အခန်း (၁၄)
''နန်းဦးမှန်စီ ရွှေကျောင်းတော်တွင် ရှင်သာမဏေဘ၀ဖြင့် ပထမပြန်ဆိုတော်မူလာခဲ့သည် မှာ နှစ်ကြိမ်ပြီးမြောက်၊ သုံးကြိမ်ရောက်တော့မည် ဖြစ်သော သုသီရိမဟာ ဓမ္မရာဇာဘွဲ့ခံ သီပေါမင်းသားလည်း ယခု နောက်ဆုံးအကြိမ်မ ပထမကြီး ပြန်ဆိုတော်မူရန် အချိန်လွန်စွာ နီးကပ်တော်မူနေသည့် အားလျော်စွာ ကျောင်းဆောင်အတွင်းမှ အပြင်သို့ပင် ထွက်ကြွတော် မမူနိုင်အောင် ကြိုးစားလျက် မှတ်တော်မူလျက်မ ခဲရာခဲဆစ်များကို အထူး မှတ်သားတော်မူနေလေ၏။
ကျောင်းတော်ရှိ ဆရာတော်ဘုရားနှင့်တကွ တိုက်အုပ်၊ တိုက်ကြပ်၊ ပဉ္ဇင်း၊ ကိုရင်၊ ကျောင်းသား၊ ကပ္ပိယမကျန် နက်ဖြန် စာတော်ပြန် သုဓမ္မာပွဲသဘင်သို့ လိုက်ပါကြည့်ရှု ကြရန် အကြောင်းများနှင့် သီပေါ မင်းသားကလေး ချောမောစွာ အောင်မြင်စေလိုကြောင်း တတွက်တွက်ပြောကြား ဆူညံလျက် ရှိကြလေ၏။
သီပေါမင်းသားအား အကျိုးလိုလား ချစ်ခင်အားထားကြသူများလည်း တစ်ယောက် ပြီး တစ်ယောက် ကျောင်းတော်သို့ ရောက်လာကြကာ အားပေးစကား လျှောက်ထားပြော ဆို ဥဒဟို မစဲအောင် ရှိနေကြလေ၏။
ယင်းသို့ သုဓမ္မာ စာတော်ပြန်ပွဲကြီး၏ အရှိန်ဂယက် ရိုက်ခတ်ခြင်းမားကြောင့် ရှေးအခါက တိတ်ဆိတ်ခြောက်သွေ့ ပျင်းရိငြီးငွေ့ဖွယ်သော ကျောင်းတော်ကြီး တစ်ခွင်မှာ အသက်ဝင်လာသလို လူရိပ်လူယောင် အများနှင့် လှုပ်လှုပ်ရှားရှား ထထကြွကြွ ဖြစ်နေကြစဉ် အထိန်းတော်ကြီး ခင်ဘွားသစ်လည်း ယမိုက်ကျမ်းကို အာရုံစူးစိုက်စွာ ရှုစားတော်မူနေသော သီပေါမင်းသား အနီးသို့ အခစားမိလေ၏။
စာတော်ထဲတွင် စိတ်ဝင်စားနေသော အပါးတော်တွင် ထိုင်လိုက်သည့်အရိပ်ကို မြင်သဖြင့် ရုတ်တရက် ရှောင်တခင်ပင် ပုရပိုက်ကို ရှုစားတော်မူရာက မျက်လွှာကိုမ၍ ကြည့်တော်မူလေရာ လက်ဆောင်တော်များ နှင့် ရောက်လာသော အထိန်းတော်ကြီး ခင်ဘွားသစ်ကို မြင်တော်မူလျှင် ရုတ်တရက် မျက်နှာရွှင်တော် မူသွားပြီး -
''အလို....အထိန်းတော်ကြီးပါကလား၊ ဘာများလာပြီး ဆက်သလဲ၊ စုစုလည်း မာတော်မူရဲ့နော်၊ ကိုယ်တော်ဖြင့် စာတော်ပြန်ပွဲ နီးကပ်နေတာနှင့် ဆင်ပြောင်ကြီး အမြီးကျမှ မထစ်ပါစေနဲ့လို့ ကြိုးစားတော် မူရတာပဲ အထိန်းတော်ကြီးရဲ့..."
မိန့်တော်မူရာ အထိန်းတော်ကြီးလည်း အပါးတိုးခစားကာ -
''မှန်လှပါ ကြိုးစားတော်မူပါဘုရား၊ အရှင့်သားတော်အတွက် အရှင်ထိပ်စုမြတ်ဖျား က အောင်မြင်တော် မူပါစေကြောင်း ဆုတောင်းတော်ဆက်ပြီး နက်ဖြန် သုဓမ္မာဇရပ်သို့ ထွက်တော်မူသည့်အခါ ဆင်တော်မူရန် ၀တ်လဲတော်ပုဆိုး၊ သောက်တော်မူရန် ဆေးလိပ် တော်ထုပ်နှင့်တကွ ထိပ်စုမြတ်ဖျား လက်တော်နှင့် ကိုယ်တော်တိုင် ယာတော်မူသော စားတော် ကွမ်းယာများပါ ဘုရားအရှင် ထိပ်စုဖုရားက ဆက်သရန် စေစားလိုက်ကြောင်းပါ''
''ဒီလက်ဆောင်တော်များကို နှစ်သက်မြတ်နိုးစွာ သုဓမ္မာသဘင်သို့ ဆောင်ယူ တော်မူသွားပါလျှင် အောင်မြင်ရာ အောင်မြင်ကြောင်း သိဒ္ဓိလျှိုကောင်းတဲ့ အဆောင် လက်ဖွဲ့များပမာ အရှင်ထိပ်စုဖျား၏ ရွှေမေတ္တာအရှိန်ကြောင့် အနှောင့်အယှက်ဆို၍ တစ်စွန်းတစ်ကွက် မပေါ်ဘဲ စာတော်ပြန်ပွဲကို အခက်အခဲ မရှိ အောင်မြင်တော်မူပါလိမ့မည် လို့ အမှာတော်ရှိလိုက်ကြောင်းပါ ဘုရား၊ အရှင်ထိပ်မြတ် စုဖျားက ကိုယ်တော်တိုင် မြတ်မြတ်နိုးနိုး ကြိုးကြိုးစားစား ဆက်သတော်မူလိုက်တဲ့ လက်ဆောင်တော်များကို အရှင့်သား ကလည်း စွဲစွဲမြဲမြဲ ကိုယ်တော်နှင့် အမြဲဆောင်ယူတော်မူဖို့ပါ ဘုရား''
လျှောက်ထားလေလျှင် သီပေါမင်းသားမှာ အလွန်တရာ အားရ၀မ်းသာ ဖြစ်တော်မူ လာသဖြင့် လက်ဆောင် တော်ပစ္စည်းများကို ပြုံးရွှင်စွာ ရှုစားကိုင်ယူတော်မူကာ
''အို...ဘယ်လိုပြောလိုက်ပါလိမ့်ဗျာ၊ ကိုယ်တော် အလွန်တရာ ချစ်မြတ်နိုးတော်မူတဲ့ စုစုရဲ့ လက်ဆောင်တော် များကို မထီမဲ့မြင် ပြုတော်မူနိုင်ပါမလား၊ ကိုယ်တော်သွားလေရာ ရာကို အဆောင်တော် လက်ဖွဲ့ကလေးပမာ မကွာအတူ အပါယူပြီး ထွက်တော့မူမှာပေါ့၊ တောင်းတော်မူတဲ့ ဆုအတိုင်း၊ မေတ္တာတော် အရှိန် စူးရှတော်မူပြီး စာတော်ပြန်ပွဲကြီးမှာ အခဲအယဉ်းမရှိ အောင်မြင်တော်မူဖို့ အမှန် ယုံကြည်ပါရဲ့၊ ကိုယ်တော်လည်း များစွာ ၀မ်းသာအားရ ဖြစ်တော်မူပြီး ဒီလက်ဆောင်တော်တွေကို သိမ်းဆည်း လက်ခံတော်မူ လိုက်တယ် ဆိုတာ စုစုကို သံတော်ဦး တင်လိုက်ပါ''
''မှန်ပါ၊ စိတ်ချတော်မူပါဘုရား၊ နို့ပြီးတော့ အရှင်ထိပ်စုမြတ်ဖျားက ဟောဒီ လက်ဆောင်တော်များအပြင် အလွှာတော် ရွှေပြားလည်း ဆက်သလိုက်ပါသေးသည်''
ပြောကာ ပိုးပ၀ါအတွင်းမှ ပါလာသော အလွှာတော်ကို ထုတ်ယူနေလျှင် သီပေါမင်းသားက စ်ိအားထက်သန်စွာနှင့်
''အို...အလွှာတော် ပါသေးတာများ နောက်ချန်လို့များ ထားပလေ အထိန်းတော် ကြီးရယ်၊ ဘယ်မလဲ မြန်မြန်ဆက်စမ်းပါ"
အလျင်စလို မိန့်တော်မူနေလေ၏။
''ဒီမှာဘုရား၊ ဖျာ့ကျွန်မလည်း ဦးစွာဆက်မလို့ဟာ ဒီလက်ဆောင်တော်များကို ကိုယ်တော်ဖျားက ရှုစားတော် မူနေသေးတာနှင့် လျှောက်တင်ခွင့်ရှိသလောက် လျှောက် တင်နေရတဲံ အတွက် နောက်ချန် ဆက်မိသလို ဖြစ်သွားရကြောင်းပါ''
ပြောကာ အလွှာတော် ရွှေပြားကို သီပေါမင်းသား လက်တော်သို့ ဆက်လိုက်ရာ သီပေါမင်းသားလည်း အလွှာတော် ပ၀ါကို ဖြေတော်မူလျက် မျက်နှာတော် တပြုံးပြုံးနှင့် တစ်လုံးချင်း ဖတ်တော်မူလေ၏။
"တေးထပ်"
စံရဝေ ဘုံမြင့်မတော့၊
ဂုဏ်တင့်တဲ့သာကီ၊
လှုံဆင့်မဲ့ပဏာချီသည်၊
သဒ္ဓါရည်မောက်ဖြိုး။
ရွှေခွန်းတော် ဂတိသွေလျှင်၊
မြတ်ဘိသေ လွဲလိမ့်မည်စိုး၊
သပြေချက် ဒီဇမ္ဗူဝယ်၊
သည်တစ်ဆူရွယ်ကိုး။
ညီအတူ ကယ်ကြိုးလို့
သယ်ပိုးတဲ့ ခြင်းရာ။
အဓိဌာန်ငုံးရွှေငှက်လိုပ၊
နုံးသွေမပျက် ထားသင့်လှပါ။
နေနန်းမြင့် ဥပရာငယ်၊
သွေမဆန်းသင့် စုကလျာကို၊
ပြဒုညာမောင်တင့်တော့၊
အောင်ပန်းပွင့် နှင်းဆီရုံ၊
သင်းကြည်လို့ထုံ။
အာဒိစ္စကမ္ဗုလှုံငယ်၊
ခါမိဿ နှံပြုခြုံတယ်။
ဗန္ဒုပုံနှယ်ဝေလျှမ်းပြောင်ဖို့လေး။
ဟူ၍ တွေ့မြင်တော်မူရလျှင် ပြုံးရွှင်အားရတော်မူလှသော မျက်နှာဖြင့် -
''အထိန်းတော်ကြီးကို စုစုက ခုတောင် ကိုယ်တော်အပေါ် ယုံကြည်စိတ်ချတော်မမူသေး ပါကလား၊ သြော် စုစုက စိတ်ချတော်မမူသလောက် ကိုယ်တော်မှာဖြင့် မျှော်လင့်အားထား မေတ္တာစေစားပြီး မဖောက်မပြားဘဲ တစ်ပါးဆိုမှတစ်ပါး၊ ဧ၀ကန်ပိုင်းခြားလို့ ချစ်အားတော် သန်သန်နှင့် သစ္စာမဏ္ဍိုင်ကြီး စိုက်ထူ၍ ထားတော် မူပါတယ်၊ ဤသစ္စာအတိုင်းမှန်လျှင် ကြံသမျှ ပြီးစီးလို့ အောင်ဆုကြီး ဆင်တော်မူပါလိမ့်မယ် အထိန်း တော်ကြီးရဲ့''
''မှန်လှပါဘုရား ကိုယ်တော်ဖျား ရွှေစိတ်တော်ကိုတော့ ဖျာ့ကျွန်မကို အထူး မိန့်တော်မူဖို့ မလိုပါ၊ အလုံးစုံ သိပြီးဖြစ်ပါကြောင်းပါ၊ အလွှာတော်မှာ စုထားဖုရားက ဘယ်လိုများ ရေးသားတော်မူလိုက်ပါသေးသလဲ ဘုရား"
"အလွှာတော်ရဲ့ သဘောကတော့ ကိုယ်တော့အတွက် အသက်သမျှ ချစ်မြတ်နိုးတော်မူလှတဲ့ စုစုက အောင်ဆုတောင်းတော်နဲ့ အောင်ကြောင်းကို ရွယ်ပြီး အောင်စေတီအောင်ဘုရားမှာ အောင်ပန်းများ ကပ်လှူတော်မူနေပါမည်။ သာကီဆွေ မောင်မောင်ဘုရားကလည်မး ကတိတော်ထားခဲ့သည့်အတိုင်း မယိမ်း မယိုင် ကြံ့ခိုင်တော်မူပါ"
"ကတိတော် မသေလျှင် အောင်ပါစေဆိုတဲ့ဆုကို အလိုလိုပြည့်ဝစေနိုင်ပါတယ် ဆိုတဲ့ သဘောသွားရဲ့အပြင် ကိုယ်တော် ကြိုးပမ်းဖြေဆိုတော်မူမဲ့ စာတော်ပြန်ပွဲမှာ ကိုယ်တော် လုံ့လစိုက်ထုတ်တော်မူနေသည်နှင့်အမျှ နှမတော် စုစုကလည်း ဒီဇမ္ဗူမှာ ဒီတစ်ဆူရွယ်ကိုးပြီး ကိုယ်တော် ကြိုးပမ်းတော်မူနေတဲ့ကိစ္စမှာ ညီတူညီမျှ သည်ပိုးကူညီ သည့် အလား စွမ်းအားရှိတော်မူတဲ့ဘက်က ဆုမွန် ကောင်းတောင်းလို့ မြတကောင် ညောင်ရေနှင့် အောင်ပါစေကြောင်း မေတ္တာဓာတ် ရေကြည်လောင်းလျက် နေတော်မူ ရယ်ပါ''
''သို့အတွက် မောင်တော်ဖျားက မေတ္တာနှင့် သစ္စာတော်တို့ကို ခန့်ခန့်ခိုင်ခိုင် စိုက်ထူ၍ အဓိဌာန် သစ္စာမူလျှင် အလိုတော်ရှိသမျှ အရာရာ ကိစ္စမှန်လျှင် အမြန်ပင် အောင်မြင်တော်မူပါလိမ့်မယ်၊ ရွှေခွန်းတော် ကတိမသွေမှ တစ်ဘိသေအောင်ပန်း ဆွတ်လှမ်းတော်မူနိုင်မည်ဖြစ်ပါ၍ မမေ့မလျော့ မပေါ့မဆ နှမတော်ကို သတိရတော် မူပါဆိုတဲ့ အဓိပ္ပာယ်များပါပဲ အထိန်းတော်ကြီးရဲ့၊ စုစုက ခုလို ကတိတော် မပေးပေတဲ့လဲ ကိုယ်တော်ရဲ့ စိတ်တော်ထဲမှာတော့ စုစုဆိုတဲ့ အသည်းစွဲကလေးကို နည်းနည်းမှ မေ့လျော့ တော်မူတယ်လို့ မရှိဘူး"
"စုစုရဲ့ ရုပ်ပုံတော်ကလေးဟာ ကိုယ်တော့အသည်းနှလုံးပေါ်မှာ စွဲနေအောင် လွှာပုံတော် ရေးထားသလို ဖြစ်နေပါတယ်၊ စက္ခုပသာဒ ရုပ်ခေါ်တဲ့ မျက်လွှာခုနစ်ထပ် အကြားက သန်းဦးခေါင်းဖျားလောက်ရှိတဲ့ အကြည်ဓာတ်ထဲမှာလည်း စုစုရဲ့ ရုပ်ပုံတော် ကလေး စွဲထင်ပြီး အမြဲမြင်နေရတဲ့အတွက် တစ်ကွက်မှ မေ့တော်မူဖို့ အချိန်မရှိပါဘူး၊ အထိန်းတော်ကြီးရဲ့''
''တင်ပါ့ဘုရား၊ ဖျာ့ကျွန်မရဲ့အရှင် ထိပ်စုမြတ်ဖျားကလည်း စိုးရိမ်တော်အမူသားပါ၊ ကိုယ်တော်ဖျားက မင်းသားစိတ်၊ မင်းသားမာန်နှင့် ဖောက်ပြန်စိမ်းကား ကတိတော် ပျက်သွားမှာ တွေးပူရှာတယ် ထင်ပါဘုရား၊ ဒီလိုစိတ်မျိုးဟာ မြွေဆိပ်ထက် ဆိုးကြောင်းပါ၊ မျက်မြင်အထင်အရှား တွေ့မြင်တော်မူထားရတာတွေလည်း အတော်ပဲ စိတ်မချစရာ၊ စိတ်ပူစရာ ဖြစ်နေပါတယ်''
''ဒါကြောင့် တစ်ခါတစ်ခါ စုဖုရားက သူများကို မကြည့်လေနဲ့ နတ်ရွာစံ ဘထွေးတော် အိမ်ရှေ့ဘုရားနှင့် အရီးတော် အိမ်ရှေ့ထိပ်ထားကို စံနမူနာ ထားစရာ ကောင်းတယ်၊ အထိန်းတော်ကြီးသစ်သစ်ရဲ့၊ အရီးတော် အိမ်ရှေ့ ထိပ်ထားက အသစ် အသစ် အချစ်တော်တွေ အမြောက်အမြားနှင့် မထောက်မထား ပြုရက်တော် မူနေတဲ့ အတွ့က် အရီးတော်ဘုရားမှာ မျက်ရည်နှင့်မျက်ခွက်၊ စက်တော်မခေါ်၊ ပွဲတော် မတည်နိုင် အောင် ကံတော်ကုန်ရှာသည်အထိ အဓိပတိ အဆွေးဆိုင်ကြီး ဖွင့်တော်မူသွားရရှာတယ်"
"အစကောင်းပေမဲ့ အနှောင်းမသေချာရင် စိတ်ဆင်းရဲစရာမျိုးပဲ၊ အစကတော့ မိန်းမသားမို့ အချစ်ကို ယုံစားလို့ အလုံးစုံပုံထားပြီး အားကိုးအားထားကြီးနဲ့ ချစ်လိုက် ပါရော၊ တော်တော်ကြာပလားဆို မင်းသားပီပီ သွေဖီဆန်းပြား အသစ်တွေ လိုက်စားပြီး ထားတော်မူခဲ့ပြီးတဲ့ အချစ်ကတိတွေ ဖျက်သိမ်းလို့ အစိမ်းကြီး စိမ်းတော်မူသွားတယ်"
"မချစ်ပြင်ပြင် သခင်ကိုယ်တော် စိမ်းတယ် ပိန်းပိတ်လို့မူဆိုတဲ့ ဘောလယ်ထဲက အဓိပ္ပာယ်သွားအတိုင်း ပြုတော်မူတာပဲ ခုများမှာ သူတစ်ညဏ်နှင့် မူဟန်တော်ခြား၊ ပြုတော်မူအားပါပေ့ သနားမညှာဆိုတဲ့ သီချင်းနှင့် တငြီးငြီး ဆွေးတော်မူရင်း စိတ်ဒုက္ခ ဝေဒနာတော် အပြင်းအထန် ခံစားတော်မူသွားရရှာတယ် အထိန်း တော်ကြီးရဲ့"
"အများအားဖြင့် မင်းသားများဟာ မင်းစိတ်၊ မင်းမာန်နှင့် အင်မတန် ဆိုးတော်မူ ချင်တယ်၊ ငယ်ချစ်ကို တော်ရာထားပြီး အပျော်အပါး အလေလိုက်လို့ ကြိုက်သလို မွေ့နေချင် ကြတာပဲ၊ စုစုတို့ သီပေါ မောင်မောင်လည်း ဒီပုတ်ထဲက ဒီပဲဆိုသလို ဒီမင်းသားတွေအစားထဲကမို့ နောင်ခါရေးအတွက် စိတ်မှချရပါ့မလား သစ်သစ်ရဲ့ ၊ ယခုလို ရွှေမေတ္တာသွယ်တန်းပြီး အချစ်လမ်းဖောက်တော်မူနေရာက အင်မတန် ရိုးပေမယ့် နောင်တစ်မျိုးတစ်မည်ဖြစ်တော်မူသွားဦးမှာလားဆိုတာစုစုဖြင့် ဘယ်အခါမှ စိတ်တော် မမူပါဘူး"
"စုစုတော့နောင်အရေးကိုမဆိုထားနှင့် ယခုလို မေတ္တာရွှေလမ်း၊ ငွေလမ်း ဖောက်ထား ပြီးတစ်ပါးနှင့်တစ်ပါး စကားကမ်းလှမ်းဆဲ အခါမှာပင်ယုံကြည စိတ်ချတော် မူချင်စိတ် အနည်းသားပဲ သစ်သစ်ရယ်လို့ မကြာခဏ မိန့်တော်မူတတ်တဲ့အတွက် ဖျာ့ ကျွန်မက ကိုယ်တော်ဖျားဘက်က ရှေ့နေတော်ကြီး လုပ်လိုက်ရတာလည်း ခဏခဏပါ ဘုရား"
"ဤကဲ့သို့ အယုံအကြည် နည်းတော်မူခြင်းဟာလည်း စင်စစ်တော့ ချစ်တော် မူလွန်းလှတဲ့အတွက် တစ်စက်ကလေးမှ စိတ်အေးစိတ်ချ နေတော်မမူနိုင်တဲ့ သဘောပါပဲ ၊ ကိုယ်တော်ဖျားကလည်း စုထားဖုရား စိတ်နှလုံးတော်အေးအောင် လေးနက်တဲ့ ကတိတော် ပေးလိုက်ကြောင်း ဖျာ့ကျွန်မ အာဝဇွန်းကောင်း ကောင်းနှင့် လျှောက်တင် လိုက်ပါမယ်
ဘုရား "
" ကိုယ်တော့်အကြောင်းတော့ အထိန်းတော်ကြီး ကောင်းကောင်းသိသားပဲလေ၊ အထူးအထွေ ပြောစရာမလိုတော်ပါဘူးစိတ်မအေးရှာတဲ့ စုစုကလေး ယုံတော်မူ အောင်သာ တင်လိုက်ပါ၊ နို့ပြီးတော့ သီပေါ မောင်မောင်ဟာ စုထားကို အများကြီးချစ်တော် မူပါတယ် ၊ ဘယ်ခါမှ ကတိမသွေဘဲ သစ္စာတော် မြဲပါမယ်၊ မယိမ်းမယိုင် ကျောက်စာတိုင်ကဲ့ သို့ရွှေမေတ္တာမဏ္ဍိုင်ကို ခိုင်ခိုင်ကြီး စိုက်ထူထားပြီး မှန်သော သစ္စာစကားကြီးတစ်ခွန်း ကိုလည်း ဆိုတော်မူလိုက်ပါမယ်"
" မောင်မောင်ဟာ စုစုအပေါ်မှာ နောက်နောက်ကစ ယနေ့အထိ ဘယ်ခါမှ သစ္စာကတိ မယိမ်းမယိုင် မသွေမလဲဘဲ တစ်ဖြောင့်တည်း ထားတော်မူခဲ့ပါတယ်၊ ဤသစ္စာ အဓိဋ္ဌာန်မှန်ကန်ပါက ယခုဖြေဆိုတော်မူရမဲ့ စာတော်ပြန်ပွဲကို အလွယ်တကူနှင့် ဖြေဆိုနိုင် ရုံမက စုစုနှင့်မကြာမတင် ရေစက်သွန်းချ စုလျှားမျှတော်မူ၍ လောကီ စည်းစိမ်ဟူသမျှတို့ ၏ အထွတ်အထိပ်ဘ၀သို့ မကြာခဏ ရောက်ရပါစေသားလို့ သုဓမ္မာဇရပ်ကို ထွက်တော် မူချိန်နီးလျှင် စွယ်တော်စင်က ဆုတောင်းပြည့်ဘုရားရှင်မှာ ဦးတင်ရှိခိုးပြီး အမျိုးမျိုး အဓိဋ္ဌာန်ပြုတော်မူပါမယ်လို့ မှာတော်မူလိုက်ကြောင်းကိုလည်း ထက်လောင်းလို့ လျှောက် တင်လိုက်ပါ အထိန်းတော်ကြီးရယ်"
အမိန့်တော်ရှိကာ စုဖုရား၏အလွှာတော်ကို အတော်ကြာ ထပ်မံရှုစားတော်မူ၍ နေ ပြန်လေ၏။
ထိုနောက်တစ်ဖန် ဆေးလိပ်တော် ကွမ်းယာတော်နှင့် ၀တ်လဲတော်ပုဆိုးများကို အပြန်ပြန် ကိုင်ယူ ရှုစားတော်မူကာ အလွန်တရာ နှစ်သက်မြတ်နိုးတော်မူလှသော အမူအရာနှင့် သိမ်းဆည်းတော် မူလိုက်ပြီး နောက် ယမိုက်ကျမ်း ပုရပိုက်ကြီးကို ကောက်၍ ကိုင်တော်မူ လိုက်မိလျှင် နံနက်သုဓမ္မာ သဘင် ထွက်တော် မူရန်အရေး တွေးတော်မူမိသည် နှင့် "သြော်......ကိုယ်တော် စာကြည့်ဖို့ ကိစ္စတွေလည်း ရှိသေးတယ် အထိန်းတော်ကြီးရဲ့ ၊ စုစုထံတော်သို့ စာလွှာတော် ဆက်ချင်ပေတဲ့ ယခု ရုတ်တရက် ရေးချိုးဖို့အချိန် ရတော်မမူ သေးဘူး ၊ စာပြန်ပွဲ ၀င်တော်မူတဲ့ ကိစ္စအေးမှပဲ ဖြည်းဖြည်း ဆေးဆေး အလွှာတော်ရေး
တော့မယ်၊ ယခုချက်ချင်း အလွှာတော်မရေးကောင်းလားလို့ အချစ်တော်စုစုက စိတ်တော် မမူအောင်လည်း အထိန်းတော်ကြီးက ကြည့်ပြီးလျှောက်တင်လိုက်ပါ"
မိန့်တော်မူသဖြင့်-
"တင်ပါဘုရား၊ စိတ်ချတော်မူပါ၊ ဖျာ့ကျွန်မလည်း ပြန်ပါချေဦးမည်၊ အရှင်ကိုယ် တော်ဖျားသာ စာတော်များ ရှုစားတော်မူပါတော့ဘုရား"
ပြောလျက် အထိန်းတော်ကြီ ခင်ဘွားသစ်လည်း ကျောင်းခန်းအပြင်သို့ ထွက်လာ ခဲ့လေ၏။
ကျောင်းအပြင်တွင်လည်း စာသင်၊ စာအံ ၊ ကျောင်းသားကိုရင်များနှင့် စာတော်ပြန် ပွဲ နီးနေသဖြင့် အသီးသီး ရောက်လာကြသော ဧည့်ပရိသတ်များမှာ အထိန်းတော်ကြီးလာ သည်ကို ဤတစ်ကြိမ်သာ လူစုံလူညီ တွေ့မြင်ရသောကြောင့် အတော်အံ့သြနေမိကြပြီး အသီးသီးလက်တို့မေးမြန်းလျက် ရှိကြ၏။
အချို့ကလည်း တစ်စုံတစ်ရာ မရိပ်မိသဖြင့် မသိသလိုသာ နေလိုက်လျက် အချို့က လည်း အနည်း အကျင်း ရိပ်မိသောကြောင့် အကြောင်းသင့်ရာ အချင်းချင်း တီးတိုးပြောဆို
ကျန်ရစ်ကြလေ၏။
နောက်တစ်နေ့နံနက် မိုးသောက်အလင်းရောက်လျှင်ပင် မန္တလေးတောင်ခြေ၌ သိုက်မြိုက်ခန့်ညားစွာ ဆောင်လုပ်ထားသော သုဓမ္မာ ရွှေဇရပ်တော်နှင့်တကွ အသီသီး သော ဇရပ်ကြီးငယ် ၊ အသွယ်သွယ်သော တန်ဆောင်ပြသာဒ်များသာမက စားမေးစာပြန် ပွဲတော်ကြီးအတွက် အထူးပြုပြင် ဆောက်လုပ်ထားသော ယာယီတဲကျောင်းမဏ္ဍပ်များမှာ ပင် များစွာသော လူပရိသတ် ရဟန်းပရိသတ်တို့ ပြည့်ကျပ်စည်ကား၍ သွားလာကူးသန်း ပျားပန်းခတ် ရှုပ်ပွေနေကြလေ၏။
အသီးသီးသော တန်ဆောင်းပြသာဒ်၊ ဇရပ်၊ တဲကျောင်းများတွင် ထိန်ထိန်ဝါ၀င်း သော သံဃာတော်များ၏ သင်္ကန်းတော်ရောင်ချင်း ယှက်သန်းလျက်ရှိပြီးလျှင် များစွာသော သင်္ကန်းတော်ဝါ၀ါဝင်းတို့အတွင်းမှာ ရဲရဲနီစွာသော ဆွမ်းအုပ်တော်များမှာ အားကျမခံ ဂုဏ် ပြိုင်နေဘိအလား အ၀ါရောင်တွေ ၀င်းနေသလောက် ရဲရဲတောက် နီမြန်းသော ဆွမ်းအုပ် ရောင်များ ပြိုးပြွမ်းလျက် ရှိလေ၏။
နိုင်ငံတော်အနီးအဝေး လေးပြင်၊ လေးရပ်မှ သုဓမ္မာပွဲဝင်ရန် နွှဲဆင်ရောက်လာကြ ကုန်သော ရဟန်းပရိသတ်၊ လူပရိသတ်များနှင့်တကွ စာတော်ပြန်ပွဲအတွက် အကူအညီ အဆောင်အရွက် ဖြစ်သူများ အပြင်စာပွဲသဘင်ကို ရှုမြင်ကြားနာရန် ရောက်လာကြသော ရဟန်းပရိသတ်၊ လူပရိသတ်တို့မှာ ခြိမ့်ခြိမ့် မွမ်းမွမ်း စည်ကားများပြားစွာ ရှိရကား သုဓမ္မာ ဇရပ်တော် တစ်လျှောက်၌ တိုး၍မပေါက် နိုင်အောင် လူထု လူအုပ်ကြီးများ ခြံရံနေတောလေ၏။
ဘ၀ရှင်မင်းတရားကြီးဘုရား၏ ကုသိုလ်တော်ကို အရင်းခံထား၍ သုဓမ္မာ စာပြန်ပွဲ တော်ကြီးအတွက် အဝေးအနီး ရောက်လာသမျှသောလူပရိသတ်၊ ရဟန်းပရိသတ်များအား
နေရာထိုင်ခင်းနှင့်ဆွမ်း၊ကွမ်း၊ဆေး၊လက်ဖက်မှစ၍ ကပ်လှူပြုစု စတုဒီသာလာလာသမျှ မချို့ငဲ့ရအောင် အထူကြီးကြပ် ဆောင်ရွက်နေသူများအပြင် မိဖုရားများနှင့် သားတော်၊သမီး တော်၊ ဆွေတော်၊ မျိုးတော် တို့ကလည်း အသီးသီး တတ်စွမ်းသမျှ ကွမ်း၊ ဆေး၊ လက်ဖက် အချို၊ အချဉ်၊ ဆွမ်းဘောဇဉ်များကုို ပါဝင် လှူဒါန်းကြပြီးလျှင် မှူးတော်၊မတ်တော်၊ ၀န်စု၊ မှူးစု ၊ မြို့စား၊ ရွာစား၊ အပျိုတော်ကြီးများနှင့် သူဋ္ဌေး၊ သူကြွယ်တို့ကလည်း အသီးသီး သဒ္ဓါတရားအလျှောက် ၀င်ရောက်လှူဒါန်းကြသည်တွင် ထမင်းရည် ချောင်းစီးနှင့် ကြီးစွာ သော စတုဒီသာရုံကြီးများမှာ အရပ်လေးမျက်နှာမှ လာလာသမျှ လူပရိသတ်၊ ရဟန်း ပရိသတ်၊ အယုတ်အလတ် အမြတ်မရွေး တိရ စ္ဆာန်၊ ခွေး၊ နွား၊ ကြက်၊ ၀က် မကျန် စား၍ မကုန် ယူ၍မခန်း ဖြစ်လေ သတည်း။
ဤမျှ ကြီးကျယ်စည်ကား သိုက်မြိုက်ခမ်းနားလှသော နှစ်စဉ်ထာဝရ ပြုမြဲသုဓမ္မာ စာပြန်ပွဲသဘင်ကြီး ကျင်းပရာအချိန်အခါတွင် နိုင်ငံတော်အလုံးရှိ ရဟန်း၊ ရှင်လူ အများတို့ မှာလည်း အထူးသဖြင့် ၀မ်းမြောက် ရွှင်လန်းကြမြဲ ဖြစ်သည့်အားလျော်စွာ ထိုနှစ်အဖို့မှာ သုဓမ္မာဇရပ်ဝန်းကျင်၌ ပရိသတ်များအခါတိုင်းထက် အထူး ပိုမို မြောက်မြားစွာ ရောက်ရှိနေ ကြလေ၏။
ဘုန်းတော်ကြီးလှသော ဘ၀ရှင်မင်းတုန်းဘုရင် မင်းတရားကြီး ဘုရားလည်း သား တော် သီပေါမင်းသားအား နှစ်စဉ် သူကောင်းပြု၍ ချီးမြှောက်တော်မူမြဲ အစီအစဉ်အတိုင်း သားတော်ကို လူဝတ်လဲလှယ်တော်မူစေပြီးလျှင် ကျောင်းတော်မှသည် သုဓမ္မာဇရပ်အ ရောက် တပ်ဝင်း အခင်းအကျင်း အဆောင် အယောင်၊ အတွဲအမများနှင့် ထွက်တော်မူစေ လေ၏။
သားတော်သီပေါမင်းသားလည်းခမည်းတော်ဘုရား မြှောက်စားသူကောင်းပြုတော် မူသော အဆောင်အရောင် ၊အခမ်းအနား၊အတွဲအမများနှင့် နှမတော် ထိပ်စုဖုရားလတ် ဆက်သသော နွယ်သာကီ လွန်းပုဆိုးကို ၀တ်ဆင်တော်မူကာ သုဓမ္မာဇရပ် စာပွဲတော် အခမ်းအနားသို့ ထွက်တော်မူလာပြီး တိပိဋကဓရ တိပိဋကဆေက ဗျတ္တိဗလ သတ္တိဗလ နှင့် ပြည့်ဝကုံလုံတော်မူသော လဇ္ဇိပေသလသိက္ခာကာမ ဖြစ်တော်မူကြကုန်သော တံဆိပ် တော်ရ ဆရာတော်ကြီးများ ရှေ့တော်တွင် ပထမငယ်၊ ပထမလတ် ဖြစ်သော ရှေးနှစ်ကြိမ် က ပြန်ဆိုတော်မူခဲ့သည်ထက်မက ပထမကြီးပြန်ဆိုတော်မူရရာ သဒ္ဒါကြီးရှစ်ဆောင် ပါဋ္ဌ် အနက်၊ ရုပ်ဆန်းပါဋ္ဌ်အနက် အရကောက် ဓာတုကထာပါဋ္ဌ် အနက်၊ အရကောက် ယမိုက် ဆယ်ကျမ်းပါဋ္ဌ်အနက် အရကောက်များပဋ္ဌာန်း ကုသလဟိတ်နှင့် ဖြေဆိုရန် ရှိသမျှ ပြီးဆုံး အောင် နေ့စဉ် ရက်ပိုင်း၍ စာတော်ပွဲကြီး မပြီးမီအတွင်း အထူကြိုးစား ပြန်ဆိုတော်မူလျက် ရှိလေ၏။
သီပေါမင်းသားကလေး၏ ပညာရဲရင့်တော်မူခြင်းများကို တွေ့မြင်ကြားသိရသည့် အရပ်လေးမျက်နှာမှ ရောက်လာကြကုန်သော ရဟန်းပရိသတ်၊ လူပရိသတ်နှင့်တကွ ခမည်းတော် မင်းတရားကြီးဘုရာ၊ မိဖုရားသာတော်၊ သမီးတော်၊ ဆွေတော်မျိုးတော် အများမှာ ချီးမွမ်းထောပနာ သြဘာပေး၍ မဆုံးနိုင် ရှိကြလေ၏။
မယ်တော်ဖြစ်သော လောင်းရှည်မိဖုရားကြီးမှာလည်း ပညာဥာဏ် ရင့်သန်ထက် မြတ်တော်မူလှသော သားတော် သီပေါမင်းသားအတွက် အာတက်ဝမ်းမြောက်တော်မူခြင်း ရောင့်ရဲတင်းတိမ်နိုင်ခြင်းမရှိ၊ ပီတိ သောမနဿ အကြည်တော် စိတ်နှလုံးကြောင့် တပြုံးပြုံး ဖြစ်တော် မူလျက်ရှိလေ၏။
ဘုန်းတော်ကြီးလှသော ရွှေနန်းရှင်မင်းတရားကြီးဘုရားသည် ရတနာသုံးပါးကို အထူးသက်ဝင် ကြည်ညို၍ သာသနာတော်ကြီးကို အထူးပြုစုတော်မူသော ဧကရာဇ် မင်းကောင်းမင်းမြတ်ကြီးတစ်ပါး ဖြစ်တော်မ သည့်အားလျော်စွာ သုဓမ္မာဇရပ်တော်သို့ နေ့စဉ် ထွက်တော်မူကာ ကုသိုလ်တော်များ ပွားများ ကြည်ညိုတော်မူပြီးလျှင် စာတော် ပွဲသို့ ရောက်လာသမျှ အယုတ်အလတ် အမြတ်မရွေး လှူဒါန်းကျွေးမွေမး ပေးကမ်းစွန့်ကြဲ တော်မူသော နေ့စဉ် ကုသိုလ်တော်များကိုလည်းကောင်း၊ မိဖုရား၊ သားတော်၊ သမီးတော် တို့၏ ဆွမ်း၊ သင်္ကန်း၊ ကွမ်း၊ ဆေး၊ အချို၊ အချဉ်၊ အလှူဝတ္တူများကိုလည်း မိဖုရား သားတော် သမီးတော်များ အတွက် ကိုယ်တိုင်တော်ပင် နေ့စဉ်နှင့်အမျှ ရေစက်သွန်းချ အမျှပေးဝေတော်မူလျက် ရှိလေ၏။
အလယ်နန်းမတော်ဖုရားလည်း သားတော်နှင့်အတူ သင်္ကန်းတော် အလှူဆွမ်းအုပ် တော် အလှူများအတွက် သုဓမ္မာဇရပ်တော်သို့ ထွက်တော်မူပြီး အရှင်မင်းတရားကြီး ဘုရားနှင့်အတူ အလှူတော်များအတွက် ရေစက်သွန်းချ အမျှဝေတော်မူလျက် ရှိလေရာ မယ်တော်အလယ် နန်းမတော် ဖုရား၏ နောက်ပါးမှ ဖ၀ါးမကွာ အတူပါသော သမီးများမှာ လည်း ဆိုင်ရာဆိုင်ရာ အထိန်းတော်၊ အပျိုတော်များ နှင့်ခမည်းတော် မယ်တော်တို့ အပါးတွင် ခစားလျက်ရှိတော်မူကြလေ၏။
အလယ်နန်းမတော်ဖုရား၏ သမီးတော်သုံးပါးအနက်မှ မြတောင်မြို့စား ထိပ်စုဖုရား လတ်မှာကား ခမည်းတော် မယ်တော်အပါးတွင် ခစားလျက်ရှိသော်လည်း မိမိ၏ အထိန်းတော်ကြီးကို အပါးတော်သို့ မကြာခဏ ခေါ်တော်မူကား သီပေါမင်းသား စံတော်မူ ရာကို တီးတိုးမေးမြန်းတော် မူလျက်ရှိလေ၏။
အထိန်းတော်ကြီးကလည်း တီးတိုးလေသံဖြင့်ပင်
"သီပေါ ကိုယ်တော်ဖျား၊ သုဓမ္မာရွှေဇရပ်မတော်ကြီးအတွင်းမှာ စာတော်များ ဖြေဆိုလျက်ရှိပါတယ် စုထား ဖုရားရဲ့"
လျှောက်တင်ထားလိုက်သည်တွင် -
"ဟင်...ဒါတော့ စုစုလည်း သိတော်မူသားပေါ့ သစ်သစ်ရဲ့၊ သို့ပေတဲ့ စုစု ဆက်တော်မူလိုက်တဲ့ ၀တ်လဲတော်ကို မောင်မောင်သီပေါကိုယ်တော် ဆင်တော် မူလာတယ် မလာဘူးဆိုတာရယ် စုစု ဆက်တော် မူလိုက်တဲ့ ဆေးလိပ်တော်နှင့် စားတော်ကွမ်းယာများပါ ဆောင်ယူတော်မူမလာဘူး လာတယ် ဆိုတာကို သိတော်မူလို၍ မေးတော်မူတာပါ''
မိန့်တော်မူမှ-
"ဒါဖြင့် ဖျာ့ကျွန်မ သွား၍ကြည့်လိုက်ပါဦးမည်ဘုရား"
တင်လျှောက်ကာ အထိန်းတော်ကြီး ခင်ဘွားသစ်လည်း လူသူအလစ်တွင် အမှတ်မဲ့ စံနန်းတော် ဇရပ်အတွင်းမှထွက်ကာ သုဓမ္မာရွှေဇရပ်ကြီးသို့ ခပ်သုတ်သုတ် လျှောက်လာ လေ၏။
သုဓမ္မာ ရွှေဇရပ်တော်ကြီး အပြင်တွင် စာပွဲသဘင် နားဆင်လျက်ရှိကြသော ရဟန်း ပရိသတ်၊ လူပရိသတ်များမှာ တိုးမပေါက်နိုင်လောက်အောင် ပြည့်ကျပ်စည်ကားလျက် ရှိသောကြောင့် အထိန်း တော်ကြီး ခင်ဘွားသစ်လည်း အနီးသို့ရောက်အောင် သွားရန်ပင် အတန့်သား ခဲယဉ်းလျက် ရှိလေ၏။
မြို့စားကြီး၊ ရွာစားကြီး ကတ္တီပါဖိနပ်စီး၍ ရွှေလှည်းစီးပြီး ရွှေထီးဆောင်းရသော အထိန်းတော် ရင့်မကြီးမှာ များစွာသော လူပရိသတ် စည်ကားနေရာဌာနသို့ သာမည အရပ်သူ မိန်းမတစ်ဦးအေနေဖြင့် ယောင်ပေ ယောင်ပေ ဖြစ်နေရှာလေ၏။
နောက်လိုက် နောက်ပါ တစ်ဦးမျှမပါပဲ ယောင်ချာချာဖြစ်နေစဉ် သုဓမ္မာဇရပ်အနီး အပါး၌ လူးလာခေါက်ပြန် သွားလာဝင်ထွက်၍ အလုပ်ရှုပ်လျက်ရှိနေသော နန်းတော် အမှုထမ်းသား များကို လည်းကောင်း၊ မင်းညီမင်းသား၊ မှူးတော်၊ မတ်တော် အရာရှိ အရာခံများ၏ အဆောင်ကိုင်သား၊ အဆောင်ကိုင်ခေါင်း၊ ထီးတော်မိုး၊ ဝေါတော်ထမ်း၊ လက်ျာတောင်၊ စာမျှော်စာချီ၊ ဒိုင်းတော်သား အများမှာ လည်းကောင်း၊ မိမိတို့ အရှင်များ ဇရပ်အတွင်း ထိုင်နေစဉ် ခေါင်းပေါင်းစတလူလူနှင့် ပလူပျံသလို ဆိုင်ရာဆိုင်ရာ သွားလာလျက် ကူးသန်းရှုပ်ယှတ်၍ နေကြငြားသော်လည်း အထိန်းတော်ကြီးမှာ အသိများနှင့် တွေ့မြင်သွားရမည်ကိုမျှပင် သတိမရနိုင်သေးဘဲ သုဓမ္မာရွှေဇရပ်ထဲက သီပေါကိုယ်တော်ကိုသာ ရှုမျှော်ရန် အာရုံသန်၍ နေလေ၏။
''အလို...အထိန်းတော် သခင်ကြီးပါကလား၊ အပါးအစေလည်း မပါဘဲ ဘာအကြောင်းများကြောင့် ဒီအနားကို ရောက်လာပါသတုံး သခင်ကြီးဘုရား"
မေးသံကြား၍ နောက်ပါးသို့ လှည့်ကြည့်လိုက်သည်တွင်မှ ပွဲတော်ဆိုင်ရာက မိန်းမစိုးမှူးကြီး ဖြစ်နေကြောင်း သိရပြီး
"သြော်...မိန်းမစိုးကြီးလား၊ ဟုတ်တယ် ကျုပ်လည်း၊ သြော်...ဟုတ်ပ၊ ကောင်မ ကလေးတွေ ဘယ်များရောက်ကုန်ကြပါလိမ့်၊ အဲ...အဲ စာတော်ပြန်ပွဲကို ကြည့်ချင်တာနှင့် ထွက်လာခဲ့တယ်၊ ပရိသတ် ကများတေ့ာ အနားလည်း မကပ်နိုင်တာနဲ့ ဒီအနားက စောင့်နားထောင်မယ် စိတ်ကူးတာ၊ ဘာသံမှလည်း မကြားရပါဘူး၊ ကျုပ်ကလည်း အသံကြားရုံတင်မက စာတော်ပြန်ကြတဲ့ ကိုယ်တော်များကိုပါ ဖူးမြင်ပါဆိုမှ နေရာမကျ နိုင်အောင် ဖြစ်နေတယ် မိန်းမစိုးကြီးရဲ့"
စကားဖာပြီး လိုရာသို့ရောက်အောင် ပြောလိုက်လျှင် -
''အို...ဒါဖြင့် သခင်ကြီး စိုးရိမ်တော်မူပါနှင့်၊ ကျွန်တော်မျိုးတို့အိမ်က အစ်မ များလည်း စာတော်ပွဲ ကြည့်ရအောင် စောစောက နေရာယူပြီး ဇရပ်အနီးမှာ ရှိကြပါတယ် သခင်ကြီး ကြည့်တော်မူမယ်ဆိုရင် ကျွန်တော်မျိုး လိုက်ပို့ပါမည်"
ပြောသဖြင့် အထိန်းတော်ကြီးလည်း ရေငတ်တုန်း ရေတွင်းထဲကျသလို -
"အို...ဒါဖြင့် နေရာကျသားပဲ မိန်းမစိုးကြီးရဲ့"
"ကြုံတဲ့အခါ သေသေချာချာ ၀င်ကြည့်လိုက်ရတာပေါ့"
"ကဲ...ဒါဖြင့် ရှေ့က ကြွတော်မူပါတော့၊ သြော် အပါးစေတွေ စောင့်ဦးမှထင်ပါ"
"ဟာ...ကိစ္စမရှိပါဘူး၊ ကောင်မလေးတွေ ကျုပ်နဲ့မတွေ့ပေတဲ့ အလယ်နန်းမတော် ဖုရား တဲတော်ကို လိုက်လာကြမှာပါပဲ၊ ကဲ...ကဲ...မိန်းမစိုးကြီးလာပါ၊ ဒီလမ်းကသွားရ မလား"
ဆိုလျက် ဇရပ်ဆီသို့ ထွက်လာလေ၏။
မိန်းမစိုးကြီးသည် အထိန်းတော်ကြီး ခင်ဘွားသစ်အား မိမိအစ်မများရှိရာဇရပ် အတွင်း မြင်သာလောက်သာသည့် နေရာသို့ တရိုတသေ ပို့ထားခဲ့ပြီးလျှင် မိမိအလုပ်ခွင် ဆိုင်ရာသို့ ပြန်သွား လေရာ မိန်းမစိုးကြီး၏အစ်မ၊ နှမများလည်း နန်းတော်သူ အထိန်းတော် သခင်ကြီးအား ရိုသေစွာ နေရာ ထိုင်ခင်း များပေးပြီးလျှင် ရှေ့ဆုံးက တင်ထားလေ၏။
ဤတွင်မှ အထိန်းတော်ကြီး ခင်ဘွားသစ်လည်း စာမေး၊ စာပြန် အခမ်းအနား ရှိရာ ဇရပ်အတွင်းသို့ ကြည့်လိုက်ကာ သီပေါမင်းသားကလေး စံတော်မူရာကို မျက်လုံးက ရှာဖွေနေလေ၏။
များစွာသော ရဟန်းပရိသတ်နှင့် လူပရိသတ်တို့အတွင်းမှ ထင်လင်းခန့်ညားလျက် ကျက်သရေထွန်းပ ဣနြေတော်ရလှသော သီပေါမင်းသားအား ခင်ဘွားသစ် မျက်လုံးများ နှင့် မကြာမီ သွား၍ တိုက်ဆိုင် မိလေ၏။
တည်ကြည်ခန့်ညားသော ကာယဣနြေ္ဒနှင့် စာတော်များကို ပြတ်ပြတ်သားသား ဖြေဆိုတော် မူနေသေးသော သီပေါမင်းသားကလေးမှာ ထိပ်စုဖုရားလတ် အမိန့်တော်ဖြင့် မိမိကိုယ်တိုင် သွား၍ ဆက်ရသော နွယ်သာကီ လွန်းများပုဆိုးကို အမြတ်တနိုး ဆင်တော် မူထားသည်ကို တွေ့ရပြီးလျှင် ကိုယ်တော်ကလေး၏ အပါးတော်မှာလည်း လစက်ရောင် ဖဲပ၀ါနှင့် ဆေးလိပ်တော်ထုပ်အပြင် ပတ္တမြား ရွှေကြုတ်၊ မြကွမ်းအုပ်မှ လက်လုပ်ကြည်ဖြူ စုဖုရားကိုယ်တော်တိုင် ယာတော်မူသည့် စားတော် ကွမ်းယာ များကိုပါ တွေ့မြင်ရသောအခါ အလွန်တရာ ကျေနပ်ဝမ်းမြောက်မိရှာလေ၏။
မိမိလာရင်းကိစ္စမှာ ၀တ်လဲတော်ပုဆိုးနှင့် ဆေးလိပ်တော်၊ စားတော်ကွမ်းယာများ၊ သီပေါမင်းသား မြတ်နိုးစွာ ဆောင်ယူတော်မူ၍ လာသည်၊ မလာသည် သိရန်သိမျှသာဖြစ် သဖြင့် ဤနေရာတွင် ကြာရှည် နေခွင့်မရဘဲ
"ကဲ...မိန်းမစိုးကြီး အစ်မများ၊ ကျုပ် သွားလိုက်ဦးမယ်"
နှုတ်ခွန်းဆက်လျက် ရုတ်တရက် လှည့်ပြန်လာခဲ့ပြီး တဲတော်ထဲ့သို့ဝင်ကာ စုဖုရားနှင့် မလှမ်းမကမ်း နေရာတွင် ခစားနေလေ၏။
ထိပ်စုဖုရားလတ်လည်း အထိန်းတော်ကြီး ပျောက်သွားရာမှ ပြန်ပေါ်လာသောအခါ နေရာရှာ၍ အပါးတော်သို့ ခေါ်တော်မူလိုက်သဖြင့် ခင်ဘွားသစ်လည်း စုဖုရားအနီးသို့ တိုးခစားပြီးလျှင် တီးတိုးအသံဖြင့်
"မြင်ခဲ့ရပါပြီဘုရား၊ ကိုယ်တော်ဖျားမှာ တည်တံ့ခန့်ညားလှသော ဣနြေ္ဒတော်နှင့် စာတော်များ ဖြေဆိုတော်မူပါသည် စုထားဘုရား ဆက်တော်မူတဲ့ နွယ်သာကီလွန်းများ ပုဆိုးကိုလည်း မြတ်နိုးစွာ ဆင်တော်မူလာပါသည်။ ဆေးလိပ်တော်နှင့် စားတော်ကွမ်းယာ များလည်း အပါးတော်မှာ လစက်ရောင် ဖဲပ၀ါထုပ်နှင့်တကွ သတိတရ ဆောင်တော်မူထား သည်ကို တွေ့မြင်ခဲ့ရကြောင်းပါဘုရား"
လျှောက်ထားလိုက်လျှင် ထိပ်စုမြတ်ဖုရားလည်း အားရ၀မ်းသာနှင့် ပြုံးရွှင်နှစ်သိမ့် တော်မူလာပြီး
စု။ ။ "ဒါဖြင့် မောင်တော်ရဲ့ ကတိသစ္စာတော် စွဲမြဲပါပေတယ်ဆိုတာကို ယုံကြည်တော် မူထိုက်ပြီဆိုပါတော့ သစ်သစ်ရဲ့"
သစ်။ ။ "မှန်ပါ၊ သီပေါကိုယ်တော်ဖျားလေးဟာ အရှင်ထိပ်စုမြတ်ဖျားအပေါ်တွင် ချစ်သဒ္ဓါ နှင့် သစ္စာတော် မြဲမြံကြောင်း ကောင်းကောင်းကြီး စိတ်ချယုံကြည်တော်မူထိုက်ပါပြီဖြစ် ကြောင်းပါဘုရား"
စု။ ။ "ဒါနဲ့နေစမ်းပါဦး သစ်သစ်ရဲ့၊ သစ်သစ်ဒီကသွားတော့ သီပေါမောင်တော်ဖျား၊ သုဓမ္မာ ရွှေဇရပ်တော်အတွင်းမှာ စာတော်ပြန်ဆိုနေတော်မူဆဲပေါ့နော်၊ သစ်သစ်ကိုကော မြင်တော်မမူဘူးလား"
သစ်။ ။ "မြင်တော်မမူရှာဘူးဘုရား၊ သစ်သစ်ကလည်း ပရိသတ်ကြားထဲကနေပြီး ကြည့် ရတော့ ရုတ်တရတ် ဘယ်မှာမြင်တော်မူပါ့မလဲ၊ ပြီးတော့ သီပေါကိုယ်တော်ဖျားဟာ စာတော်ပြန်တဲ့ ကစ္စတွင် အာရုံ ၀င်စားတော်မူနေတဲ့အတွက် စက္ခု ဣနြေ္ဒ တော်ချပြီး ထေရ် ကြီး၊ ၀ါကြီးပမာ မျက်နှာတော် ဣနြေ္ဒက ငြိမ်သက် တည်ကြည်တော်မူနေလို့ သစ်သစ်တို့ လို ဇရပ်ပြင်ဘက်က ပရိသတ်များမဆိုထားနှင့် ရွှေဇရပ်တော် အတွင်းက ၀ါဝင်းနေတဲ့ သံဃာပရိသတ် များကိုပင် စေ့ငှအောင် ရှုစားတော်မူတာ မမြင်ခဲ့ ပါဘုရား"
စု။ ။ "သြော်.......ဒီလောက်တောင် တည်ကြည်တော်မူနေသလား၊ အင်း....နဂိုသ ဘောကလည်းကောင်း၊ ပျော့ပြောင်းနူးညံ့တော်မူတဲ့တော်မူတဲ့ စိတ်ဓာတ်ကလည်းအခံရှိ တော့ မင်းသားပင်ဖြစ်ပေမဲ့ တယ်ပြီး ရိုးတော်မူလှရှာတယ် ထင်ပါရဲ့၊ သစ်သစ်ကိုယ်တော ဖျားဟာ ဒါလောက် ရိုးတော်မူရက်နဲ့များ စုထားကို ရွှေမေတ္တာ သွယ်တန်း၍ အချစ်လမ်း ဖောက်တော်မူလိုက်တာများ စေ့စေ့စဉ်းစားတော့ အတော်ပဲ အံ့အား သင့်သွားလောက်စရာ ကောင်းတယ် သစ်သစ်ရဲ့၊ စုထားဖုရားကလည်း ဒီလောက်ရိုးတော်မူတဲ့ သီပေါ မောင်တော် က်ိုမှ မေတ္တာတော်ပိုမိခြင်းဟာ အတော်ဆန်းကြယ်တာပဲ၊ အင်း........ရှေးရေစက်ကံအ ကြောင်းနှင့် ဖြစ်တောင့်ဖြစ်ခဲနဲ့ပဲ ဆက်သွယ်မိအောင် ကြံဖန်ပြီး ဆက်သွယ်တော်မူမိတာ ပေါ့နော်"
သစ်။ ။ "မှန်လှပါဘုရား၊ အင်မတန် ရိုးသားတော်မူရှာတဲ့ သီပေါကိုယ်တော်ကလေးဟာ စုစုထိပ်ထားကို စွန့်စွန့်စားစား ရွှေပြားအက္ခရာ မေတ္တာလွှာပါး မိလာအောင်ဟာ ဘ၀က ကံ၏အကြောင်းတို့ကြောင့် 'မင်းလောင်းမှန်လျှင် ရထားဆိုက်'ဆိုသလို ဆိုက်ဆိုက်မြိုက် မြိုက်ကြီး ကြံရွယ်တော်မူလိုက်ရတာပါပဲ၊ လောကကြီးမှာ ရှေးကံဟောင်းပါရမီ အထောက် အခံမပါဘဲ ဘာတစ်ခုမှ မဖြစ်မြောက်နိုင်ဘူးဘုရား"
စု။ ။"အမယ်လေး......တိုးတိုးပြောပါ ၊ ဟိုမှာ မယ်မယ်ဖျား ရှုစားတော်မူနေတယ်၊ သစ်သစ်အသံက တဖြည်းဖြည်းကျယ်ကျယ်လာပြီ၊ တော်တော်ကြာမဖုရား အပျိုတော်တွေ
ကြားသွားလို့ စကားပျံ့ကုန်မှ လှနေဦးမယ်"
မိန့်တော်မူလိုက်သောကြောင့် ခင်ဘွားသစ်လည်း-
"တင်ပါ့ဘုရား"
နောက်ထပ်စကားမဆက်ဘဲ ငြိမ်သက်သွားလေ၏။
ထိပ်စုဖုရားလည်း အစ်မတော် မိုင်းနောင်ထိပ်စုဖုရားကြီးနှင့်အတူ မယ်တော် အလယ်နန်းမတော် ဖုရားအပါးတွင် တည်ငြိမ်စံတော်မူနေရာမှ စံတဲနန်းတော်ဦးတွင် မင်းညီ၊ မင်းသား မှူးတော်မတ်တော် အပေါင်းခြံရံ၍ စံတော်မူလျက်ရှိသော ဘ၀ရှင်မင်းတရားကြီး ၏ ယနေ့အဖို့ အလှူတော် များကို ရေစက်သွန်းချတော်မူရန် အချိန်တန်သဖြင့် အနောက် ပိုင်းရှိ မင်းမိဖုရား၊ သမီးတော် များလည်း အရှေ့စံဆောင်တော်ရှိ မင်းတရားကြီး၏ နောက် တော်ပါးသို့ ပြောင်းရွှေ့ခစားကြရမည်ဖြစ်ရာ အလယ် နန်းမတော်ဖုရားကို အမှူးပြုလျက် အခြားသောဆောင်ရနန်းရ မိဖုရားများပါ မင်းတရားကြီးဘုရား နောက်တော်သို့ ရောက်ရှိ လာကြပြီး သမီးတော်အသီးသီးတို့မှာလည်း ကြီးစဉ်ငယ်လိုက်ပင် နေရာ ပြောင်းရွှေ့လာကြ လျက် ခမည်းတော်မင်းတရားကြီးနှင့် မယ်တော်များအနီးတွင် အသီးသီးသော အထိန်း တော်၊ အပျိုတော်များ၊ ခြံရံကာ ခစားမိကြလေ၏။
ယင်းသို့ မင်းမိဖုရား၊ သားတော်၊ သမီးတော်၊ ဆွေတော်မျိုးတော်နှင့်တကွ မှူးတော် မတ်တော်၊ ၀န်စု၊ မှူး စုအပေါင်း အရောက်စုံညီလျှင် မင်းတရားကြီးဘုရား အမှူးပြုလျက် ထိုနေ့အတွက် အသီးသီးသော အလှူတော်များကို ရေစက်သွန်းချ အမျှပေးဝေတော်မူရန် ရေစက်ချတရားဟောရန် သံဃာတော် များလည်း ရှေးဦးစွာ ငါးပါးသော ပဉ္စသီလတော် မြတ်ကုိုပေး၍ ဒါနအကျိုးများ တရားဟောပြီး အဆုံးတွင် ရေစက်ချလျက် အမျှဝေတော်မူ လေရာများစွာသော ပရိသတ်တို့လည်း ကောင်းမှု့တော် များအတွက် နှစ်သက်ဝမ်းမြောက်စွာ သာဓုအနု မောဒနာ ပြုကြလေ၏။
ထို့နောက် ဘ၀ရှင်မင်းတရားကြီးလည်း ရေစက်သွန်းချ ပြီးစီးတော်မူသဖြင့် စံတဲနန်းတော်ထဲမှ စာပွဲကျင်းပတော်မူဆဲဖြစ်သည့် သုဓမ္မာရွှေဇရပ်တော်သို့ ထွက်တော်မူ လေရာ စံတဲတော်တွင် ကျန်ရစ် သော မင်းမိဖုရားနှင့် သမီးတော်များလည်း အသီးအသီး အလျဉ်းသင့်ရာ ပြောဆိုလျက် စာတော်ပြန် ပွဲ သဘင် ကို ရှုစားတော်မူနေကြရင်း အချိန်ကုန်မှာပင် ရွှေနန်းတော်ကြီးသို့ အသီးသီးဝင်ကြလေ၏။
အခန်း (၁၅) ဆက်ရန်
.
No comments:
Post a Comment