Wednesday, June 9, 2010

မောင်ပေါ်ထွန်း ဘာသာပြန် အပိုင်း (၃၆)

အခန်း (၃၆)

ဝီလျံသည် ၀ါရှင်တန်တွင် ကျင်းပသော ဘဏ်လုပ်ငန်းရှင်များ ညီလာခံမှ ပြန်ရောက်သောအခါ "ရှေ့နေသာဒီယပ်ကိုဟင်နှင့် အမြန်ဆက်သွယ်ပါ" ဟူသော တယ်လီဖုန်းသတင်း မှတ်စု စာရွက်ကို စားပွဲပေါ်တွင် တွေ့ရသည်။

သူသည် မစ္စတာကိုဟင်နှင့် ဟုတ္တိပတ္တိ စကားမပြောခဲ့ရသည်မှာ အချိန်တော်တော် ကြာခဲ့ပြီ ဖြစ် သည်။ ကိုဟင်ထံမှ မှန်မှန်ပို့ပေးနေသော အစီရင်ခံစာများတွင်လည်း အေဘယ်ရို့စနော့စကီးနှင့် ပတ်သက်၍ လောလောဆယ်တွင် တစ်စုံတစ်ရာ စိုးရိမ်စရာ မရှိကြောင်းကိုသာ အဆက်မပြတ် ဖော်ပြနေကြသည်။

သို့သော် အကြောင်းထူး တစ်ခုခုတော့ ရှိလို့ ဖြစ်ပါလိမ့်မယ်ဟု တွေးမိပြီး ချက်ချင်းပင် မစ္စတာ ကိုဟင်ထံသို့ ဖုန်းဆက်လိုက်သည်။ မစ္စတာကိုဟင် သူ သတင်းထူးတစ်ခုရထားကြောင်း၊ သို့သော် တယ်လီဖုန်းနှင့်ပြော၍ မဖြစ်ကြောင်း ပြောသည်။ ထို့ကြောင့် ၀ီလျံက သူ့အား ဘဏ်တိုက်သို့ ချက်ချင်းလာခဲ့ရန် လှမ်းခေါ် လိုက်သည်။
နောက်မိနစ်၄၀အကြာတွင် မစ္စတာကိုဟင် ရောက်လာသည်။ ၀ီလျံက မစ္စတာကိုဟင် ပြောသမျှကို စိတ်ဝင် စားစွာဖြင့် နားထောင်သည်။

မစ္စတာကိုဟင် ပြောပြီးသောအခါ ၀ီလျံက ပြန်ပြောလိုက်သည်။
"ခင်ဗျားအဖေသာဆိုရင်တော့ ဒီလိုကောက်ကျစ်တဲ့နည်းလမ်းမျိုးကို ဘယ်တော့မှ သုံးလိမ့်မယ် မဟုတ်ဘူး"
"ဒါတော့ အခြေအနေအရပေါ့ဗျာ၊ သူက ဓားဆိုရင် ကိုယ်ကလည်း သူ့ထက်မသာ တောင်မှ တူညီ တဲ့လက်နက်တော့ အတတ်နိုင်ဆုံး သုံးရမှာပေါ့"
"ခင်ဗျားစီမံကိန်း ဘာကြောင့် အောင်မြင်မယ်လို့ ထင်ရတာလဲ"

"ဘားနဒ်ဂိုးလ်ဖိန်းနဲ့ ရှာမင်အဒမ်တို့အမှုကို ပြန်ကြည့်ပါလား၊ ပိုက်ဆံက ဟိုတယ်စရိတ် ၁၆၄၂ ဒေါ်လာ ကလေးနဲ့ သားမွေးကုတ်အင်္ကျီ တစ်ထည်တည်းပါ၊ ဒါပေမဲ့ အဒမ်က သမ္မတရဲ့ လက်ထောက် အရာရှိ ဖြစ်နေတော့ သမ္မတလည်း တစ်ခါတည်း ပြုတ်ထွက်သွားတာပဲ မဟုတ်လား၊ အခု ရို့စနော့စကီးလုပ်တာက  အဲဒီထက် ကြီးကျယ်တယ်ဗျ၊ အဲဒီတော့ ဒီတစ်ချက်တည်းနဲ့ သူ့ကို အလဲထိုးနိုင်မှာ သေချာပေါက်ပဲ"

"အဲဒီအတွက် ကျွန်တော်က ပိုက်ဆံဘယ်လောက် ရင်းနှီးရမှာလဲ"
"အများဆုံး ဒေါ်လာနှစ်သောင်းခွဲလောက်ပါ၊ ဒါပေမဲ့ ဒီထက်သက်သာအောင် ကျွန်တော် ကြည့်ပြီး လုပ်ပါ့မယ်"
"ဒီကိစ္စမှာ ကျွန်တော် ပါဝင်နေတယ်တာ ရို့စနော့စကီးမသိအောင် ခင်ဗျား ဘယ်လိုကာကွယ်နိုင် မှာလဲ"
"ကျွန်တော် က ခင်ဗျားနာမည်ကိုတောင် မသိတဲ့ တတိယလူတစ်ယောက်ကို ကိုယ်စားလှယ်အဖြစ် အသုံးပြု မှာပေါ့"

"အဲဒါပြီးသွားရင် ကျွန်တော်တို့က ဘာဆက်လုပ်မလဲ"
"ခင်ဗျားက အသေးစိတ်အထောက်အထားတွေကို ဆီနေတာကနေဒီရဲ့ ရုံးကို ပို့လိုက်ရုံပေါ့၊ အဲဒါ ဆိုရင် ရို့စနော့စကီး ရဲ့ လုပ်ငန်းတွေ တစ်ချီတည်းနဲ့ အားလုံးပြိုလဲကုန်မှာ သေချာပါတယ်၊ ဘာဖြစ် လို့လဲဆိုတော့ သူ့အနေ နဲ့ လက်စတာဘဏ်ရဲ့ ရှယ်ယာရှစ်ရာခိုင်နှုန်းကို ပိုင်ထားသည့်တိုင်အောင် သူ့ရဲ့ဂုဏ်သိက္ခာ ကျဆင်း သွား တဲ့အချိန်မှာ ဘဏ်ဥပဒေစည်းမျဉ်းပုဒ်မ(၇)ကိုလည်း ဆုပ်ကိုင်လို့ လုံးဝ မရနိုင်တော့ တဲ့ အတွက်ပဲ"

"ဆိုပါတော့၊ တကယ်လို့ ကနေဒီသာ သမ္မတဖြစ်လာမယ်ဆိုရင်တော့ ခင်ဗျား စီမံကိန်း ဟန်ကျတာ ပေါ့၊ ဒါပေမဲ့ ကနေဒီမဖြစ်ဘဲ နစ်ကဆင်ဖြစ်လာရင် ဘယ်လိုလုပ်မလဲ၊ သူက လောလောဆယ်မှာ တစ်ပြေးနေတဲ့လူ၊ ကျွန်တော်ကလည်း သူပဲ အရွေးခံရလိမ့်မယ် ထင်တာပဲ၊ ကနေဒီလို ရိုမန် ကက်သလစ် ဘာသာဝင်တစ်ယောက်ကို အမေရိကန်ပြည်သေူတွက သမ္မတအဖြစ် ရွေးပါ့မလားဗျ၊ ကျွန်တော်တော့ လုံးဝ မထင်ဘူး၊ သို့သော်လည်း ရို့စနော့စကီးကိုသာ အလဲထိုးနိုင်မယ်ဆိုရင် တော့ ကျွန်တော့်အနေနဲ့ အဲဒီငွေ နှစ်သောင်းခွဲလောက်ကို ဘာမှ တွက်နေစရာ မလိုပါဘူး"
"ကနေဒီ သမ္မတ ဖြစ်လာရင်ပေါ့ဗျာ"

ဝီလျံက စားပွဲအံဆွဲဖွင့်ပြီး "ကိုယ်ပိုင်စာရင်း"ဟု တံဆိပ်ရိုက်ထားသော ချက်လက်မှတ်စာအုပ် ဆွဲ ထုတ်လိုက် သည်။ ထို့နောက် ငွေအရေအတွက်ကို တစ်လုံးချင်း ရေးချလိုက်သည်။
"နှစ်၊ ငါး၊ သုည၊ သုည၊ သုည"

တကယ့် တိုတိုလေးပါ မနက်ဖြန်မှ အများကြီးဖတ်ပါ

အခန်း (၃၇) ဆက်ရန်
.

No comments: