေသလို ပွဲကတော်ကိုလည်း မသိ မသာ လေ့လာနေခဲ့ပါသည်။ သို့သော် ကျွန်တော် လေ့လာနေဆဲမှာပင် တစ်နေ့ ပွဲစားကြီး မရှိခိုက် ပွဲကတော်သည် ငိုကြီးချက်မနှင့် သူ၏ ရင်တွင်း၌ ခံစားနေရသော ဝေဒနာကို ကျွန်တေ့်အား ဖွင့်အန် ပါတော့သည်။ ဤတွင်မှ ကျွန်တော် သိလိုသော အဖြေများလည်း ဘွားခနဲ ပေါ်လာပါတော့ သည်။
ပွဲစားကြီး မှာ အပျော်အပါး အားကြီးသည်ဟုဆို၏။

အထူးသဖြင့် မိန်းမ လိုက်စားရန် ၀ါသနာထုံသည်ဟု ဆိုပါသည်။ ဈေးသူများ၊ အောက်အရပ်မှ ကုန်ရောင်း ရောက်လာတတ်သည့် မိန်းမများထဲတွင် သူ့အပျော်မယားများမှာ လက်ညိူးထိုး မလွဲဟုလည်း ဆိုသည်။ ပွဲကတော်၏ မိဘဘက်မှ ရရှိသော အမွေပစ္စည်းနှင့် ပွဲရုံမှ အမြတ်ငွေများမှာလည်း ဤမှာဘက်တွင်သာ သုံးဖြုန်းပစ်လိုက်သဖြင့် နှစ်ချုပ် စာရင်းရှင်းလိုက်သောအခါတွင် လက်ကျန်ငွေဟူ၍ မရှိတော့ဘဲ ကြွေးပတ်လည် ၀ိုင်းနေတော့ကြောင်း၊ ပြောမရ ဆိုမရ၍ လက်ပိုက်ပြီး ကြည့်နေရကြောင်း စုံတကာ့ကို စေ့သွား ပါတော့သည်။
ဈေးသူမျူားမှာ သူ့ပွဲရုံမှ ကုန်စည်များကို ' ခေါက်ပြန်ချေ ' သဘောမျိုးဖြင့် အကြွေးယူရောင်းကြရ သည်။ သူသည် ဤဈေးသူမျူားအား အကြွေးပေးရာ၌ များစွာ ရက်ရော၏။ အကယ်၍ သူ မျက်စိကျ သော မိန်းကလေး ဆိုလျှင် ပို၍ပင် ရက်ရော၏။ အနှမြောမရှိ၊ မတွန့်တို၊ မငြိုငြင်။

' ယူရောင်းပါ၊ ရောင်းပြီးမှ ပေးတာပေါ့၊ အို ... မချောင်လယ်သေးရင်လည်း နေဦးလေ။ သြ ... ဈေး ရောင်းလို့ကလည်း မကောင်း၊ ကုန်ကလည်း ရှုံးတာနဲ့ ငွေရင်းကလေးပါ ပြုတ်သွားပါသလား။ ကိစ္စ မရှိပါ၊ ပွဲစားကြီး က ငွေစိုက်ပြီး ရှင်းလိုက်ပါမည်။ ထပ်ယူပြီး ထပ်သာ ရောင်းပါ၊ ဒီကြားထဲ တခြား ဗာဟီရ အသုံး အတွက် ငွေလိုရင်လည်း ပြောတာပေါ့။ မယ်ညို ပဒုမ္မာနဲ့ နိုင်လွန်အင်္ကျီကလေးများ ကော မ၀တ်ချင်ဘူးလား။ ဘာ ... ၀တ်တော့ ၀တ်ချင်ပါရဲ့၊ ငွေအတွက်ကြောင့်မို့သာပါ၊ ဟုတ်လား။ အို ... ငွေ ဘာအရေး လဲ၊ ငွေဆိုတာ ပွဲစားကြီးက ဖြစ်တာပါ၊ ၀ယ်သာ ၀တ်၊ ၀ယ်သာ ၀တ် '
ကြာတော့ ပွဲစားကြီး၏ စေတနာ ကွန်ရက်အတွင်းဝယ် ကံဆိုးလှသော ဤဈေးသူခမျာ မလူးသာ မလွန့်သာအောင် အမိခံရမည်မှာ ဓမ္မတာပင် ဖြစ်ပါသည်။ ဤကား ဆင်းရဲသော ဈေးသူအချို့အား သူ၏ အပျော်မယားအဖြစ် သိမ်းသွင်းရာ၌ ပွဲစားကြီး ကျင့်သုံးသော နည်းပရိယာယ်ပင် ဖြစ်သည်ဟု ဆိုပါသည်။

သူ့ပွဲရုံသို့ တစ်ရပ်တစ်နယ်မှ ကုန်ရောင်းလာတတ်သော မိန်းမကုန်သည် တစ်ဦးဆိုလျှင်တော့ သူသည် အချိန်အတော်ကြာအောင် အကဲခတ် ကြည့်ရတတ်သည်ဟု ဆိုပါသည်။ အနေအထိုင်၊ အပြုအမူ၊ အပြောအဆိုများ တွင် ဖောက်ပြန်သော အရိပ်အယောင်ကလေးများ အစွန်းအစ ထွက် ပေါ်လာမည် မကြံလေ နှင့်။ ၃၇ မင်းကို ပန်းမကိုင်ဘဲကျပြီး ဖြစ်နေသော ပွဲစားကြီးက ထိုအချက်ကို အခွင့်ကောင်းယူ၍ ပါးနပ် လိမ္မာစွာ စခန်းသွားပြ လိုက်လိမ့်မည်။ ကုန်ရှုံးလွန်း၍ စိတ်ပျက် လက်ပျက်ဖြစ်ပြီး စိတ်လေနေသော အမူအရာ များကိုလည်း ဖော်မပြလိုက်ပါလေနှင့်။ ပွဲစားကြီး၏ ပရိယာယ် ကွန်ရက်အတွင်းဝယ် 'ဒက်'ခနဲ နေအောင် အမိခံရလိမ့်မည်။

သို့သော် တကယ့် ဣနြေ္ဒ ရှင် မိန်းမကုန်သည်အစစ် ဆိုလျှင်တော့ ပွဲစားကြီးသည် လူကြီးလူကောင်း ပီသ စွာဖြင့် ရိုးဖြောင့်စွာ ဆက်ဆံတတ်သည်ဟု ဆိုပါသည်။
ကျွန်တော်သည် ပွဲကတော်၏ စကားကို ကြားနာရပြီးနောက် ပွဲကတော် ပေါ်တွင် သက်ညှသနားမိ သော်လည်း ကျွန်တော်လည်း မည်သို့မျှ တတ်နိုင်သော ကိစ္စမျိုး မဟုတ်သဖြင့် ဆိတ်ဆိတ်ပင် နေ လိုက်ရ ပါသည်။ ပွဲကတော်မှာလည်း သူ့ရင်တွင်း၌ ခံစားနေရသော အကျိတ်အခဲများကို ကျွန်တော့် အား ဖွင့်အန်ချပြလိုက်ရပြီးဖြစ်၍ ရင်ထဲမှာ ရှင်းပြီး ပေါ့ပါးသွားဟန်ဖြင့် ကြည်ကြည်လင်လင် ရွှင်ရွှင် လန်းလန်း ပြန်ဖြစ် သွားပါတော့သည်။

စင်စစ် ပွဲကတော် ပြောပြသော အကြောင်းအချက်များသည် ယုံမှားသံသယ ရှိစရာမလိုအောင် မှန်ကန်သည့် အကြောင်းအချက်များသာ ဖြစ်သည်ဟု ကျွန်တော် ယုံကြည်ပါသည်။ ကျွန်တော်သည် ပွဲစားကြီး ၏ စားပွဲ အံဆွဲအတွင်းမှ စရင်းစာအုပ်များအောက်တွင် လျှို့ဝှက်စွာ ဖုံးဝှက်ထားသော 'လူကြီး ချိုချိုစို့နည်း'၊ 'ဃရာဝါသ နိဿရည်း'၊ 'ကာလီဒါသ၏ ကြာခြည်သဘာဝ' ဟူသော စာအုပ် သုံးအုပ်ကို အမှတ်မထင် တွေ့လိုက်ရပြီးကတည်းက ပွဲစားကြီး၏ ၀ါသနာကို ကျွန်တော်သည် ရိပ်စား မိပြီးဖြစ် နေပါသည်။

ပွဲစားကြီးသည် လူ့ဘ၀ကို လေးလေးနက်နက် အဓိပ္ပာယ် ပေးလိုသူမဟုတ်ပါ။ သူ၏ လူ့ဘ၀ အဘိဓမ္မာမှာ ပျော်ပျော်နေ သေခဲဖြစ်သည်။ ဘ၀တွင် နေရသည့်အခိုက် ပျော်ပျော်ကြီးနေမည်။ ပျော်စရာများ နောက်သို့သာ တကောက်ကောက် လိုက်မည်။ ပျော်စရာများ နောက်သို့ တကောက် ကောက်လိုက်ရင်း ကာမဂုဏ် တရားသည်သာ ပျော်စရာ ဖြစ်သည်။ လူ့ဘ၀ဆိုတာ ကာမဂုဏ်တရားကို နည်းအမျိုးမျိုးဖြင့် လိုက်စားခြင်း ဖြစ်သည်ဟူသော အချက်တွင် သွား၍ နိဂုံး ချုပ်သည်။

(၃)

ပွဲကတော်သည် ကျွန်တော့်အနီးရှိ ကုလားထိုင်တစ်လုံးတွင်  ၀င်ထိုင်ကာ ပွဲစားကြီးအား စောင့်ဆိုင်း နေသည်။ ကျွန်တော်က သူ့အား ' ဖြီးလို့လိမ်းလို့ ပါလားဗျ၊ ဘယ်သွားမလို့လဲ' ဟု မေးကြည့်ရာ၊ ချောက်မြို့ တွင် ကုန်ဖိုးငွေ ရစရာရှိနေ၍ ထိုကုန်ဖိုးငွေကို သွားရောက် တောင်းခံရမည်ဖြစ်ကြောင်း ပြန်လည် ဖြေကြားပါသည်။
ပွဲရုံ ရှေ့တွင် ဆေးပိုများနှင့် အလုပ်များနေဟန်ရှိသော ပွဲစားကြီးသည် ဖြီးလိမ်းဝတ်စားပြီး သူ့ကို စောင့်ဆိုင်း နေသော ပွဲကတော်ကို မြင်လိုက်သဖြင့် ပွဲရုံတွင်းသို့ဝင်လာကာ ကျွန်တော်တို့အနီးတွင် လာထိုင်၏။ နောက် ပွဲကတော်ကို စူးစမ်းသလို တစ်ချက်မျှ ကြည့်ရှုလိုက်ပြီးနောက် ' သြ ... မင်း သွားဖို့ အသင့်ဖြစ်နေပြီကိုး 'ဟု ရွတ်လိုက်၏။

' ဟုတ်လယ်လေ၊ သွားဖို့ အသင့်ပဲ ဖြစ်နေရမှာပေါ့။ ရှင်ကပဲ ဒီနေ့ မသွားရင် မဖြစ်ဘူး၊ ဒီငွေကို ဒီနေ့ ရဖို့ အရေးကြီး တယ်လို့ ဆိုထားတာကိုး'
' ဟုတ်တယ်၊ ဒီငွေကို ဒီနေ့ ရဖို့ အရေးကြီးတယ် '

ပွဲစားကြီးသည် ပွဲကတော်၏ စကားကို သံယောင်လိုက်ကာ ပဲ့တင်ထပ်လိုက်ပြီးနောက် ရုတ်တရက် ကျွန်တော့် ဘက်သို့ လှည့်၍ -
' ကဲ ... ခင်ဗျား စဉ်းစားကြည့်စားပါဦးဗျ၊ ကျုပ် အောက်အရပ်ကို ဆေးသွားရောင်းပြီး အပြန်မှာ ပါလာတဲ့ ဆန်နဲ့ ဆားအိတ်တွေဟာ ကျုပ်တို့ မြို့နဲ့ဆိုရင် နည်းနည်းများနေလို့ ချောက်မြို့က သူ့ပွဲရုံမှာ ခွဲပြီး ရောင်းဖို့ အပ်ထားခဲ့တာ ခြောက်လလောက် ရှိသွားပြီဗျ။ အဲဒီ ဆန်နဲ့ဆား ရောင်းလို့ ရတဲ့ ငွေကို ကျုပ်ကို ခုအထိ ရှင်းမပေးသေးဘဲ တစ်ဖက်လှည့်နဲ့ သူ့လုပ်ငန်းထဲမှာ ထည့်ပြီး ရင်းနှီး ရောင်းဝယ်နေတယ်ဗျ။ ပွဲစားအချင်းချင်း ဒီလိုလုပ်တာ ဘာကောင်းသလဲ၊ ကျုပ်တော့ သည်းမခံ နိုင်လောက်အောင် ဒေါသ ထွက်ပြီဗျို့ '

အမှန်ပင် သူသည် သည်းမခံနိုင်လောက်အောင် ဒေါသထွက်နေဟန်တူပါသည်။ အကြောင်းကို ဆိုသော် သူ့မျက်နှာသည် ချက်ချင်းပင် တင်းမာလာပြီးနောက် အံကိုလည်း တအား ကြိတ်ထားကာ၊ မျက်ထောင့်ကြီး မှာလည်း နီရဲနေသောကြောင့် ဖြစ်ပါသည်။ ဒါကို ပွဲကတော်က ဖျောင်းဖျသော လေသံ ဖြင့် -
' အို ... ဒီလိုလည်း ဒေါသ ရှေ့မထားနဲ့လေ၊ ကိုယ်ယုံကြည်လို့ သူ့ကို ရောင်းခိုင်းမိမှကိုး၊ ဒီတော့ သာယာ ညင်းပျောင်းနဲ့ ဖျောင်းဖျောင်းဖျဖျ ပြောတောင်းရတော့မှာပေါ့။ ကဲလေ ... ဟိုရောက်ရင် ကျုပ် ဘယ်လို ပြောတောင်း ရမယ်ဆိုတာသာ မှာလိုက်ပါ၊ ကျုပ် ရအောင်ကို တောင်းခဲ့မပေါ့ '

' ဆန်အိတ်နဲ့ ဆားအိတ်ဖိုးငွေဟာ ရက်ကြာလှပြီမို့ အခု အပြေရှင်းပေးပါလို့ပြော။ နေပါဦး ... ဘာ ညာဆိုရင် မနေနိုင်ဘူး၊ ကျွန်မတို့မှာ ငွေအသုံးလိုနေလို့ ဒီနေ့ ရမှဖြစ်မယ်၊ အဲဒီလို ပြောတောင်း၊ လေအေး ကလေးနဲ့ လုပ်မနေနဲ့၊ ခပ်မာမာသာ ပြော။ ဒီကောင်တွေက မတောင်းဘဲနဲ့ ပေးချင်တဲ့ ကောင်တွေ မဟုတ်ဘူး '
ပွဲစားကြီးသည် လက်သီးလက်မောင်းတန်းကာ ဒေါနှင့်မာန်နှင့်ပြောပြနေသည်။ အကယ်၍ သူ့ငွေ ရစရာ ရှိသော သူသာ ယခုမျက်မှောက်တွင် ရှိနေခဲ့ပါလျှင် သူသည် မှုန့်မှုန့်ညက်ညက်ဖြစ်အောင် ချေမှုန်း ပစ်လိုက်မည် မလွဲဟု ထင်မှတ်ရပါသည်။

ပွဲကတော် ထွက်ခွာသွားသည်နှင့်တစ်ပြိုင်နက် ပွဲစားကြီးသည် လုပ်စရာရှိသော အလုပ်များကို သူ့ လက်ထောက်သို့ လွှဲအပ်ကာ ရေချိုးနေတော့၏။ ပြီးနောက်တော့ တောက်ပ သစ်လွင်သော ၀တ်စားတန်ဆာ များဖြင့် ဆင်ယင် ပြုပြင်ထားသော ပွဲစားကြီးအဖြစ်သို့ ပြောင်းလဲ ရောက်ရှိသွားပါ ပြီ။

ပွဲစားကြီးသည် သူ့စားပွဲမှ ကုလားထိုင်တွင် ထိုင်နေရာမှ တစ်စုံတစ်ရာကို မျှော်လင့်နေသလို ပွဲရုံ ရှေ့သို့ မကြာခဏ လှမ်းကြည့်တတ်၏။ သို့ကြည့်ပုံမှာလည်း အမှတ်မထင် ကြည့်ပုံမျိုးမဟုတ်ဘဲ သူ မျှော်လင့်နေသော တစ်စုံတစ်ယောက်သည် ရောက်ရှိလာပြီလောဟု ဂရုတစိုက် စူးစမ်းကြည့်ရှုပုံမျိုး ဖြစ်၏။

ပွဲကတော် ထွက်ခွာသွားသည့် အချိန်မှစ၍ ဂနာမငြိမ် ဖြစ်နေသော ပွဲစားကြီး၏ အမူအရာမှာ တစ်မျိုးပင် ထူးခြားနေသောကြောင့်၊ ကျွန်တော်သည် ပွဲစားကြီးအား မသိမသာ အကဲခတ်နေမိသည်။ နောက်တစ်ကြိမ် ပွဲစားကြီသည် ပွဲရုံရှေ့သို့ မျှော်အကြည့်တွင် ကျွန်တော်လည်း သူ ကြည့်ရာသို့ လိုက်ကြည့်မိသည်။ အသက် ၂၀ ခန့် အသားဖြူဖြူ မိန်းမရွယ် တစ်ဦးသည် ပွဲရုံအတွင်းသို့ ၀င်လာ နေသည်ကို ကျွန်တော် မြင်တွေ့ရသည်။ သူ၏ ခြေလှမ်းများကား သွက်လက်ခြင်းမရှိဘဲ ပြစ်မှု ကျူးလွန်ထားသော တရားခံတစ်ဦးသည် တရားသူကြီးနှင့် ဂျူရီလူကြီးများ၏ ရှေ့မှောက်သို့ လျှောက်လာ နေရ သလို လေးလံ တွန့်ဆုတ်နေ၏။

' သြော် ... မလှခင် လာလာ၊ နင့်ကုန်တွေတော့ ရောင်းပြီးပါပြီ၊ မျှင်ငါးပိ နှစ်ပုံး သုံးပုံးလောက်ပဲ ကျန် တော့တယ် '
ပွဲစားကြီးသည် ၀မ်းသာအယ်လဲ ဖြစ်သွားသည့် အမူအရာကိုမူ ဟန်ဆောင်ဖုံးဖိ၍ မထားနိုင်ဘဲ၊ အရေးတကြီး မူရာဖြင့် ပွဲရုံဝသို့ ကိုယ်တိုင် ထွက်ကြို၏။ မိန်းမပျိုကား ဘေးဘီကို ကြည့်ရှုခြင်း မရှိဘဲ ရှက်သွေးရောင် လျှမ်းနေသော မျက်နှာကလေးကို အောက်သို့ ငုံ့ထားကာ မူမမှန်သော ခြေလှမ်း များဖြင့် ပွဲရုံထဲ သို့ ၀င်ရောက်လာသည်။

' နင့် ... မျှင်ငါးပိက နည်းနည်းကြမ်းနေလို့ တစ်ရာ့နှစ်ဆယ် ဈေးနဲ့ ရောင်းထုတ်ပစ်လိုက်တယ်လေ။ တစ်ရာ့ သုံးဆယ်ဈေးရအောင် ဆွဲရောင်းပါသေးရဲ့၊ ဒါပေမဲ့ အ၀ယ်က မလိုက်တော့ တစ်ရာ့နှစ် ဆယ့်ဈေး နဲ့ပဲ ရောင်းပစ်လိုက်ရတယ် '
ပွဲစားကြီးက ရွှန်းရန်းဝေအောင် ပြောဆိုနေသော်လည်း မိန်းမပျိုကား တစ်ခွန်း တစ်ပါဒမျှ ပြန်ကြား ခြင်းမရှိဘဲ ရှက်သွေးရောင် လျှမ်းနေသောမျက်နှာ၊ မလုံမလဲ ဖြစ်နေသော အမူအရာဖြင့် ခေါင်း ကလေး ကိုသာ အောက်သို့ ငုံ့ထားရှာသည်။

ပွဲစားကြီးကား လူပရိသတ်ရှေ့၌ မိန်းမပျိုအား ကုန်သည်တစ်ဦးအဖြစ် နာမ၀ိသေသန တပ်ဆင်ကာ သရုပ်ဖော် ပေးနေသော်လည်း သရုပ်မှန် မဟုတ်ဘဲ သရုပ်ပျက်သာ ဖြစ်ကြောင်း မိန်းမပျို၏ အမူအရာ အားဖြင့် ၀န်ခံနေသည်။ တကယ့် သရုပ်မှန် မိန်းမတစ်ဦးဆိုလျှင် အမူအရာအားဖြင့် ဖျပ်လတ် သွက်လက် ၍ စကားလည်း ကြွယ်ရမည်။ ပွဲစား တစ်ခွန်းကို သူက နှစ်ခွန်း၊ သုံးခွန်း ရအောင် အလုအယက် ပြောနိုင် ရမည်။ အသံမှာလည်း စာစာညံညံနှင့် နားမခံသာအောင်ရှိရမည်။

စကားပြောပုံ ဆိုပုံမှလည်း ခေါင်းညိတ်၊ လက်ကာ၊ ရင်ကလေးကို လှုပ်တဲ့ကာ မျက်စကလေးကို ချီ၊ျက်လုံးကလေးများကိုတော့ စွေချည်တစ်ခါ၊ စောင်းချည်တစ်လှည့်၊ နှုတ်ခမ်းကိုရွဲ့၍ မဲ့သည့်အခါ မဲ့၊ မေးကလေးကို ရှေ့ထိုး၊ အမျိုးမျိုးဖြင့် သုံးဆယ့်နှစ်ကောဌသလုံး လှုပ်ရှားခြင်း ရှိရမည်။ ယခုတော့ တကယ့် သရုပ်မှန်နှင့် ကိုက်ညီခြင်း မရှိဘဲ တေမိဇာတ် ခင်းနေခြင်းက ပွဲစားကြီး၏ သရုပ်ဖော်ချက် သည် သရုပ်ပျက် သာဖြစ်ကြောင်း ထင်ရှားနေသည်။

ကျွန်တော်ကား ပွဲကတော် ထွက်ခွာသွားပြီးနောက်မှ ဂနာမငြိမ် ဖြစ်နေသော ပွဲစားကြီးနှင့်၊ ပွဲကတော် မရှိခိုက်မှ ရောက်ရှိလာသည့် သရုပ်ပျက်နေသော မိန်းမပျိုတို့ကို ဆက်စပ်ကာ ဤသူနှစ် ဦးအပေါ်တွင် ထူးထူးခြားခြား စိတ်ဝင်စားမိပေပြီ။

(၄)

မွန်းတည့်နေသည် သဲ  ဆန်သော အညာမြေပေးသို့ ပူပြင်းသော ရောင်ခြည်ကို သွန်းလောင်းပေး နေရာ သဲပွင့်ကလေးများမှာ နေရောင်ဟပ်၍ ၀င်းဝင်းတောက်နေသည်။ တမာပင်နှင့် မန်ကျည်းပင် များ အပေါ်ဝယ် အိပ်ငိုက်နေကြသော ကျီးအချိ့၏ ' အား ... အား ... အား ' ဟူ၍ ပျင်းရိ လေးတွဲ့စွာ အော်မြည်နေသံသည် တိတ်ဆ်ိခြောက်သွေ့သော ရှုခင်းကို အသက်သွင်းပေးနေသည်။
ဆေးပိုများကို ပြုပြင်လျက်ရှိသော ဆေးအလုပ်သမားများကား မောမောနှင့် ထန်းတောသို့ သွားသူက သွား၊ ထမင်းစား ပြန်သူက ပြန်ကုန်ကြသောကြောင့် ပွဲရုံရှေ့တွင် ခြောက်ကပ်တိတ်ဆိတ်နေ၏။ နေ့လယ်နေ့ခင်းဖြစ်၍လည်း အရောင်းအ၀ယ် မရှိသောကြောင့် ပွဲရုံ တွင်း၌ လူသူကင်းရှင်းကာ ဆိတ်ငြိမ်နေ၏။

ကျွန်တော်သည် ဧည့်ခန်းရှိ တန်းလျားထက်တွင် တုံးလုံးလျောင်းကာ ' ချားလ်စ် ဒစ်ကင်း' ၏ ' အိုလီဗာတွစ်စ်' ၀တ္ထုကို ဖတ်နေသည်။ ၀တ္ထုထဲတွင် ပါဝင်သော 'အိုလီဗာတွစ်စ်'၏ ကြေကွဲဝမ်းနည်းဖွယ် ကောင်းလျသော သနားစဖွယ် ဘ၀။ ခိုကိုးရာကင်းမဲ့သော မိဘမဲ့ ကလေးသူ ငယ်များအား ပြုစုစောင့်ရှောက်ရာ ဌာနဟု အဆိုရှိသော ဘုံအိမ်ကို ကြီးကြပ်အုပ်ချုပ်ရသည့် ဘုတ် အဖွဲ့ဝင် လူကြီးမင်း ဘုရားများ၏ အပြင်ပန်း လှသလောက် အတွင်းသဘော ပုပ်ဟောင်လှပုံကို ခြယ်ရေးရာတွင် များစွာ ထိလှ မိလှသည့်အတွက် ကျွန်တော်၏ စိတ်အာရုံတစ်ခုလုံး စာအုပ်ထဲတွင် သာ စုံးစုံးနစ်မြုပ်နေ၏။

' ဗျို့ ဆရာကြီးရဲ့ ... စာအုပ်ကို စိုက်ကြည့်နေလိုက်တာ မျက်လုံးကို ကျွတ်ကျတော့မယ့်အတိုင်း ပါပဲကလားဗျာ ... လက်ဖက်ရည်ဆိုင် သွားပြီး လက်ဖက်ရည် သောက်ချည်ရအောင် '
စာအုပ်ထဲတွင်သာ ၀င်စားလျက်ရှိသော ကျွန်တော်၏ စိတ်အာရုံတို့သည် အသံက ဆွဲဆောင်လိုက် သဖြင့်၊ ကျွန်တော်သည် စာအုပ်မှ မျက်လုံးကိုခွာကာ အသံရှင်ကို မော်ကြည့်မိ၏။ အခြားသူတော့ မဟုတ်၊ ပွဲစားကြီး၏ လူယုံတော်တစ်ဦးပင် ဖြစ်သည်။

ကျွန်တော် ဤမြို့ကလေးသို့ ကုန်ရောင်း ရောက်ရှိခဲ့သည်မှာ ၁၀ ရက်ခန့်ပင် ကြာရှိလေပြီ။ ဤရက် များအတွင်း သူသည် ကျွန်တော့်အား တစ်ခါဖူးမျှ လက်ဖက်ရည် သောက်ရန် ဖိတ်ကြားခြင်း မရှိခဲ့။ ယခုမှ လက်ဖက်ရည်တိုက်ရန် စေတနာ ပေါ်ပေါက်လာခြင်းမှာ အတော်ပင် ဆန်းနေသည်။
' နေပါဦးဗျ ... ကျွန်တော် ဒီမြို့ကလေးကို ကုန်ရောင်းရောက်နေတာ ၁၀ ရက်လောက် ရှိနေပြီ။ အဲဒီရက်အတွင်း ခင်ဗျား ကျွန်တော့်ကို တစ်ခါမှ လက်ဖက်ရည် မတိုက်ဖူးဘဲနဲ့ အခုမှ လက်ဖက်ရည် တိုက်ချင်တဲ့ စေတနာပေါ်ပေါက်လာတာက အတေ့်ကို ထူးဆန်းနေသဗျ '

သူသည် ကျွန်တော့်အား မျက်စိတစ်ဖက် မှိတ်ပြလိုက်ပြီးနောက် လေသံခပ်တိုးတိုးဖြင့် 'လက်ဖက် ရည်ဆိုင်ကိုသာ လိုက်ခဲ့ပါဗျာ၊ ဟိုရောက်တော့ ပြောပြပါ့မယ်' ဟု ဆိုသဖြင့် ကျွန်တော်ကလည်း ငြင်း ဆန်ခြင်းပြုမနေဘဲ ခပ်အေးအေးပင် ထ လိုက်ခဲ့သည်။ လက်ဖက်ရည်ဆိုင်သို့ ရောက်သော အခါ သူသည် ငါးကျပ်တန် တစ်ချပ်ကို စားပွဲပေါ်သို့ တင်လိုက်ရင်း ' အဟီး ... ပွဲစားကြီးရဲ့ ကောင်းမှု တော်ပေါ့ဗျ ... ' ဟု ရွတ်ဆိုလိုက်၏။

ထို့နောက် သူသည် လက်ဖက်ရည်နှစ်ပွဲနှင့် မုန့်များပါ ယူလာခဲ့ရန် ဆိုင်ရှင်အား မှာကြားလိုက်ပြီး နောက်၊ ကျွန်တော့အား မုန့်များပါ ယူလာခဲ့ရန် ဆိုင်ရှင်အား မှာကြားလိုက်ပြီးနောက်၊ ကျွန်တော့်အား အကျိုးအကြောင်းကို ရှင်းပြနေသည်။

နံနက်က ရောက်လာသော မိန်းမပျိုမှာ ပွဲစားကြီး သရုပ်ဖော်ပေးသလို မိန်းမကုန်သည်တစ်ဦး မဟုတ်ဘဲ ပွဲစားကြီး၏ အပျော်မယားသာလျှင် ဖြစ်ကြောင်း၊ ဤအပျော်မယားနှင့် ပျော်ပါးလို၍ ပွဲကတော်အား ကုန်ဖိုး တောင်းခံရန်ဟု ဆိုကာ ချောက်မြို့သို့ ဥာဏ်ဆင်ပြီး လွှတ်လိုက်ခြင်း ဖြစ် ကြောင်း၊ ယခု ပျော်ပါးသည့် အချိန်တွင်လည်း ကျွန်တော် ရှိနေပြန်၍ သူ့အား ငွေငါးကျပ် ထုတ်ပေး ကာ ကျွန်တော့်အား လက်ဖက်ရည်ဆိုင်သို့ ခေါ်ဆောင်သွားရန် စေခိုင်းသည့်အတွက် ယခုလို ခေါ်လာရခြင်းဖြစ်ကြောင်း ရှင်းပြပါသည်။

လက်ဖက်ရည်နှင့် မုန့်များ ရောက်လာပြီဖြစ်၍ စားသောက်ကြရင်းမှ သူက ဆက်ရန် ရှိနေသေး သော နောက်ဆက်တွဲကို ထပ်မံ၍ ပြောပြနေပြန်၏။ ယခုလို ပွဲကတော်အား ချောက်မြို့သို့ ဥာဏ် ဆင်လွှတ်ပြီး သူ့အပျော်မယားကလေးနှင့် ချိန်းတွေ့ကြခြင်းမှာ၊ ရိုးရိုးတန်းတန်း ပျော်ပါးရုံမျှ မဟုတ်ဘဲ နည်းသစ်တစ်မျိုးကို စမ်းသပ်ကြည့်ရန် အတွက်လည်း ဖြစ်သည်ဟုဆို၏။

ပွဲစားကြီး၏ ၀ါသနာကို အတွင်းသိ အပြင်သိ ဖြစ်နေသော ရန်ကုန်မှ ကုန်သည်တစ်ဦးက ကုန်ရောင်း လာရောက်ရင်း မဖွယ်မရာ စာအုပ်တစ်အုပ်ကို လက်ဆောင်ပေးသွားသည်ဟုဆို၏။ သူသည် ထိုစာအုပ်ကို လူမြင်ကွင်း၌ မဖတ်ဝံ့သော်လည်း ကွယ်ရာတွင် စေ့စေ့စပ်စပ် ဖတ်ရှုလေ့ လာပြီးနောက်၊ ထိုစာအုပ်ထဲမှ သဘောတရားများကို လက်တွေ့ကျင့်သုံးလိုသော ဆန္ဒမှာ ချုပ်တည်း မနိုင်အောင် ပြင်းထန်ကြွမောက်လာသည်ဟု ဆိုပါသည်။

ထို့ကြောင့် ပွဲကတော်ကို ချောက်မြို့သို့ ကြွေးတောင်းလွှတ်ကာ သူ့အပျော်မယားကလေးကို ချိန်းတွေ့ခြင်းပင်ဟု နိဂုံးချုပ်ပါလေတော့သည်။
ကျွန်တော်ကတော့ ပြုံးလို့သာ နေမိပါသည်။ ' ပုထုဇ္ဇနော ဥမ္မတ္တကော'-ပုထုဇဉ်မှန်သမျှ အရူးချည်း သာဟု စာဆိုရှိသော်လည်း၊ ဤလို ပွဲစားကြီးမျိုးနှင့် ထို့ထက် အဆင့်အတန်းမြင့်သော အထက်တန်းစားများသာ အားလပ်ချိန် များများရသဖြင့် ကြံကြံဖန်ဖန် အရူးထ နိုင်ကြပါသည်။ ဆင်းရဲသားများမှာမူ ၀မ်းရေးအတွက် နေ့မနား ညမနား အပြေးအလွှား ရှာဖွေကြိုးပမ်း နေကြရသဖြင့် ဤသို့ အရူးမထနိုင်အားကြပါ။ အရူး ထ တတ်သော အလေ့အလာများလည်း မရှိကြဖူးပါ။

ကျွန်တော်တို့ လက်ဖက်ရည်ဆိုင်တွင် စကားပြောလိုက်၊ လက်ဖက်ရည်သောက်လိုက်ဖြင့် တစ်နာရီ ခန့် အချိန်ကြာမြင့်သွားမှ ပွဲစားကြီး လက်ဖက်ရည်ဆိုင်သို့ ရောက်ရှိလာသည်။ သူ့မျက်နှာတွင် ချွေးသီး ချွေးပေါက်များ စိုရွှဲနေကာ အတော်ပင် နွမ်းနယ်မောပန်းလာပုံရပေသည်။

သူသည် လက်ဖက်ရည်ဆိုင်ရှင်အား ' အိုဗာတင်း' တစ်ခွက်မှာလိုက်ပြီးနောက် သူ့လက်ထဲတွင် အသင့်ပါလာသော ကြက်ဥ နှစ်လုံးကိုပါ ပေးအပ်လိုက်ကာ၊ ထိုကြက်ဥကိုပါ ထည့်၍ ဖျော်ခဲ့ရန် အမိန့်ပေးလိုက်သည်။ ကျွန်တော်ကတော့ သူ လုပ်နေပုံကိုသာ တည်ငြိမ်စွာ ကြည့်နေမိသည်။ ကျွန်တော်၏ အကြည့်တွင် စက်ဆုပ် မုန်းတီးခြင်းနှင့် ရှုတ်ချကဲ့ရဲ့ခြင်း အရိပ်အယောင်များ ပါရှိသွား ဟန်တူ၏။ သူသည် ကျွန်တော်၏ အကြည့်တွင် မနေတတ် မထိုင်တတ်နှင့် ရှိုးတိုးရှန့်တန့် ဖြစ်သွား ပုံရပါသည်။

ကျွန်တော်သည် သူတို့နှင့် စကားဆက်လက်ပြောဆိုရန် ဆန္ဒမရှိတော့သဖြင့် သူတို့ကို ခွဲခွာကာ ပွဲရုံသို့ ပြန်လာခဲ့၏။ ပွဲရုံတွင် သူ၏ အပျော်မယားကလေးမှာ မရှိတော့ပေ။ ကျွန်တော်၏ မျက်စိထဲ ၌ နေပူကျဲကျဲတွင် အဓိပ္ပာယ်မရှိသော ခရီးကို သွားနေရရှာသော ပွဲကတော်၏ သနားစရာ့ ရုပ်သွင် ကိုသာ ထင်မြင်နေသည်။

(၅)

ချစ်စဖွယ့် ဆည်းဆာသည် အညာမြေ၏ သရုပ်ဖော် ရှုခင်းကို သူ၏ နီရောင်လွင်သော စုတ်ချက်ဖြင့် လှပစွာ မှုန်းခြယ်၍ နေပေပြီ။ ဆည်းဆာ၏ အလှနှင့် မဟပ်မိသော အညာလေကတော့ တဟူးဟူး တ၀ီဝီဖြင့် သောင်းကျန်း တိုက်ခတ်နေပေရာ၊ သဲဆန်သော အညာမြေမှ သဲပွင့်ကလေးများသည် တည်ငြိမ်ရာ မရရှာဘဲ လှုပ်ရှားပျံဝဲ၍ နေကြသည်။ လမ်းသွားလမ်းလာ လူအပေါင်းသည် မျက်စိထဲ သဲဝင်မည် စိုး၍ မျက်နှာရှေ့တွင် လက်ဝါးကာပြီး လျှောက်နေကြရ၏။

ချောက်မြို့သို့ ကုန်ဖိုး သွားတောင်းသော ပွဲကတော်ကား ပြန်လာလေပြီ။ ပွဲရုံဝင်းထဲသို့ ၀င်လာသော ပွဲကတော်၏ မျက်နှာတွင်ကား ဒေါသရောင်သမ်းနေ၍၊ သူ၏ နှုတ်ခမ်းမှာလည်း စူတူတူကလေး ဖြစ်နေ၏။ ပူပြင်းလျသော ရာသီဥတုဝယ် ခရီးအတော်ပန်းလာခဲ့ဟန်ဖြင့် သူ၏ မျက်နှာမှာ နွမ်းလျနေ၏။ သို့သော် ဒေါသက ဆောင်ထား၍ နွမ်းလျခြင်းမှာ မသိမသာ ညိူးမှိန်နေ၏။
အလိုက်သိတတ်၍ ပါးနပ်လှသော ပွဲစားကြီးကလည်း ပွဲရုံဝသို့ ကိုယ်တိုင်ထွက်ကြိုကာ -

သြော် ... မင်း ပြန်လာမှကိုး၊ ဘယ့်နှယ် ... ခရီး အတော်ပန်းလာမှတ်တယ်၊ ကုန်ဖိုးငွေကော တောင်းလို့ ရခဲ့ရဲ့လား' ဟု စကား အဆက်မပြတ်အောင် လေပြေထိုးနေ၏။
' ရှင် ကျုပ်ကို မြန်မြန်သေအောင်လို့ ညှဉ်းစရာမရှိ ကြံဖန်ပြီး ညှဉ်းဆဲနေတာ မဟုတ်လား ဟင်၊ ပေးစရာရှိတဲ့ ကုန်ဖိုးငွေတွေကို လွန်ခဲ့တဲ့ တစ်လလောက်ထဲက ရှင့်ကို အပြေရှင်းပေးပြီးပြီ ဆိုပါ ကလား။ ဒါနဲ့များ ကျုပ်ကို သက်သက် ထပ်လွှတ်တာက ဘာသဘောလဲ ဟင်၊ ပြောစမ်းပါဦး '

ပွဲကတော်ကား ခရီးရောက်မဆိုက်ပင် ကောက်ကာ ငင်ကာနှင့် ရန်တွေ့နေလေပြီ။ သို့သော် ဤ အဖြစ်ကို ကြိုတင် မျှော်လင့်ထား၍ အသင့်ပြင်ဆင်ထားပြီး ဖြစ်နေသော ပွဲစားကြီးလည်း မှင်သေ သေနှင့်ပင် -

' နေစမ်းပါဦးဟာ ... ငါ စဉ်းစားပါရစေဦး 'ဟု ဆိုလိုက်ကာ စူးစိုက်စွာစဉ်းစားနေဟန်ဖြင့် မျက်နှာကို အပေါ်မော့၍ မျက်မှောင်ကိုကြုတ်ကာ မျက်လုံးကိုလည်း မှေးထားလိုက်ပါသည်။ အတန်ကြာမှ ဗြုန်းခနဲ သတိရလာသလို ဟန်မူရာမျိုးဖြင့် ပါးစပ်ကို ဟ ကာ မျက်ခုံးနှစ်ဖက်ကို အပေါ်သို့ မြှင့်ချီ လိုက်ပြီးနောက်၊ မျက်နှာကိုလည်း ကြည်ကြည်လင်လင် ဖြစ်သွားအောင် ပြောင်းလဲပစ်လိုက်ရင်း -
' အေး ... ဟုတ်သားပဲဟ၊ ကြည့်စမ်း ... ငါ မေ့တောင်နေတယ်။ အင်း ... အလုပ်ကလည်းများ၊ အသက်ကလေးကလည်း နည်းနည်းထောက်လာပြီ ဆိုမှဖြင့် တယ်ပြီး မေ့တတ် လျော့တတ်သကိုး'
သူ့အမူအရာမှာ မှင်သေသေနှင့် သဘာဝကျလွန်းလှ၍ ပွဲကတော်၏ ဒေါသကလေးမှာ ကြက်ပျောက် ငှက်ပျောက် ပျောက်ရရှာပါပြီ။ ဤတွင် ဒေါသကွယ်ပသွားသော ပွဲကတော်၏ မျက်နှာပြင်ကို ခရီးပန်း၍ နွမ်းလျသော အသွင်က လုံးဝပင် လွှမ်းမိုးလိုက်ပါသည်။

' ငါ့မလည်း လွှတ်ပြီးမှ နောင်တရမိတယ်၊ နေပူထဲ သွားရလို့ ခရီးပန်းပြီး ဖျားများနေမလားဟဲ့၊ ကား လမ်း ဓားပြတွေနဲ့များ သွားတိုးနေမလားဟဲ့နဲ့ တစ်နေ့လုံး ပူလိုက်ရတာ၊ အခုမှပဲ စိတ်အေးရတော့ တယ်။ ကဲ ... ကဲ ... အေးအေး ဆေးဆေး သွားထိုင်ပြီး အနားယူလိုက်ဦး၊ အနားယူလိုက်ဦး။ ဟေ့ ... ဖိုးတုတ်၊ ဈေးနားက ဖျော်ရည်ဆိုင်မှာ ' လိုင်းမကြူး' တစ်ခွက်လောက် အမြန်သွားဝယ်စမ်း ... မြန်မြန်ဟေ့နော် ... မြန်မြန် '

ဒေါသ ကွယ်ပ သွား၍ အထီးတည်း ကျန်ရစ်ခဲ့သော ပွဲကတော်၏ မျက်နှာပြင်မှ ခရီးပန်း၍ နွမ်းလျသော အသွင်ကိုလည်း ပွဲစားကြီးသည် ဤစကားလုံးများဖြင့် အောင်မြင်စွာ ဖယ်ရှားပစ်လိုက် နိုင်ခဲ့ပါပြီ။ ယခုအချိန်တွင် ပွဲကတော်သည် သူ၏ ချစ်လင်က ချောက်မြို့သို့ ထပ်လွှတ်ရုံမျှမက 'ဧ၀ရက်' တောင်ထိပ်ကို တက်ခိုင်းစေကာမူ အပြေးတက်ရန် အသင့် ရှိနေပါပြီ။ သနားစရာ့ ပွဲကတော်။
ကျွန်တော်သည် ပွဲကတော်ကို စူးစိုက်ကြည့်ရင်း ' ပွဲကတော် မရှိခိုက်တွင် ပွဲစားကြီးသည် သူ၏ အပျော်မယားကလေးတစ်ဦးနှင့် ကမြင်းထ နေပါသည်' ဟု ထုတ်ပြောလိုသော ဆန္ဒကို မနည်းပင် မျိုသိပ်ထားလိုက်ရပါသတည်း။
--------------------------------
ပြီးပါပြီ
.

1 comment:

မေဓာဝီ said...

ဒီပွဲစားကြီးကတော့ တကယ်မလွယ်ပါလား။
ပွဲကတော်ကြီး ခမျာ သနားစရာပဲ။

မအားလို့ ခုမှအစအဆုံးဖတ်ပီး မန့်ရတယ် မရွှေစင်ရေ ... ။ ကျေးဇူး တင်ပါတယ်နော်။